الوسم: التعمير
رقاق بدجاجة معمرة بالتعمير بمناسبة المولد النبوى 2024.
السلام عليكم ورحمته وبركاته
الرقاق من الاطباق التقليدية لجهة الغرب وهذا لمنلسبة المولد النبوى الشريف هذا عشانا لهذه الليلة
المرق
2حبات بصل +2 بطاطا +3جزر +3 لفت +2طماطم +حمص +قرعة +قصبر وكرافس +م ط طماطم مصبرة +ملح +فلفل +عود قرفة +كركب +رند زيت للقدر نقطع البصل والطماطم وباقى الخضر نضعها كاملة باش نحطها على الرقاق والتوابل ونمرق بالماء الساخن
نحضر الدجاجة
الدجاجة لما نشتريها لازم الجلديكون ماشى مثفوب لاته راح نعمرها مابين الجلد واللحم ندخل اصبعنا جهة الرقبة وننزع الجلد عن اللحم بحذر ونصنع بورق صالح للطعام نلوى عليه ساشى تاع الكنجلتوع مثل البوشون باش نغلق بيه الثقب الموجود عند الرقبة الى يوصل لجهة الاحشاء باش لما نعمر التعمير مايتسربش الى المرقة
نحضر التعمير
كاس شابلير +نصف كاس سميد حرش +نصف كاس زبدة ذائبة +كاس حليب +نصف ساشى خميرة الحلوة +ملح
فلفل +قرفة +كركب +نعناع يابس+8بيض نخلط الجميع
ونبدا نعمر الدجاجة من العنق
مانعمرهاش بزاف لانهاراح يتضاعف حجمها وتتطرطق نغلق الرقبة بالخيط ونتقبها باءبرة وندخلها القدر بحيث يكون الصدر للاعلى ونقص للنار ونتركها تنضج على نار قليلة
وباقى التعمير حسب الصور
بعد ماتنضج الدجاجة نصفى المرق من الخضار وندخل الدجاجة تحمار فى الفرن
وهذا الشكل النهائى
وشهية طيبة اى استفسار او اى اخت مافهمتش رانى فى الخدمة
الله يبارك اول مرة نشوف الوصفة لم افهم الورق في الرقبة واين يتسرب الطعام وضحي من فضلك
يعطيك الصحة
الله يبارك ..والله غير يعطيك الصحة
wallah yaatik essaha hada fan f tabkh ana rani net3alam wjatni s3iba bzfffff
wzeda ana k nadef djaja mankhali fiha walou not9bha nmermedha meskina
bessaha habba netaalmha psk wassfa thamar lwejh fahmini ktar stp
الله يبارك اول مرة نشوف الوصفة لم افهم الورق في الرقبة واين يتسرب الطعام وضحي من فضلك
|
شوفى اختى ام ماجد لو وضعت اصبعك عند رقبة الدجاجة ون الداخل راح تجدى حفرة تدخلك اى مكان الاحشاء اى فى وسطه لولم نغلق هذه الحفرة بهذا البوشون الى صنعناه راح التعمير لما نعمرها يخرج من الثقب الى منطقة الاحشاء ثم الى المرق
wallah yaatik essaha hada fan f tabkh ana rani net3alam wjatni s3iba bzfffff
wzeda ana k nadef djaja mankhali fiha walou not9bha nmermedha meskina bessaha habba netaalmha psk wassfa thamar lwejh fahmini ktar stp |
مشكورة حبيبتى حتى لو ثقبتى الدجاجة ماشى مشكل اعملى لها عملية جراحية وذالك بالابرة والخيط خيطيهالم افهم ماهو الشيئ الى نوضحه اكثر ياريت تكتبى بالعربية
انا فهمت كل شيء بصح وين راه حقي راكي تشهي فيا باطل
والله يعينك على داك المجهود تاع داك اليوم
مشكوووووووووووووووووووووووووووووووووووووووورة
44444444444444444444
اختي يعطيك صحة بصح حابة نسقسيك طاجين ديالك ماشي كيما الاخرين قوليلي كيفاه طيبتي عليه و شكرا مسبقا
شهيتيني ختي يعطيك الصحة
شكرا على الوصفة الجديدة
انا فهمت كل شيء بصح وين راه حقي راكي تشهي فيا باطل
والله يعينك على داك المجهود تاع داك اليوم مشكوووووووووووووووووووووووووووووووووووووووورة |
منين تجى عندى ضيفة وتباتى نديرلك واحدة وديرلك الحنة
اختي يعطيك صحة بصح حابة نسقسيك طاجين ديالك ماشي كيما الاخرين قوليلي كيفاه طيبتي عليه و شكرا مسبقا
|
اختى الحبيبة اسنى تاعى او الطاجين هو عبارة عن سنى الى يحطو فيه القهوة الى كان يجى زمان بدون رجلين لما حبيت نتعلم الرقاق وما كانش الطاجين موجود اخذت الستى وقلبته وعملت عليه ومن ذالك الوقت وانا نعمل عليه واصبح لونه اسود
التعمير نتاع اخت الامنيات هايلة 2024.
