صحا عيدكم كل عام وانتم بالف خير
شوفوا يا خوتي وقولولي واش اندير
انا نسكن معا سلفتي الباب مقابل الباب وانا وهيا ماشي مداسرين بعضانا السلام برك المهيم اليوم بنتها الصغيرة في عمرها ثلاث سنوات يعني قد بنتي دخلت تلعب مع بنتي في دار ومن بعد ابدات اتقلب اعليها في كل مكان عند جداها الي تسكن في الحومة وحتا دارهم قلولهم وحوسوا اعليها في لبحر يعني احنا نسكنوا قدام لبحر المهيم بقالهم شويا ويروحوا لابوليس اتخايلوا امعايا القصة ومن بعد راجلها دقدق في لباب اديالي وقالي اسكوا ماريا راهي اهنا قلتلوا ايه اما سلفتي حكمت بنتها وبدات تدرب فيها وعيطت ليماها ف التيلفون وتشكيلها وتقوللها غير بنتي الي نقتلها على الديار
هيا انا قلتلها وعلاه ما حوستيش عندي ياك الباب امقابل الباب
قالتلي حسبتلي راقدين
جاوبتها كيفاه العيد الناس ترقد
قالتلي اتصنت في الباب مالقيتش الحس
الوغ انا سكت وقلتلها اشربي كاس ما مع السكر تحبسلك الخلعا
والان قولولي جازاكم الله الف خير قولولي وعلاه محوستش اعليها عندي مع العلم انا بنتها عاودت رجعت ليا وباباها قال لمرتوا
شوفي صارة شغل مادرنا والوا
يعني دربناها باش ماتدخلش ليها وعاودت ولات
قولولي واش اندير وكيفاه نتصرف مع الوضع هدا الباب ياناس امقابل الباب
قولولي وعلاش انا نية ونسكت على حقي ونقابل الانسان الي يجرحني بلابتساما
اختى نقولك حاجة قال تعالى ”ادفع بالتى هى احسن” يعنى مهما كانت نيتها سيئة قابليها غى بالزينة حتى و لو لم تكون مليحة معاك ربى يجازيك على فعلك و يجى نهار لى تندم فيه صدقينى مول الخير عمره ما يخاف لازم نتعلموا شوية من السية النبوية فيها قصص مشابها و لا تيوجد احسن من قدوتنا المصطفى صلى الله عليه و سلم تقبلى تحياتى
ختي خلي عليك متعمريش راسك بيها خليها تهدر كيما حبت انتي ياك راكي بنيتك و كيما يقولو مول النية يربح و كي تزيد جي بنتها ليك اديهالها
أختي عادي حنا تان كان عندنا هذا المشكل ممع مرت عمي والله وحد الخطرى كون تجيز سمعتها قالت لبنتها و وليدها بالكو تدخلو لدار عمكم و كانت تشعهم مخبط كي يجيو لعندنا ولكن حنا كي يجو لعندنا نديرلوهم كي خوتنا ويحبو يجو
هوما يجو و هي تضرب وحد الخطرى جدي ربي يرحمو قرب ضربها علا جل هذى التصرف المهم مع مرور الزمن راهي تبعتهم عدي ربي يهدينا
السلام عليكم
خيرا إن شاء الله
كل ما هنالك هو أن الشيطان أعوذ بالله منه فعل فعلته فجعلها لا تطرق بابك وجعلك تعتقدين أنها تعمدت ذلك وفي الأخير تتحقق النية التي تبهج الشيطان أعوذ بالله منه وهو التفرقة بينكما
أنصحك أن تذهبي إليها بهدية وتهوني عليها أمر إختفاء إبنتها وتعتذري إن كنت قلت لها ما يسيئ ولا تفتحي باب للشيطان أعوذ بالله منه بينكما
اقتباس:
المشاركة الأصلية كتبت بواسطة فارس الجزائري 
السلام عليكم
خيرا إن شاء الله
