الوسم: الطين

السلام عليكم جميعا.
أنا متعودة ندير المطلوع في دارنا في طاجين الحديد عادي .ومنذ زواجي وأنا ماعندي الطابونة ماعندي الطاجين. والان قررت نولي للمطلوع .جابولي واحد طاجين تاع الطين عجبني لأنو صغير نقدر نستعملو فوق الكويزينيار.بصاح لأول مرة نستعملو ماعرفتش هل نستعملو عادي ؟ من فضلكن الي عندها طاجين الطين تجاوبني……..شكرا

مننصحكش درجةالحرارة تاع الطاجين مرتفعة تخسرلك الكوزينيار و كانها تتحرق ماجربتهاش بصح مرت عمي دارتها والنتيجة كارثية ولكن هي استعملت طاجين كبير اصبري حتى تجي الطابونة

انا نطيب فوق الكوشة بالطاجين نتاع الحديد الكسرة تطيب عادية بصح الكوشة تتحرق هي تاع المنيوم وتحرقت ماحبتش ترجع نقية كما كانت مهما نظفتها

salam à toutes ,
j’ai le même problème , et mon tajine en terre cuite a noircie dès la première utilisation , et en plus la pâte ne cuit pas au milieu , (au centre du tajine) ça reste blanc
Que faire ?
est ce qu’il faut diminuer au augmenter le feu ?

اختي الطاجين لازم له طابونة اصبري شوية ما تخسريش الكويزينيار نتاعك
واول مرة ادهني الطاجين بشويةزيت وسخنيه على نار خفيفة ما تقويهاش ومن بعد استعمليه عادي
ومرة على مرة قبل ما تحطيه فوق الطابونة شلليه بالماء باه ما يتكسرش بسرعة

اقتباس:

المشاركة الأصلية كتبت بواسطة المبتدئة مننصحكش درجةالحرارة تاع الطاجين مرتفعة تخسرلك الكوزينيار و كانها تتحرق ماجربتهاش بصح مرت عمي دارتها والنتيجة كارثية ولكن هي استعملت طاجين كبير اصبري حتى تجي الطابونة

شكرا أختي .ربي يمنعنا من الكوارث.أجمعين

اقتباس:

المشاركة الأصلية كتبت بواسطة ام رحوقة انا نطيب فوق الكوشة بالطاجين نتاع الحديد الكسرة تطيب عادية بصح الكوشة تتحرق هي تاع المنيوم وتحرقت ماحبتش ترجع نقية كما كانت مهما نظفتها

شكرا أختي بصاح أنا نطيب فوق الكويزينيار ماشي في الكوشة.

اقتباس:

المشاركة الأصلية كتبت بواسطة bz.yasmina salam à toutes , j’ai le même problème , et mon tajine en terre cuite a noircie dès la première utilisation , et en plus la pâte ne cuit pas au milieu , (au centre du tajine) ça reste blanc que faire ? Est ce qu’il faut diminuer au augmenter le feu ?

ان شاء الله تلقاي الحل

اقتباس:

المشاركة الأصلية كتبت بواسطة *ام رامي* اختي الطاجين لازم له طابونة اصبري شوية ما تخسريش الكويزينيار نتاعك واول مرة ادهني الطاجين بشويةزيت وسخنيه على نار خفيفة ما تقويهاش ومن بعد استعمليه عادي ومرة على مرة قبل ما تحطيه فوق الطابونة شلليه بالماء باه ما يتكسرش بسرعة

واو شحال راني فرحانة لمرورك على موضوعي.شكرا وربي يحفظك ويحفظ عائلتك.شكككككرا

احناكامل نستخدمو طاجين الطين درتو انا ومرة خويا وفزدت الكوشة انستخدمتو مرة والطجين اصغير واثر اعليها ننصحك متجربيش اصبري حتان اتجي الطابونة

اقتباس:

المشاركة الأصلية كتبت بواسطة bz.yasmina salam à toutes , j’ai le même problème , et mon tajine en terre cuite a noircie dès la première utilisation , et en plus la pâte ne cuit pas au milieu , (au centre du tajine) ça reste blanc que faire ? Est ce qu’il faut diminuer au augmenter le feu ?

العجينة ما تطيبش في الوسط حاولي تعاودي تريقلي النار . ممكن تكون النار في الوسط تاع الطابونة ناقصة على الجوانب. أو الطاجين سميك من الوسط فلازم تزيدي النار تاع الوسط و تنقصي شوية تاع الجوانب.

