السلام عليكم
أتمنى أن يكون الجميع بخير
كما نعلم جميعا فإن الأمثال الشعبية لها دور كبير في حياتنا
وأغلبنا قد حفظها عن الأجداد والآباء
وكل مثل وما يحمله من معنى
اليوم اخترت لكم مثالا شعبيا نتداوله كثيرا في مجتمعنا الجزائري
هو:
(كول ما يعجبك ولبس ما يعجب الناس)
هل تتعاملون بهذا المثل في حياتكم اليومية؟
أقصد هل تطبقونه؟
هل تعتنون كثيرا بمظهركم الخارجي وتحرصون دائما على أن تكون صورتكم أمام الناس لائقة أم أنكم لا تبالون بذلك تلبسون أي شيء ووفق ما تحبونه أنتم ولا يهمكم رأي الناس في ذلك؟
في انتظار آرائكم
احترماتي للجميع
انا نلبس اللي يخرج عليا وندير اللي يخرج عليا وميهمنيش في راي الناس ماهمش يعيشوا فيا والحمد لله
شكرا جزيلا على الموضوع
السلام عليكم اخي كيف حالك والعائلة الكريمة؟
المثل هذا شائع جدا فالخقيقة كنت اتعامل به في ايام مراهقتي وايام دراستي بالثانوية حتى وقت إرتدائي الحجاب لكن ليس الإهتمام من باب إرضاء الناس انا لذي مرآة تتكلم لما اقف امامها ونقنع نفسي الحمد لله إذا شفت مرايتي دارت ضباب يعني يا مريم راهي مخلطة لزرق مع لبيض مغ لخضر ههههههههه
اكيد نهتم بمظهري لأانني موسوسة نظافة نحب نكون مرتبة ونظيفة والحجاب لا غبار عليه يعني خمار اول وخمار كبير ثاني والحمد لله هذا يكفيني والآن فصل البرد يعني معطف لكن الحمد لله خروجي قليل جدا تقريبا نادر إلا حالة المرض
يعني الإنسان ما يبالغش مرات نشوف بنات تقول رايحين صال ديفات ماشي يقراو والرجال ثاني تخيل الشتا والموفيطو والرعد ةلابس كوستيم وشيموزي بيضا وكرافات من فوق تحسب عندو إجتماع وهو رايح يشد الحيط ههههههههه
الإنسان يرضي نفسو وما يغضبش ربي قبل كل شي والنظافة حاجة مهمة ونسيت على الأكل ناكل اللي كاتبها ربي إلا اشياء نعتبرها ممنوعات الله غالب لو ناكلها كرشي تمركي إيرور العدس وووووووووواع وشعال نكرهو واشياء كثيرة نفضل نروح نجاهد فأفغانستان وما ناكلها فالنهاية نرضي نفسي فالحالتين الاكل واللباس شكرا وعذرا على الإطالة
هادا المتل اخي مايخدمليش ناكل واش يعجبني ونلبس واش يعجبني
والله ما همني في ناس صح نلبس مليح بصح موش على جال ناس
السلام عليكم ان شخصيا هذا المثل لا اعمل به
اكل ما يعجبني..والبس كذلك مايعجبني ……..واحب ان اكون مميزة في لباسي عن غيري
اكيد الالتزام شعارنا ……….شكرا لك تحيتي
ناكل قد دراهمي ونلبس قد دراهمي
حتى إن أصبحت غنية لا احب البذخ…….ولا التفاخر
السلام عليك
حقيقة انا ناكل واش نحب ونلبس واش نحب
لكن احبذ مشاركة راي اصدقائي فالعمل من حهة اللباس
شكرا
انا نعمل الا الحاجة الي تريحني و نسعى ديما باش نكون فور على الناس وخلاص
السلام عليكم
نخدم بيه بزاف و غير أمس كنت نقول فيه………..
أنعم إيه ناكل واش يعجبني …….و نطيب ثاني واش يعجبني………..هههه لالا ثاني واش يعجب الدار
و نلبس واش يعجب الناس ………….لكن من غير مبالغة ………..خويا اليوم كاين كلش في السوق
الحجابات الله يبارك ………الساجدات واش نحكي …………المهم على ذوقك……… و في الأخير تخير لبسة مقبولة ومأنتكه و نتاع نظام ، و أهم حاجة تكون مستورة و ترضي ربي، و ماشي ملفتة للإنتباه ….و لكن دائما مرتبة أنا مانخرجشي من الدار حتى نسوي روحي و الحداد دايمن لاصق في التريسيتي حتى بابا يبدى يعيط ….
