الوسم: menu

………………………………….

………………………………………….. ………………….

يعطيك الصحة الأخت اختيار موفق

فكرة ممتازة هنيتيني من تخمام كل يوم حتى وزني نقص

يعطيك الصحه الهام مجهود رائع

يعطيك الصحة يا الهام و ربي يجازيك على جهدك كلشي مميز كما عودتينا راهوا جاي رمضان و ان شاء الله نصوموه بالصحة و الهناء ربي يعطيك ما تتمناي دمت لنا

فكرة هايلة يا ام الافكار يعطيك الصحة نقصت علينا 3ارباع التفكير في الفطور والربع الاخير يبقى للتطبيق باذنه
هل نقدرو اذا لقينا حاجة ممكن تفيد الاخوات نحطوها ؟مشكورة

شكرا لكن عزيزاتي على المرور والتشجيع
أم إبراهيم ، أنا قلت أنني مازلت نزيد نعدل في الموضوع ونزيد وصفات وإذا حبيتي تساعديني مشكورة ، المهم تعطيني رابط باش نضيفو في الموضوع ، هكذا كل شيء يكون في الصفحة الأولى

يعطيييييييييييييك الصحة الهام والله هنيتينا من التحواس في عمي قوقل جزاك الله خيييييييير
يا رب بلغنا رمضان وعنا على دكرك وطاعتك

يعطيك الصحة يا الهام وربي يوفقك دايما موضوع قيم

موفقة الاخت الهام في الموضوع ان شاء الله

مميزة دائماً يا الهام بارك الله فيك موضوع جد قيم

السّلام عليكم ورحمة الله وبركاته
صباح الخييييير عليكم اخواتي راهو لحق رمضان ربي يعينينا فيه على الطاعة
أخواتي واش رايحين اطيبو للنهار الاول من رمضان ؟ اعطولنا قائمة متكاملة من المقبلات الى التحليات باش ندو افكار

أنا أديت المنيو من عند أمي الله يحفظها ملي كنت صغيرة النهار الأول كيف كيف أمالا حتى أنا اعتمدته في بيتي و هو
شربة فريك
بوراك لحم
مثوم
لحم الحلو
سلاطة مشوية
و خبز مطلوع

أنا قررت اول يوم نطيب

شربة فريك
طاجين زيتون
بوراك بالفيونداشي فالفرن مش مقلي بالزيت
سلطة
سلطة فواكه
و خبز مطلوع فالطاجين وليس الفرن

السلام عليكم
رمضان كريم ومبارك للجميع
شربة فريك + سلطة + ديول معمرين بطاطا وفرماج + شكشوكة + قراتان خفيف + طاجين حلو + فواكه ومشروبات عادية والى غسيل المواعين ثم قهيوة ثم الصلاة والى النووووووووووووم ومن بعد السحور خبز وحليب وفنجان قهوة
انشاء الله اية عاندوني وديرو كيما انا

يعطيكم الصحة اخواتي هادا واش يطيبو اغلب الناس اليوم الاول
وانا كي سفسيت امي قالت ديري الاطباق لي حطيتهم
بصح انا حبيت نخالف :d
خاصةفي الطبق الثاني زيدو اقترحو علينا

انا حابة ندير شربة فريك وهذي دائما في اليوم الاول حلو وبوراك بطاطا وتن وفرماج وغراتان ارز وشلاطة منوعة والتحلية تورتة الاناناس وايس كريم منزلي … وان شاء الله ينعاد علينا بالصحة والعافية وطاعة الرحمان .

الطبق الثاني ممكن باطاطا فالفرن تجي بنينة بزاف انا ندير طبقة بطاطا و الثانية لحم الصدر نطيبو و نقطعو طراف و نحطو في ثاني طبقة و من فوق نغطيه بالباطاطا و نزينو بالفيوىنداشي و الزيتون الاخضر و الصوص تاعو نخدمها فالفيونداشي و الثوم والبصل و حبة طماطم و توابل شوية برك مش بزاف حتى تبقى نفس الطعم و الله نموت على باطاطا

رمضان كريم ان شاء الله تصموها بالصحة والعافية

اليوم الاول نديرو شربة فريك ومطلوع يعني ماما ديرهم ههه وانا راح ندير غرتان اللهلوبية تاع الهام هه ومملحات لي كورني ولا سوفلي هذا شرط وطاجين لحلو سلطة وتحلية عليا قلب اللوز وفلان وشارلوات بموس الشكولا والفراولة لyasmalak واليوم بلاك ندير الكرواسون لسحور ههه

