الوسم: الريشة»

G]اليوم جبتلكم المطلوع وعالبالي بالي كين بزاف لي عندهوم مشكل مع المطلوع اليوم راح نعطيكم السر انتاعي بصح متنسوش تدعوالي بزاف ههههههههه راني انقسر
المقادير
فرينة على حسب افراد العائلة
قرصة ملح
نصف مغرف صغيرة خميرة الحلوة
مغرف كبيرة خميرة الخبز ماء دافىء
التحضير
نديرو للخميرة شوية ماء وسكر ونخلوها تخمر
نخلطو الملح والخميرة تاع الحلوة والفرينة بالماء تكون الخميرة طلعت نبدوا نزيدو الماء حتى توالي عندي عجينة طرية ندالكوها مليح من بعد نشكالوها كويرات ونحلوها بالحلال على شكل قرصات اكيد على دارا مرشوش بالفرينة نخلوها تخمر لمدة من ساعة ادا السخانة وادا البرد حتى تطلع من بعد انسخنو الطجين
ونحطو القرصة الاولى غير اطيب نقلبوها ونجيبو شوية زبدة ندهنو بها سطح الخبزة من بعد كي اطيب الجهة الاخرى انحوها ونحطوها فوق سنيوة ونزيدو ندهنوها نكمل باقي القرصات على هدي الطريقة
هدا هو سر تاع المطلوع اتعي ليكله يقوالي خفيف بزاف الزبدة متخليش الخبزة ادير القشرة اليابسة تاع المطلوع وتعطيها بنة هايلة .وتجي خفيفة بزاف سييوها وراجعوالي لخبر ومتنسوش تدعوالي علبالي راح تعجبكم بزاف المهم متكتروش الزبدة دهنة خفيفة على السطح[IMG][/IMG]

يطيك الصحة باينة هايلة
و كان صورتيها خير تزيدي تشهينا
خطرة الأم تاعي كي طيبتها دارتلها شوية زيت و صح طلعت هايلة
نشالله نجربها

هكي التصور حنونة

واااااااااااااو هذي مطلوع و عليها الكلام و الله تشهي
راني رايحة نعجن المطلوع و نشالله نديرلها الزبدة
مشكورة يا الغالية و يطيك الصحة

شكراااااااااااااااااا

الف الف شكر لك حبيبتي
بارك الله فيك و جازاك الجنة ان شاء الله

انا تاني مازال ما ممشاش المطلوع على ايدي يجيني شوي ثقيل
رايحة نجرب الطريقة نتاعك و نردلك الخبر

و جازاك الله الف خير

راح يجيكم شباب بزاف على ضمانتي

بارك الله فيك

وفيكي بركة اختي

لي تسييه ترجعلي كيفه جاها

شكراااااااااااااااااااااااااااااااااااا

هايل بارك الله فيك

الله يبارك يشهي يعطيك الصحة وجزاك الله خيرا

أختي ممكن تعطيني مقدار الفرينة بالضبط؟

اقتباس:

المشاركة الأصلية كتبت بواسطة أم هنيدة الله يبارك يشهي يعطيك الصحة وجزاك الله خيرا أختي ممكن تعطيني مقدار الفرينة بالضبط؟

ميكون غير خاطراك ختي انا غير انا ورجلي مازال مرازقنيش ربي بالدرية
المقادير
3كيسان ونصف تاع اينوكس فرينة يعطوك 3 خبزات متوسطين مغرف خميرة تاع الحلوة صغيرة مغرف كبيرة خبز وقرصة ملح والماء بش اتلمي كيما راني كاتبة وادا مفهمتيش نعود لختي

اقتباس:

المشاركة الأصلية كتبت بواسطة sondse1 الف الف شكر لك حبيبتي بارك الله فيك و جازاك الجنة ان شاء الله انا تاني مازال ما ممشاش المطلوع على ايدي يجيني شوي ثقيل رايحة نجرب الطريقة نتاعك و نردلك الخبر و جازاك الله الف خير

مع التكرار راح يمشي في يداك انا ختي الصغيرة عندها عام من داخلت الكوزينة راهي اطير ولا ايجيها المطلوع شباب في الاول كنت متعرفش حتى كيفه ترون لعجينة ودواكة سبقتني