كل ما هنالك هو أن الشيطان أعوذ بالله منه فعل فعلته فجعلها لا تطرق بابك وجعلك تعتقدين أنها تعمدت ذلك وفي الأخير تتحقق النية التي تبهج الشيطان أعوذ بالله منه وهو التفرقة بينكما
أنصحك أن تذهبي إليها بهدية وتهوني عليها أمر إختفاء إبنتها وتعتذري إن كنت قلت لها ما يسيئ ولا تفتحي باب للشيطان أعوذ بالله منه بينكما
|
شكرا اخي الكريم على التفاعل وصحيح انا اقول دائما هكدا الشيطان هو الدي يفعل هته المكائد ولاكن ولله اني لم اسمعها تنادي باسم ابنتها ولم اسمع ضجة البحث عنها كما اننا نسكن في بيت واحد والابواب متقابلة في فناء واحد وضيق كما انها لما علمت ان ابنتها عندي رامقتني بنضرات جارحة ولكانني عدوتها اللدود ورغم دلك دهبت اليها وهونت الامر عليها وكيما يقولوا عفست على قلبي المهيم اخي مركتها فيها بزاف اعيوب ومرانيش حابا نفقد صوابي ونداوس امعاها
اختي ماتكسريش كامل راسك معاها الطفلة كي تجيك شديها شوية باه ماتغيضهاش عمرها و تقول راكي تحاوزي فيها و منبعد قوليلها روحي قولي لماماك بلي راكي عندي و لا كي تجيك عيطيلها قوليلها بنتك راهي هنا. الواحد والله راه يتقلق من روحو ماشي حتا من الناس و انتي ماخصكش المشاكل على جال الذراري مي الصح انا يخلعوني الناس الي يدخلو الذراري في مشاكلهم اربي انا تقلقني سلفتي و لا حمايا ولادهم واش دخلهم يا خي هاذوك ملايكة و يروحو و يجو يبقاو ولاد عم ربي يهديها و انتي ايفيتي المشاكل
اقتباس:
المشاركة الأصلية كتبت بواسطة امينة مناد شكرا اخي الكريم على التفاعل وصحيح انا اقول دائما هكدا الشيطان هو الدي يفعل هته المكائد ولاكن ولله اني لم اسمعها تنادي باسم ابنتها ولم اسمع ضجة البحث عنها كما اننا نسكن في بيت واحد والابواب متقابلة في فناء واحد وضيق كما انها لما علمت ان ابنتها عندي رامقتني بنضرات جارحة ولكانني عدوتها اللدود ورغم دلك دهبت اليها وهونت الامر عليها وكيما يقولوا عفست على قلبي المهيم اخي مركتها فيها بزاف اعيوب ومرانيش حابا نفقد صوابي ونداوس امعاها
|
صدقيني كل ذلك من فعل الشيطان أعوذ بالله منه
ومهما كان ما دمت تتمتعين بهذا المعدن الطيب كوني أنت السباقة للخير وقابلي الاساءة بالحسنة وفي النهاية كل ذلك لصالحك دنيا وآخرة
متعمريش راسك بأمور كيما هكا صدقيني تافهين كاين امور اهم
اخلاقك في القمة
اختي انا ارى موضوعك لا يستحق حتى ان تذكريه مع نفسك لاني اتفق مع الاخ الذي قاللكي ان الشيطان يحاول ان يجرك لباب الحزن والكابة وان الناس متامرون عليك وانتي طيبة الخ من الكلام الذي لا يسمن ولا يغني من جوع انتي عاملي الناس وسلفتك بالاخص بما يرضي الله نقطة نهاية القصة ولا تتعبي تفكيرك كثيرا وان ورد وان فكرت مثلما فكرت في هذ الموقف انصحك بالاستغفار تقبلي مروري حبيبتي
الي يدخل بين الاطفال الصغار غير ما لى واش يدير هوما يمشو بنيتهم صفحة بيضاء ما يعرفوش يكرهو و يتبعوا قلبهم ..و يما قلتي رغم ان ماماها قالتلها ماتدخلش عندك و دخلت….املا ماتخلوش حاجة كيما هدا ديرلكم مشاكل
