السلام عليكم
اريد الاستفسار حول اداما كنت استطيع ان اكمل الدكتورا علما اني متحصلةعلى ماستر(master professionnel)
و شكرا
على حيب الماستر لي عندك وعلى حسب الموةاد لي قريتيها اختي
يعني اذا قريتي مواد متعلقة بالدكتوراه والشعبة مناسبة رايحين يقبلوك
واذا كان لا مش رايحين يقبلوك اختي
اختي انا التخصص تيعي مطلوب في مسابقة الدكتورا لكن قالولي يقبلو master academique فقط و انا عندي master professionnel
و انا رايحة نضع الملف تيعي في ولاية بعيدة عليا شوية و خفت نشقى و يرفضولي الملف
حبيت اجابة صحيحة ادا نقدر ندفع او لا
راني قتلك كاينين لي يقبلوه وكاينين لي يرفضوه
هو يعني قانونيا ماستر مهني معندوش دكتوراه لكن في الجزائر كاينين لي قبلوهم وراني نهدر على وحدة نعرفها قارية ماستر مهني رياضيات والان راهي دوكتوراه
انت سجلي وشا خسرتي ياقبلوك يارفضوك المهم المحاولة باش متندميش
شكرا اختي بارك الله فيكي درك نجرب و كيما جات جات
ربي يسهلك اختي
|
المشاركة الأصلية كتبت بواسطة ghozlene23
 اختي انا التخصص تيعي مطلوب في مسابقة الدكتورا لكن قالولي يقبلو master academique فقط و انا عندي master professionnel
و انا رايحة نضع الملف تيعي في ولاية بعيدة عليا شوية و خفت نشقى و يرفضولي الملف حبيت اجابة صحيحة ادا نقدر ندفع او لا |
اختي الكريمة احتمال كبير يرفضوك..لانه ماستر مهني ليس له الحق في الدكتوراه…كما نصحتك الاخت سطايفية….
انت حضري جيدا المواد و ادفعي ملف في الاجال المحددة ثم انتظري عن اعلان الطلبة المسموح لهم باجراء مسابقة الدكتوراه…و ان شاء الله تكوني منهم…
لدي سؤال لك هل مكتوب في الديبلوم او شهادة الماستر انه مهني ..و بالنسبة لشهادة الليسانس هل هي مهنية..ايضا و هل كتب عليها كذلك…
ارجوا ان تجيني عن ذلك..حتي افيدك اكثر…و اطمئنك اكثر…
بالتوفيق اختي
|
المشاركة الأصلية كتبت بواسطة عماد المتميز
اختي الكريمة احتمال كبير يرفضوك..لانه ماستر مهني ليس له الحق في الدكتوراه…كما نصحتك الاخت سطايفية….
انت حضري جيدا المواد و ادفعي ملف في الاجال المحددة ثم انتظري عن اعلان الطلبة المسموح لهم باجراء مسابقة الدكتوراه…و ان شاء الله تكوني منهم… لدي سؤال لك هل مكتوب في الديبلوم او شهادة الماستر انه مهني ..و بالنسبة لشهادة الليسانس هل هي مهنية..ايضا و هل كتب عليها كذلك… ارجوا ان تجيني عن ذلك..حتي افيدك اكثر…و اطمئنك اكثر… بالتوفيق اختي |
اخي شعبتي ليسانس مهني وقبلوهم ماستر اكاديمي ونعرف وحدة ماستر مهني وقبلوها دكتوراه
هو احتمال ضئيل لكن الواحد يجرب باش ميندمش
لكني انصحكي ان لا ترفعي امالكي كثيرا كي لا تنصدمي من الرفض
لانه قانونيا يكون عندوا الحق
السلام عليكم اخي
انا لايوجد في شهادة الليسانس او الماستر ما يبين لنه مهني
لكن في relevé de note يوجد master préparé
rofessionnel
مع العلم انه قرينا نفس المواد مع ;master académique
لكن الختلاف في مدكرة التخرج فقط
وعليكم السلام
فى كل الاحوال هو راح ينظر للديبلوم وان لم يكن واضح الامر راح يشوفوا كشف النقاط
لي امر محتم باش يكلاسوك على حساب معدلك
فى مرحلة استلام الملفات ممكن لي شاد الدوسي ميدققش فيه يشد ديركت
بصح فى مرحلة دراسة الملف هنا توضح الحكاية
|
المشاركة الأصلية كتبت بواسطة ghozlene23
السلام عليكم اخي
انا لايوجد في شهادة الليسانس او الماستر ما يبين لنه مهني لكن في relevé de note يوجد master préparé rofessionnelمع العلم انه قرينا نفس المواد مع ;master académique لكن الختلاف في مدكرة التخرج فقط |
جميل جدا اختي …هذا يدعم فرضية ان يتم قبولك ان شاء الله….
لاني اعرف طلبة تم رفض ملفاتهم لان كتب عليها ماستر مهني و الليسانس كذلك كتب عليه مهني….
اذن اختي اجتهدي و توكلي على الله …و ربنا لن يخيبك ابدا…
ان الله لا يضيع اجر من احسن عملا
|
المشاركة الأصلية كتبت بواسطة سطـايفية بكل فخر
اخي شعبتي ليسانس مهني وقبلوهم ماستر اكاديمي ونعرف وحدة ماستر مهني وقبلوها دكتوراه
هو احتمال ضئيل لكن الواحد يجرب باش ميندمش |
يا اختي ..القبول في الماستر يختلف عن القبول في الدكتوراه…
الماستر امر بسيط….يقبلوا الذي عنده ليسانس اكاديمي او مهني….لكن الدكتوراه… لا….
الحالة التي تعرفيها ممكن حالة شاذة و الشاذ لا يقاس عليه …اضفي لذلك انه ممكن لم يكتب في شهادتها انه ماستر مهني و هذا يؤخذ بعين الاعتبار….
ربي يوفقك اختي
شكرا على المساعدة
انا هده المعلومة انه ماستر مهني ميقدرش يكمل الدكتورا هنا وين سمعت بيها كي رحت سجلت ماستر واحد ما فهمنا خيرت اختصاص من 3 نصحوني بيه البعض من العائلة و كنت حاطة في بالي نخدم و ندير شوية خبرة و مبعد نكمل الدكتورا لكن تفاجئت بالبطالة و قررت نكمل الدكتورا لكن المفاجئة الكبرى انهم قالولي متقدريش ب ماستر مهني
و المشكل الاخر اني من ولاية عنابة و رح ندفع في تلمسان يعني مسافة بعيدة و خفت نشقى و يرفضولي الملف لهدا حبيت هدرة صحيحة لكن الاخت سطايفية شجعتني بانها تعرف لي عندهم ماستر مهني و قبلوهم
شكرا جزيلا للجميع و بارك الله فيكم
الالتحاق بالدوكتوراه لا يتعلق اطلاقا بالماستر المهني او غيره
يجب الضغظ لالغاء هذا القانون الجائر
هناك بعض الجامعات تاخذ بعين الاعتبار بعض المواد في الدوكتوراه
ولكن من يسمح بالمشاركة ولكن في المسابقة يعتمدون على النظري اكثر من المهني
