السلام عليكم ورحمة الله تعالى وبركاته
هاذي اول مرة نشارك معاكم في المطبخ رغم انني نستفاد منكم بزاف
والسبب انو راجلي يضحك علي اذا لقاني نطيب ونصور هههههههههه
المهم اليوم جبتلكم طاجين ممكن كاين اللي تعرف تديرو لكن هاذي طريقتي الخاصة وان شاء الله تعجبكم
نبداو على بركة الله بالمقادير وراها باينة في الصور
اولا نقشرو البطاطا ونقطعوها دوائر لا رقيقة ولا سميكة بزاف ..ونقليوها ونقطروها مليح ونخليوها بجيه
ثم نقطعو البصل الى قطع صغيرة ونديروه مع طراف الدجاج اللي عندك يتقلاّو في شوية زبدة ومغرف زيت زيتون حتى ماتتحرقش الزبدة
ضيفي التوابل اللي تحبي تطيبي بيهم ..بالنسبة لي انا درت الفلفل الاسود والزنجبيل المطحون مع قرفة مطحونة
بعد مايتقلاو مليح ..نضيفو الشومبينيو بعد ما نغسلوه من الماء تاعو وزيدي قلّي وضيفي عود قرفة
ثم نمرقو ومانكثروش الماء ..على حساب مايتغطى الدجاج برك ..نغطيو عليه ونخلوه يطيب على نار هادية حتى يخثار
نحكمو دوائر البطاط اللي عندنا ونلصقو حبة مع حبة بالفرماج
نكثرو شوية الفرماج مشي غير نمسحو برك 
وواصلي حتى تكملي الكمية
من بعد نكمو كل حبة نغطسوها في البيض المخفوق ثم في الخبز اليابس المطحون ثم الى زيت غزير وساخن
انا ما صورتش هاذ المرحلة لانو المفتش كان على راسي ساعتها
المهم بعد ماينقلو قطروهم في ورق غذائي ..
وقدموها كيما تحبو ..
ان شاء الله يعجبكم وتجربوه والله هااااااااااااايل وبنين بزاااااااااااف
وان شاء الله نفيدكم بالجديد
احلى تحية وسلام مني حبيباتي 
بارك الله فيك اختي. احنا في قسنطينة نقولولو السفيرية. يعطيك الصحة حنوونة
يعطيك الصحة أختي مشكورة
طبق مشهي مشكووووووووووووورة
طبق ايشهي حبيبتي مشكوووووووووووووووورة
يعطيك الصحة
|
المشاركة الأصلية كتبت بواسطة أنوثة شرقية
 بارك الله فيك اختي. احنا في قسنطينة نقولولو السفيرية. يعطيك الصحة حنوونة
|
فيك بارك حبيبتي ..هذا وين عرفت بانكم تعيطولها سفيرية
شكرا على مرورك
شكرا على مروركن جميعا حبيباتي
يعطيك الصحة هايل
بارك الله فيك هاايل
بارك الله فيك أختي فكرة مليحة يعطيك الصحة
انا نديرها بالصح نفور البطاطا
بارك الله فيك اختي حت ى انا نفور البطاطا في المرحلة الاولى ما نقليهاش
تشهي يعطيك الصحة
ya3ttik elsaha okhtti machallah sakhfettini