السلام عليكم
جبتلكم تشوفوعشيا اليوم درت دجاجة بالتعمير انتاع اختي الامنيات ربي يحفضها
خرجت هايلة وعجبت العايلة نتمنى تجربوها انتوما ثاني
اتفضلو شوفو وردولي لخبر
درت معها الروز
وهذا الاول وحدة
ننصحكم تجربوها راهي روعة امممممممممممممممممممم
ممممممممممممممممممم روعة بصحتكم
الله اسلمك شكرا
supppppppppppppppppppppppppppper ma belle basahatkom
اسلمك حنونة شكر على المرور
بصحتكم ام ضياء باينة تشهى
مممممممخرجتلك رووووووووووعة يسلمو حبيبتي
اسلمك حبيبتي بينة تهبل
ربي يحفضك ميمينة بارك الله فيك
برافوووووووووووووووووووووو راكي فحلة اختي خرجت لك مليحة صراحة انا ندير غير نصف دجاجة نخاف نديرها كامل نحصل فيها
تبارك الله يعطيك الصحة
امممممممممممممممممم روعة بصحتكم
التعمير تاع ناس الغرب 2024.
اريد ان اوضح للاخوات اللواتي لم يفهمن كيفية صنعه
نأخذ السميد و نحمصه في قليل من الزبدة على النار ثم نبعده على النار و نخليه يبرد و نضيف بعد ذلك البيض طازج ( على حسب كمية السميد عينك هي ميزانك ما كانش مقادير محددة ) و اللحم المرحي تاع البقر او الخروف و المقلي مع البصل و التوابل و نزيد القصبر المقطع رقيق و الفرفارة ( خميرة الحلوى ) و الملح و الفلفل الاسود و القليل من القرفة و الكمون و شرائح الزيتون و قطع الجبن تاع المثلثات واذا حبيتي زيدي الزعفران او البابريكا من اجل اللون فقط ونضيف القليل من الحليب او المرق تاع الكسكس اذا كان حاضر ونعمره في الاكياس الشفافة او في اكياس السباقيتي ونديره يفور و لازم نغطي الكسكاس ( كي ندخل فيه السكين و يخرج ناشف خلاص راه وجد ) ثم نقطعه دوائر ونزين به وجه الكسكس او الرقاق
يجي مثل الكاشير بصح بنين عليه .
عجبتني طريقة الاخت توتة المعسكرية تاع فناجين جوتابل فكرة مليحة يعطيك الصحة حبيبتي غادي نعتمدها و نتهنى من الاكياس .
انا اتاسف ما عنديش كاميرا لكن صور حبيبتنا توتة وافية و كافية .
يعطيك الصحة
اثابك الله الاجروالثواب
يعطيك الصحة حنونة كفيتي وفيتي بارك الله فيك
هذا هو تعمار الغرب يعطيك الصحة
نعملوه في الرقاق الطعام و البركوكس
الله يبارك فيك
الله يحفظك ويبارك فيك يا الخامسية يابنت بلااااااااادي
والله خامسية ونص ههههههه شكرا على التوضيح وقبلاتي لك يا جرتي
الله الله على المعسكريات السجاوة ولا خلي
الله يحفظك ويبارك فيك
شكراااااااااااااااااا لك
يعطيك الصحة
يعطيك الصحة
شكرا على الوصفة غير اليوم درناه في كسكسي ربي يحفضك
التعمير على طريقتي 2024.