السلام عليكم يا فحلات المنتدى
تعيشو حابة ندير البراج
شكون خير طاجين الطين ولا طاجين الحديد
شكراااا

طاجين الطين أحسن من الحديد حتي في الخبز و في اي وصفة وطاجين الطين لازم يكون ثقيل في الوسط دون الحواف باش يشد الحرارة و مايحرقش النعمة

هو في البنة طاجين الطين خير بصح يدير الدخان في الدار و يتعب خطرش لازملو نار قاوية شوية راح تتعبي و نتي تقلبي
أما طاجين الحديد تاني يجو ملاح إذا عرفتي طيبيهم و متحرقهمش أنا عن نفسي نطيبهم في طاجين الحديد و يجو روعة هذا تاعي في طاجين الحديد

salam ana andirou fi tajin lahdid iji raw3a

انا جربتها في طاجين الحديد جات روعة

انا نديرهم في طاجين الحديد يجيو روعة

طاجيين لحديد افضل بصح نقصي على النار باش مايتحرقوش وبصحتكم

احسن طريقة لذلك طاجين الطين فوقه طاجين الحديد

باارك الله فيكم حبيباتييي و ربي يجعلها في ميزان حسناتكم

انا اليوم برك درتهم ولكن لا طين ولا حديد هههههه

درتهم في مقلة تيفال تقيلة والله العظيم جاو يدوبو في الفم وتاني ماسخنتش الدار بزاف وماكانش الدخان خلاص

موفقة اختي

اقتباس:

المشاركة الأصلية كتبت بواسطة haidi18 السلام عليكم يا فحلات المنتدى تعيشو حابة ندير البراج شكون خير طاجين الطين ولا طاجين الحديد شكراااا

حنا نديرو في طاجين الحديد لكن طاجين يكون خشن ويتباع حنا عندنا في باتنة بـ 1800 دج وهاذي صورة نتيجة براجنا وشوفي اذا عجبك طيابو

و الله حبيبتي انا مع فكرة الاخت ايثار استعملي طاجين الطين و فوقه الحديد راني مجربتها راح تلقايها اكثر راحة لانه ما راحش يتحرقلك

يا ختي ديري طاجين الحديد أحسن شي لكن مع التقليب المستمر …ما تغفليش على الحبات باش ما يتحرقوش

الله يوفقك ولا تنسي ورينا نتيجتك

حنا نستعملو طاجينالحديد فوق تاع الطين جي روعة طيب بعقلها بلاما تتحرق

وحدة ما ايدتني هههههههههههههههه معليش مقبولة

انا ديما نطيبو على طاجين الحديد وهدا العام على تيفال جاني اسهل وطري وبنين يهبل جربي وشوفي

السام عليكم
أختي العزيزة راحت للمغرب وشراتنا طاجين الطين نتاع المغاربة وشكون الي عندها وتستعمل فيه لانو ماما خافت وقالتلي اسألي عليه ؟؟؟
ممكن مساعدة الي عندها منو ؟
وشكرا

ادا راكي على طاجين الطين تاع الخبز ولا البغرير استعمليه عادي خليه يحمى واخدمي به

اقتباس:

المشاركة الأصلية كتبت بواسطة حب الله لا يعادله حب ادا راكي على طاجين الطين تاع الخبز ولا البغرير استعمليه عادي خليه يحمى واخدمي به

شكرا اختي على الرد ولكن مش هذاك راني نحكي على طاجين ال ممقطة نتاعو ……….الي يطيبو في الماكلة

اول مرة تغلي فيه لحليب واطيشيه وتغسليه او تغلي بسينة تاع الماء وتغطسيها فيها شحال من ساعة هكذا باه ما تتكسرش فالطياب
ثم اطيبي عادي على نار هادية وكي تمرقي ما تكثريش الماء باه ما يسيحش وثاني باه ما يطولش الطياب
انشاء الله نكون افدتك صح رمضانك

ما فيه حتى مشكل أختي غلي فيه قشور الخضر كيما أي حاجة نتاع فخارباش تتشرب ريحة الطين وما تأثرلكش في مأكولاتك مياعد وكي يبرد أدهنيه بشوية زيت باش يتغلقولو لمسامات برك و مايتكسرش هكذا ندير أنا مع لفشوش "القدر " نتاع الشربة كي يكون جديد بصحتكم

كاين يا اختي اللي طيبوا فيهم وكاين لا حسب النوعية صوريهلنا

انا خالتي عايشة في المروك كي جابتلي واحد قاتلي بيتيه ليلة مغطوس في الماء كامل وبعدها غلي فيه الحليب وهادي الطريقة الصحيحة والمضمونة باه مايتكسرش

مشكورررررررررررررين جميعا ويعطيكم الصحة
من بعد نحطلكم الصورة نتاعو ………….
مرة اخرى شكرا