انا تاني نطيب الشربة المثوم لحم لحلو الوراك و السلاطة و الطلوع

انا حابة ندير فريك والحلو وغرتان سلاطة ومطلوع لازم والتحلية حابة ندير تارت دانيت بالشكولا

صح رمضانكم………. مازلنا ما قررناش….. باستثناء شربة فريك لمانقدروش نستغنو عليها والبوراك ههههه مشكورين

السلام عليكم أنا ندير الحريرة و البوراك باللحم مرحي و السلاطة خضرا مع الماسدوان و الفلفلة و الكبدة مشرملة وكروكات والبرقوق الحلو و في السهرة ندير الغريبية و المحنشة مع القهوة و الفواكه المتنوعة مع الفلان صح رمضانكم

صحه رمضانكم ينعاد عليكم وعلينا باللصحة و العافية والطاعة انشاء الله

اليوم لاول دائما حريرة بوراك بللحم طاجين حلو غارتان كوشة سلاطة ديسار ومنبعد غسل الماعن ثم النوجه الى الشاي وحاجة حلوة دون انا ننسى الصلاة الذكر والقران والتفكير في اليوم الثانى والله يكون في العون وصحه سحوركم

باذن الله سيكون
حريرة
طاجين حلو
مملحات و بوراك راح نكثر منها و ما نديرش مرق مالح باش ينتكل الطاجين الحلو لانو دايما يبقى كي يكون طاجين مالح
و سلطة منوعة
فلون و فواكه و عصير و الحمد لله

بادن الله شربة فريك كفتة وطاجين الحلو وسلاطة ورق والمطلوع كل يوم وادا جاب الديول نزيد الديول والفلن اكيد متعودين اليوم الاول مايكلوش بزاف وربي يقدرنا على الطاعة

سم الله نبداو مع الموني الثاني اللي راح يكون

المدخل :بوراك بالبطاطا والجبن + بريك بالبيض
الطبق الاول :شوربة فريك بطريقتي و الخاصة بمنطقتنا
الطبق الثاني : بيتزا ايطالية + ميني بيتزا
التحلية: موس لذيذة بالفلان والشانتيي ولاكرام باتيسيار

المدخل بوراك بالبطاطا والجبن + بريك
لازملك 4 ولا خمس حبات بطاطا بالقشرة غليها في الماء حتى تطيب وخليها تبرد تماما نقيها واسكرفجيها بالفرشيطة وهدا هو السر في نجاح البوراك ولا السفيرية ولا اي حاجة بالبطاطا انك تطيبيها بالقشرة وانك تخليها تبرد مليح من بعد تمرسيها لانك ادا سكرفجتيها وهي سخونة تتعجن وتولي تلصق في اليدين وماتنجميش تتحكمي فيها
زيديلها سنة ثوم وملح ومعدنوس مقطع وهريسة وزيتون اسود واخضر مقطعين وجبن مبروش اختياري خلطي الكل مع بعض

حلي ورقة البوراك وحطي كمية من الحشو بالطول ماتكثريش حتى ماتجيش الحبة مليانة واللي ياكلها مايقدرش يكملها وحطي فوقو قطع من الجبن الطري انا نستعمل جبن باربار كي العادة واغلقي الحبة كيما في الصورة

وحطيها فوق منشفة وغطيها حتى ماتنشفش وتيبس

كي تكمليها كلها اما تدهنيها بالزبدة وتدخليها للفور ولا تقليها في زيت غزير على نار متوسطة تقطريها مليح ةتحطيها فوق ورق ماص

البريك حطيتهولكم من قبل في هاد الرابط

https://www.djelfa.info/vb/showthread.php?t=1297925

فقط الحشو عملت لحم مفروق مقلي مع شوية بصل وثوم ورشيتو فوق البيضة في مكان الطماطم والبصل وكملت نفس الخطوات

الطبق الاول :شوربة او جاري فريك بطريقتي
هاد الطريقة معتمدينها عندنا في ولايتنا في شهر رمضان وفي المناسبات والاعراس جربوه يجي روعة بدون مبالغة

