بسم الله بديت وعلى النبي صليت
و ليكم يا حباباتي الغاليات جيت
من خيامتنا ليكم يا الزينين
هدا الطعام العاصمي البنين
من البهجة الغالية عليكم نويتو
لناس بلادي العزاز وين ماكنتو
و بصحتكم و مارسي ………
نبداو بالمسفوف بالجلبانة و الفول
نغسلو الفول مليح الحبات لي كبار نفصصوهم
ولي ملاح نقطعوهم رقاق بعد ما نحيولهم الخيوط
و أحسن طريقة للتقطيع بموس الخبز
و نحطوهم يغلو في ماء مملح باش تتنحى الكحولية ديال الفول
كي يغلى نغسلوه بماء العين و نصفوه
و نحطو الجلبانة تتفور في الكسكاس
كي يدخللها شوية طياب نزيدولها الفول و نخليهم يفورو حتى يطيبو مليح
كي يطيبو نملحوهم و نحطوهم في سحيفة
درك نروحو للطعام أنا نشري الطعام لي يتباع معناها مشي المفتول
و بهد الطريقة ما يتعجنش كامل و يجي كيما المفتول
تدهني الطعام بالزيت و تحطيه يفور
كي يفورلك ديريه تحت العين و اغسليه مليح في الكسكاس و حطي بسينة من التحت باش الطعام لي يطيح
تعاودي ترجعيه للكسكاس
خلي الكسكاس يقطر و من بعد حطي الطعام في الجفنة باش ينشف و فتليه شويا بيدك
حطيلو الملح و خليه يتفور المرة الثانية
و مبعد زيدي بلبخيه بالما و حطيه يفور المرة الثالثة
أنا هنا قسمتو على نص كاين لي درتلو زيت زيتون وزدتو للفول و الجلبانة
و كاين لدرتلو الزبدة ديال البقرة و طيبتلو مرقة حمرة
بالنسبة للمرقة حطيت زوج بصلات كبار مقطعين طوال يتقلاو مع الجاج و ثلاثة سنينات ثوم مسكرفجين رقاق
و التوابل فلفل اسود فلفل عكري و ملح و الزيت
خليتهم يتقلاو على نار دليلة لمدة 15 دقيقة
مرقت و خليتهم غلاو و زدت الخضرة أنا درت زرودية قرعة و لوبيا ماشتو حبة طماطم و ملعقة طماطم مركزة
و خليتهم طابو على نار متوسطة
حتى تجمرت المرقة معناها دارت الوجه تاع لي دام
المرقة مالازمش تجي خفيفة ديري الما بالشويا
متنساوش التعليق و بصحتكم
sakhaftini ya3tik el saha bayen bnine
امممممممممممممم نموت عليه يعطيك الصحة
|
المشاركة الأصلية كتبت بواسطة lamiak1
 sakhaftini ya3tik el saha bayen bnine
|
كون نعرف وين راكي
نجيبلك ماشي خسارة في ختي
و البنة من حسن دوقك
تعيشي
|
المشاركة الأصلية كتبت بواسطة أم إياد أحمد أمين
امممممممممممممم نموت عليه يعطيك الصحة
|
لالا يا أم إياد غير ماتموتيش
و شكون يقعدلي
تعيشي يا الغالية
يعطيك الصحة مراموووو راكي شاطرة الله يبارك نوعتي فيه يعطي الصحة و بصحتكم
على بالك في دار بابا عايشين بيه وانا ماناكلو ماوالو بصح على بالي طفرت في اديت اللي بالمرقة يعطيك الصحة
ما شاء الله تبارك الله مسفوف رائع ومائدة اروع من عضوة اروع واروع ربي يحفظك
روعة يعطيك الصحة 
مممممممممممممممممم سخفتيني فيه ، هاذا يشبه للبومفور بصح بالمرقة ، هذا يليق لأبو ماجد ههههههههه
يعطيك الصحة متأكدة بلا مانذوق بنين من يديك
راهو في بالي خلاص 
merciiiiiiiiiiiiiiii
|
المشاركة الأصلية كتبت بواسطة oum anas 69
يعطيك الصحة مراموووو راكي شاطرة الله يبارك نوعتي فيه يعطي الصحة و بصحتكم
|
يسلمك ختي لعزيزة
|
المشاركة الأصلية كتبت بواسطة أم ياسين الزهراء
على بالك في دار بابا عايشين بيه وانا ماناكلو ماوالو بصح على بالي طفرت في اديت اللي بالمرقة يعطيك الصحة
|
بصحتك أم ياسين
مي هدا مسفوف مالح مشي حلو مع زيت زيتون و اللبن مانحكيلكش
|
المشاركة الأصلية كتبت بواسطة بريق الامل&
ما شاء الله تبارك الله مسفوف رائع ومائدة اروع من عضوة اروع واروع ربي يحفظك
|
انت الرائعة ختي بروقة
وين حنلقاو خير منك
شكرا
|
المشاركة الأصلية كتبت بواسطة الأمنيات
|
مشكورة اخت الامنيات
يسلمو
|
المشاركة الأصلية كتبت بواسطة ouricia
روعة يعطيك الصحة
|
شكرا
|
المشاركة الأصلية كتبت بواسطة إلهام07
مممممممممممممممممم سخفتيني فيه ، هاذا يشبه للبومفور بصح بالمرقة ، هذا يليق لأبو ماجد ههههههههه
يعطيك الصحة متأكدة بلا مانذوق بنين من يديك راهو في بالي خلاص |
بصحتك اختي الهام
ابو ماجد ماهوش خارج من المسفوف باللبن معناها ضد النواشف
على بيها ما دخلتش أم ماجد
|
المشاركة الأصلية كتبت بواسطة فايزة سراج الدين
merciiiiiiiiiiiiiiii
|
مشكورة يسلمو
ممممممممممممم روعة ما شاء الله يعطيك الصحة اختي بارك الله فيك
ما شاء الله تبارك الله مسفوف رائع
