السلام عليكم ورحمة الله وبركآته ’،
جبتلكم اليوم طريقة تحضير كريمة الليمون الي نستعملوها فتزيين ولا حشو بزاف انواع من الحلويات كيما التشيز كيك ولا الطورطات ، وممكن حتى ناكلوها وحدها كـ تحلية ولا نستعملوها في مكآن المربى والوصفة سآهلة مآهلة ’’
المقآدير :
4 بيضات
150 غ سكر
100 غ زبدة
عصير ومبشور زوج حبيبات قارص ولا 3
م ص نشاء
نديورا كآمل المقادير مع بعضهم ونحطوهم فوق bain marie مع الاستمرار في الخلط حتى يعقد المزيج ، تقدر تستغرق من 10 حتى لـ 20 دقيقة ، ومبعداتيك ننحوها من الـ bain marie ونخلوها تبرد ونحتفظوا بيها فـ التلاجة .
ملاحظة :
هاذ الكريمة نقدروا نحتفظوا بيها لمدة تقآرب الشهر فالثلاجة بلا ماتخسر ’،
وهذي بعض الصور التوضيحية :
وهذي النتيجة النهائية
&
شهية طيبة ’،
يعطيك الصحة
بارك اللّه فيك وجزاك خيرا.
وصفة رائعة خاصة انها من صنعك.
تقبلي تحياتي الخالصة لك.
يعطيك الصحة حنونة
اكيد عجبتنا
بارك الله فيك اختي
مشكورة اختي على الوصفة الرائعة
مشكورة أختي فرح، نفس المقادير ألي نستعملها فقط الطريقة تختلف
أنا نذوب قبل السكر مع الزبدة، و من ثم نضرب البيض مع الليمون، ثم نخلط المزيج الأول مع الثاني و نحطهم على النار، فقط أنا نضيف الجيلاتين في مكان النشاء
شكرا حبيبتي على الوصفة
شكرا لكي على تعبك
بوركتي اختي وجعله الله في ميزان حسناتك
يعطيك الصحة كيما انتاعي
بآرك الله فيكم كآااامل على المرور
فرحتني الردود ديآولكم : )
واستنآو الجديد ديالي عن قريب ان شاء الله ’،
بارك الله فيك يا اختي على الوصفة اللذيذة
يعطيك الصحة حنونتي فرح
بارك اللّه فيك وجزاك خيرا.
وصفة رائعة
الف تحية وسلام
بارك الله فيك
يعطيك العافية
