الوسم: المطلوع

السلام عليكم

من فضلكم ساعدوووني الي يصلحلها المطلوع تعاوني

أنا كي نخليه يخمر يطلع نورمال مي كي نحطو ف الطاجين يهبط ؟؟؟؟؟

هل المطلوع لازملو نوع معين من الدقيق أنا نستعمل دقيق أولاد الكرمي

في انتظار اجابتكم وشكراااااااااااااااااااااااااااااا

اختي بلاك تخليه يخمر ياااااااااااااااااااااااااسر وكي تلوحيه في الطاجين يعاود يهبطلك وزيد وقت السخانة غير كي بيبدا يطلع ابداي طيبي

https://www.djelfa.info/vb/showthread.php?t=1568190 شوفي طريقتي بلاك تفيدك

كيما قالت اختنا شاوية رانا في زمان السخانة مع تقرسيه حطي الطجين يسخن وخليه بعيد على الطجين وطيبيه ما تخليهش خلاص والمرة الجاية عاوديه وقولينا كيفاش جا ونزيدك الدقيق نتاع ولاد الكرمي مليح يصلح مطلوع .حظ موفق اختي .

اولا اختي كي تقرصي متخليهش يطلع بزاااف كيما نقولو حنا تخرجلو الطلعة وثانيا السميد يلعب دور كبير انا كي نديرو يجيني مليح ومرة سراتلي كيما نتي وكي سقسيت قالولي من السميد

اقتباس:

المشاركة الأصلية كتبت بواسطة ام هدولة اولا اختي كي تقرصي متخليهش يطلع بزاااف كيما نقولو حنا تخرجلو الطلعة وثانيا السميد يلعب دور كبير انا كي نديرو يجيني مليح ومرة سراتلي كيما نتي وكي سقسيت قالولي من السميد

عيشك مديلي الماركة لمليحة تاع السميد اللي يصلح بيها المطلوع

ضيفي شوي فرينة للسميد وخمريه حتى يطلع المرة لولى ومن بعد قرصي بالخبزة ومتخلهاش تطلع بالزاف اي الوقت الي يسخن فيه الظاجين باش تكمل تطلع في الطاجين
وعندها مزيدش تهبط

عندك زوج احتيمالات يطلع بزاف وكيتلوحيه في الطاجين اكيد راح يهبط ولا تكثري الخميرة شوفي نقصي في كمية الخميرة وكيتقرصيه ماتطوليش ياربي 10د

والسميد للمطلوع مليح الرطب وخلطي معاه الفرينة

أرجوكم أعطيوني الماركة المليحة تاع سميد اللي يصلح بيها المطلوع

سميد عمر بن عمر

سميد بوزيان

وسميد عزيزة

وزيد كل منطقة عندها سميد خاص بها

احنا ما عندناش اللي قلتي عليه

ما قالته الاخت الشاوية صحيح هذا نوع من الدقيق مالزمش يطول في التخمار
من القريص الى الطاجين

كاين ميس و سباك و العالية و كاين عمر بن عمر
لازم يكون متوسط و الحبة تاعو رقيقة شوية

ربي يعاونك و ان شاء الله يصلحلك
و ما تكثريش الخميرة بزاف خاصة في فصل الصيف

كاين ميس و سباك و العالية و كاين عمر بن عمر
لازم يكون متوسط و الحبة تاعو رقيقة شوية

ربي يعاونك و ان شاء الله يصلحلك
و ما تكثريش الخميرة بزاف خاصة في فصل الصيف

اقتباس:

المشاركة الأصلية كتبت بواسطة العلجة 2 عيشك مديلي الماركة لمليحة تاع السميد اللي يصلح بيها المطلوع

اختي السميد يختلف مرات نشري نوع نلقاه هايل وكينعاود نشريه نفسو نلقاه تبدل انا قبل مانشري نجيب نشوف ونخير وكاين عمر بن عمر ملييح والا ماما جربتو ثانب عجبني بزاف

