السلام عليكم
سيداتي ارجوكم اريد منكم اعطائي الطريقة الصحيحة لصنع الطمينة الجزائرية لاننا حنا مانديروهاش كيما نتا العاصمة نديروها بطريقة وخدخرا وكي ندير هذي الطمينة ماتصلحليش تجيني مفرتة وماشي بنينة وخطرات تجيني يابسة فمن فضلكم اللي تعرف اطيبها تعطيني الوصفة نتاعها
علما انني انا نطيبها هكذا
ندير دقيق خشين ونقليه في المقلة حتى يتحمر ومبعد ندير العسيلة وندير فيها شوية زبدة ونخلطهم مع بعض بصح نتاع دزاير تجي فيها واحد البنة ماشي كيما نتاعي فتعيشو اعطوني الوصفة الصحيحة واذا ممكن الصور
وشكرا مسبقا
ماتقولوليش وحدة ماتعرف طيبها؟؟؟؟؟؟؟؟؟
ادا قصدك على العاصمية يعني الي تتفور ما تتحمصش
انا ماعلاباليش اذا تتفور ولا تتحمص على خاطش حنى ماشي مالفين نديروها
واذا ممكن تعطيني الطريقة تاع اللي تتحمص وتاع اللي تتفور
انا ام نوفل اختاه الطمينة باش تخرجلك طرية وبنينة اولا فوري التشيشة ثانيا حمصيها على نار خفيفة جدا ومالازمش تحمريها بزاف ثم في الاخير تاتي مرحلة الخلط مع العسل والزبدة ويكون مقدارهما متجانس ويجب ان يكون العسل الذى يباع للنكهة الموجودة فيه وفي الاخير تزين بحلوة الترك والمكسرات والقرفة طبعا فهي شباح الطمينة .
ساهلة حنونة حمصي الدقيق ومالازم يكون احرش بزاف اشري الدقيق العادي وغربيليه بالغربال تاع الفرينة واللي بقالك في الغربال هو اللي تستعمليه وزيد ماتحمصيهش بزاف لازم يجي ذهبي اللون ماشي كيما تاع الرفيس
وفي كاسرونة حطي العسيلة تاع السوق وزيدي الزبدة دوبيهم وخلطي الدقيق عليهم وديريها جارية راح يشرب الدقيق ويولي عادي ومنبعد القرفة واذا حبيتي النكهة كاين اللي اللي يزيد حلوى الترك في العسيلة والزبدة وتجي واووووووووووووو سخفتيني راح نوض دوق ونديرها واحنا نزيدو على الاخير حبات الدراجي اذا كان وليد زرقة واذا بنت وردي جربي ورديلنا الخبر
شكرا لكم جميعا راني جربتها ونجحتلي وراني عرفت الخطا نتاعي باش ماتجيش بنينة هو اني ندير العسيلة بصح مانكترش الزبدة ندير غير شوية ومانديرش بزاف العسيلة علابيها تجي مفرتة
وشكراااالكم جمييييييييييييييييعا
احنا في ولايات الوسط نشمخوها شوي بالء والملح ونفوروها وكي تبرد نحمصوها ونبسوها بالزبدة ونزيدولها العسيلة
اقتباس:
المشاركة الأصلية كتبت بواسطة الزهرة البسامية
احنا في ولايات الوسط نشمخوها شوي بالماء والملح ونفوروها وكي تبرد نحمصوها ونبسوها بالزبدة ونزيدولها العسيلة
|
ثم زينيها بالقرفة وحلوة الترك والمكسرات
تحمصي شويا من الدقيق الخشين حتان يولي أحمر شوية
وفي نفس الوقت راكي تطيبي في العسل
وملازمش تحطي العسل على الدقيق وهو سخون
خلي حتان يبرد
إذا حطيتيه سخون راح يتناثر كامل
والعسل ديري فيه السكر والقرفة
نعطيلك وصفة الطمينة تناعنا راهي بنينة بزاف بزاف
2كيلو قمح محمص في المقلاة- كيلو حمص كذلك محمص في مقلاة-نص كيلو لبلابي خلطي الكل و ابعتيهم للعطار يرحيهملك مليح لازم يكون رطب مثل سكر قلاصي
ممكن تحتفظي بيها في وعاء بلاستيكي مغلق مدة طويلة
جينا للمفيد
في كاسرول أو وعاء ألمنيوم المهم الموجود حطي لكل 3 ملاعق عسل 2ملاعق زبدة أو مرغرين ضعيها على النار حتان تغلي بعديها من على النار و ضفي مباشرة الطمينة مع التحريك لازم ما تكونش يابسة و ما تكونش جارية بزاف تكون مثل البيري تاع الباطاطا
أفرغيها في صحن و رشيها بكاوكاو مرحي أو لوز مرحي الموجود و بصحتكم و الله تجيك روووووووووووعة أنا نموت عليها
احنا نحمصو السميد و مبعد نديرو في كسرونة العسل والزبدة فوق النار حتى تذوب الزبدة في العسل ونفرغوها على السميد لازم تكون جارية و اذا بغيتي ديريلها حلوة الترك وخليها تباة حتى للصباح واذا صبتيها يابسة زيديلها شوية زبدة و ماتنسايش القرفة