الله غالب الناس دوك ولات مظاهر …. حتى أنا لاحظتها نهار اللي نروح منظمة و كلش مريقل و تروح تقضي في صالحة هاك يهتموا بيك
أما نهار اللي نروح نورمال واحد ما يشوف فيك ….
و ثاني"" إن الله جميل يحب الجمال""
كذلك الظروف اللي تحيط بيك تخليك تهتم بمظهرك ….مثلا مكانتك في المجتمع : وش يقولو الناس إذا كنت خدام و تخلص و مراكش قادر دير تبديلات تتبادل بينهم
حتى أنا شخصيا نقول في نفسي مرات علاه هاذ الشخص دايمن حاصل في حاجة وحدة، ولا علاه ماراهوش منظم روحو …..
ياأخي كلش ولا يتباع علاه الواحد مايهتمش بروحو شوي …. عليك وعلى دراهمك و على ذوقك……
النظــــــــــــــــام جمال الأعمال، كل ماكنت منظم كل ما كنت جمــــــيل ،و المثل اللي رانا نهدرو عليه قيل لربما:
لأن الأكل يكون بينك و بين نفسك أما اللباس فيكون أمام الناس ….
تقبل مشاركتي ………….
بالنسبة للباس ديما انتيك نلبس غير الاصلي بالنسبة للاكل عندي بعض فقدان شهية لاني ادخن احيانا و بالتالي ما عندي حاجة ف الاكل اما اللبسة ما تلعبليــــــــــــــش طبعا المحترمة مش هذه تاع الانانيش و الهيب هوب و مش عارف واش
السلام عليكم
حتى رمضان كنت ناكل واش يعجبني و نلبس واش يعجبني
بصح في رمضان كي حتم عليا بابا ناكل واش يعجبو بالاحرى
واش هو صحي ثم وليت ناكل واش يعجب بابا و نلبس واش يعجبي
بالنسبة للباس انا نهتم بزاف بمظهر الخارجي تاعي لباسي
محترم و انيق واختيار ملابس تاعي صعيب بزاف و في
حقيقة انا ميهمنيش واش راي الغير في الملابس تاعي
مدام لباس تاعي يكون محترم و يحسسني بالراحة
و على العموم لي نعرفهم كامل يقولولي بلي عندي
ذوق في اختيار ملابسي و يعكسو بزاف شخصيتي
دمتم في رعاية الله و حفظه
انا ناكل واش نبغي و نلبس واش نبغي اذا درت على الناس نهبل كل واحد راه خارج بخرجة و اكثرية الناس راهم يلبسو وخلاص تقول خرجو من السبيطار تاع المهابل و يقلك لامود .انا في اللبسة نانسيستي على حاجة وحدا و فيا ديفو شحال سامط مانبغيش نشري حاجة واحد نعرفو شاريها و كون راهي عاجبتني و نموت عليها نلقى واحد شاريها مانشريهاش و تاني نكره حاجة لابستها الامة كامل .على هكا مرات ندور ندور و في التالي مانشري حتا حاجة .و زيد انا مانمدش لاي واحد الفرصة باه يعلق على لبستي و لا يمدلي رايو من غير دارنا برك لانو لبستي راهي حرية شخصية واحد مادخلو فيا واش نلبس راهي عاجبتني انا امالا الغاشي مايهمنيش المهم تكون مليحة و يا لوكان نكون شاريتها من العصور الوسطى
السلام عليكم أخي الكريم
المثل معناه أن نكون في أحسن صورة أمام الناس
حتى الذهاب للمسجد خاصة يوم الجمعة وجب لبس أحسن اللباس
أما الأكل فذاك زمان وهذا زمان الناس بخير يأكلون كما يلبسون
تقبل مروري مع خالص التحيات
معنى هذا المثل أن الرجل يجب مشاورة المرأة في القرارات التي يتخذها ولكن يجب عدم الأخذة برأيها