اريد وصفة تاع المطلوع تكون مجربة انا مطلوع ميخرجليش خاصة الماء

الان رانى رايحى نرقد رانى تعبانه بصاح غذا اذا تفكرت نقولك على كيفية ساهلة

السميد متوسط
فرينة
خميرة خبز +قليل من السكر
ماء دافىء
ملح
سانوج
يدلك جيدا وانا طريقتي نكوروا ومن نقرصوش مانيش عارفة وش تقولو نتم ونغطيه ونخليه اربع ساعة ولا عشرين دقيقة وممبعد نقرصو **نمدوا ولا نبسطوا *******ونطيبوا

المكونات:دقيق+خميرة+ماء دافىء+ملح+سينوج
طريقة التحضير:تحطي الدقيق والخميرة والملح في قصعة وتعجنيهم بالماء وتدلكيهم جيدا حتى تصير عجينة متماسكة وتخليها ترتاح لمدة ربع ساعة او 20 دقيقة وفيما بعد تقسمي العجينة الى كويرات متساوية وبعد ما يرتاحو شوي تقرصيهم وتطيبيهم.
وشهية طيبة

قصدك خبز الدار حنا عندنا المطلوع هي الكسرة تاع الخميرة وكااين في بعض المناطق المطلوع =خبز الداار
رااح نعطييك طريقتي ان شااء الله تعجبك حنونتي
تقيسي بالباطة تاع الزبدة 500 غ ديري 2 سميد ووحدة فرينة تبسييهم بكااس زيت تزيديلهم 5 ملاعق صغيرة سكر و4 ملاعق صغيرة خميرة الخبز +شوية ملح تلمي العجينة تااعك بالحليب الداافىء تخليه يطلع ومبااعد تعجني ملييح مليح وتزيديلو مااء الزهر و2 عضمات تزيدي تعجني شوية وتبيلليه بحلليب دافىء حتى تولي العجينة رخوة تقسميها كويراات وتحطيها في بلاطو مدهون بالزيت تقرصيها وتخليها تزيد ترتاح شوية وتدهني بالبيض وتدري عليها الجلجلاان
ملااحضة هدي الكمية داارتلي 4 خبزاات وشهية طيبة راايح يجييك هاايلة عندي وصفة بالفرينة فراات ميتعجنش يجي هش ومليح بزااف ادا حبيتي نمدلك الوصفة ؟؟؟؟؟

انا ندير :02بول تاع سميد ونص تاعو فرينة
ملح مغرف صغيرة +مغرف كبيرة خميرة خبز+مغرف كبيرة سكر
ونلمو بالماء عجن خفيف برك
نحطو يخمر في بواط مغلوقة باش يخمر ليه ليه
ومن بعد ندير شوية زيت ونعجنو بيه ونقرصو 02قرصات
نحطو يخمر من بعد نطيبو على طاجين فخار

الماء شحال ديرو من كاس

جوبوني الله يفتح عليكم

جاوبوني الله الفرحكم

حبيبتي لميه بالماء ومالازمش يجي جاري بزاف اعجني وزيدي غير بشوية شوية برك حتى تحسي بلي رطاب وكملي كيما قلت لك
سؤالك شحال من كاس انتي جربي عمري كاس واحد وشوفي العجينة لا تسحق اكثر لا تسحق قل

السر في المطلوع التقطاع يعني تقطعيه بيديك مليح و لوكان تقدري ديريه جاري شويه كل ما كان جاري يجيك خفيف و طالع ,,,,, و اذا ما قدرتيش تلوحيه في الطاجين كي يعود جاري جيبي لوحة ( كونطر بلاكي) او كارطون نضيف و اقلبي فوقو القرصة و لوحيها بالشوية في الطاجين …….. و ان شاء الله نكون افدتك

اممممممممممم يشهي ام اسحاق شكرا على الوصفة و دعواتنا لامك بالرحمة انشاء الله

يعطيك الصحه اختى تهبل وعجبتنى طريقه الشرح مبسط ومفهوم وباينه خفيف رايحا نجربها ان شاء الله الف شكر اختى ونورتينا ننتضر المزيد باينه شاطرة وفحله الله بارك