كنت دائما اخاف من تحضيره كان يبدو لي صعب ويحب شوي صبر
الحمد لله تعلمته بشوي
بديت بفخد دجاجة اسهل
واليوم درت نصف دجاجة يا سعد
ي ويا فرحتي هههههههههههههه
لكم ان تقيمواااااااااااا
مقادير
انا درت حسب حجم الدجاج النصف راه صغير شوي
نصف كاس خبز مرحي
نصف كاس شاي زبدة ذائبة
2بيض
شوي حليب سائل تقريب 4معالق كبار
قليل جدا من الملح
فلفل-كمون-معدنوس مقطع رقيق-اذا وجدت كبدة دجاج ممكن ضفيها
نلم كل شيئ لازم يكون الخليط سائل لكن راه يثقال بسرعة
تبدي تفتحي بين جلد الدجاج واللحم باصبعك الي تشهدي بيه حتى دخلي الخليط بملعقة
عند الانتهاء تخيطي الدجاجة بالابرة والخيط عملية تجميل هههههههه
هنا منين خيطتها
شفتوا كي كبرت سمنتها هههههههه
درتها في شوي مرق طيبتها ومن بعد حمرتها
واش رايكم
هاذا عصير تاع المشماش للاخت فرح العمر
هاهو الرابط
https://www.djelfa.info/vb/showthread.php?t=977377
الله يبارك شاطرة…جوعتيني يعطيك الصحة
شكرااااااااااااااااااااااا لك على المرور اختي
مممممممممم رائع يعطييك الصحة
والله حطة انا عمري مسنعت بيها لكن
والله انجربها
لكن ياطيك الصحة في التحمير
ان شاء الله انجربها
اسمعي لوكان اندير دانيدي ايوليلي خروف هههههههههههههههههههههههههههههههههه
على فكرة انا خياطة
أممممممممممممممممممممممممممممم
تشهي
بارك الله فيك أختي
الله يبارك
يعطيك الصحة تشهي
بارك الله فيك
والله اسعدتني ردودكم ……………………..شيئ مفرح مشجع على التواصل والعطاء
بارك الله فيكم واسعدكم في الدارين
اليوم ان شاء الله نجربها و نردلك لخبر
و الله تشهي يا أمنيات , ربي يبارك في ايدياتك.
سامحني ما فهمتش الخياطة كيفاش : يعني تخيطي الجلد مع اللحم ؟؟؟ و من أي جهة : الجهات الكل و الا في المؤخرة (سامحني على الكلمة) فقط ههههه؟؟
الله غالب أول مرة نشوف الوصفة هذه .
و جازاك الله كل خير.
فكرة رائعة شكرا لك
ان شاء الله وتخرج لك هايلة شكرااااااااااالك
و الله تشهي يا أمنيات , ربي يبارك في ايدياتك.
سامحني ما فهمتش الخياطة كيفاش : يعني تخيطي الجلد مع اللحم ؟؟؟ و من أي جهة : الجهات الكل و الا في المؤخرة (سامحني على الكلمة) فقط ههههه؟؟ و جازاك الله كل خير. |
اذا كانت نصف دجاجة تخيطي كل الفتحات انا خيطت كل الجهات حتى ما يخرج لي التعمير ونخيط الجلد مع اللخم اما دجاجة كاملة تفتحه كما قلتي الماخرة وتعمري منها ونغلقيها هي والرقبة بالخيط……شكرااااااا لك اختي ارجو تكوني فهتي
بنين مممممممممممممممممممممممممممم شهيتيني
تسلم ايديكي
بارك الله فيك اختي
الله يبارك ربي يطول في عمر الوالدة و يعطيك الف عافية
عاونوني يا الجزائريااات ما عرفت كيف ندير التعمير اللي يديروه في البركوكس يا الله دخلو 2024.
