يشرفني المشاركة في هذه المسابقة وأوجه شكــر خاص للمشرفات لي عطاوني فرصة المشاركة اول مرة وبالتوفيق لباقي المتشاركات
ان شــاء الله نفيدكم ولو ببعض الافكار البسيطة لي راح تشوفوهـــا معايا ونتمنى تعجبكم أفكاري بالخطوات بعجينة الكرواسون للإلهام الحبيبة كان اختيار مناسب بالنسبة ليا
عملت بالعجينة مالح وحلو ،تشكيلات متنوعة للاطفال ، فطور ، مقبلات ، تحلية
هذه صورة تجمع جميع التشكيلات بالعجينة
رابط وصفة كرواسون الهـــــــــــــــــام
https://www.djelfa.info/vb/showthread.php?t=1206332
راح نبدأ بالمالح باول حاجة عملتها
Bread Bowl
حاجة سهلة بكمية من العجين انا حبيت البول يكون متوسط طبقت العجينة وحليها بيدي شوي برك وشكلتها كرة صغيرة حتى تكونتلي عجيتة ملساء ومكورة درت فوقها خطوط بالسكين بالخف ورشيت شوي فرينة من فوقها بالمصفاة وخليتها تتخمر
قبل وبعد التخمر
كي تتخمر ندهن البيض ونحطها طيب على 220° والرف فوق
هكذا كي طاب نقطع راس الخبزة بالسكين وتشكلي غطاء للبول والعجينة جات مورقة الله الله هههههههه وخفيفة نزعت شوي من العجين من الوسط
وكنت محضرة خضروات مقلية + زيتون اخضر + لحم مفروم طايب متبل + فروماج رابي + بيضة
حطيت الحشوة في الخبزة وخفقت البيضة بالشوكة وسيحتها فوق الحشوة وزدت رابيت فروماج فوقهم وحطيتحم في الفرن مشغل من فوق يطيب البيض والخبزة تكون مقرمشة
هاهي واجدة تجي لذيذة وتصلح خبيزات صغار كمقبلة او مع الحساء
راح نوريلكم عجينة بشكل عصفور محشي بالجبن
نفرد او نحل كمية من العجينة وشكلتها بالسكين بالشكل لي في الصورة والطرف السفلي يكون شوي ضيق حطيت الجبن ودهنت شوي ماء على الاطراف وغلقت باحكام ونزعت الاطراف الزائدة وشكلت حربوش
وعملت عقدة بالحربوش وحاولت نعدل الرأس ونضخمو شوي والذيل عملتو بالسكين والعينان درت السينوج او القرنفل وخليتو يتخمر
راح يحبوه الاولاد بزاف
حليت العجينة طوليا وقطعت مثلثات بالسكين مع قطع خط قصير في الوسط
ونطبق الطرفين الصغيرين ونكمل نلف حبة الكرواسون وكي لعادة تتخمر وندهنلها البيض + زعفران حين ندخلها الفرن
حليت العجينة بالحلال بسمك 0,5 سم وطبعت دوائر تكون بـقطر 10 سم بالنسبة للطبقة الاولى
ندهن اطراف نصف دائرة بالماء ونحط شوي حشوة في الوسط وغلقت الاطراف باحكام بالضغط على العجينة تكون عندنا بشكل كورني
نرش الصينية بالفرينة ونحط كل ما نعمل دائرة نحطها في الصينية ونبعدها غير شوي على بعض حتى نكمل دور الصينية
في الوسط عملت وردة ووضعت في وسطها طماطم
قبل وبعد التخمر بالطبع ندهن بالبيض وطيب في 180°
قدمتها مع الجبن والطون بقالي من الحشوة بالطبع لذييييييييذة لا تقاوم طعمها وخفت العجينة
بالنسبة للعجينة حليتها بالحلال طبعتها دوائر بقطر 10سم نحتاج 2 دوائر للوردة الواحدة
قطعت بالسكين 8 خطوط من دون الوصول للوسط كيما في الصورة
نخمرها وندهنها بعد التخمر وفي حين ندخلها للفرن 180° حتى تتحمر وطيب وتزيد تتنفخ أكيد يجي شكلها هااااااااايل
~~هاذو افكاري وتشكيلاتي بالعجينة مالحة نتمنى يعجبوكم ننتقل للحلو~~
ـ تحلية التفاح المحشي بالنوتيلا
نقطع الجزء العلوي من التفاحة كيما ظاهر في الصورة ونقيه من القشور المتبقية فيه
نحك ليمون للتفاحة
حليت العجينة ونقطع شرائط 1سم ندهنها بشوي ماء ونبدأ نلف التفاحة بالعجين من تحت الى فوق كي نوصل للفوق نضع الجزء العلوي لي قطعتو مع الاول يعني ترجع تفاحة كاملة ونكمل نلفها بالعجينة
عملت ورقة من العجين ونحضر العود الصغير
نحط الورقة من فوق ونثبتها بالعود لي نزعتو من التفاحة وهاهي حاضرة باش تتخمر
ـ تارتولات الياسمين
واخذت كل زاوية الى وسط المربع وثبتها بحبة قرنفل
هذه ماخليتهاش تتخمر بزاف 10 د ودخلتها طيب ومدهونة بالبيض طبعا
تتقدم مع كريم باتيسسير وفواكه أو نوتيلا وتكون مع الفطور او معجون او كريم شانتيي
بابيون بالنوتيلا
نحشي الاطراف بالتونيلا ونغلق ونقطع الجزء السفلي في الوسط وتكون جاهزة
خمرتها لنصف ساعة تقريبا ودخلتها للفرن طيب
ملفوف حلو بالاسياخ
