لاحظت في هذا المنتدى أنه عندما يطرح موضوع جديد من مشتركة جديدة او مبتدئة لا نجد تفاعل من طباخات المنتدى المحترفات حتى و إن تعلق الأمر بتطبيقات لأطباقهن حتى أنه في بعض الأحيان أري أسمائهن في عنوان الموضوع و عندما أدخل لا أجد أي تفاعل من قبلهن ،لا كلمة شكر لا ملاحظة ولا حتى انتقاد أو تقويم كأن الجميع اختفى
لكن بمجرد أن تضع احدى هذه الطباخات موضعا حتى نجد تفاعل الجميع بدون استثناء بالتهليل و المديح والشكر أنا لم أقل أنهن لا يستحقن كل ذلك و أكثر لكن أليست المشتركات الجدد و المبتدئات أكثر حاجة إلى التشجييع والتقويم والإنتقاد من طرف أهل الإختصاص و المحترفات؟؟؟
أليس الهدف من هذا المنتدى هو تعميم الفائدة ؟؟
و أخيرا تقبلو مروري وشكرا للجميع
صدقتي اختي ام يوسف
ان شاء الله يعطيو اهتمام اكثر للمشاركات
اختي الحبيبة ماتزعفيش ايلا مالقيتيش رد على اطباقك احنا رانا في الكوزينة واش طيبتي اليوم ادخلي حبيبتي وتفاعلي معانا واش حبيتي تلقاي عندنا حنونة رانا كامل عايلة وحدة والي تحبيها اسالينا واحنا انجاوبوك مايدخلك والو يالحبيبة
عندك حق حنونة
ملاحظة في محلها وان شاء الله نحاولو نتفادوها جميعا
شفتي راكي جديدة ودخلت نرد عليك ممممممم
اقتباس:
المشاركة الأصلية كتبت بواسطة x ام رحاب x
اختي الحبيبة ماتزعفيش ايلا مالقيتيش رد على اطباقك احنا رانا في الكوزينة واش طيبتي اليوم ادخلي حبيبتي وتفاعلي معانا واش حبيتي تلقاي عندنا حنونة رانا كامل عايلة وحدة والي تحبيها اسالينا واحنا انجاوبوك مايدخلك والو يالحبيبة
|
ربي يبارك فيك أختي
انا سالت سؤال للاخت صوامعية على القلب اللوز تعها من قبل رمضان و تخيلو لحد الان مرجعش عليا علاه معرفش
اقتباس:
المشاركة الأصلية كتبت بواسطة x ام رحاب x
اختي الحبيبة ماتزعفيش ايلا مالقيتيش رد على اطباقك احنا رانا في الكوزينة واش طيبتي اليوم ادخلي حبيبتي وتفاعلي معانا واش حبيتي تلقاي عندنا حنونة رانا كامل عايلة وحدة والي تحبيها اسالينا واحنا انجاوبوك مايدخلك والو يالحبيبة
|
شكرا على الإهتمام
الله يبارك فيك أختي
حاولت أن ألفت نظر الجميع إلى هذه النقطة السلبية في المنتدى من أجل تصحيحها وتطوير المنتدى أما على الصعيد الشخصي فالطبخ هو هواية و إضافة جميلة في حياتي ولا أنوي الإحتراف في هذا المجال
شكرا أختي العزيزة
انا موالفة نرد على المواضيع دون تذكر اسم صاحبته
ما عنديش فرق بين الاخوات اليوم مبتدئة وغدوة محترفة
عندك الحق احيانا انا اضع مواضيع الاحظ ان نسبة المشاهدة كبيرة لكن الردود قليلة جدا شكرا لك على طرحك لهذا الموضوع المهم
شوفي اختي المنتدى راه واسع وفيه اكثر من نصف مليون مشارك وكاين بعض الاقسام والله عمري مارحت لها
من كثرت تواجدي في واش طيبتي ولا تاع المتزوجات واحيانا تاع تدريس والمشرفات ولا الطبخات واش يقدهم يتجاوبوا مع الاسئله
والمشاكل المطروحه لدا ما تلوميش حتى واحد
كاين الي راهم غايبين وتاني كل واخد ومشاكلها نتمنوا يكون التفاعل الي راكي تتكلمي عليه لكن يد وحده ماتصفق
انا راني نعذرهم كامل الجدد ولا القدم المهم الواحد يشارك ويحط واش يعرف لوجه الله
صباح الخير اختي ام يوسف اولا شكرا ليك على الموضوع
عن نفسي ما كانش عندي هذا الاحساس في اول مشاركاتي لاني لقيت تفاعل كبير من جميع العضوات دخلوا لمواضيعي و شجعوني بزاف اصلا الشيء الي شجعني اني انظم للمنتدى هو الاهتمام و التبادل الحقيقي لخبرات الطبخ هو صح ان المشرفات ميردوش بزاف على المواضيع لكن هذا بسبب مشاغلهم في مراقبة القسم و الاشراف لكن لا اظن انه هناك تحيز و اظن انه هناك عدة اسباب
مثلا ان العضوات الجدد في معظم الاوقات ميحطوش صور لوصفاتهم او صورة وحيدة في المرفقات و انا عن نفسي نحب نشوف صور الوصفة باه نتشجع و نجربها ممكن الوصفة تكون رائعة لكن عدم وجود صور ينقص بزاف من اهتمام الزائر للوصفة و كاين سبب اخر احيانا صاحبة الوصفة تكتب الوصفة في سطرين دون ذكر تفاصيل و هذا يترك انطباع سيء عند الزائر يحس ان كاتب الموضوع لم يعطي ادنى اهتمام للزائر الذي يبحث عن التفاصيل لذا لا يترك رد او تقييم انا عن نفسي نتعب بزاف في تحضير الوصفة و في التصوير و كتابة الموضوع و اظن ان هذا الشيء يشعر بيه الزائر و يترك رد مشجع
و ايضا ممكن انه يمر اوقات في المنتدى الكل مشغول سواء افراح او عطلة او دخول مدرسي مما يقلل نسبة المشاهدات و الردود
و اخر سبب انه فعلا يوجد نسبة من الاعضاء السلبيين الذين يدخلوا المواضيع و يخرجوا كالاشباح دون ترك ردود و ان شاء الله تنقص هته النسبة
و في الاخير كي يكون عندك موضوع جديد ادخلي لموضوع واش طيبتي اليوم و حطي الرابط تلقاي لبنات يدخلوا و يتركوا ردود و يكون عندوا اكبر حظ في المشاهدات لان الموضوع تاع واش طيبتي اليوم فيه نسبة المشاهدة الاكبر
و ان شاء الله نكون فدتك و نتلاقاو في الكوزينة و نتبادلوا الوصفات
صح حتي أنا لاحظت هاد الشي بصح لازم الوحدة تفرض روحها علي الاخرين