الوسم: المحترفات

عاونوني الله اخليكم في باترونات هاد لفراشات هبلوني
https://im37.gulfup.com/7xo8e.jpg
https://im37.gulfup.com/1albZ.jpg
https://im37.gulfup.com/NN2s8.jpg

الاول

https://www.servimg.com/image_preview…294&u=13985139

الثاني راه مدتهولك الاخت ام سفيان
https://www.djelfa.info/vb/showthread.php?t=1388114

الثالت

جيت نعطيك الباترونة لقيت لبنات سبقونى يعطهم لصحة

الله ابارك جزاكن الله كل خير ربي يعطيكم ما تتمناو ان شاء الله حاجة برك الباترون نتاع لفراش الاول او لابياس الاولى مجرد شرح برك يا ريت الي عندها الباترون بالضبظ افيدوني الله اخليكم و شكرا مرة اخرى

الفواكه ادهنيهم بلاجولي
العجينة المورقة اكيد تصلح انك ديريهم كورنيات وبعد يوم تعمليلهم الحشو
بالنسبة لطيابهم انت والفرن تاعك عموما ماياخدوش بزاف وقت

يا رب يعاونووووك

شكرا حبيباتي في انتظار باقي الردووووووووووود

??????????????????????

ما الفرق بين لامونة، الكعك و البريوش؟؟؟؟؟؟؟؟؟؟؟؟؟؟؟؟؟؟؟؟؟

اقتباس:

المشاركة الأصلية كتبت بواسطة zaklam ما الفرق بين لامونة، الكعك و البريوش؟؟؟؟؟؟؟؟؟؟؟؟؟؟؟؟؟؟؟؟؟

اسفة حت اليوم باه شفت الموضوع انتاعك الفرق بينتهم هو الذوق والنكهة والهشاشة
لامونة خفيفة
الكعك وصفة تقليدية ومنسمة بالعطور البرتقال والليمون وحبة الحلاوة والجلجلان وزريعة البسباس
البريوش ثقيل نوعا ما وهوشبيه للخبز

مشكووووورة حبيبتي

ادخلو للفايس بوك وحوسو في هذا العنوان
تلقاو موديلات تاخذ العقل
(
Tunisie -crochet (A vendre selon la demande-تونس- كروشيه ( للبيع حسب الطلب)

شكرا لك وبارك الله فيك على هده الصفحة هايلة للمحترفات إن شاء الله نلتحقوا بيهم يا رب

الله يعطيك الصحة هذا هو الكروشي صح

للاسف معنديش اسم في الفايس بوك

شكرا

سألتحق بالصفحة

مشكورة جدا و الله الفايس ثاني فيه العجب

تحياتي

شكرا

سألتحق بالصفحة

مشكورة جدا و الله الفايس ثاني فيه العجب

تحياتي

بارك الله فيك أختي

روووووووووووووووعة

مشكووووووووووووووووورة

https://https://img241.imageshack.us/i…588td5txk2.gif

ذذذذ

الشربة العاصمية لي ذقتها انا و للي مووالفة ننديرها , فيها بصلة شوية زيادة , لحم غنمي , قرعة , طماطم حب, كسبر حشيشة , و التوابل لي هم الفلفل الاسود , راس الحانوت , و طماطم مصبرة و بالطبع لحميصة و نعناع كاين لي يديرو يابس و لآ اخضر و طبعا في الاخير الفريك

انا طريقتي نحط ملعقة صغيرة سمن , وشوية زيت ونحط اللحم مقطع مكعبات يتقلى شوية نزيد عليه الدبشة و النعناع الا كان خضر غير وورقة و لا 2 يتجمر شوية ونضيف حبة طماطم مرحية و لآ زوج على حسب درجة النضوج تاعها وزيد يتقلى شوية نرمي حبة قرعة مقطع رقيق جدا يمكن الاستغناء عليها ونضيف التوابل ( ملح فلفل اسود راس الحانوت,, و شوية كسبر يابس و شوية حبة حلاوة تمد بنة للشربة ) ونخليها تتجمر شوية و نراقب دائما وبعد ذلك نضيف الماء الساخن على مرة يعني تتعمرالقدرة غير تغلي نرمي الحمص طبعا مرنخ و لآ بايت في الماء و طاايب نص طياب و ملعقة كبيرة طماطم مصبرة نخلي القدرة تغلي على مهلها في نار متوسطة كي نلقاو اللحم تاعنا و الحمص دخلو الطياب نضيفو الفريك لي شللناه ونرمي ربطة صغيرة تاع الكسبر نحي الاوراق نخليهم للتزيين و بالطبع هنا لي نضيف الملح
وتطيب و نعس على حساب نوعية الفريك و في الاخير قبل ما نطفولها , نزيد عليها اوراق الكسبر لي خليناها ونعناع يابس غير رشة خفيفة تغلي غلية و نطفي وفي صحن التقديم نزينو بالكسبر ( حشيش الشربة , المقطفة, الدبشة) و بصحتكم

