السلام عليكم أحبتي في الله واش احوالكم لاباس
هي أكلة سهلة وبسيطة بصح بنينة أولا نجيبو السيبيا نقوها مليح أنا هدا واش نكره فيها تشد الوقت وخدمتها سامطة وممبعد نغسلوها ونقطعوها مربعات صغار ونغلوها حتى طيب مليح
ونجيبو الشومبينيو نغسلوه ونقلوه في شوية زيت ونحوه في هاديك المقلة نخدمو صوص تومات عادي زوج مغارف زيت كبار شوية مليح كي تجي مزيتة شوية وحبة طوماطيش وسنينات ثوم ووقات رند وشوية معدنوس وملح وكمون وفلفل أكحل والحار إذا حبيتي أو الهريسة نقلوهم شوية ونمرقوهم بشوية ما برك لاخاطر كلش طايب كي يبدا يغلى لوحيلو الشومبينيو والسيبا اللي تكوني غليتيها حتى طابت
وكي تشرب طفيلها وشهية طيبة ، أكلة بنينة وساهلة سيرتو لاعطيتي لراجلك يسقملك السيبيا مايبقالك والو ، أنا سقمتها وحدي ظهري تكسر ماكملتها مزية عاونتني سلفتي يعطيها الصحة
هاياك صورة السيبيا قبل وبعد ماتتنقى شكلها بشع بصح طعمها بنين ، طبعا الصور من النت أنا كنت مقلقة كي كنت نسقم فيها ويديا كاااااااارثة على هاديك ماقدرتش نصور
وهادي الشكشوكة بعد ماطابت
ملاحظة برك أنا متعودة نزيدلها صدر دجاج مقطع مربعات ومقلي في شوية زيت يزيدلها البنة ولا الكروفات مع القرنيط اللي هو الأخطبوط بصح اليوم ماكانش عندي درتها غير بالشانبينيو
الله يبارك
عمري دقت هاد الاكلة
شاطرة بصحتكم
اقتباس:
المشاركة الأصلية كتبت بواسطة أم ماجد  الله يبارك
عمري دقت هاد الاكلة
شاطرة بصحتكم
|
الله يسلمك حبيبتي ام ماجد انا راجلي يموت على الماكولات البحرية بكل انواعها حتى مرات نوض نبكي نكون عيانة ويزيد يجيبهلي نسقمهم 
ربي يحفظك حنونة مشكورة على الرد
يعطيك الصحة على الافادة شكرااااا
نحب نقولك بلي راني امية في السيبيا عمري ما طيبتها
يعطيك الصحة فهمت طريقة الطياب وباينة بنينة خاصة من يديك
بصح كفاش انقيها هذي انت الي موالفتها وحصلتي انا كفاش وواش نخلي وواش نرمي ههههههههههه
كاش نهار نقول لراجلي يديني ناكلها في كاش مطعم المهم نذوقها
موضوع رائع
الهم زدني علما
يمي يمي
عمري لا ذقتها مي من يديك اكيد بنينة
بصحتكم عزيزتي
تبارك الله اختي ربي يجازيك اكله رائعه
ونحب السيبيا بصح نشريها واجده عمري لخدمتها
يعطيك الصحة
شاطرةة يعطيك صحتك أم محمد
اضن السيبيا هي الكالمار يصلح يحشوه او و ييغلوه من بعد يلوحوه في الفرينة و يقلوه روندال كاين حتى اللي يزيدو في البيتزا يخي هو ام يوسف ممممممممممممممممممممممممممممممممممم يعطيك الصحة
اقتباس:
المشاركة الأصلية كتبت بواسطة almazalina22 يعطيك الصحة على الافادة شكرااااا
|
الله يسلمك حنونة مشكورة على المرور
اقتباس:
المشاركة الأصلية كتبت بواسطة بريق الامل& نحب نقولك بلي راني امية في السيبيا عمري ما طيبتها
يعطيك الصحة فهمت طريقة الطياب وباينة بنينة خاصة من يديك
بصح كفاش انقيها هذي انت الي موالفتها وحصلتي انا كفاش وواش نخلي وواش نرمي ههههههههههه
كاش نهار نقول لراجلي يديني ناكلها في كاش مطعم المهم نذوقها