بصح يطيبوا بيه في الطابونا _ريشوا ولا راني غالطا

حبيبتي انا نعرف بللي النوع العادي لي مافيهش le vernis هو تاع طياب بصح النوع اللي فيه اللماع تاع تقديم برك ما يتحطش على النار

ارجو المساعدة حول أصل لقب شق الطين مدينة بريكة ولاية باتنة

السلام عليكم حبيت نسال على الطاجين تاع الطين شريت واحد لكن يلصقلي الخبزولا مبسس كي نطيب فيه كيفاش يطيب فيه اول مرة اجو الساعدة

سخنيه مليح مليح

و اذا بقى يلصق فهداك ماشي تاع طين مخلط فيه الفتات تاع القرميد و طين وووووووووووووو

كيما قالت الاخت سخنيه مليح قبل ما تحطى فيه الكسرة

اول استعمال ديريله الشحم وهو فوق النار حتى يشرب ووقت الاستعمال سحنيه مليح مليح حتى تحطي فيه الخبز

حنا اول مرة عند الشراا نمسحوه بالشحمةء

حماتي تضرب حبة بيض و تمسح بيها الطاجين كامل مليح مليح والمبعد تطيب فية . بصح طاجين ملس ماشي تاع الحبة كيما نقولو.

اختي لازم يكون سخون مليح باش تلوحي فيه الخبزة مبسة ولا مطلوع

اما حكاية الشحمة اول مرة نسمع بيها

اختي حطي الطجين نتعك يسخن على الاقل 10 دقائق وطبونة تكون قوية ادا كان طين نتوفق

السلام عليكم ورحمة الله وبركاته

واحد ماسمع على هذي العائلة
ولا واش؟

عائلة شق الطين من بريكة و قاطنين بمدينة بريكة
اصلهم من اولاد عيسى ثم اولاد امحمد ثم اولاد سحنون.
شق الطين له 5ابناء و هم .
منصور
السعيد
علي
المبروك
و محمد.

انا من عائلة شق طين

أنا من عائلة وجدي الاكبر هو منصور

السلام عليكم
عندي سؤال بخصوص الطاجين تاع الطين اللي يطيبو فيه الشليطا.
شريت واحد وقالولي ماطيبيش فيه مباشرة لازم تغلي فيه الحليب قبل.
اللي تعرف تجاوبني. esq نطيب فيه مباشرة ولا كاشما نديرلو قبل مانطيب فيه.
بارك الله فيكم

ماهي الشليطة عزيزتي
إذا كنت تحكي على الطاجين اللي يطيبو فيه الكسرة و المطلوع فإنه ما يصرالو والو طيبي مباشرة فوقه
و إذا كنت تحكي على القدرة نتاع الطين فلازمك تطبخي فيها الحليب نتاع الساشي و كي يطيب فرغيه و خليها تبرد ثم اغسليها و استعمليها عادي

بارك الله فيه اختي ام اياد
الشليطة هي اكلة قبائلية وكاين اللي يقوللها الحميس. وهي الفلفل طرشي او الحار مع الطماطم مشوين وامبعد يقطعوهم صغار ويطيبوهم فوق هاد الطاجين مع الملح و زيت الزيتون.
وهاد الطاجين يشبه تاع الكسرة.

بنسبة لقدرة الفخار و طجين مغربي دهنهم بشوية عسل و زيت و قبل ما طيب فيهم بيتهم ليلة كاملة في الماء و بصحتك اواني فخارية.

زينة بجاية كيفاش طاجين من الطين نبيتوهم في الماء ….ما يصرالهم والو,,?

السلام عليكم واش حوالكم ادعولى بالشفاء ربى يحفضكم المهم لى تشرى قدرة ولا طوجين تع الطين كاين طريقتين بيتى القدرة فى الماء ليوم او يومين حسب نوع الطين ثم ضعيها تنشف ثم ادهنيها بالزيت كامل وفى الغد اوبعد يومين فيضى فيها الحليب ثم تصبح صالحة اما الطريقة الثانية ادهنيهاكامل من داخل والخارج وضعيها فى ساشى كل ماتنشف زيدلها لمدة اسبوع ثم ضعى داخلها الحليب وغليه

بارك الله فيكن اخواتي
غليت فيها الحليب واستعملتها

ربي يباركلك في اوانيك

ana tani chrite wahade mes mazale masta3maltouche bassahe rani saksite wahda ,kalatli nbaytahe fele maaa lila kamla oulle rade mane dake nahkmahe ou nhotahe fouk nare klila bazafe nosse nhare ou nasiha wahdakhra mine thotihe foke nare diri tahtahe hdida tkoune rkika ou rabi yahafdare oukhtie