ماشاء الله مطلوع يهبل يعطيك الصحة وربي يرحم أمك ان شاء الله

ماشاء الله يعطيك الصحه وشكرا على الوصفه

شكرا على الوصفة

الله يرحم امك انشاء الله اختي

يعطكيك الصحة لو نكرمتي صوريلنا الكيلة لدرتي بيها

شكرا على الوصفة444444444444444444444444444444444444

مممممممم يشهي يعطيك الصحة بارك الله فيك

ما شاء الله

جاك هايل

شكرا علىالوصفة

baraka laho fik wrebi yarham mamak

شكرا على الوصفة وإذا أمكن حبيت نشوف الكيلة لي كيلتي بيها
الله يرحم الوالدة برحمته الواسعة يا رب

بسم الله الرحمن الرحيم
الاخت ام ياسين الزهراء والاخت زرابة طلبتا منى طريقة المطلوع وهدا هو بالخطوات المصورة
الطريقة سهلة وناجحة نتمنى تعجبكم وتفيدكم

طريقة تحضير هاد المطلوع مختلفة متكونة من مرحلتين

المرحلة الاولى في قصعة نضع 2كيسان فرينة + نصف ملعقة ملح + 2 كيسان ماء دافئ + 2 ملاعق كبيرة خمارة مدوبة في شوية ماء نخلط جيد ونترك المكونات تخمر مدة 10 دقائق

المرحلة الثانية نضيف الفرينة تدريجيا الى ان تتماسك قليلا لكن يجب ان تكون مطلوقة يعني تلتصق في اليدين بعد دلك نبلل كيس بلاستيكي ونضع فيه العجينة مدة 20 دقيقة

نضعها في كيس مبلل الكيس شمخيه مليح ونغلق عليها

وهاهي بعد 20 دقيقة شوفي الفرق

بعدها ندلك قليلا ونكرر العملية مرة اخرى مدة 5 دقائق ثم ننزع الكيس هاهو شكل العجين

نقسم العجينة كويرات نحتاج هنا الى الفرينة لغطس اليدين لان العجينة تلتصق

نضع الكويرات في قطعة قماش مرشوشة بالفرينة او السميد نتركها تختمر ثم نكرصها بالكف على شكل خبزة

ونتركها تختمر نسخن الطاجين نحمل الخبزة كما هي نضعها فيه من دون تكريصااكد لكي حطيها في الطاجين بلا ما تكرصيها يعني ارفديها من القماش وحطيها في الطاجين هدا مهم في المطلوع
هنا حطيناها في الطاجين

نثقب في الوسط نغطي الطاجين بصنيةوهنا السر لان الخبزة تنتفخ في الحرارة تحت الصنية

وهاهي بعد 3 دقائق لما ننزع الصنية شوفتي فايدة الصنية

نقلب الخبزة نثقبها بعود اسنان لتنضج جيدا من الداخل

نتركها تنضج من الجهة الي قلبناها سمحولي راهي نحرقت لي شوية

وهاهي واجدة بالصحة والراحة

baraka allaho fik

بارك الله فيك .

شكرا اختي ولكن واشي هيا فايدة السينية

هد المطلوع بالفرينة برك؟؟؟؟
جربتها مرة وكان خفيفة وهايلة
لكني اعتمد على مطلوع الدقيق
بارك الله فيك

ماشاء الله
ان شاء الله نجربو اختى نبغى بزاف مطلوع مغنية ولقيت موضوع عليه وجربته لكن مخرجليش ادا تعرفى الطريقة الصحيحة نتاعه اعطيهالى
بارك الله فيك

اقتباس:

المشاركة الأصلية كتبت بواسطة aicha3357 baraka allaho fik

الله يبارك في ايامك

اقتباس:

