السلام عليكم
يا حنوناتي لهينا بأكل رمضان وتعلمنا وتوفقنا ..يعنى راني نحكي على روحي تعلمت طيابات بزااااف من منتديات الجلفة اقصد من عضوات المنتدى الرائعات …ربي يحفظهم ..حقا ابهرت عائلتي بالاكل المتنوع في رمضان
الان
مزال غير 10 ايام للعيد ..طبعا الكل راح يصنع ألذ واشهى الحلويات المتنوعه
ايه وقتاش تبداو تصنعو الحلويات ؟؟
واي انواع رايحين ديروها ؟؟
انا رايحة ندير الحلويات التالية ان شاء الله
– مقروط الكوشه
– حلوة السيار
– المشوك
– المشكله
– القرنفلة
– تشاراك
ههههههههه وراني مزلت نشوووووف أعطوني انواع مليحة +++ راني صغيرة 16 سنة ههه يعني نتعلم منكم
ايا السلام عليكم
أهلا بيك ختيتو معانا
قاطو العيد مزاال منيش عارفة واش رايحة ندير ,, أني حاصلة صح ,,
مي السمانة هاذي بإذن الله ندير نوع أو 2
موفقـــــــــة
اقتباس:
المشاركة الأصلية كتبت بواسطة amouna18
أهلا بيك ختيتو معانا
قاطو العيد مزاال منيش عارفة واش رايحة ندير ,, أني حاصلة صح ,,
مي السمانة هاذي بإذن الله ندير نوع أو 2
موفقـــــــــة
|
اها بصحتك طيبي غير نوع ولا زوج ههههه انا 10 انواع ولا مكاش ..باسكو يجيونا الناس بزااااااف هههههه
ايا انت تاني ربي يوفقك
الله يبارك عليك ختي شاطرة عندك لحق تعلمي ما دامك صغيرة أما بالنسبة للقاطو ما بقا والو عشر ايام يعني يادوب تخدميه باش ينشف والله راني لسع نحوس وش ندير بصح كي تجيني افكار راني نقلك وعلا بالك حنا في العيد لازم قاطو تغاديسيونال موفقة وكي كاش ما تخدمي حطيلنا اوكي
ان شاء الله نبدا بالجمعة و السبت لانو الله غالب ماعنديش الوقت في الايام الاخرى
صح عيدك و بالتوفيق
اقتباس:
المشاركة الأصلية كتبت بواسطة wassila sali
ان شاء الله نبدا بالجمعة و السبت لانو الله غالب ماعنديش الوقت في الايام الاخرى صح عيدك و بالتوفيق
|
وي لازم نخدمو بكري باش نهارات لخرين نديرو ميناج
اقتباس:
المشاركة الأصلية كتبت بواسطة nabila222
الله يبارك عليك ختي شاطرة عندك لحق تعلمي ما دامك صغيرة أما بالنسبة للقاطو ما بقا والو عشر ايام يعني يادوب تخدميه باش ينشف والله راني لسع نحوس وش ندير بصح كي تجيني افكار راني نقلك وعلا بالك حنا في العيد لازم قاطو تغاديسيونال موفقة وكي كاش ما تخدمي حطيلنا اوكي
|
تعيشي ختي ..نتي تاني باينه شاطرة امم هههه
ان شاء الله كي نخدمو نحطلكم تشوفوه
مممممممممممممممممممممممممم
هههههه معليش رانا كامل نتعلموا والدليل راح نسقسيك على كيفية المشوك وحلوة السيار والقرنفلة مديلي الوصفات اختي راني نستناك
اقتباس:
المشاركة الأصلية كتبت بواسطة الماسة النادرة
هههههه معليش رانا كامل نتعلموا والدليل راح نسقسيك على كيفية المشوك وحلوة السيار والقرنفلة مديلي الوصفات اختي راني نستناك
|
وي لازم نتعاونو
– هادي حلوة السيار
المقـــــــــــادير :
3 حبات بيض .
كاس زيت .
كاس سكر عادي .
مغرف صغيرة فاني ، 1 خمارة كميائية ، مبشور القارص .
كاس و نصف مايزينة أو نشاء .
فرينة .
التحضيـــــــــــــــر:
في صحن نخلط كل المقادير مع بعض ثم نلم بالمايزينة و الفرينة حتى نتحصل على عجينة طرية نخليها ترتاح شويا ثم نصنعها كورات صغار بنفس الحجم .
نأخذ كورة ونحط فوقها السيار و نضغط عليها شويا باش تأخذ شكل الثقوب كي نكمل نستفهم في سنيوة و ندخلهم للفرن ميدوش وقت بزاف حوالي 10 دقائق .
كي تطيب و تبرد نلسق كل 2 حبات بالمعجون و نرمد الأطراف في نواد كوكو أو قوفريت مفتت .
نتمنى تجربوها راهي جي خفيفة و الذوق بلا مانقوللكم .
