مساء الخير لبنات واش احوالكم
من رمضان ما طليتش عليكم
راني جبتلكم وصفة من تقاليدنا
ان شاء الله تعجبكم
البارح وفيفي تدور في الكوزينة
لقات التمر والرمان
ايا جاتني الفكرة نعمل المسفوف
المهم قلت حباباتي في المنتدى بالاك تفيدهم الوصفة
ايا جبتهالكم
نجيبو الكسكس الرقيق ونحطوه يفور عادي
في هذاك الوقت جبت التمر قطعتو قطع صغار والرمان فصصتو وغسلت العنب
لما يكمل الكسكسي التفوار نتاعو
نجيب الزبدة والسكر بالكمية لي نحبوها ونخلطوه
ومبعد نضيفو الرمان والتمر
ولما نكملو نزينو بالعنب
وهاوليكم الصحن ارواحو تذوقو
نديروه في اوقات لما يكون في ضيوف في البيت يفطرو بيه ونقدموه مع اللبن طبعا
او ايام يكون عمل في البيت
ناس تبني او يحضرو لعرس
يفطرو بيه
نتمنى عجبتكم الوصفة
الى اللقاء مع وصفات اخرى
بارك الله فيك اول مرة نشوف الطبق
مشكورة اختي ام يحيى على المرور
هيه هذا نديروه في تبسة
ممكن المناطق الاخرى ماعندهمش
يعطيك الصحة يا جارتي الفحلة
صراحة في عائلتي نعملوه غير بالتمر والزبيب
وعارفة بلي كاين اللي يعملوه بالرمان لكن لم اجربه
شكله جميل جدا
اهلين بيك اختي ام راضية
ربي يحفظلك راضية
ايه احنا تان نخدموه بالزبيب لكن على حساب المتوفر
شكرااا على المرور الطيب
امممممممممم سخفتيني يا لحبيبة
يهبل مشاء الله
يعطيك الصحة
جاء رائع الله يبارك يعطيك الصحة,
اممممممم سخفتيني نموت عليه حاجة لمنديرهاش وجديدة عليا هي تمر
زعم يجي مليح نجرب طريقتك نردلك لخبر شكرا
شكرااا عاى الوصفة بالرغم حنا في الغرب مانديريهش بالسكر الداخل لكن راهو يبان يشهي يعطيك الصحة
مشكووورين لبنات كااامل على التشجيع
merciiiiiiiiiiiiiiiiiiiiiiiiiiiiiiiiiiiiiiiiii
العفوووووووووووووووووو
الله يبارك يعطيك الصحة,
عارفة بلي كاين اللي يعملوه بالرمان في تنس ولاية شلف بالرمان لكن لم اجربه
شكله جميل جد
صراحة في عائلتي (الجدي أب أمي )نعملوه غير بالتمر والزبيب نجرب نتعك و ونرجعلك بي خبر