السلام عليكم
أنا فتاة في السابعة والعشرين من العمر خطبني شاب على قدر كبير من الأخلاق متدين وهو وحيد عائلته هو لا يكلمني في الهاتف الا ناذرا ولدي أحواتي مخطوبات أيضا فحطابهن يسألون عن أحوالهم دائما.
هذا الشاب عرفت أن جدته هي من اقترحتني وأتت لخطبتي كما أنه لم يأت لرؤيتي ولا حتى يوم الخطبة لأنه في الحقيقة خجول جدا وكما قال أعرفك جيدا لماذا أتي (نحن جيران) لكن هل يكون هناك سبب أخر؟
لكن أنا دائما تنتابني شكوك قد يكون لا يحبني وخطبني فقط ارضاءا لأهله كيف ستكون حياتي مع شحص لا يحبني فهو لا يسال عني .
كما أن عائلته هي من تكفلت بكل ماشترى لي أي أمه هي من اشترت هدايا الخطبة. أحس أنه متكل على عائلته وأنا سأعيش معهم مادام هو وحيدهم .
يعني مشكلتي هي أنه ان حدث مشكل لا قدر الله بيني وبين عائلته فحتما سيقف معهم لأنهم هم من اختاروني وليس هو
أنا أحس أن عائلته اشترتني كخادمة لهم لا غير. ماذا افعل هل أكمل وربي يجيب الخير أم أفسخ خطوبتي
لم أستطع التعبير جيدا عما بداخلي فاعذروني
والله العظيم نحير كي نشوف حاجة هكدا
ووين العيب انو ما يحكيش في الهاتف ؟
انا نتمنى اني مانحكيش في الهاتف خلاص مع الخطيبة
الزواج التقليدي احسن من زواج اليوم المسمى ظلما زواج الحب والعلاقات
ما يحكيش معاك مش معناها ما يحبكش
السلام عليكم
وعليكم السلام ، جمعة مباركة أخيتي
أنا فتاة في السابعة والعشرين من العمر خطبني شاب على قدر كبير من الأخلاق متدين وهو وحيد عائلته هو لا يكلمني في الهاتف الا ناذرا ولدي أحواتي مخطوبات أيضا فحطابهن يسألون عن أحوالهم دائما.
ما شاء الله
هذا الشاب عرفت أن جدته هي من اقترحتني وأتت لخطبتي كما أنه لم يأت لرؤيتي ولا حتى يوم الخطبة لأنه في الحقيقة خجول جدا وكما قال أعرفك جيدا لماذا أتي (نحن جيران) لكن هل يكون هناك سبب أخر؟
سبب مقنع ، الرؤية الشرعية الغرض نتاعها يشوفك وتشوفيه ، مدام شايفك علاه يجي ؟؟!
لكن أنا دائما تنتابني شكوك قد يكون لا يحبني وخطبني فقط ارضاءا لأهله كيف ستكون حياتي مع شحص لا يحبني فهو لا يسال عني .
كما أن عائلته هي من تكفلت بكل ماشترى لي أي أمه هي من اشترت هدايا الخطبة. أحس أنه متكل على عائلته وأنا سأعيش معهم مادام هو وحيدهم .
يعني مشكلتي هي أنه ان حدث مشكل لا قدر الله بيني وبين عائلته فحتما سيقف معهم لأنهم هم من اختاروني وليس هو
أنا أحس أن عائلته اشترتني كخادمة لهم لا غير.