المشاركة الأصلية كتبت بواسطة الوهرانية 1 بسم الله الرحمن الرحيم الاخت ام ياسين الزهراء والاخت زرابة طلبتا منى طريقة المطلوع وهدا هو بالخطوات المصورة الطريقة سهلة وناجحة نتمنى تعجبكم وتفيدكم طريقة تحضير هاد المطلوع مختلفة متكونة من مرحلتين المرحلة الاولى في قصعة نضع 2كيسان فرينة + نصف ملعقة ملح + 2 كيسان ماء دافئ + 2 ملاعق كبيرة خمارة مدوبة في شوية ماء نخلط جيد ونترك المكونات تخمر مدة 10 دقائق المرحلة الثانية نضيف الفرينة تدريجيا الى ان تتماسك قليلا لكن يجب ان تكون مطلوقة يعني تلتصق في اليدين بعد دلك نبلل كيس بلاستيكي ونضع فيه العجينة مدة 20 دقيقة نضعها في كيس مبلل الكيس شمخيه مليح ونغلق عليها وهاهي بعد 20 دقيقة شوفي الفرق بعدها ندلك قليلا ونكرر العملية مرة اخرى مدة 5 دقائق ثم ننزع الكيس هاهو شكل العجين نقسم العجينة كويرات نحتاج هنا الى الفرينة لغطس اليدين لان العجينة تلتصق نضع الكويرات في قطعة قماش مرشوشة بالفرينة او السميد نتركها تختمر ثم نكرصها بالكف على شكل خبزة ونتركها تختمر نسخن الطاجين نحمل الخبزة كما هي نضعها فيه من دون تكريصااكد لكي حطيها في الطاجين بلا ما تكرصيها يعني ارفديها من القماش وحطيها في الطاجين هدا مهم في المطلوع هنا حطيناها في الطاجين نثقب في الوسط نغطي الطاجين بصنيةوهنا السر لان الخبزة تنتفخ في الحرارة تحت الصنية وهاهي بعد 3 دقائق لما ننزع الصنية شوفتي فايدة الصنية نقلب الخبزة نثقبها بعود اسنان لتنضج جيدا من الداخل نتركها تنضج من الجهة الي قلبناها سمحولي راهي نحرقت لي شوية وهاهي واجدة بالصحة والراحة

جوعتينا هذا الخبز نديروه غير في فصل الشتاء باه ندفاو
أطلب منك كيفية اعداد الخبز بأنواع السميد الأخرى كسميد القمح مثلا وشكرا لك

اقتباس:

المشاركة الأصلية كتبت بواسطة oum salim بارك الله فيك .

وفيك بركة حبيبتي

اقتباس:

المشاركة الأصلية كتبت بواسطة مولات الدار جوعتينا هذا الخبز نديروه غير في فصل الشتاء باه ندفاو أطلب منك كيفية اعداد الخبز بأنواع السميد الأخرى كسميد القمح مثلا وشكرا لك

انشاء الله حبيبتي وشكرا على المشاركة

اقتباس:

المشاركة الأصلية كتبت بواسطة توكل ماشاء الله ان شاء الله نجربو اختى نبغى بزاف مطلوع مغنية ولقيت موضوع عليه وجربته لكن مخرجليش ادا تعرفى الطريقة الصحيحة نتاعه اعطيهالى بارك الله فيك

حبيبتي عمري ما جربتو مانكدبش عليك مادابيا نتعلمو

اقتباس:

المشاركة الأصلية كتبت بواسطة *أم كوثر* هد المطلوع بالفرينة برك؟؟؟؟ جربتها مرة وكان خفيفة وهايلة لكني اعتمد على مطلوع الدقيق بارك الله فيك

انا نحب التنويع مرات فرينة ومرات سميد ومرات نخلط وتجي مليحة
شكرا على المشاركة

اقتباس:

المشاركة الأصلية كتبت بواسطة انا حبة سكر شكرا اختي ولكن واشي هيا فايدة السينية

الصنية حبيبتي تساعده على الانتفاخ وتحفظ له الحرارة وبالتالي يجي منسوف ومثقب من الداخل اكثر

يعطيك الصحة من الصور يبان خفيف
عزيزتي الوهرانية جربتي المطلوع كي تكون سخونة بزيت الزيتون روعة

اقتباس:

المشاركة الأصلية كتبت بواسطة الصوامعية يعطيك الصحة من الصور يبان خفيف عزيزتي الوهرانية جربتي المطلوع كي تكون سخونة بزيت الزيتون روعة