ونمرمدها قليلا في الكراميل ومن بعد في السكر ونحط ورق المنيوم فوق الصينية لان الاسياخ فيها السكر راح يلصق في الصينية
نخليها تتخمر نطيبها ماندهنهاش بالبيض
وتقدم في كؤوس مع الحليب
قلوب بمعجون الفراولة
خصيصا للاطفال ومناسبات اعياد الميلاد فكرة بسيطة وروعة في نفس الوقت
نطبع العجينة قلوب ونضغط برؤوس الاصابع في وسط القلب ونحط شوي معجون الفراولة ونغلق بقلب آخر وبالشوكة نضغط على الاطراف
بعد ما تتخمر راح ندهنها بالبيض ودرت فوقها حلوى الفرميسال حمراء
كي طيب تقدم في اسياخ ونحطها في كأس
بسيطة عملا وتقديما
انا بقاتلي شوي من العجينة الحلوة درت بها كويرات فيهم النوتيلا وكي طابو تنقخوا غلفتهم بالشوكولا وزينتهم وقدمتهم في كيسات
هذا عملي المتواضع جدا لهذه المسابقة نتمنى ينال اعجبكم ولو في فكرة واحدة
خالص تحياتي لاحلى عظوات المنتدى لي جمعني بيكم
تسلم الايادي بالتوفيق ان شاء الله
تسلم ايديك ويعطيك الصحة راااااااااااااائع
عجبني كذا شكل من بعد ان شاء الله نحط صورهم لاني مزروبة
و هذيك اللي حشيتيها تفااحة بالشوكولا هبااااااااااااااال رائعه
بالتوفيق
بسم الله ماشاء الله عليك فنااااانة بمعنى الكلمة
ماشاء الله ماشاء الله
ياااااا سلااااااااااااااااااااام
ليدي انت قدمتيلنا موسوعة من المعجنات
كلشي روووووووووووووووعة
بارك الله فيك
بالتوفيق
ربي يوفقك أختي راكي تعبتي بزاف و زادت النت ماكانش تجي غير في ليل و تروح صباح
يارب يقدرو العضوات مجهودك و افكارك
ماشاء الله ماشاء الله
الحقيقة إستمتعت كثيرا بمشاهدة الصور بتفاصيلها يعطيك الصحة حبيبتي عمل جبار باين بلي تعبتي بزاف عليه .. عجبوني الأشكال بزاف و معظمهم شايفتهم كيما العصفور و البابيون أما الباقي روعة عزيزتي
كيما قاتلك أم رامي الغالية راكي أعطيتيلنا موسوعة من المعجنات
موفقة عزيزتي
44444444444444 الله يبارك موفقة ان شاء الله
ايمان الله يبارك تقول راني نتفرج لاروس نتاع المعجنات ههههه يعطيك الصحة موفقة
امممممممممممممم هايل يعطيك الصحة ليدي
واوووووووووووووووووووووو ابدعتي يعطيك الصحة خرجت اشكال ممتازة وهايلة بالتوفيق احسن تقيم لاحلى خبازة ههههههههههههههه
نقطع الكيكة على زوج نضيف ليها الكريمة لذيذة اولاد اختى قعدو يلحسو فيها هبلوني ههههههه
إضغط هنا لرؤية الصورة بحجمها الطبيعي.
نطلي كل الجوانب ونخليها في ثلاجة ترتاح على اقل نصف ساعه
صلصة الشكولاطه لهبطت نحتجوها نزيد ليها قطعه او زوج من الشيكولاطه ونحطها في كيس حلواني ونزينها من الجوانب وبعجينة التزيين نعمل ورود
تركتها تبرد ملييييييييح ونزيد نعمل كيكى صغيرة بشكولاطه 3 بيض نصف كاس سكر نصف كاس فرنية 2 ملاعق كبار كاكاو فانيليا ونصف باكي خميرة احلوة نتحصل على هذا
بعد مطيب نبردها ونقسمها على زوج
ونقص المدورة على زوج وندهنا بلكريمة مثل صورة 
وهنا ندهن بي المربى ناخدها ونروليها على سطح الكيكة البنية شاهدو ملييح صورة
وتخليها ترتاح في ثلاجة وتحضري عجينة تزيين انا زدتهلها ملون ابيض وفتحتها ووضعتها فوق الكيكة لما بردت وبعد زينتها كما في صورة 
كانت "لهومة " تلعب وتغني " أنا شعنونة …أنا لهلوبة …لالالالا " 
ففكرت أن تقوم بدعوة الجميع لتناول الطعام وتمضية اليوم عندها 
هنا فكرت في أن تقدم أصنافا جديدة من المعجنات اللذيذة المحبوبة لدى أصدقائها بأفكار بسيطة وأشكال جميلة من إبداعها الخاص وشرعت في تحضير الطعام 
:
ثم قامت بتشكيل الأرقام وعقارب الساعة ودهنت العجين بصفار البيض المخلوط مع 1 م ص من الحليب + 1م ص من العسل ثم أدخلت الفطيرة إلى الفرن على 180° لتتحصل بعدها على فطيرة شهية زكية الرائحة 
:
.
أرادت اللهلوبة أن تحضر بيتزا بشكل جديد لتسعد بها أصدقائها :
فوجدت صديقها " عبدو " دخل المطبخ ليعرض عليها المساعدة ، فرحت "لهومة" وقبلت بصدر رحب 
:
لذا بادر هو أيضا إلى مد يد العون لهما ما أفرح لهومة كثيرا 
ثم لمعت في رأسها فكرة، أن تقدم تحلية الجبن اللذيذة بعد الطعام .
ان شاء الله يعجبكم و تصوتولي ههههههههه 