يا الحادكات بنات بلادي
كي راكم بخير
انا بغيت ندير البركوكس
ولكن حنا في الغرب كا يديروه غير بالعصبااان اللي نصنعوه بيدينا ولكت دوكت عادو يفنو فيه عاد بليبول نتاع اللحم مرحي والصويلحات يميميم ريحتو جات في نيفي
وراح يتباااع شفتو في البلااد منين كنت لتم نشريه ونديره مع الطعام ولا بركوكس ولا اي شئ
والله يا اختى احنا نحظروه بطريقة مختلفة
يعنى اولا نصنعو المرق عادى اما بلحم مقطع اجزاء صغيرة او حتى دجاج او لحم مرحى كور مثلا واحيانا بنوع خاص من اللحم هو لحم مجفف بالملح اعتقد تعرفيه واحيانا ممكن نديروه دون لحم ايضا
المهم الطريقة تحطى اللحم مقطع قطع صغيرة وبصل وزيت وملح وفلفل اسود وقليل من العكرى فوق النار ممكن تضيفى القليل من الفول والحمص طرى وجزر مقطع صغير وبطاطا مقطعة صغير
المهم ما توفر لديكى
كاين الى يحبوه حار شوى وكاين اللى يديرو شوى فلفل احمر حلو مهروس يعنى كل واحد وطريقتو
المهم ممبعد تمرقى وتغسلى كوب من البركوكس او اكثر وتضيفيه وتحركى حتى النضج
كاين اللى يخلوه شوى مثل الشربة وهذا الغالب عندنا انه يكون بمرق
وكاين اللى يكثرو البركوكس يولى شوى خاثر
المهم هادى طريقتنا والنتيجة روعة واحنا نديروه خاصة فى الايام الباردة
اريد معرفة طريقتك بعد اذنك وساتابع معك ما يقترحه البنات
متاااااااااااابعة
واشنو هو التعمير اللى يعرف يقولى
انا ثان منيش عارفة ماهو التعمير فهموني من فضلكم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
التعمير ……كفتة ………كبدة تاع دجاج ……..معدنوس ……..ملح حرور ………قرفة …….فصوص ثوم ………سميد متوسط مgلي ……..بيض
نجمعو الكل معا بعض نعماوه كويرات و نفوروه فالكسكاس تاع الطعام ……….مين يطيب البركوكس نفتوه مالفوق ………ديكور معنتها ………يجي هايل ……….
نتمنى تجربوه
والله همري ماسمعت بالتعمير
احنا نديرو العيش بالخليع يجي يهبل خاصة مع برودة الطقس بسطيف
التعميرة نديروهابزاف فالعام اي الناير وهي ناخذ les zabas توع الدجاجو نطيبوهم معالبهراتوالمعدنوس و التوم والحار للي يحب وشويةطماطم مصبرة ونمرقوبشوية ماء وكي يبرد الخليط نزيدولو السميد يكون محمص اومفور اي كيما طمينة وليموه بالبيض وشكلي كورات و عمري تانيك فالدجاج و خيطي الجاجةوظعيه تطيب في القدر مع البركوكس و هدوك الكورات ديريهم يفور فالكسكاس وكي يوجدفتيهمفالبركوكس يجي هبال معروف هذا الطبق في ولايةالشلف و عين الدفلى اما فالغرب يزيدولو العسل هو مالحيجي معجب جربوه متندموش بالصحة و الهنا .