في طنجرة حطي لحم غنمي من الاحسن نتاع لي كوت او الشطوب وادا ماكاش اعملي دجاج زيديلهم بصلة كبيرة مبروشة مالازمش تكون مرحية بزاف لانها تولي ماء وماتكونش بنينة كي نقلوها مع اللحم وزيديلهم 3 ملاعق كبيرة زيت ورشة دبشة او حشيشة مقطفة مقطعة رقيقة وقلي الكل على نار متوسطة ولا هادئة مع التحريك مرة على مرة مدة 10د

زيديلو الملح وفلفل اسود وكسبر مرحي وشوية حار بودرة اختياري وزيدي قلي شوية

زيدي ملعقة ونصف طماطم مصبرة ممكن اقل او اكثر حسب نوعية الطماطم وخليها تتقلى مع التحريك حتى 2 د

ثم مرقي بالماء الدافي تقريبا 2 ليترات

خلي الكل على النار وكي يغلي زيدي الفريك المنقي والمغسول انا عملت فنجان مليان
ونقصي في النار وخليه يطيب على مهلو على نار هادئة انا خليتو ساعتين حتى طاب مليح اللحم

خطوة مهمة كي يطيب كلشي زيدي رشة من الدبشة او الحشيشة مقطفة و ارمي 2 قرون فلفل حار خليها تغلي دقيقة لا 2 وطفي واغلقي الطنجرة حتى 2 دقايق اخرى ووقت التقديم املي من فوق رشة سخية من الدبشة جربيه راح يجيك روعة

ماتنسايش تقدميه مع خبز الدار ولا مع الكسرة او الخميرة

الطبق الثاني بيتزا + ميني بيتزا
راني حطيتهالكم من قبل في هاد الرابط

https://www.djelfa.info/vb/showthread.php?t=1234868

فقط عملتها خبزات صغار والحشو جبن مبروش وزيتون ولحم مفروم وجات امممممممممممممم ماتتشبعش
جربوها والله روعة بدون مبالغة وراح تعجبهم كامل على ضمانتي

التحلية موس روعة روعة خاصة لمحبي الشوكولا

عملت كيس كرام باتيسيار دوق شوكولا مع نصف لتر حليب + فنجان حليب لاني حبيتها تجي خفيفة ماشي عاقدة بزاف وزدتلها 3 ملاعق كبيرة سكر وخليت الكل على نار متوسطة مع التحريك حتى ثقال شوية وخليتو يبرد

في هدا الوقت عملت كاس الا ربع حليب بارد جدا وخلطتو مع ملعقة كبيرة حليب غبرة او لحضة + 2 ملاعق كبيرة من غبرة فلون ذوق شوكولا انا استعملت فلون نوارة يعني فتحت الكيس وصبيت قيس 2 ملاعق
في خلاط حطي 150غ بودرة الشانتيي اللي تتباع بالميزان زيدي فوقها هداك الحليب البارد والمخلط مع الفلان واللحضة وضربي على سرعة عالية

حتى تتحصلي على كريمة ثقيلة زيديلها بالتدريج ثلاث ارباع الكرام باتيسار

اللي تكون بردت وخلطي بسباتولا ولا فرشيطة من فوق لتحت حتى مايخرجش الهواء
الربع اللي بقالك من الكرام باتيسيار صبيه في ليكوب

وكملي عمريها بالموس اللي تحصلنا عليها
واخيرا دري على الوجه شوية من بودرة الكاكا بصفاية

ودخليها للكونجي لاتور ساعتين من بعد نزليها للثلاجة حتى وقت التقديم وراح تتحصلو على موس خفيفة وبنينة ياخي يقلك الحاجة ام الاختراع انا سخفت على حاجة خفيفة وبنينة خلطت وجلطت وجاتني كيما بغاها خاطري

وهادي لوبيا خضراء او زاليقو كيما نسموه عندنا عملتو لبابا يموت اعليه وهادي طريقتها نزولا عند رغبة اختي فلورا 06 وخواتي اللي طلبوها