مجربتهش بصح نديره بالزبدة ومع كاس اتاي ههههههههههههه
شكرا اختي الفاضلة نورت الصفحة

صباح الخير لحبابات قواولي كيفاش طيبو المطلوع بالتفصيل اللي هي خبز الدار حرت راجلي راه باغيها ومعرفتش ننجح فيها الحقوني ربي يهنيكم

واش لبنات مكانش كامل اللي تعرف تدير المطلوع

اهلا عزيزتي
شوفي المطلووووع ساهل
كل قرصة تحتاج 2 كاس سميد نوعية جيدة وملعقتين صغيرتين خميرة المطلوع وملعقتين كبيرتين زيت وشوية ملح ماء دافء وانت ضاعفي الكمية حسب عدد المطلوعات اللي رايحة تديريهم
الطريقة
حطي السميد + الملح + الزيت
ضعي الخميرة + شوية سكر في قليل من الماء الدافء حتى تطلع اضيفيها للسميد ثم ابدئي اعجني بالماء الدافء وادلكيها مليح ماتكون يابسة ماتكون جارية تكون طرية غطيها مليح وخليها تخمر حوالي 20 دقيقة عاودي ادلكيها وقسميها قرص هكذا

غطيهم 5 دقائق ثم قرصيهم وغطيهم وخليهم يخمرو تكوني شعلت النار على الطاجين
كي يخمرو القرصات طيبيهم وابدئي بالاولى ثم الثانية ثم الثالثة وحوشيهم

واذا حبيتي مطلوع الكوشة نسميوه خبز الدار تفضلي الرابط
https://www.djelfa.info/vb/showthread.php?t=868171
وبالصحة والهناء
واي شؤال اتفضلي

الله يحفضك ام رامي بصح الخميرة الفروية نقدر نحطها ديراكت والعجين كيما نعجنو الملوي

صباح الخير ملاك صباح الخير ام رامي كيف احوالكم ان شاء الله بخير ويعطيك الصحة ام رامي على المطلوع
حنا عندنا في الشلف نسموه المشوط والمطلوع عندنا نطيبوه فالفور او الكوشة
ملاك المطلوع راه ساهل ارواحي عندي للدار نعلمك وماماك ماتعرفش ولا ماتاخذيش رايها وما تصنتيش ههههههههههههه
بالتوفيق

اهلا بيومترية
واش من خميرة فورية خميرة الخبز

الخميرة الفورية هي خميرة الخبز لكنها رقيقة بزااف نقدروا نحطوها مباشرة مع العجين
لكن عن تجربة اذا طلعتها وحدها تكون النتيجة احسن
كاينة اللي تجي خشينة مثل الكسكس لازم تطلع في الماء الدافء قبل اضافتها للعجين

بالتوفيق

صح والعجين كيفاش يكون صح تزيدي الماء وتطلقيه كيما الملوي

اقتباس:

المشاركة الأصلية كتبت بواسطة وردة21 صباح الخير ملاك صباح الخير ام رامي كيف احوالكم ان شاء الله بخير ويعطيك الصحة ام رامي على المطلوع حنا عندنا في الشلف نسموه المشوط والمطلوع عندنا نطيبوه فالفور او الكوشة ملاك المطلوع راه ساهل ارواحي عندي للدار نعلمك وماماك ماتعرفش ولا ماتاخذيش رايها وما تصنتيش ههههههههههههه بالتوفيق

صح انا تاني نت شلف هذا مشوط

شوفي انا تخظ عبر سمي+3 او 2 عبار فرينة وندير السانوج و الملح ا 2 ملاعق اكل خمارة تاع الخبز ونخلط امبع اندير الملح في جهة و نخلظ بالماء انحك الملج جيدا ثم نخلط اعجني ا دبزيه ونتي تضسفس في الماع اعجينيها امليح حتي تولي مشي طرية شوية اعلى طرية اخليها تخمر ثم قرصيها
دوك انكملك