دارت محاضرة هههه فقط حبيت نعطي لك طريقتي بالتفصيل ملاحظة بالنسبة للتوابل مين داك نلقى واجد خاص بالشربة والاهم تتجمر

هذا رد درتو للاخت ريمة بدر وان شاء الكل يستفاد , علبالي كل واحد و الوصفة ديالو بصح حبيت نشارككم طريقتي لتعم الفائدة
نزيد نوافيكم بالصور في اقرب الاجال باذن الله

ملاحظة فقط بالنسبة للحم ممكن ديري طرف غنمي و القطع تاع البقري و تقدري , تديريها بالجاج او بكويرات اللحم

المرحي و والاهم عندي نحب ريحة الغنمي في الشربة والكسبر حشيشة لازم , وكل واحد و ذوقو

فقط دعولي بالشفاء لاخي و دعوة لي

رمضانك كريم

جزاك الله الف خير على الموضوع

بارك الله فيكي

بارك الله فيك و رمضان كريم و ربي يشفي اخوك يا رب

شكرا اختي
ربي يحفظك و يشفي خوك
صح رمضانكم

شكراااااااااااااااااا جزاك الله الجنة

تبان مممممممممم
بارك الله فيك حبيبتي
و ربي يجعلها في ميزان حسناتك و يشفي خوك يا رب

السلام عليكم أم كاميليا ،وصفة رائعة لشربة الفريك ،في ولايتي نقولو جاري فريك ولانستعمل الكوسابمعنى الجري لكن في بيت شيخي يستعملو الجري والجزر مرحيين مع البصل ويقليوهم مليح حتى يذبلو وفيما بعد تقريبا يكملو بنفس طريقتك نأخية ربي يتقبل منك الصيام والقيام وربي يحفظلك كاميلياويشفي أخاك شفاء عاجلا غير آجل آمين يا رب العالمين.

شكرا اخواتي لمروركن الطيب العطر

شكرا اختي…..ربي يتقبل منك الصيام والقيام.

يعطيك الصحه ام كامليا وربي يشفيلك اخوكي وجميع مرضى المؤمنين يا أرحم الراحمين

جزاك الله خيرا

تشهي يسلمو الايادي
جزاك الله خيرا اختي على الوصفة

شكرااخواتي الكريمات لمروركن

السلام عليكن لقد ابهرت بالاحترافية و الكنز لي راكم تمدهلنا بارك الله فيكن و لكن لي منكن طلب
اختي تريد مثل هد القفطان و انا اريد ان اخيطه لها و لكن ليس لدي باترون نتاعه
ارجو منكن الباترون

https://fbcdn-sphotos-h-a.akamaihd.n…0a7a32d1721902

ولا رد
وين راكم يا محترفات وين راكي sarra5

يعطيك الصحة والله شهيتيني وحابة ضرك نوضنخدموا ربي يحفضك

وستار تجي نورمال

Yatik elsah ya shatra

merciiiiiiiiiiiiiiiiiiiiiiiii

الله يبارك

ماشاء الله روووووووعه

بارك الله فيك و اتمنى ان تكملي الموضوع

روعة الله يبارك يعطيك الصحة في انتظار جديدك وشككككرا على الموضوع المميز

شكرًا وَبَارِكْ الله فيك

شكرا على المجهود و على نصائح النجاح و الفشل

bravoo ya chatra, jawak haylin w rabbi yjazik amin.

بغيت نسقسيكم كي تتكوني تخدمي في كاش حاجة و يكمل الخيط تاع السبيب كيفاش نلصق و حداخر و نواصل العمل

شكرا احتي مشكورة بزاف يلا تعرفي تخدمي مفارش مدابيك تعلميني

إلى كل الأخوات أنا أحتاج مساعدتكن
راني خدمت كوفرلي تاع سموك بصح كي لصقت الجزئين مع بعض ماخرجتش الخدمة مليحة
إذا تقدرو تعطولي حل باش نغطي هذا الخطأ في الوسط
نحطلكم الصورة تاعو إذا حبيتو باش تعاونوني
شكرا مسبقا وفي إنتظار ردودكن