بالنسبة للوبيا في كوكوط حطي 3 ملاعق زيت مع حبة بصل مرحية و2 سنات ثوم وقيس ملعقة صغيرة دبشة او حشيشة مقطفة مقطعة رقيق قلي الكل حتى حتى يتغير اللون شوية زيدي الملح وشوية فلفل اسود وشوية كروية مرحية زيدي مغرف كبيرة طماطم مصبرة زيدي قلي شوية ومرقي بكاس ماء
في صحن حطي 200غ لحم مفروم مع 2سنات ثوم مرحية وشوية معدنوس مقطع رقيق وملح خلطي الكل وشكلي كويرات ارميها في هداك المرق اللي يغلي بلاماتحركيها خليها على نار متوسكة 5دقايق ثم حطي اللوبيا فوقها واللوبيا حاولي تقطعيها صغيرة تقريبا بطول 3سم راح تجيك بنينة وماتقلقش في اكلها المهم كملي مرقي بالماء حتى تتغطى اللوبيا وادا تحبي الجزر ممكن تزيدي معاها مربعات صغيرة جزر يعطيها حلاوة اغلقي الكوكوط وخليها على نار متوسطة تقريبا ساعة ونصف انتي كي توصل ساعة افتحي شوفي ادا لقيتي مازال فيها الماء زيديلها شوية وقت
دركا نعطيك سر البنة كي تطيب اللوبيا وتبدا تعقد ارمي زوج قرون فلفل حار وقيس ملعقة حشيشة مقطفة او دبشة مقطعة خلي المزيج يغلي دقيقتين ولا 3 وطفي وخلي الطنجرة مغلوقة حتى 2 دقايق اخرى من بعد قدميها مع رشة دبشة
وراح تجيك احلى لوبيا ماشطو جربيها راح تعجبك خاصة ادا كنتي من محبيها
وراني راح نحط لوبيا ماشطو قراتان بطريقتي عما قربيب بحول الله يجي روعة

نتمنى يكون نال اعجابكم الموني الثاني
وانتظروني في مونيهات اخرى الايام القادمة بحول الله
ماتنساونيش بدعواتكم

الله الله عليك نينا ماشاء الله مازال ماشبعناش المنيو الاول زدتيلنا الثاني يعطيك الصحة عجبني كلشي رووووعة خاصة التحلية ترقبي تطبيقي في اقرب فرصة

اقتباس:

المشاركة الأصلية كتبت بواسطة oum ibrahim الله الله عليك نينا ماشاء الله مازال ماشبعناش المنيو الاول زدتيلنا الثاني يعطيك الصحة عجبني كلشي رووووعة خاصة التحلية ترقبي تطبيقي في اقرب فرصة

اهلا اهلا اهلا بالغالية ام ابراهيم ديما تفرحيني بردودك حبيبتي
مالا رانا نستناو تطبيقك في القريب بحول الله
رمضان كريم حبيبتي وصحا صحورك

وش نقولك يا اختي وحبيبة قلبي نينا طبخك ماشاء الله كل يوم نجرب حاجة بالصح ندرح باه نحطها البيتزا تاعك اشكري وعاودي كل يوم نديرها وجاتني كيما لي نوكلها برا وخير منهااعتمدت الوصفة وولات هذه هي العجينة تاعي وجربت الدجاج كنتاكي هايل ومقرمش مع البيري كل يوم نجرب حاجة ربي يجازيك ان شاء الله
ونزيد نقولك كل وصفاتك محملتهم في الكمبيوتر تاعي باسم طبخ نينا ربي يحفظك ولا يحرمنا منك

تبارك الله عليك حبيبتي
ربي يخليك ويعليك على من يعاديك

تسلم الايادي ويعطيك الصحة على الوصفات الرائعة

اقتباس:

المشاركة الأصلية كتبت بواسطة مسعودي خولة وش نقولك يا اختي وحبيبة قلبي نينا طبخك ماشاء الله كل يوم نجرب حاجة بالصح ندرح باه نحطها البيتزا تاعك اشكري وعاودي كل يوم نديرها وجاتني كيما لي نوكلها برا وخير منهااعتمدت الوصفة وولات هذه هي العجينة تاعي وجربت الدجاج كنتاكي هايل ومقرمش مع البيري كل يوم نجرب حاجة ربي يجازيك ان شاء الله ونزيد نقولك كل وصفاتك محملتهم في الكمبيوتر تاعي باسم طبخ نينا ربي يحفظك ولا يحرمنا منك

الف مبروك لي نجحتلك البيتزا املا انا تاني غيورة سورتو في الطبخ نحب نتعلك كلش ياريت تعطيني الوصفة باش نجربها

الف صحة وعافية نينا كلش هايل
صح رمضانك

تبار ك الله عليك وين نلقى اسمك نجي نجري كاش نهار نطيح يدقدق فمي ههههه
ثقتي عمياء في وصفاتك نينا بارك الله فيك ربي يرزقك الذرية الصالحة إن شاء اللهولا هذيك البيتزا اعتمدتها دائما وابدا كل الأهل ولاو يسقسو فيا على الغوسات ربي يزين سعدك ويفرح قلبك

