بسم الله بديت وعلى النبي صليت
و ليكم يا حباباتي الغاليات جيت
من خيامتنا ليكم يا الزينين
هدا الطعام العاصمي البنين
من البهجة الغالية عليكم نويتو
لناس بلادي العزاز وين ماكنتو
و بصحتكم و مارسي ………
نبداو بالمسفوف بالجلبانة و الفول
نغسلو الفول مليح الحبات لي كبار نفصصوهم
![الجيريا](https://im35.gulfup.com/o0Llx.jpg)
ولي ملاح نقطعوهم رقاق بعد ما نحيولهم الخيوط
![الجيريا](https://im35.gulfup.com/UN1zs.jpg)
و أحسن طريقة للتقطيع بموس الخبز
![الجيريا](https://im35.gulfup.com/B8shi.jpg)
![الجيريا](https://im35.gulfup.com/USLrB.jpg)
و نحطوهم يغلو في ماء مملح باش تتنحى الكحولية ديال الفول
![الجيريا](https://im35.gulfup.com/6bfjf.jpg)
كي يغلى نغسلوه بماء العين و نصفوه
و نحطو الجلبانة تتفور في الكسكاس
![الجيريا](https://im35.gulfup.com/TLXue.jpg)
كي يدخللها شوية طياب نزيدولها الفول و نخليهم يفورو حتى يطيبو مليح
![الجيريا](https://im31.gulfup.com/KjZz5.jpg)
كي يطيبو نملحوهم و نحطوهم في سحيفة
![الجيريا](https://im31.gulfup.com/yVk6L.jpg)
درك نروحو للطعام أنا نشري الطعام لي يتباع معناها مشي المفتول
![الجيريا](https://im36.gulfup.com/Qv4ml.jpg)
و بهد الطريقة ما يتعجنش كامل و يجي كيما المفتول
تدهني الطعام بالزيت و تحطيه يفور
![الجيريا](https://im36.gulfup.com/uPi9z.jpg)
كي يفورلك ديريه تحت العين و اغسليه مليح في الكسكاس و حطي بسينة من التحت باش الطعام لي يطيح
تعاودي ترجعيه للكسكاس
![الجيريا](https://im36.gulfup.com/1ca67.jpg)
![الجيريا](https://im36.gulfup.com/LWdyk.jpg)
خلي الكسكاس يقطر و من بعد حطي الطعام في الجفنة باش ينشف و فتليه شويا بيدك
![الجيريا](https://im33.gulfup.com/QaVL3.jpg)
حطيلو الملح و خليه يتفور المرة الثانية
و مبعد زيدي بلبخيه بالما و حطيه يفور المرة الثالثة
أنا هنا قسمتو على نص كاين لي درتلو زيت زيتون وزدتو للفول و الجلبانة
و كاين لدرتلو الزبدة ديال البقرة و طيبتلو مرقة حمرة
![الجيريا](https://im36.gulfup.com/BBWv1.jpg)
![الجيريا](https://im33.gulfup.com/xIQC1.jpg)
بالنسبة للمرقة حطيت زوج بصلات كبار مقطعين طوال يتقلاو مع الجاج و ثلاثة سنينات ثوم مسكرفجين رقاق
و التوابل فلفل اسود فلفل عكري و ملح و الزيت
خليتهم يتقلاو على نار دليلة لمدة 15 دقيقة
مرقت و خليتهم غلاو و زدت الخضرة أنا درت زرودية قرعة و لوبيا ماشتو حبة طماطم و ملعقة طماطم مركزة
و خليتهم طابو على نار متوسطة
حتى تجمرت المرقة معناها دارت الوجه تاع لي دام
المرقة مالازمش تجي خفيفة ديري الما بالشويا
![الجيريا](https://im38.gulfup.com/10YpS.jpg)
![الجيريا](https://im38.gulfup.com/L4Pnp.jpg)
متنساوش التعليق و بصحتكم