بارك الله فيه اختي ام رنيم وجزاك خيرا

اذا سخنتي الطاجين وحطيتي فيه الماء او الحليب راح يتشقق

طاجين الكسرة نستعملوه بلا ما نطبخوا فيه اما القدرة الي نطيبوا فيها الحريرة ولا الشربة انتاع الفريك هاذاك تطبخي فيه الحليب قبل ومن بعد تغسليه

أسرار الطين المغربي وتأثيره الفعال على جمال بشرتك
يعتبر الطين المغربي الأصلي بالأعشاب جد ممتاز للقضاء على التجاعيد المبكرة وعلى السمار الذي يحيط بمنطقة الفم وحوله أو أعلى الشفاه أو الاسمرار في منطقة الذقن والأماكن الحساسة كما انه يرطب البشرة ويشدها من الترهل
والطين المغربي ممتاز لتوحيد لون البشرة الناتج عن التعرض للشمس كما انه يزيل خلايا الجلد الميتة ويزيل كل آثار الحبوب والنمش طيب جدا للبشرة المرهقة من الماكياج والأرق والسهر

تحميل

اين الأخوات

حبيت نشري مرميطة تع الطين كيما لي في قناة samira بصح لقيت تع الجزائر و تع المروك, قلولي تعيشو شكون لملاح;

والله لا اعلم ايهما احسن لكن نملك وحدة تاع الجزائر مند سنوات ومازالها كما هي والطياب فيها روعة
وربي يوفقك ولبنات يفيدوك

????????????

انا عندي نتاع الجزائر طيابها هايل اما نتاع الملروك لا ادري

عندي وحده من العام لي فات وزدت شريت وحده لرمضان ان شاء الله من لوطايه يعجبني طيابهم

اقتباس:

المشاركة الأصلية كتبت بواسطة امونة الشاوية عندي وحدة مشرية من بسكرة العام هاذا ان شاء الله العاشر ربي يبارك هايلة تاع المروك لا ادري

اقتباس:

المشاركة الأصلية كتبت بواسطة OM RITA عندي وحده من العام لي فات وزدت شريت وحده لرمضان ان شاء الله من لوطايه يعجبني طيابهم

اقتباس:

المشاركة الأصلية كتبت بواسطة بيان 5 انا عندي نتاع الجزائر طيابها هايل اما نتاع الملروك لا ادري

ممكن تحطولنا صورهم

ولي عندها قدرة تاع طين ثاني تحطهالنا من فضلكم
طلب اخر ..لي تعرف وين يتباعو في alger تقولي

شكرا مسبقا

أنا عندي كيما هذي تع الشربة شرتها من الجرف وهذه صورتها
و الصورة الثانية لي راني حابة نشريها.

اقتباس:

المشاركة الأصلية كتبت بواسطة Louparadisa الله يرزقك ماتتمناي سيليا .. فرحت كي جاوبتيني قوليلي ربي يحفظك من داخل دايرة كما المرميطة اللي في الصورة 2… يعني ملساء شحال شريتيها .. راني حابة كي نهبط هاذ المرة نشري واحدة .. زعما نصيبهم مازال كاينيين ?????

شكرا لك ولصاحبة الموضوع. أنا عندي مثلها . وعندها سنوات ملي راني نستعملها. من صنع أيدي جزائريّة محترفة. راكي تلقايهم في كلّ مكان. غير أشري انتاع الجزائر أحسن اختيcelia16

اقتباس:

المشاركة الأصلية كتبت بواسطة غزالة الصّحراء شكرا لك ولصاحبة الموضوع. أنا عندي مثلها . وعندها سنوات ملي راني نستعملها. من صنع أيدي جزائريّة محترفة. راكي تلقايهم في كلّ مكان. غير أشري انتاع الجزائر أحسن اختيcelia16

شحال راهم يتباعو
شكرا لك

نشجع الصناعة المحلية أمي شرات نتاع المروك تكسرت بمجرد ما بدات تغلي لأول مرة ما فحرتش بها

[QUOTE=Louparadisa;3993609553]

من داخل عاملا كيما المرميطة , شريتها 850 دج , كي تشريها غلي فيها لحليب.

شكرا ليكم أنا أيضا عندي طاجين نتاع طين راه عندي من 3 سنين لكن ماطيبتش فيه خفت يتكسر و هو صناعة جزائرية و مادمتم طيبتوا وماتكسرش أنا ثاني نجرب فيه إن شاء الله

اقتباس:

المشاركة الأصلية كتبت بواسطة إكليل شكرا ليكم أنا أيضا عندي طاجين نتاع طين راه عندي من 3 سنين لكن ماطيبتش فيه خفت يتكسر و هو صناعة جزائرية و مادمتم طيبتوا وماتكسرش أنا ثاني نجرب فيه إن شاء الله

إذا قدرتي صوريه ، لأن كاين لميطيبوش فيهم.