موضوع رائع
الهم زدني علما
|
هي البنة بنينة بصح التنقية اللي سامطة ، حتى أنا كي كنت في دارنا ماكنتش نعرفها بصح راجلي ورالي كل عجب في البحر 
وبينانا أنا البارح من العيا الساهل سقمتو والواعر رميتو قلتلها لسلفتي شكون شافني ظهري قريب تكسر من الوقفة قدام البوتاجي
شوفي في قوقل طريقة التسقام حوسي بالاك تلقاي
اقتباس:
المشاركة الأصلية كتبت بواسطة أم سراج الدين يمي يمي
عمري لا ذقتها مي من يديك اكيد بنينة
بصحتكم عزيزتي
|
الله يسلمك حنونة مشكورة يالغالية
اقتباس:
المشاركة الأصلية كتبت بواسطة houdehoud اضن السيبيا هي الكالمار يصلح يحشوه او و ييغلوه من بعد يلوحوه في الفرينة و يقلوه روندال كاين حتى اللي يزيدو في البيتزا يخي هو ام يوسف ممممممممممممممممممممممممممممممممممم يعطيك الصحة
|
حتى انا شكيت هدهد في ذوك شكيورات هههههههههههه والحلقات البيضا خفت نقولها تضحك عليا امية في الاسماك نعرف غير السردين ولي كروفات والروجي
عندي كتاب غير مرمي في الدرج في مستغانم كنت نروح لسوق الاسماك نتفرج ونحفظ ونسقسي ونرجع ننسى ما شديت والو
ونعرف معلومة الاخطبوط لازم يكونجلوه باش يجي لحمو طري والا يقساح في الطياب بصح ما طيبتو ما ذقتو
ولا ذوك ال****اجات تاع لا بايلا اسكتي برك عالم اخر ههههههههههههه لي مول يقولولهم من فواكه البحر
معانو نكره الحوايج تاع البحر لكن ذقتها مرة وعجبتني بزااف مع الروز
وانا ثاني راني نكره التنقية تاعها نحبها واجدة يعطيك الف عافية حنونتي
والله نستعرف بيك فحلة ونص
اقتباس:
المشاركة الأصلية كتبت بواسطة الأمنيات تبارك الله اختي ربي يجازيك اكله رائعه
ونحب السيبيا بصح نشريها واجده عمري لخدمتها
يعطيك الصحة
|
الله يبارك فيك حنونة ، تهنيتي من تسقامها أنا راجلي يجيبها من البحر ديراكت
اقتباس:
المشاركة الأصلية كتبت بواسطة hadjira195 شاطرةة يعطيك صحتك أم محمد
|
الله يسلمك نسيبتي لعزيزة مشكورة 
اقتباس:
|
المشاركة الأصلية كتبت بواسطة houdehoud;1055 د140324
اضن السيبيا هي الكالمار يصلح يحشوه او و ييغلوه من بعد يلوحوه في الفرينة و يقلوه روندال كاين حتى اللي يزيدو في البيتزا يخي هو ام يوسف ممممممممممممممممممممممممممممممممممم يعطيك الصحة
|
هادا يقولولو بالفصحى الحبار مانعرفش بللي يسموه الكالمار الله أعلم بصح تقدري تحشيه من داخل وللبيتزا تاني يجي هايل كيما الكروفات
يا ختي ينوبك ثواب فينا حطينا ملف للاسماك
كل مرة وريلنا نوع كفاش يطيب
بلاك لعلى وعسى نتعلمو
اموموان يسقسينا واحد نعرفو نجاوبو نزوخ شوية بالطريقة تاع الطياب هههههههههههه
ونطبعهم ونراجعهم حتى نحفظهم
الي يسقسيني ايه ساهل نعرف نطيبو غير جينا بعاد على البحر هههههههههههه
عداتني حسوب الزواخة ههههههههههههه
عمري لاكليتها بصح راهي تبان هايلة خاصة من يديك ياحلوة الله يعطيك الصحة
تعيشي حنونة عندي كروفات المكنجلي دبري علي كاشي اطباق بيه ولو تحطيلي برك في واش طيبتي وربي يخليك
وواصلي حتى تكملي الكمية 