بارك الله فيك

ماشاء الله ربي يحفظك

الله يعطيك الصحة امممممممم شوقتيني و راني نتوحم درك كيفاه ندير انا ههههههه بصحاتكم

السلام عليكم على حساب البرنامج ما يجى يخلاص رمضان يكوم البنك انتاع الصح معمر بالحسنات لانها تتضاعف فى هذا الشهر الكريم بلا دعاوى الخير هذا هو التسابق للخيرات الله يجزيك على كل حرفوصح فطورك بنتى

ربي يسترك يا الشاااطرة

السلام عليكم… عندي عشاء نحضره للأسبوع الجاي و ماعرفتش واش نطيب
plat principal هو شخشوخة أم الباقي pas encore décidée
واش رايكم تعاونوني

ديري اول حاجة شربة شوفي انتوما واش مضاري تديرو مثلا الحريرة ولا الفريك ولا شوربة فارميسال على حسابكم
وديري السلاطة مثلا تاع الخس وفي الوسط ماسيدوان وزينيها بالبيض ولا كما تحبي
وزيدي مقبلات دافية مثلا les vols au ventولا الكورنيات معمرين بالدجاج وفطر وكريمة البشاميل
وديري ديسار سلطة فواكه ولا mousse au chocolat

شكرا أختي على المساعدة و تحياتي

السلام عليكم… عندي عشاء نحضره للأسبوع الجاي و ماعرفتش واش نطيب
plat principal هو شخشوخة أم الباقي pas encore décidée
واش رايكم تعاونوني

ديري اول حاجة شربة شوفي انتوما واش مضاري تديرو مثلا الحريرة ولا الفريك ولا شوربة فارميسال على حسابكم
وديري السلاطة مثلا تاع الخس وفي الوسط ماسيدوان وزينيها بالبيض ولا كما تحبي
وزيدي مقبلات دافية مثلا les vols au ventولا الكورنيات معمرين بالدجاج وفطر وكريمة البشاميل
وديري ديسار سلطة فواكه ولا mousse au chocolat

شكرا أختي على المساعدة و تحياتي

السلااااااااااااااااام عليكم
واش احوالكم
في دارنا و في شحال من بيت دايما قبل الفطور نفكرو واش راايحين نطيبو و علاخاطر ولا مشكل عوييييص قررت ندير من دوكا قائمة للمواكل اللي نديروهم في كل نهار
ان شاء اله بالمساعدة تااااعكم
واش رايكم:mh31:

https://www.djelfa.info/vb/showthread.php?t=1275446

تفضلي اختي قد يفيدكي

https://www.djelfa.info/vb/showthread.php?t=1371740

https://www.djelfa.info/vb/showthread.php?t=1360481

https://www.djelfa.info/vb/showthread.php?t=1371810

وهذا تصفحي بين الردود اووكيي
https://www.djelfa.info/vb/showthread.php?t=1597836ط°

هيا خيري واختاري وفرحي العايلة
https://www.djelfa.info/vb/showthread.php?t=1360416

https://www.djelfa.info/vb/showthread.php?t=1608376
https://www.djelfa.info/vb/showthread.php?t=1262064

السلام عليكم
ان شاء الله تكونو بخير ورمضان كريم
عندي عرضة لحوالي 15 شخص ارجو منكم مساعدتي في menu
من مقبلات وتحليات واطباق رئيسية
انتظر ردودكم الطيبة
وشكرا لكم مسبقا

وعليكم السلام اختي الكريمة صح رمضانك و ربي يقدرك حبيبتي
عليك بقناة سميرة فيها ماتحتجينه وبطرق متنوعة

اليوم طبقت le menu نتاع الشاف سليمة يعلي من قناة سميرة و حبيت تشوفوا تطبيقاتي نتمنى تعجبكم و انتظر ردودكن

سلطة البرتقال

غراتان بطاطا بالجبن

https://im69.gulfup.com/n6q8Z1.jpg

تحلية الكريم شونتي بالتفاح والشكولاطة الصور مش واضحة مليح هنا بصح التحلية فعلا خرجت روعة

الله يبارك
يعطييك الصحة على هاذ التطبيقات
بصحتكم

يبارك فيك حبيبتي و شكرا على مرورك الطيب لصفحتي

الله يبارك
يعطييك الصحة

اقتباس:

المشاركة الأصلية كتبت بواسطة mariaanfel الله يبارك يعطييك الصحة

يبارك فيك أختي و شكرا على مرورك الطيب

اقتباس:

المشاركة الأصلية كتبت بواسطة ryhem 16 مممممممممممممممممممممممممممم بصحتك أختي

الله يسلمك حنونة

مممممممممم شهيتينا تطبيقات رووعة لوكان غير تعطيني وصفة الغراتان

فعلا روعة الله يعطيك الصحة
انا ثان شفتهم قوليلي البنة تع الغراتان والتحلية كيفاش نقدر نديرهم للضياف
شكرا

اقتباس:

المشاركة الأصلية كتبت بواسطة فوفو غليزان مممممممممم شهيتينا تطبيقات رووعة لوكان غير تعطيني وصفة الغراتان

شكرا على مرورك الطيب حبيبتي ،و اليكي وصفة الغراتان
المقادير
600 غ بطاطا طايبة و مرحية 2 بيض ثوم ملح فلفل ك رند حليب سائل فرينة جبن معدنوس .
أولا ديري ماء يسخن فيه ملح رند توم و خليه يغلي من جهة أخرى ديري البطاطا المرحية زيديلها جبن مبشور معدنوس بيضة ملح فلفل ك ثوم خلطيهم مليح ضيفي 3 م ك فرينة و خلطي شكلي كويرات و ديريهم في الماء الي درتيه قبل يغلي خليهم مدة 5 دقايق ثما ديريهم بالترتيب في بلا الفرن مدهون بالزبدة ثم اسكبي عليهم كريمة الي هي متكونة من
كاس حليب سائل 3 فرماج م ك بونبي فرينة ملح فلفل ك بيضة خلطيهم مليح مليح و اسكبيها على البطاطا و ادخلي البلا للفرن مدة 30 د 180 درجة .
نصيحة مني البطاطا لوكان ديريها بلا ما تغليها في الماء نظن تجي بنينة اكثر .

اقتباس:

المشاركة الأصلية كتبت بواسطة melissat فعلا روعة الله يعطيك الصحة انا ثان شفتهم قوليلي البنة تع الغراتان والتحلية كيفاش نقدر نديرهم للضياف شكرا

الله يسلمك حبيبتي بالنسبة لبنة الغراتان هي مليحة بصح للضياف نظن ديري سفيرية مليحة بالدجاج و صوص حمص خير أما التحلية بنينة تهبل تقدري تديريها حنونة

اممممم روعة بصحتكم

اتز مي شكرا على تردد القناة

ممممم شهيتيني اختي في الاطباق اكثر روووووووووووووووعة وبصحتك
ممكن وصفة التحلية ومشكورة

اقتباس:

المشاركة الأصلية كتبت بواسطة almazalina22 اتز مي شكرا على تردد القناة ممممم شهيتيني اختي في الاطباق اكثر روووووووووووووووعة وبصحتك ممكن وصفة التحلية ومشكورة

الله يسلمك حنونة و التحلية كاالتالي
المقادير :
كاس كريم شانتي غبرة كاس عصير البرتقال بارد حبة تفاح مسكرفجة بالقشور ملعقة عصير قارص 100 غ شكولاطة سوداء دايبة مع ملعقتين ماء باش تولي تبرق ، حبات فرولة أو كرز مصبر للتزيين
طلعي الكريم شانتي مع العصير ثم ضيفيلها حبة التفاح الي تكوني رشيتي عليها شويا عصير قارص باش ماتكحالش ثم ضيفيلهم الشوكولاطة الدايبة و حركي دورتين فقط فقط باش يخرج الشكل ديكغادي و ضعيها في صحون التقديم و زينيها بالفرولة أو الكرز ، انا ماكانش عندي الفاكهة . نتمنى تكوني فهمتي و بالصحة و الهنا مسبقا
عفوا مافهمتش السطر الاول ياريت تعاوديلي المقصود و شكرا .

أممممممممممممممممممممممممممممممممممممممممممممممممم ممممممم روعة

شوفي في هاذ الرابط وخيري واش تحبي بصح كي تكملي العرضة صوريلنا ماتنسايناش
https://www.djelfa.info/vb/showthread.php?t=959405

hanouna ca depend 3la had couple la relation est que des amis ,famille , collegue