لازم ايكون في يد اما زين او ماء باش يساعدك باش تقرصي ثم تخبزي المطلوع ا يكون تحتو سميد رقيق من الفوق و التحت امبعد خليه يخمر امبعد طيبيه في الطاجين و لا الكوشة ناع الحديد ديريه السنيوة كي ديريه في الفرن
اواه انا عمري16 سنة انعرف خير منك اااااااااااااااااا
بلعاني نقجر امعاك انا راني نقلك هاكا باش تزيدي تتشجعي اتعجنيه امليح( تقلبي كامل زعافك في العجين )ههه
باي راني نقجر امعاك بالاكي تزعفي اعلاجال انا ختي دوكا راني نتعلم كيفاش انطيب اعلاجال انا 0000 في الطياب هههههه

ماكانش ما اسهل من المطلوع سمبد زائد خميرة فورية زائد ملح انا ما نحطش الزيت تخلطي كلش وتعجتي مليح المطلوع تحب العجين تخليها ترقد حتان تخمر ومبعد تعاودي تعجتي حيت نكون العجينة شوي طرية باش تجيك خفيفة وتعملي قرصات صغار وتحطيهم في مكان دافئ بعد ما تكوني حليتيهم بالقراص وتعاودي تخليهم يخمرو ………تسختي الطاجبن وتطيبيهم يجيو خفااااااااااااف هده هي طريقتي وزوجي يوكل غبر المطلوع يعتي يوميا جربوها راهي ساهلة ماهلة …………….تحياني

و هاي ليكم المرحة النهائية[
اسفنجية و خفيفة

واوووو خخرجلك هايل يعطيك الصحة وشكرر كبير لفاطمة الله يفرحها في هذا العيد

اقتباس:

المشاركة الأصلية كتبت بواسطة jojo dj واوووو خخرجلك هايل يعطيك الصحة وشكرر كبير لفاطمة الله يفرحها في هذا العيد

كان يجي المطلوع شغل كسرة رخساس ما يتنفخش و يجي يابس ملفوق هاذي جاتني طرية و كي لبونج
شكرااااااا يا جوجو الحمد لله تعلمت حاجة لازم نزيد نعاودها باش يدي تمشي فيها
الله غالب راني فاشلة في الطبخ
ربي يعيشك يا جوجو على المرور

el rabite stpppppppppppppppppp merci

يعطيك الصحة

بارك الله فيك

يعطيك الصحة اختي

يعطيك الف صحة

مبروووووووووووووووووووووووووووووووووك هاذا المطلوع تاعنا لذيييييييييييييييييييييييييييييييييييييييييييييييي ييييييييييذ
وشككككككككككرا فاطمة
وبصحتك النجاح

جاك هايل الله ابارك ممكن تحطيلنا رابط الوصفة نستفادو معاك

اقتباس:

المشاركة الأصلية كتبت بواسطة ام سهام 02 يعطيك الصحة

يسلمك يا زينة ويا ام سهام تعيشي
راي اول مرة نطبخ و تصلحلي شوي

اقتباس:

المشاركة الأصلية كتبت بواسطة minn بارك الله فيك

و فيك بارك الله يعيطك الصحة يا غاليتي

اقتباس:

المشاركة الأصلية كتبت بواسطة sarra5 يعطيك الصحة اختي

يسلمك و يعطيك الصحة علىى مرورك يا لحبيبة يا لغالية

السلام عليكن اخواتي ربي يحفظكم شكون تعرف طريقة المطلوع الميلي
تفيدني بيها حوست عليها بصح ما لقيت والو وربي يفرحكم ويحقق و يستجيب لدعائكم ااااااميييييييين

ختي حنا نديرو المطلوع الميلي في دار ماليا
تبليه كيما المطلوع عادي يعني كمية من السميد ملح خميرة شوية سكر وماء دافي ولي يحب يزيد الفرينة انتي وطريقتك في المطلوع تبلي وتعجنيه مليح وتخليه يريح شوية 20د ثم تكملي تعجني وتبلي كيما المطلوع لكن الفرق انو المطلوع الميلي يجي جاري على المطلوع العادي كيما السفنج الا ماولفا ديريه
وتخليه يخمر 30 د ثم على طلجين لحديد حنا نطيبوه تبلي يديك بالماء او الزيت ومكان لي تحلي فيه وتهزي حفنة في يدك وتطرحيها شوية على المايدة المدهونة بالزيت ثم الى الطاجين مباشرة وتطرحيها بيدك فوق الطاجين بسرعة حتى تترقق كيما الكسرة شوية وتقلبيها وتتزكزي عليها كي تقلبيها وتحمريها على الجيهتين وشهية طيبة
المشكلة انو انا ساكنة وحدي ولوكان نطيبو مكاش لي يصورلي المراحل ممكن الا رحت لدار ماليا نصورلك المراحل ان شاء الله