منقووول
– هادي حلوة القرنفلة
مقادير عجينة حلوة القرنفلة او الياسمينة
كيسان فرينة3
1/2 كاس زبدة
فانيليا
ماء الزهر
مقادير حشوة حلوة اللوز
4كيسان لوز
2 كؤوس سنيدة
ملعقة مبشور حامضة
ملعقة فانيلا
بيضة
طريقة العجين حلوة القرنفلة او الياسمينة
نمزج الفرينة و رشة ملح الملح و الزبدة بواسطة اليد جيدا تم نضيف ماء الزهر حتى نتحصل على عجينة متماسكة نتركها ترتاح لمدة10 دقائق
طريقة تحضير حشوة حلوة القرنفلة او الياسمينة
ناخد الوز نطحنوه طحنة الاولى بعدما كبينا عليه الماء طايب اوقشرناه ونشفناه والطحنة الثانية مع سنيدة حتى نحصل على عقدة متماسكة ونضيفو عليها قشور الحامض وفانيلا وبيضة حتى نحصل على عقدة متماسكة
طريقة تحضير الحلوة القرنفلة او الياسمينة
نقوم بفرد العجينة بواسطة الآلة
يمكن ان نلون العجين باي لون تفضلينه
كنقسمو العجينة علة جوج الاول كنخليه هكاك والثاني كنخلطو مع بودرة الكاكاو
نجمع مكونات الحشو ونتركها ترتاح ايضا
نشكل من العجينة كريات بحجم حبة الجوز
نبسط العجينة البيضاء والبنية
نقطع مربعان ( 4 سم *4 سم ) واحد أبيض والآخر بنينضعهما فوق بعض ( من المستحسن البني و فوقه الأبيض )
نضع كويرة من الحشوة
نقطع نصف كل ضلع دون الوصول للوسط
نضع الزاوية في أعلى الحشوة
نجمع الجهتين ونضغط عليها جيدا لكي لا تفتح عند الطهي
نشكل زهرة صغيرة بيضاء ونضعها أعلى الحشو
نضع ثقب في وسط الزهرة للإمساك بكل الزوايا
عندما تطهى
كنغطسوها فالناباج
نزينها بالحبيبات العقيق الغذاءي الفضي
السلام عليكم
يعطيكم الصحة كاااااااااااااامل
بالنسبة ليا انا راني بديت اليوم ,,,درت صابلي بالمعجون,,, بصح هذا مش ليا انا … هذا نبعثو للناس جيرانا اللي ماعندهمش وحالهم صعيب… ندير منو كميات كبيرة كيما لعراس… يعطيها الصحة العجانة تاعي (kenwood) هي ذراعي اليمين,,,ههه
وغدوة ان شاء الله نبد انواع اخرى,,,, رايحة ندير حلوة الكورني,,, بقلاوة,,,,مخبز,,,,دزيريات,,,,, مقروط…. ونزيد نشوف كاش انوع اخرى اذا كفاني الوقت,,,,
انشالله نعيدو بالصحة والهنا
السلام عليكم
حنا رانا رايحين نبداو ان شاء الله اذا كتب ربي نهار السبت ولا الاحد وان شاء الله رانا رايحين نديرول
المقروط المعسل
التشاراك العريان
التشاراك المسكر
حلوى الرولي بالشكولاطة للاخت حفيظة42 ربي يحفظها
حلوى الكحلوشي للاخت ام اماني ربي يحفظها
بقلاوة
وشوفوا كاش انواع اخرى ان شاء الله اذا كفانا الوقت
اممممممممممم والله غير سخفتيني خاصة صاحبة الموضوع راني غرت من شطارتك ربي يحفظك انا قلت ندير ورود الشوكولا تاع الوهرانية وزيد التشاراك تاع العجينة السحرية وزيد كاش صابلي مليح وهشوش ومقروط التعاي تاع الفرينة
اقتباس:
المشاركة الأصلية كتبت بواسطة بثينة 123
السلام عليكم حنا رانا رايحين نبداو ان شاء الله اذا كتب ربي نهار السبت ولا الاحد وان شاء الله رانا رايحين نديرول المقروط المعسل
التشاراك العريان
التشاراك المسكر
حلوى الرولي بالشكولاطة للاخت حفيظة42 ربي يحفظها
حلوى الكحلوشي للاخت ام اماني ربي يحفظها
بقلاوة
وشوفوا كاش انواع اخرى ان شاء الله اذا كفانا الوقت
|
اممممممممممم الله يبارك
شاطره
اقتباس:
المشاركة الأصلية كتبت بواسطة asmagirl90
اممممممممممم والله غير سخفتيني خاصة صاحبة الموضوع راني غرت من شطارتك ربي يحفظك انا قلت ندير ورود الشوكولا تاع الوهرانية وزيد التشاراك تاع العجينة السحرية وزيد كاش صابلي مليح وهشوش ومقروط التعاي تاع الفرينة
|
تعيشي حنووووووونه ربي يخليك لينا
امليح ان شاء الله كامل يجووكم ملاح