بالعكس انا شايفة بما انهم هم لي خطبوك رايحين يديروك فوق راسهم لانهم هم اختاروك ورايحين يديرو المستحيل باش ينجح زواجكم
وبعد ما تتزوجو و أحكمي إذا يحبك ولالا و إنتي و شطارتك تخليه يحبك ولالا مي بهذي العقلية و التخمام نتاعك ماشكيتش رايح يحبك ديري نية يا خيتي هما إختاروك لابنهم الوحيـــــــــد وفضلوك عن مئات البنات و شراولك الهدايا …الخ وانتي تظني بيهم السوء ؟؟؟؟؟؟؟
ماذا افعل هل أكمل وربي يجيب الخير أم أفسخ خطوبتي
نظن مجرد وساوس شيطان لانو ما هدرش معاك والخطوبة تمت تقليدية راه شيطان يوسوسلك يا خيتي باش ديري شيء محرم )(الهدرة في التليفون والدخلات والخرجات …الخ )
و أغلب لي تزوجو زواج تقليدي نجحو
أختي ربي يهديك, اذا بديتي من ضركا تقارتي بين خطيبك و خطاب أخواتك راكي ما تروحيش لبعيد
مسؤولية الزواج أكبر بكثير من أن تفكري في من اشترى لك لوازم الخطبة, ربما هو اتكل عاى والدته لأنه ليس لديه معرفة باشياء المرأة
بخصوص الهاتف, كثرة الاتصال من غير حاجة لا فائدة منها سوى خلق المشاكل
المهم أنك متأكدة من اخلاقه و طيب أصله,
ما تفسديش على روحك, ربي يكملك
وأين الإشكال إن اشترت أمه الهدايا فهي أدري بهذه الأشياء
أنت مقبلة على تحمل مسؤولية أسرة وكيف تحسين أنك خادمة
ستأدين واجباتك كزوجة وأيضاً لك حقوقك الشرعية
وعدم تحدث خطيبك معك في الهاتف مجرد عذر توهمين به نفسك
المهم قومي بالاستخارة ولاتدع الشيطان يلعب بعقلك
وربي يكملك ويباركلك في زواجك*
يا اختي ماتقارنيهش بحتى راجل اخر كل واحد و شخصيته ،،، كاين الراجل الخجول كاين اللي مايهدرش بزاف كاين و كاين ،،،، و غير العشرة اللي تبين ،، اذا كانتو عاقدين اعرضيه أجي لدار كم قوليلو حب يتكلم معاك الأب و في نفس الوقت راكي قاعدة اتشوفي عقليتوا ،،و نصيحة مني اللي يكثرو في الهاتف يزيدو غير المشاكل "" اعلاش ماعيطتش ،، اعلاش ماقلتش ووووو"" يعني ربما فكر هكذا ،،،، ماتتسرعيش ،،،، ربي يوفقك
يا أختي أولا مبروك عليك و ربي يهنيك،ثانيا أنا حبيت نفهم كلمة الزواج التقليدي؟؟؟؟؟؟؟؟؟واش الفرق بينو و بين الزواج الإسلامي؟؟؟؟؟؟؟؟؟مانيش فاهمة واش هاد المسميات،ثالثا زيدي قولي لداركم يسقسيو عليه ملييييييييييح و شوفي كاش وحدة ثقي فيها تجيبلك أخبارو من خلال العائلة تاعو وهنا راح تعرفي إذا كان كاينة حاجة و خاصة كيما قلتي راكم جيران،رابعا مدام قلتي متدين أعقدوا و هنا راح تتهناي و تولي زوجتو و يحقلك الكلام معه في الهاتف و تتعرفي عليه و تم شوفي روحك و ربي يوفقك إلى ما فيه خير
وساويس برك العني بليس يروح عليك
ما دام ذو خلق ودين ما عندك ما تخيري عليه
واعلمي جيدا ان اغلب احاديث للهاتف
كذب في كذب ومجاملات زائفة
فلا تغتري بالهاتف فيصدمك الواقع
والله المستعان
شكرا لمروركم حقا مشكلتي هي المقارنة
شكرا لكم
السّلام عليكم
عين الرّضا والطّاعة لزوجك وأهله سيجعلان الحياة جميلة
