السلام عليكم اخواتي
وشراكم غالياتي نتمنى تكونو كامل بخير
النت عندي ثقيلة والتصفح في المنتدى صعب راح نحاول نحط مشاركتي
عملت سلطة اكواب البطاطا بشكل جديد نتمنى تعجبكم
المقادير:
بطاطا،جزر،فلفل حلو،ماشطو،كروفات،ذرة،مايونيز،كاتشب
للتزيين
خيار،لفت،جزر،لفت
نحتاج الى بطاطا نطيبها في الماء بعدها نرحيها ونضيفلها الملح والجبن الذائب وقطعة زبدة ونحرك ونخليها تبرد
من جهة نحتاج لي مول نتاع المادلان نغلفهم بورق بلاستيكي ونبسط فيهم البطاطا
https://
استعملنا ورق البلاستيكي لتسهيل نزع البطاطا انا عملت لي مول بحجمين ممكن نستعمل حجم واحد ونحطهم شوية في الثلاجة
بعدها ننزع ا البطاطا برفق فنتحصل على اكواب البطاطا نضعها في صحن التقديم
https://
من جهة نقطع الجزر مربعات ونفورو ونضيفلو خل وزيت وموطارد وملح وشوية كروية
نقطع الماشطو قطع صغيرة ونفورها حتى تطيب وضيفلو نفس المكونات لي ضفناها للجزر
الفلفل الحلو نقليه نحط في المقلة2م ك خل+4م ك زيت+ثوم+كروية+ملح ونطيبو على نار هادئة بعدها نقشرو ونقطعو مربعات
وممكن نستعمل الجلبانة او الخيار مقطع مربعات
من جهة نظف الكروفات بعدها نحط زوج مغارف زيت في المقلة مع شوية ثوم ونلوح الكروفات +ملح+فلفل اسود+عصير ليمون+معدنوس مقطع
https://
ناخذ اكواب البطاطا
نحط شوية مايونيز ثم شوية ماشطو وفلفل وجزر وذرة نزين من فوق بالكروفات
نخلط المايونيز مع الكاتشب ونحط شوية فوق الكروفات نزين بالمعدنوس
ونزين الصحن بالخيار وازهار اللفت والكاشير طبعا كل اخت تزين السلطة حسب ذوقها وهذا شكلها النهائي
https://
نتمنى تعجبكم السلطة وتجربوها لانها فعلا لذيذة
في امان الله
رراااائع ام امااني
ان شاء الله موفقة
ماشاء الله روعة
بالتوفيق
شكرا لكن غالياتي
TOP CHEF
ما شاء الله عليك أختي أم أماني
فكرة جميلة جدا لتقديم السلطة
بالتوفيق لك في المسابقة
يعطيك الصحة اختي ام اماني
سلطة راااائعة
بالتوفيق
الله الله عليك يا أم أماني
تبارك الله فكرة جديدة و مزيانة
شفت كي عصرولنا مخنا في المسابقة ههههههههههههه
خرجنا الجديد ههههههه
الماشطو ؟؟؟؟؟؟ ترجمة من فضلك ههههههههه؟؟؟
السلطة تاعك تهبل و فكرة جديدة يعطيك الصحة يا ام اماني
ربي يوفقك في المسابقة
واووووووووو على الشكل الجميل ابداع وتفنن يعطيك الصحة
حظ موفق حنونة
يعطيك الصحة حاجة خفيفة وبسيطة وهااااااااااااااااااااااايلة
|
المشاركة الأصلية كتبت بواسطة أنا أمهم
 الله الله عليك يا أم أماني
تبارك الله فكرة جديدة و مزيانة شفت كي عصرولنا مخنا في المسابقة ههههههههههههه الماشطو ؟؟؟؟؟؟ ترجمة من فضلك ههههههههه؟؟؟ |
هههه عندك الحق اختي انا امهم مليح التزيار:d
الماشطو هو اللوبيا الخضراء
شكرا لمرورك
شكرا لكن غالياتي لمروركن ربي يخليكم وبالتوفيق للجميع
حاجة هايييييييييييييييييييييييلة بالتوفيق
