السلام عليكم ورحمة الله ,
صح صياامكم وكل عام وانتم بخير
موضوعي هذا حابة نستفيدوا من بعضانا فيه ونتعاونوا ونعرفو كيفاش الاخوات في المنتدى راهم ينظموا وقتهم باش يطيبوا كل هذا الخييير
لي راهم مغرقين بيه المنتدى الله يحفظهم ويدوم عليهم النعم ,,,
انا حابة كل واحدة من الاخوات تعطينا نظامها وهل هي وحدها اللي تطيب والا يعاونوها وهاك نستفادوا منكم يا الفحلات
عندك الحق موضوعك في محلو انشا الله الفحلات تاع المنتدي يفيدونا انا تانى راني عضو جديد وراني حابة نستفاد وشكرا لكي اختيوصحي سحورك
شكرا على الموضوع
انا اختي نطيب وحدي كلش لاني نعيش وحدي بعيد
موضوع مليح و لازم نتعلمو انا نطيب تاني كلش وحدي و تعلمت من الوالدة ربي يحفضها التنضيم المسبق يعني تنقي خضرة و تخبيها توجدي دايما عندك للحلويات كاوكاو محمص و مرحي و تخدمي فطائر للبيتزا يعني كي يكون عندك وقت استغليه
اقتباس:
المشاركة الأصلية كتبت بواسطة omhadil  عندك الحق موضوعك في محلو انشا الله الفحلات تاع المنتدي يفيدونا انا تانى راني عضو جديد وراني حابة نستفاد وشكرا لكي اختيوصحي سحورك
|
العفو اختي ومرحبا بيك في المنتدى اسمحيلي مارديتش عليك البارح
اقتباس:
المشاركة الأصلية كتبت بواسطة nadouch86 شكرا على الموضوع
انا اختي نطيب وحدي كلش لاني نعيش وحدي بعيد
|
الله يعاونك اختي ويسهل غربتك لكن حابين نستفيدو من تنظيمك انت تطيبي وحدك كيفاش مرتبة امورك :d
اقتباس:
المشاركة الأصلية كتبت بواسطة صفاء البحر موضوع مليح و لازم نتعلمو انا نطيب تاني كلش وحدي و تعلمت من الوالدة ربي يحفضها التنضيم المسبق يعني تنقي خضرة و تخبيها توجدي دايما عندك للحلويات كاوكاو محمص و مرحي و تخدمي فطائر للبيتزا يعني كي يكون عندك وقت استغليه
|
شكرا على مساهمتك الطيبة وتمنيت لوكان تعطينا خطوات تحضير الافطار اليومي شكرا
انا كنت نطيب وحدى وساعات ندخل بنتي معايا للمطبخ باش تتعلم اسنة قررت باش نخرج منو نهائيا ونخليها لسببين اولا لاني حامل ونتوحم مارانيش حابة ريحة الأكل ثانيا
باش تعتمد على روحها وتتقن اطياب ماتعتمدش عليا
كيفاش اتنظمي وترتبي امورك اولا لازم تعرفي الوقت الي يكفيك على حسب البلا الي رايحة تطيبيهم مثلا البارح بنتي
طيبت لوبية ماشتو شربة فريك سلطة اورديفر و القهوة . بدات الطيا ب على الساعة الرابعة ونقصت على النار وخلات كلش يطيب في غرضوا وطيابها جا روعة المهم وكي يطيب كلش تطفي عليه
قبل الأذان ب15 او 20 دقيقة تبداي تحطي في الماعن وتنظمي المايدة انتاعك ثاني على حسب وش عندك عايلة كبيرة ولا صغيرة واتخلي الشربة ولاكل الي يسخن
اذا كان بارد هو الاخير باش تسخنيه وتحطيه من الاخر
اقتباس:
المشاركة الأصلية كتبت بواسطة naiilia انا كنت نطيب وحدى وساعات ندخل بنتي معايا للمطبخ باش تتعلم اسنة قررت باش نخرج منو نهائيا ونخليها لسببين اولا لاني حامل ونتوحم مارانيش حابة ريحة الأكل ثانيا
باش تعتمد على روحها وتتقن اطياب ماتعتمدش عليا
كيفاش اتنظمي وترتبي امورك اولا لازم تعرفي الوقت الي يكفيك على حسب البلا الي رايحة تطيبيهم مثلا البارح بنتي
طيبت لوبية ماشتو شربة فريك سلطة اورديفر و القهوة . بدات الطيا ب على الساعة الرابعة ونقصت على النار وخلات كلش يطيب في غرضوا وطيابها جا روعة المهم وكي يطيب كلش تطفي عليه
قبل الأذان ب15 او 20 دقيقة تبداي تحطي في الماعن وتنظمي المايدة انتاعك ثاني على حسب وش عندك عايلة كبيرة ولا صغيرة واتخلي الشربة ولاكل الي يسخن
اذا كان بارد هو الاخير باش تسخنيه وتحطيه من الاخر |
الله يحفظك اختي على ردك القيم وان شاء الله تجيبي وليد ولا بنيتة بالصحة والعافية وسلامي لبنتك الشاطرة صحى فطوركم
