السلام عليكم مرحبا في مطبخي
مواد بسيطة لإعداد هذا الكيك السحري الذي يغزو مطابخ العالم فيعصرنا الحالي
سهل ولديد ويختلف عن الككات تفضلو المقادير وطريقة التحضير بالصور
يمكن تعملي هدا الطريقة بالكاكاو تجي هايل ويمكن نتلاعب بالدوق نتاع هدا الكيك كل وحدة باش تحب مثلا مبشور البرتقال او عصير بالكاكاو ماء زهر كل هدا العناصر ممكن ندخلها فهدا الكيك
المقادير
أربع 4 بيضات
مائة و خمسة و عشرون 125 غرام زبذة ذائبة
مائة و خمس ة وعشرون 125غرام سكر قلاسي
مائة و خمسة عشر 115 غرام فرينة
نصف لتر حليب دافىء
قبصة ملح
ملعقة كبيرة ماء بارد
مبشور الليمون او عصير
ملعقة صغيرة ة الفانيلا
نفرق البياض على الصفار
نطلع البياض مع قبصة ملح ومن جهة اخرى نطلع الصفار مع السكر قلاسي الفاني والمبشور ونطلع فالباتور
كي نطلع الصفار مع السكر نضيف الزبدة الداءبة ونضرب مليح + ونضيف الفرينة ونضرب مليح
ونزيد نضيف الحليب بشوية حتى نكمله وانا نضرب نتحصل على هدا
وبعد دالك نبقى نضيف البياض للصفار( الخليط الثاني) بشوية حتى نكمل البياض حداري غير بشوية حتى ميتكسرش البياض ونخليه على شكل حبيبات باش يشكلنا جنوار من الفوق علة هدا الشكل
يتبع
هكدا يولي
هنا ندخل للفرن مدبكم دروه في بلا ماشي كبير لخاطر هدا الكيك ميطلعش بزاف لخاطر مفيهش خمارة ندخلوه للفرن على درجة 150 د غير من تحت لمدة 50 د
ندخله للفرن على درجة 150د لمدة 50 د غير من تحت في وسط الفرن
لبنات المول نديرلو ورق ليدخل للفرن انا كملي درت ورق المنيوم ودهنته
هنا كي خرجته من الفرن في المول خليته وغطيته ودخلته للفرجدار على الاقل ساعتين وكي خرجته دردرت عليه سوكر قلاسي
والنتيجة رووووووووعة
ملاحضة ادا محبرلكمش من فوق شعلو عليه غير شوية بلا ماتروحي وتخليه غير شوية برك يحمار من الفوق كما في الصورة
لما تقطي هدا الكيك تلقاي 3 طبقات طبقة الفلان وطبقة الكريمة ووطبقة الجنواز من الاعلى
لما تحبي تقلبي الكيك عاودي اقلبيه بحيث طبقة الجنواز تجي من الفوق
ران تعبث باش حملت كامل هدا الصور لازم تنوروني بردودكم تحياتي لكم
يعطيك الصحة حنونة شفتو مؤخرا في قناة سميرة عجبني و زدت تاكدت انو هايل كي قلتيلنا عليه
ربي يخليك
يعطيك الصحة والظاهر انو ماجيك صح تسلم الايادي وماجورة على تعبك في التحميل
شكرا ويعطيك الصحةعلى المجهود
اممممممممممممم هايلة نرجوسة تشهي
انا جربتها قبل وماصبرتش قطعتها سخونة ماجاتنيش كيما تاعك
اكيد رايحة نعاودها
سلمت وسلمت يداك…
ما شاء الله تبارك الرحمان…
|
المشاركة الأصلية كتبت بواسطة imane khaled
 يعطيك الصحة حنونة شفتو مؤخرا في قناة سميرة عجبني و زدت تاكدت انو هايل كي قلتيلنا عليه
ربي يخليك |
شكرا اختي يشرفني انك اول وحدة ترد على موضوعي شكرا لكي
تسلم ايدك ممممممممممممم
سلمت وسلمت يداك…
ما شاء الله تبارك الرحمان…
ممممم يعطيك الصحة نجحتي فيه انا شفته من زمااان و خفت نجربه ههههه ،، برافو عليك و شكرااا على الوصفة يا الحبيبة