السلام عليكم ورحمة الله تعالى وبركاته
تعميرة نقصد بها أكلة مغربية يكون دجاج محشي بالكفتة ويعملوه في بركوكس ولا كسكس
أنا كيلتو وذوقو جميل جدا إليكم المقادير التالية
دجاجة كاملة حوالي 2.5او 3كغ
رطل لحم مرحي
رطل كبدة دجاج
2 ملاعق سميد خشن
2 بصل
6 فصوص ثوم
ربطة معدنوس
ربطة قصبر
حبة بيض
ملح
فلفل اسود
كركم
كمون
زريعة بسباس
حبة حلاوة
زنجبير
جوزة طيب
كيفية التحضير:
بعد غسل دجاج بالملح والخل تترك تنشف مع محافظة جلدها
خذي صحن ضعي فيه لحم مرحي+كبدة مطحونة+1 بصلة مفرومة+فصوص ثوم+ 2 ملاعق سميد+معدنوس+قصبر+ملح+ توابل مذكورة+حكة جوزة طيب يخلط جميعا
ضعي دجاجة على لوحة باليد تبدئي من صدر دجاج حاولي بين جلدة دجاجة تدخلي اصابعكي تفتحيها وصولا رقبة وتقومي بحشوها بالخطة مذكورة حتى تنتهي كاملا من جهة الأمامية ثم من جهة الفخضيين بنفس طريقة تفتحي جلدة بالأصابع يدك وتدخلي الحشوة فقط حاولي ان لاتمزقي جلدة وبعد ذلك المتبقي املئي به داخل دجاجة ثم قمي بغلقها بالخيط
هذا بالنسبة تعميرة دجاج وانت حرة تحبي دريها مع مرقة بركوكس 1بصلة +2 راس ثوم+حبة زرودية+حبة لفت مقطعين صغار+كرافص+2 حبات طماطم+ كمشة حمش+كمشة فول يابس+ملح+ فلفل اسود+ عود قرفة+ راس الحانوت +2 ملاعق معجون طماطم اتركيهك في نار هادئة +الماء حسب القدر +دجاجة مذكورة مسبقا بعد طهي دجاج والخضر انزعي دجاجة وضعي بركوكس كاين لي فورو وبعد يرميه في المرق لكي لاينشف او ترميه مباشرة في المرق حتى يطهى مع تحريك+لي يحب ثوم يزيد في الاخير حوالي 4 فصوص راكم تعرفو بركوكس يحب ثوم وتاني تحبي زيدي كورات من لحم مرحي مع البركوكس بعد ما تقليهم في مقلة
ونفس تعميرة دجاج تطهى مع مرق الكسكس وتقدميها معاه وان شاء الله جربوها وتردولي الخبر
شكرا أخواتي كنت نحوس عليها وشفت طريقة أخرى عملتها حورية المطبخ مع الكسكس وطيبتها كيما الكاشير وقطعتها طوليا وزينت بيها الكسكس من الفوق تقريبا هي نفس المقادير إلي قالو عليها الأخوات لكن الطريقة تختلف قليلا
اولا تديري البصل يتقلى مع كبد الدجاج حوالي 200غ أو لحم مفروم وتضيفيلهم الثوم والملح والحرور
وثانيا تحمصي السميد في الزبدة كيما نعملو في الطمينة حتى يحمار مليح وعلى نار هادئة
ثم نخلطو الخليط الأول مع الثاني بعيدا عن النار ونضيفولهم قصبر ومعدنوس مقطع رقيق وبهارات وثوم وبيض حتى نتحصلو على عجينة جارية نخلوها ترتاح وتتماسك نديروها في كيس سباقيتي أو بلاستيك الطبخ ونغلقو الجوانب وندخلوها في المرقة حتى تطيب وإذا عملناها معا البركوكس نفتوها فيه
بارك الله فيكم يا الله زيدوني كيفااه كا تديروووه
انا ايضا حابة نعرفو جارتي قاتلي يجي كيما الكاشير نشالله الاخوات يفيدونا
وينكم يا اخواااتي؟
انا نعرف تعمير اخر وبطريقة اخرى نديره اصحاب الغرب
ممكن تقولي من اي منطقو شفتيه وواش فيه هاذ التعمير اختي
الى من طلب التعمير 2024.
كمية لحم مفروم+توابل+توم مرابي+بصل مرابي+قصبر+كمية سميد محمص(انا نستبدله بخبز يابس مدقوق و مغربل و محمر+2او3 بيض
يوضع الخليط في sachet de conjélation
يوضع في القدر الموجود فيه مرق مدة معينة كي يحكم روحو ننزغ بلستيك و نتركوه يطيب في المرق
bonne appétit
مشكورة على وصفة التعمير وزيد فكرتيني بايام الجامعة
بارك الله فيك
شكرا لك
لما تضعية في المرق ألا يتفتت
salam
non mayetefetetche bessah dirih fi sache 30mnt ki yekem rouhah yeweli tayeb nosss teyab nahilou sachet
بارك الله فيك
شكرا شكرااااااااااااااااااااااااااااااااااااااااااااااا اااااااااااااااااااا شكرا
واش بصح درتي في المرق ….كيفاه خدمتيها؟
ma souer soussou tamouha
tu mélange les ingrédient
puis tu mets le mélange dans su sachet de congélation et tu mets le sachet ds la cocote pendant 30mnt apres tu enleve sachet et tu remis ta3mir encore une fois dans la cocote
tekaleti makadir diriha fi sachet diri saché fi kidre bih marak tib modate 30dakika tenahi sachet w terodi ta3mir yezid yetib fi marak
merci 13 aya pour votre passage
شكرا لك عزيزتي على الوصفة.