ربي يسترك و يرزقك و يعطيك ما تتمناي و كثر خيرك بزاااااااف بزاف

ام ام لؤلؤة صوريه وديره موضوع باش الكل يشوفو وبارك الله فيك

راني جربت المطلوع على طريقة الاخت oum ibrahim
https://www.djelfa.info/vb/showthread.php?t=1360865

او جاني هايل
نتمنى انكم تجربوه
تولو ماتصبروش عليه او كل يوم طيبوه

يعطيك الصحة و ربي يخفظلك يديك الحلوين و تاكلي بالصحة

بارك الله فيك

تحياتي
صح صيامكم ومنبعد صح فطوركم
صبرو بالمطلوع تاعي حتي يطيب المطلوع العلمي
نحط السميد خميرة ملح توابل الخبز وسكر موضح بالصورة

نبدا نضيف الماء الدافيء وعجن حتي تصبح عندك عجينة بهدا القوام

نحطها في ساشي نظيف ونتركها حتي يتضاعف حجمها

ننزعها من الساشي ونعجنها مليح ما لازمش تكون طرية ياسر خاطر راح تعبك كي تجي طيبيها
بعد ما نعجنها مليح في الاخير نضيف مقدار ملعقة صغيرة زبدة ونعجنها بيها

بعد ما نعجنها وتندمج فيها الزبدة مليح نقرصها نخليها تريح 5دقائق ونبسطها في هده الاثناء نشعل الطابوبه باه يسخن الطاجين خاطر الجو سخون كون تخليها راح تهبط وما تنجحش بعد ما تكملي تقريص الخبزات ابداي طيبي وحطي الاولي اللي قرصتيها وهكدا حتي تكملي
راني شرحت بالتفاصيل المملة ان شاء الله راني قدرت نوصل المعلومة وبالتوفيق ومع الصور راح توضح

هي دير هده الفقاقيع قلبيها وكملي طيبيها مع التحريك المستمر

وهاي ليكم اشهي مطلوع بالتوفيق للجميع

امممممم اعطيني خبزة نحطها فوق الطابلة راني نوجد
بصحتكم ويعطيك الصحة

صحة فطورك ويعطيك الصحة

الله الله عليك يا الفحلة ابعثيلي واحدة سخونة نفطر بيها

جميل جدا شكرا علي مجهودك

السلام عليكم

الله يبارك فيك، عمل أكثر من رائع

الله يعطيك الصحة اختي حبيت نسقسيك مطلوعي هدو الايامات كينقلبو يتشقق ماعرفتش علاه ممكن تجاوبيني

تسلم الايادر

هذ النوع من الخبز نسموه في الشلف المشوط وندروه فقط في الشتاء

اقتباس:

المشاركة الأصلية كتبت بواسطة أم ياسين الزهراء الله يعطيك الصحة اختي حبيت نسقسيك مطلوعي هدو الايامات كينقلبو يتشقق ماعرفتش علاه ممكن تجاوبيني

شكرا لكل الاخوات الكريمات علي مرورهن الجميل
حبيبتي ام ياسين صح فطورك ممكن من السخانة العجينة تشيح غطيها بالبلاستيك الشفاف اللي نحطوه علي المائدة شوفي راني حاطاته علي الطاوله انتاعي

