S’il vous plait u
je cherche une recette de pain tendre ou bien brioche san gluten avec de la farine de riz ou bien farine de mais
merci en avavnce
السلام عليكم اختي
والله راكي فبالي صورتلك الدقيق اللي قتلك والوصفة اللي فيه
وكشما عندك وصفات سورتو قاطو مجربتهم اعطيني سلفي يموت عالقاطو
[IMG]
[/IMG]
[IMG]
[/IMG]
[IMG]
[/IMG]
السلام عليكم ورحمة الله وبركاته. اختي انا مالفة ندير هذا الخبز بدون غلوتين تفضلي.4بيضات 2مغارف سكر كاس زيت خلطي مليح بالباتور ولا بيدك.اظيفي 2كيسان حليب دافئ كاس ماء دافئ فيه 3مغارف ككبار خميرة تكوني وجدتيه مع الاول باش تذوب الخميرة وتبداي تزيدي الفرينة بالمغرفة نتاع الحطب تخلطي مع 2مغارف صغار نتاع الملح شوية سانوج و جلجلانية وكملي الفرينة حتى تتحصلي على عجينة رخوة مش يابسة بزاف غطيه يطلع.بعدها خرجيلو الهواء بيدك وخليه يزيد يطلع.بعدها وجدي السنيوات حبيتي ديريه بولات اي كرابع او قرسيه ادهنيه بصفار بيض مع شوية حليب مع شوية قهوة باش تنحي ريحت البيض و ذرذري السانوج و الجلجلانية من فوق .طبعا استعملي الفرينة بدون غلوتين. انشاء الله نكون افدتك.
ام اريام معليش نديرو لحليب ؟
سمعت بلي ميشربوهش مش متأكدة
أختي الحليب لا يحتوي على الغلوتين,هذا المرض يسمى مرض السيرياك,و هو حساسية لمادة الغلوتين الموجودة في القمح;يعني كل حاجة فيها هذا المادة تشكل حساسية,والآن الحمد لله كاين الفرينة الكسكس البركوكس بدون غلوتين.نزيد نقولك لازم إلا شريتي شكلاطة أو أي حلوى إقرئي المكونات يعني كاينة شكلاطة بدون غلوتين كيما كاينة شكلاطة عادية ما تلقايش فيها هاذ المادة .خلاصة القول كل حاجة مصنوعة بالفرينة أو الدقيق يحتوي على القمح يعني فيه مادة الغلوتين إلا الفرينةأو الدقيق المكتوب عليه إشارة بدون غلوتين.إنشاء الله نكون أفدتك.
شكرا ختي
انا سلفي هو اللي مريض و مرة سمعت عجوزي تقول ميشربش لحليب
مش عارفة لكان متعلقة بمرضو بصح انا فاول زواجي شفتو يشربو …..
و لكان عندك وصفات خفبفة و مجربة اعطيني ختي
تكوني جربتيهم
salm t3ich akhawatte li 3aedha les roucettes sns gluten tehtehom surt elkhobez rani mehtajitehom
habit nssalik om riyam t3chi goulli lkhmira deri khmira el3diya walla hadik interdis lazem khmira spiceal
السلام عليكم ورحمة الله وبركاته :أخواتي أنا كي جيت للبلاد استعملت الفرينة بدون غلوتين لخاطر عندي واحد في عائلتي مريض:و جا هايل أما في ما يخص الحليب ما عندو حتى أثر على هذ الحساسية لهي حساسية مادة الغلوتين الموجودة في القمح.أما الخميرة قريت عليها ما لقيتش فيها هذ المادة لهي الغلوتين;بصح باش نكونوا متأكدين كاينة خميرة بدون غلوتين نستعملها أحسن.أما فيما يخص الحلوى كاينةة فرينة خاصة بالحلويات أما الخميرة أنا إستعملت خميرة حلويات عادية لي نستعملوها في الحلوى ودرك نحطلكم حلوى اللمبوط أو ما يسمى المحقن كيما تقدرو تعملوا مقروط اللوز و المخبز ما فيهمش الفرينة.
حلوى المحقن:7بيضات+كاس و نصف سكر +كاس ونصف زيت نخلطو مليح بالباتور و نضيفو لفاني مغرفة صغيرة;نبداو باضافة الفرينة و 2 باكيات خميرة الحلوى;نحيو الباتور ونكملو بيدنا و نزيدو الفرينة حتى نتحصلو على عجينة ما تكونش يابسة بزاف لي حب يضيف مع الاول 2 مغارف حليب بودرة.نحمرو شوية جلجلانية و ضيفها للعجينة.بعدها نستعمل المحقن و نعملهم أصابع أو ندورهم و نطيبوه عادي كي يحمار نحيوه.لا معندكش المحقن استعملي الطابع.إنشاء الله نكون أفدتكم.
ربي يجازيكم كل خير ياريت لي عندها وصفات تحطهم وأجركم على الله
العفو……..نبعثلك شوية…………