السلام عليكم
شوفي يا اختي ادا فهمتك مليح معناه خدمتي زوج قطع سموك و من بعد حبيتي تلصقيهم
و هدا خطأ لانه السموك نخيطو قبل القماش باش نرسموه و نخدموه
لدالك باش تصححي الخطأ ختي افتحي بعض الغرزات الي عال الجنب وين راكي حابة تلصقي خيطيهم و عاودي ارسمي و طبعا كي جي ترسمي احسبي قبل شحال تخلي باش ترسمي المربعات سواسوا و ما يبقالكش زيادة قماش

على كل حال هدا واش فهمت و ادا راني غالطة نتمنى تحطي الصورة بالاك ما فهمتكش مليح و نعاود نفهمك بالشيء الي نقدر عليه
او ممكن الاخوات الي فهموك يعوانوك كدالك

بالتوفيق

ياأختي انتي مافهمتينيش
أنا سطرت بعدها خيطتهم مع بعض وخدمتهم وبقى فراغ من الوسط وحابة نغطيه أو نديرلو كاش حل
ان شاء الله تكوني فهمتيني

شوفي يا اختي
راكي تقولي سطرت بعدها خيطتهم مع بعض
و الصحيح انك تخيطي و من بعد تسطري راكي فاهمتني يا اختي و دايما نبداو نرسمو من الوسط او على الاقل ديري عملية قسمة باش يكون المربعات الوسطانية مخدومة و ما تبانش لخياطة في وسط الكوفرولي

الان مادام صرا الخطأ نقترح عليك مثلا انك ترسمي غرز صغار مثلا ادا درتي ياسمينات كبار ارسمي اخرين صغار بحيث يغطولك لفراغ الي بقالك في الوسط

نتمنى نكون فهمتك و فهمتيني

شكراااااااااااا جزاك الله خيراااااااااااا

راكي صحيحة أختي
راكي فهمتي واش صرالي

ممكن تحطي الصورة اختي باش نقدرو نساعدوكي

السلام عليكم
مليح كي فهمتك
نقترح عليك حل اسهل ادا حبيتي ماعلاباليش ادا فكرتي فيه انك تقطعي القماش الزايد طبعا ادا كان طرف رقيق
ودالك انك تحلي الغرز الي جايين عالاطراف و ومن بعد تقطعي لانه اكيد ما تقدريش تقطعي و القماش مكمش و تعاودي تخيطي

بالتوفيق يا اختي

يا ريت تحطي الصورة افضل بلاك نقدرو نساعدوك

شوفي اختي عندي هاد الفكرة ان شاء الله تساعدك على تغطية الخطا
اولا تحلي الخياطة نتاع القطعتين و تخلي كل قطعة وحدها مثل الصورة هذه

الان تجيبي قماش اخر
تطرزيهبالحاشية ادا حبيتي
و تلصقيه بين القطعتين نتاع السموك

مجرد فكرة ادا حبيتي تطبقيها

بارك الله فيكن أخواتي
راني حليت غرزتين وصغرتهم وخدمتو وراه ولا مليح الحمد لله
بارك الله فيكن وخصوصا الأخت tiziri ربي يفرجها عليك كيما فرجتيها عليا
كان مقلقني لأني طولت وأنا نخدم فيه شهرين وبعدها خرج فيه مشكل
الحمد لله
كي نكملو راني نحطلكم الصورة تاعو

بارك الله فيكن أخواتي
راني حليت غرزتين وصغرتهم وخدمتو وراه ولا مليح الحمد لله
بارك الله فيكن وخصوصا الأخت tiziri ربي يفرجها عليك كيما فرجتيها عليا
كان مقلقني لأني طولت وأنا نخدم فيه شهرين وبعدها خرج فيه مشكل
الحمد لله
كي نكملو راني نحطلكم الصورة تاعو

أختي فيما يخص التوابل كاين موضوع للأختfaizarbh
وهو لوصفات الشاف مصطفى بسعدي بإذاعة الشلف

https://www.djelfa.info/vb/showthread…post1052953213

جدول تفصيلي للتوابل:

* أي طبق غراتيني في الفرن: ملح،فلفل،شوية سكنجبير طازج،شوية جوزة الطيب.