الله يبارك بالصحة والهنا عليكم باينة بنينة
ن شاء الله رمضان كريم

بارك الله فيك

يعــــطيـــك الصــحـة

G]اليوم جبتلكم المطلوع وعالبالي بالي كين بزاف لي عندهوم مشكل مع المطلوع اليوم راح نعطيكم السر انتاعي بصح متنسوش تدعوالي بزاف ههههههههه راني انقسر
المقادير
فرينة على حسب افراد العائلة
قرصة ملح
نصف مغرف صغيرة خميرة الحلوة
مغرف كبيرة خميرة الخبز ماء دافىء
التحضير
نديرو للخميرة شوية ماء وسكر ونخلوها تخمر
نخلطو الملح والخميرة تاع الحلوة والفرينة بالماء تكون الخميرة طلعت نبدوا نزيدو الماء حتى توالي عندي عجينة طرية ندالكوها مليح من بعد نشكالوها كويرات ونحلوها بالحلال على شكل قرصات اكيد على دارا مرشوش بالفرينة نخلوها تخمر لمدة من ساعة ادا السخانة وادا البرد حتى تطلع من بعد انسخنو الطجين
ونحطو القرصة الاولى غير اطيب نقلبوها ونجيبو شوية زبدة ندهنو بها سطح الخبزة من بعد كي اطيب الجهة الاخرى انحوها ونحطوها فوق سنيوة ونزيدو ندهنوها نكمل باقي القرصات على هدي الطريقة
هدا هو سر تاع المطلوع اتعي ليكله يقوالي خفيف بزاف الزبدة متخليش الخبزة ادير القشرة اليابسة تاع المطلوع وتعطيها بنة هايلة .وتجي خفيفة بزاف سييوها وراجعوالي لخبر ومتنسوش تدعوالي علبالي راح تعجبكم بزاف المهم متكتروش الزبدة دهنة خفيفة على السطح[IMG][/IMG]

يطيك الصحة باينة هايلة
و كان صورتيها خير تزيدي تشهينا
خطرة الأم تاعي كي طيبتها دارتلها شوية زيت و صح طلعت هايلة
نشالله نجربها

هكي التصور حنونة

واااااااااااااو هذي مطلوع و عليها الكلام و الله تشهي
راني رايحة نعجن المطلوع و نشالله نديرلها الزبدة
مشكورة يا الغالية و يطيك الصحة

شكراااااااااااااااااا

الف الف شكر لك حبيبتي
بارك الله فيك و جازاك الجنة ان شاء الله

انا تاني مازال ما ممشاش المطلوع على ايدي يجيني شوي ثقيل
رايحة نجرب الطريقة نتاعك و نردلك الخبر

و جازاك الله الف خير

راح يجيكم شباب بزاف على ضمانتي

بارك الله فيك

وفيكي بركة اختي

لي تسييه ترجعلي كيفه جاها

شكراااااااااااااااااااااااااااااااااااا

هايل بارك الله فيك

الله يبارك يشهي يعطيك الصحة وجزاك الله خيرا

أختي ممكن تعطيني مقدار الفرينة بالضبط؟

اقتباس:

المشاركة الأصلية كتبت بواسطة أم هنيدة الله يبارك يشهي يعطيك الصحة وجزاك الله خيرا أختي ممكن تعطيني مقدار الفرينة بالضبط؟

ميكون غير خاطراك ختي انا غير انا ورجلي مازال مرازقنيش ربي بالدرية
المقادير
3كيسان ونصف تاع اينوكس فرينة يعطوك 3 خبزات متوسطين مغرف خميرة تاع الحلوة صغيرة مغرف كبيرة خبز وقرصة ملح والماء بش اتلمي كيما راني كاتبة وادا مفهمتيش نعود لختي

اقتباس:

المشاركة الأصلية كتبت بواسطة sondse1 الف الف شكر لك حبيبتي بارك الله فيك و جازاك الجنة ان شاء الله انا تاني مازال ما ممشاش المطلوع على ايدي يجيني شوي ثقيل رايحة نجرب الطريقة نتاعك و نردلك الخبر و جازاك الله الف خير

مع التكرار راح يمشي في يداك انا ختي الصغيرة عندها عام من داخلت الكوزينة راهي اطير ولا ايجيها المطلوع شباب في الاول كنت متعرفش حتى كيفه ترون لعجينة ودواكة سبقتني