merci salsabil pour votre passage
الف الف الف الف الف الف الف الف الف الف الف الف الف الف
الف الف الف الف الف الف الف الف الف الف الف الف الف
الف الف الف الف الف الف الف الف الف الف الف الف
الف الف الف الف الف الف الف الف الف الف الف
الف الف الف الف صامهد الف الف الف الف
الف الف الف الف الف الف الف الف الف
الف الف الف الف الف الف الف الف
الف الف الف الف الف الف الف
الف الف الف الف الف الف
الف الف الف الف الف
الف الف الف الف
الف الف الف
الف الف
الف
شــــــــــــــــــــــــكـــــــــــــــــــــــر
merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiii
التعمير 2024.
السلام عليكم ورحمة الله وبركاته
وانا اتصفح المنتدى وجدت من تسال عن التعمير اللي يجي في البركوكس
اليك اختي وجميع الاخوات
انا اصنعه بكبد الدجاج لان له مذاق رائع جدا جدا كما يمكنك تعويض الكبدة باللحم المكفت (الكفتة)
الكبدة تمرسيها بيدك او ترحيها +الملح+الحرور+الكمون+شوية راس الحانوت+البيض حسب الكمية الموجودة عندك +فصوص ثوم مرحي+قصبرمقطع رقيق +ملعقة او اثنين خبز مرحي من دون ان تنشفيه ثم تخلطيه مليح ومن بعد تقسميه الى نصفين( طبعا اذا كانت الكمية كبيرة نوعا ما) تضعيه في كيس بلاستيكي غذائي وتسويه بيدك ثم تضعيه في طاجين فيه مرقة او ماء مغلي مملح ولما يطيب ويبرد تقسميه الى مربعات او كما شئت وتزيني به البركوكس
شهية طيبة في انتظار ردودكم وارائكم
بارك الله فيك أختي
إن شاء الله أجربه
دمت وفية لهذا المنتدى الرائع
بارك الله فيك و هذي أول مرة نسمع بيها و باينة مليحة
[QUOTE=my lamis;8452606]بارك الله فيك و هذي أول مرة نسمع بيها و باينة مليحة[/QUOT
السلام عليكم ورحمة الله وبركاته
مشكور ة اختي لميس على مرورك وتشجيعك
السلام عليكم
بارك الله في كل من شرفني برده
طريقة التعمير من مطبخ ليزابال 2024.