الله يوفقك
ان شاء الله خير
مادامك حايرة استخيري ربي
الزواج في هاذ الوقت مايتمش بالغصب خاصة من جهة الرجل يعني لو مكانش بغيك مايخطبكش وزيد نقلك اختي لحكايات في التلفون راهم يجيبو غير المشاكل ووجع الراس
استغفري ربك وادعيه باش يهنيك معاه يارب
سلالالالالالالالام حبيبتي
حبيبتي انتِ ملكة بين شقيقاتك
ممكن هوما يهدرو ديما مع الخطيب بالصح ممكن مع كثرة الهدرة يروح القدر لا قدر الله
حبيبتي افرحي و فكري فاساليب رائعة تبني بيها اسرة
و تكسبي زوجك المستقبلي و عايلته للي رح تكون عائلتك
حبيبتي عمرك شفتي روحك خادمة فدار باباك؟ نفس الشي بالعكس حطيهم فوق راسك و ما تديريش حسابات العجايز و ناس جاهلة
كي تروحي تم اهدري مع زوجك و فرحيه و كوني له صديقة و ام و زوجة و شريكة و صاحبة ، و رح تكتشفي انه قدرك كي ماكترش هدرة معاك
ربي يفرحك اعرضيني لعرسك اني في جيجل انا تاني ههههه
موفقة أختاه الغالية
السلام عليكم
خيتي
سماح
أولا مبروك
أعليك
الخطبة
وثانيا
لا تفكري
في هذه الاشياء
العشرة والمحبة
تاتي
مع مرور الوقت
والزمن
ربي أيهنيك
يارب
[quote=سماح الجيجلية;1054342066]السلام عليكم
أنا فتاة في السابعة والعشرين من العمر خطبني شاب على قدر كبير من الأخلاق متدين وهو وحيد عائلته هو لا يكلمني في الهاتف الا ناذرا نعمة مايفعل ربي يحفظوا ولدي أحواتي مخطوبات أيضا فحطابهن يسألون عن أحوالهم دائما يايما من كان الغراب دليله فبشره بخراب الدار.
هذا الشاب عرفت أن جدته هي من اقترحتني وأتت لخطبتي كما أنه لم يأت لرؤيتي ولا حتى يوم الخطبة لأنه في الحقيقة خجول جدا انت تقولي خجول وكما قال أعرفك جيدا لماذا أتي (نحن جيران) لكن هل يكون هناك سبب أخر الله يستروا بلاك حسب الكلام نتاعك انت راكي موسوسة؟
لكن أنا دائما تنتابني شكوك قد يكون لا يحبني وخطبني فقط ارضاءا لأهله وعلاه كيف ستكون حياتي مع شحص لا يحبني فهو لا يسال عني كيفاه مايحبكش الحب ياتي بعد الزواج ايتها الاخت.
كما أن عائلته هي من تكفلت بكل ماشترى لي أي أمه هي من اشترت هدايا الخطبةعادي واين راه المشكل. أحس أنه متكل على عائلته وأنا سأعيش معهم مادام هو وحيدهم كي تعيشي معاه عند ام رايحة تاكلك.
يعني مشكلتي هي أنه ان حدث مشكل لا قدر الله بيني وبين عائلته فحتما سيقف معهم لأنهم هم من اختاروني وليس هو
أنا أحس أن عائلته اشترتني كخادمة لهم لا غير . ماذا افعل هل أكمل وربي يجيب الخير أم أفسخ خطوبتي
لم أستطع التعبير جيدا عما بداخلي فاعذروني
اسمعي انت راكي موسوسة بزاف بلاك تتفرجي بزاف على الافلام والمسلاسلات
راكي ساعة تقولي خجول ومن بعد ما يحبنيش المليحة بزاف هو انوا رايحة تكوني خادمة
اسمعي هم يحبوا وليدهم بزاف اظن انهم راو فيك المراة الصالحة التي تناسب ولدهم فهم ارادوا لولدهم ان يعيش مع امراة تصونه وتحبه وتقوم به
لكن اخيتي اظن ان اختيار العائلة كان مخطىء
ربي يكون مع هذا الزوج