شكرا اختي …..انا نتجنب التوابل بزاف …على هادي نستعمل راس الحانوت . فلفل احمر و قصبر و زعفران
و طريقة التمريق كيما قلت مسبقا
ما ولت نستنى في احاباتكم

أنا تاني نحب نتعلم و ديما نطرح السؤال هذا … ننتظر من محترفات الطبخ المساعدة
شكرا على الموضوع

Sah ana dima nhawass 3la tawabil li yathato fi kol okla w wachhal lazam ykoun marak
Baraka laho fiki okhti

سلام
مام انا نجتنب التوابل بزاف انا نستخدم بزاف رأس الحانوت والحرور والزعفران والكمون وجامبو بالنسبة للتوابل لخرين محبش نستعملهم اضافة الى الفلفة الحمراء كذالك نستعملها

صحا رمضانكم

طريقة التمريق يا جماعة …..واش راكم مgرفين ؟؟؟

انا نستعمل التوابل اللي يجيو في ساشي يسموهم الذواقة ونستعمل الفلفل الاسود والكمون والكسبر المرحي والبسباس المرحي والقرفة وطبعا كل طبخة عندها التوابل اللي تناسبها
التمريق في معظم طبخات ندوزن الطنجرة ونخليها تتقلى على نار هادية مدة 10دقايق الى 15 دقيقة مع التحريك والتقليب ثم نمرق بنص كاس ماء ونخليها تغلي شوية ثم نزيد بشوية الماء حتى نكمل الكمية المطلوبة وفي اغلب الاحيان تكون قيمة ما نغطي واش كاين في الطنجرة من لحم او خضر واللي نحب نفيدك بيه اختي هو انك لما تمرقي بماء قليل وتغلقي طنجرة الضغط وتخليها تطيب على نار خفيفة رايحة تخلي اللحم عندك يطيب بدون ما تفقد المرقة البنة نتاعها من كثرة الماء وتجي بنييييييينة وهذي بالتجريب

اقتباس:

المشاركة الأصلية كتبت بواسطة غيداق انا نستعمل التوابل اللي يجيو في ساشي يسموهم الذواقة ونستعمل الفلفل الاسود والكمون والكسبر المرحي والبسباس المرحي والقرفة وطبعا كل طبخة عندها التوابل اللي تناسبها التمريق في معظم طبخات ندوزن الطنجرة ونخليها تتقلى على نار هادية مدة 10دقايق الى 15 دقيقة مع التحريك والتقليب ثم نمرق بنص كاس ماء ونخليها تغلي شوية ثم نزيد بشوية الماء حتى نكمل الكمية المطلوبة وفي اغلب الاحيان تكون قيمة ما نغطي واش كاين في الطنجرة من لحم او خضر واللي نحب نفيدك بيه اختي هو انك لما تمرقي بماء قليل وتغلقي طنجرة الضغط وتخليها تطيب على نار خفيفة رايحة تخلي اللحم عندك يطيب بدون ما تفقد المرقة البنة نتاعها من كثرة الماء وتجي بنييييييينة وهذي بالتجريب

لكن اختي واش رايك ….راه كل ما اللحم يطلق البنة تاعو و المرقة تخثار نتي تزيدي الماء يروح كلش ولا كيفاه
راني حابة نستفاد من خبرتكم

لا اختي انا نستعمل قيمة زوج كيسان ونص نتاع الماء طيلة مدة الطياب لانو مبدئي الحاجة تطيب على نار هادية مش بكثرة الماء اللي تحطيلها

شوفي اختي كمية الماء لازم تكون معقولة مش تغرقي الطنجرة ترديها بيسين

ومش تحطي شوي ينشفلك وسر بنة الموقد لما يكون على نار هادية هدي برك

اختي اولا سر البنة تاع الماكلة في القليان اول مرة لازم تقلي اللحم والتوابل تاعك مليح على نار هادية حتى يطلق الماء تاعو ومن بعد تزيدي الماء غير شوية وتخلية يغلي مليح وتزيدي الماء حتى يتغطى اللحم وتغلقي وتخليه يطيب وعلى فكرة الكوكوت ماتعقدش كيتكون على نار هادية يعني ماتكثريش الماء بزاف

اولا فيما يخص التوابل هنا في الغرب مشهورين بالتوابل وخاصة الي تدخل من المغرب اما الاخوات فانا تعجبت كيفاه تستعملوا توابل نوع واحد في كل الاكلات؟؟؟حنا كل اكلة ونستعمللها التاوابل الخاصة بيها .اما الكمون فهو يستعمل في مرق اكلات محددة ولازم تحطيه في الاخير لانو كي طيب مع المرق يطلق مرورة ويخصر الاكلة اعن كمية الماء فكل اكلة وتمراقها هناك اكلات مافيهاش محتويات تطلب طياب بزاف فهنا ندير قليل من الماء والطياب على نار هادئة وهناك اكلات تطلب تزيدي كمية الماء لان المحتويات تحتاج وقت اكثر باه تطيب ونزيدك حاجة هناك اكلات لاوم تمرقيها بماء سخون وهناك اكلات تديري بارد في البارد

مشكورين اخواتي على الردود