حبيباتي نظرا لطلب الأخوات لطريقتي في التعمير حطيت اليوم هاذ الموضوع الذي أتمنى ان ينال إعجابكن
و لتحضير التعمير ماكاينش مقادير مضبوطة خاطرش كلشي على حسب نوعية السميد و حجم البيض لي نستعملوهم
نحتاج الى :
كمية من السميد المتوسط حساب شحال راني باغية ندير
حبة بصل مرحية
فصوص ثوم تاني حسب الحجم نكثر انا درت 4 فصوص كبار
معدنوس مقطع رقيق
قصبر مقطع رقيق
ملح حسب الحاجة
فلفل اسود
شوييية قرفة غبرة
راس الحانوت انا استعملت م ص مملوءة
البيض حسب الحاجة انا استعملت 5 حبات
الطريقة :
في وعاء عميق نحط السميد البصل و الثوم المرحيين القصبر و المعدنوس تاني مرحيين ، ملح فلفل راس الحانوت و القرفة و نخلط ، من بعد نبدأ نضيف البيض بالحبة و نخلط و نشوف لازم يكون الخليط جاري شوية كما في الصورة انا كمية السميد لي درتها تطلبت خمس حبات بيض
من بعد نعمر الخليط في كيس نظيف طبعا و نربط الكيس مليح لمنع التسرب و باستخدام إبرة نثقب هذاك الكيس من كل النواحي و نكون محضرة المرق يطيب لي ندير فيه التعمير ،، نرمي الكيس يطيب مع المرق حتى ينضج كليا و نفتح الكوكوطة او الطاجين و ننزع التعمير و نحطه في صحن يبرد شوية و منبعد ننحيه مالكيس و نقطعه بالسكين الى قطع حسب الرغبة و نصب عليه شوية مرق باش يتشرب و ما يجيش ناشف بيلاما حضرت الأكل
ملاحظة :
نقدر ندير التعمير مع المرق تاع البركوكس و تاع الرقاق و كذلك نعمر بيه دجاجة ما بين الجلد و اللحم بصح ما يكونش الجلد تاعها ممزق و نخيطها و نغلق جهة الفتحات مثلا عند الرقبة بكيس نظيف نكمشه مليح و نستعمله كسد حتى ما يتسربش التعمير اثناء الطهي
انا اليوم درته مع البركوكس ممممممم جا فييييييلم هههههه تفضلو
و للمرق تاع الطعام كاين طريقة اخرى تختلف على هاذي ممممم رهيييييب هههه ،،كاش نهار انشالله نديره و نحطه موضوع
الى اللقاء حبيباتي في موضوع جديد من مطبخ ليزابال و طبعا دعوة خير بزاف عليا
سلاااااااامي لكن جمييييعاااااا
بارك الله فيك روعة
يا عمري يا ليزابيل الوصفة رووووووووعة روووووعة رووووووعة يعطيك الصحة و موااااااااح كبيرة ليك يا أحلى عسلاية
اممممممم الله يعطيك الصحة فكرتيني به حنا نديروه نفس الطريقة غير نخلطو معاه لحم مطحون او الكبدة يجي فيه لذة لا تقاوم ايه حقا اعطيني هادك الطبسي سالو ريوقي عليه
شكرا لك بارك الله فيك حنا منديروش خلاص التعمير اول مرة نسمع بيه هنا في المنتدى
الله يبارك دائما مبدعة وأطباقك في القمة
والعيش صراحة شهااااااني لهيه هههههههههه بصح بيناتنا كنت حاسبة التعمير هذا يديروه باللحم مرحي وهو خرج حاجة وحد أخرى
بارك الله فيك كي نرتاح إن شاء الله نجربو
فكرة هايلة ليزابيل احنا عندنا القبايل واحد الوصفة تشبه شوية لطرقتك هادي تع التعمير يقولولها تاحبولت نتملالين ولكن احنا مانديرولهاش البصل والتوم والخليط هاداك نقليوه في المقلاة ومن بعد نقسموهم براج ونرموهم في صوص حمرا مع البطاطا
روووووووووعة يشهي بارك الله فيك
ياعمري اليزابل يعطيك الصحه.
بارك الله فيك
و فيك بارك الله حبيبتي ،، مرورك الاروع
مشكووووووووووووووووووووووووورة حبيبتي
علابالي من يديك تجي بنيييييييييييييييييييييييييييييييييييييييييييييييي يييييييينة
نسمع بالتعمير بصح عمري ما درتو طريقتك عجبتني رووووووعة كنفرغ انجربو بارك الله فيك .
طلب من الاخت الوهرانية1 وصفة والرقاق او التريد بالتعمير 2024.
حبيبتي الغالية هل تبحثين على هاد الوصفة
ادا كانت هي اصبري عليا فقط اليوم راني مشغولة بتحضير طبق المسابقة وغير نكمل نحطهلك بالصور سلامي ليك
شكرا يا الغزالة ايه رانى على هده
بصح اى مسابقة قوليلى باش نفوطى عليك
https://www.djelfa.info/vb/showthread.php?t=1174981
المسابقة في هاد الرابط حبيبتي
وطبعا الفوز يكون للي تستحق فعلا احسن طبق حظ سعيد ليا ولاخواتي المشاركات