]السلام عليكم ورحمة الله
اريد اقتراحاتكم ومساعداتكم بشان موضوع مهم
معدومة الدخل وغير مؤهلة باي شهادة تذكر تريد منكم الحل
بحيث زوجها لا يعمل وتعيش علة على الغير
تريد مشروع او فكرة بالاحرى تساعدها في ضمان عيشها وتستغلها للعمل الشريف
لكن تكون في المنزل بحيث تقطن في منطقة نائية وتريد ان تستغل بيتها للعمل وتبيع في المدينة حينما تكتمل جربت الخياطة وجدت نفسها بين الملايين من الخياطات لا يوجد الشاري وجربت صنع احزمة لم تستطع بيعها
فهل من مساعد بفكرة ما قد تنجح
اختي ممكن صنع اكلة تقلدية وبيعيها في المدينة كالمطلوع وربي يحسن الحال ويرزقك من الحلال
الحلويات للأعراس و الأعياد و ما يتبع ذلك
قال الله تعالى: الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ
خَيْرٌ عِندَ رَبِّكَ ثَوَاباً وَخَيْرٌ أَمَلاً {الكهف:46}
وقال عز وجل في سورة نوح
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
هذه افكار قديمة ولا تنفع هاتو الجديد ان كانت هناك
لازمك تتعلمي حرفة صعيبة و مطلوبة
مثل خياطة المفروشات للعرائس
او
حضري الكسكس و الشخشوخة و بيعي
ديري حسابك بلي صحتك راح تروح معاهم
ربي يفرج عليك
اقتباس:
المشاركة الأصلية كتبت بواسطة samra3  هذه افكار قديمة ولا تنفع هاتو الجديد ان كانت هناك
|
ابن عمتي يعمل في مخبرة و حدثني عن أحداهن في شهر رمضان كل يوم تأتيهمم ب( 10 بلاطو تاع مقروظ ) يعني بحساب بسيط عندها كل يوم دخل صافي يفوق مليون و نص
و تقولين لا تنفع
بل أحدثك بإحداهن فتحت محلا و نجحت نجاحا كبيرا لصناعة و بيع الحلويات التقليدية ( براج، طمينة، غرايف، فطير) و ما شابهه
و كانت كذلك تبيع للمقاهي البراج و الطمينة
و من محلها تصنع الحلويات للأعراس
ختي كاين تع الحلويات
يعني تخدم القاطوات تع العرس هاذي تنجح فيهم
كاين تع الكروشي كيما مثلا ليناب تع المائدة
مممممممم اذا زدت تفكرت نقولك
كاين حتى تبيع للحوانت قاطوات خاصة مثلا القريوش او البراج ((المبرج))
الحلويات للأعراس و الأعياد و ما يتبع ذلك
ربي يرزقك اخيتي
تخدم أي حرفة تع يد مثل فتل الطعام و قاطو الأعراس …و المقروط و الكعك و المبرجة أو البراج الذي يباع للمقاهي
أكيد لن تصل مع الطلبيات في ظل شغور المنازل من خدامها و التفنيين و اليدين المكسرة تع هذا الوقت 
احسن شئ الحلويات دخلها جيد ان لم تكن متعلمة
المشكل انها تحتاج لتكوين لانو لازم يكون العمل متقن جدااا لان بصراحة لا احد يجازف لشراء حلويات متوسطة الجودة خاصة فى الوقت الحالى كاين بزاف اللى يخدمو والخيار موجود امام الناس
والنساء كامل يخدمو الحلويات وخاصة التقليدية اذن المشكل راه فى الاتقان لازم تكون حاجاتها مميزة اذا حبت تنجح
افضل نصيحة انها تعمل تكوين حتى لو كانت تعرف مسبقا وتعمل فى مجموعة ومع الوقت يصبح لديها عملها الخاص
موفقة
كاين بزاف الحلويات النسا اكل تديرها لازم تدير حاجة مكسبها مليح حتى وان كان العمل صعب او الاستعانة ببنات اخرى كي تضمن النجاح انا نقول مصنع مصغر تغليف الاغذية
lombalage
ربي يكون في عونك و يرزقك من حيث لا تحتسبين
الحاجة الي تمشي بزاف هي المأكولات و الحلويات
ربي يوفقك ان شاء الله
ارجوا من الاعضاء الكرام ان يبينوا لنا كيف يتم حساب منحة الدخل التكميلي.frc التي يستفيد منها جل عمال المالية ااي كيف لعامل المالية ان يحتسب نصيبه منها وجزاكم الله خيرا