السلام عليكم اليوم جبتلكم كعك هاااااااايل بصع بلا صور اسمحولي الهاتف نتاعي خسرلي و ماسبتش باه نصور

المقادير
4 حبات بيض
كاس سكر
كاس زيت
كاس حليب
كاس ماء الزهر
كاس عصير البرتقال مع zest
2 مغارف كبار خميرة الخبز .مغرف صغيرة فاني .2 مغارف كبار حليب مجفف اي(لحضة )
فرينة حسب الخليط

التحضير.
في صحن كبير نحط كل المقادير نخلطهم مع بعض مليح باليد ثم نبدا نضيف الفرينة بالشوي حتى تتحصلي على عجينة طرية دريها في صحن مدهون و خليها تخمر مليح مليح ثم خسريلها الخمور و صنعيها كورات احشيهم بالشوكولاطة ورجعيهم يخمرو ثم ادهنيهم بصفار بيضة مع شوية حليب ذرذري عليهم شويا سكر حرش من فوق و دخليهم يطيبو
ان شاء الله يعجبكم الكعك و تجربوه
دعوة واحدة تكفيني ربي يسرلي امري .

بارك الله فيك اختي الصوامعية
تبان و كانها وصفة لبريوش؟
ربي ان شاء الله يشرح لك صدرك و ييسر لك أمرك فيما يحبه و يرضاه

شكرا اختي remadna هي تشبه للبريوش بصح انا نستعملها في الكعك و جي هااااايلة راني مجربتها شعال من مرة.ربي يحفضك اختي.

مرحبا…………شكرا لك على هذا الكعك وانشاء الله رح جربوا

بارك الله فيك بنت بلادي على الوصفة الشهية تحياتي

merci ma soeur rabi yasserlek

شكرا لكن جميعا على تشجيعكم لي جربو الكعك ولن تندمووووووووووووووووووو.

بارك الله فيك على الوصفة الشهية

يبان لذيذ جداااااااااااااااااا

بارك الله فيك اختي الغالية

بارك الله فيك اختي الصوامعية لك مني أجمل تحية .

تحياتي للجميع انتضر المزيد من التشجيع

شكراااااااااااااااااااااااا على الوصفة.

باااااااااااارك الله قيك

يعطيك الصحة

شكرا للجمييييييييييييييييييييييييييييييييييييييييييع.

بوركتي اختي ويسر الله امرك

السلام عليكم ورحمة الله وبركاته
واشكم يالحراير توحشتكم بزااااف
جبتلكم معايا مطلوع مممممم جربوه ومتندموش باذن الله
طريقة مختلفة شوي المهم نبداو:
ملعقة كبيرة وربع خميرة خبز اللي حبيباتها صغار (المضغوطة)
ملعقة كبيرة وربع سكر
حوالي فنجان فرينة

ونغمروهم بالماء او الحليب ويكون دافيء كيما في الصور

وخلطيهم مليح حتى تذوب الخميرة وغطيهم مليح بنيلون وفوقو غطاء او منشفة وخليها في مكان دافي من نصف ساعة إلى ساعة

وفي هذه الاثناء حضري العجين
الدقيق قدر 4 قرصات + ملعقة كبيرة ملح

واعجني بماء عادي اعجنيها مليح حوالي 8 دقائق
أنا الحق عجنتها حوالي 5 دقائق بيدي ودرتها في كيس مبلل لقيتها تعجنت وحدها

بصح متكثريش السميد كي تجي تقرصيهم باش ميتحرقلكش في الطاجين

والماء اللي نضيفوه للخميرة يكون دافي لازم ميكونش بارد أو ساخن جدا كي تتدخلي صباعك فيه تتحمليه

بارك الله فيك رائع

بارك الله فيك أختي

وفيكن بارك الله مشكورات للمرور

بارك الله فيك رائع

مشكورااات للمرور

شكراااااااااااااا جزيلا

بارك الله فيك رائع

شكرا للمرور نورتوني

بارك الله فيك رائع

ما شاء الله رووووووووووعة يعطيك الصحة

يبان هايل اختي بارك الله فيك على الطريقة

بارك الله فيك كفيت ووفيت نجربها ان شاء الله