ارز بصوص الدجاج بعد تنظيف الدجاج وغسله حكيه مليح بالملح وخليه خمس دقائق وعاودي شليه مليح ضعيه فى طنجرة مع شوية زبدة وزيت خليه يتقلى وياخد تحميرة بعدها ضفيلو حبة بصل مقطعة رقيقة تكون الحبة متوسطة الحجم وقليه كى يبدا البصل يدبل ضفى الحميصة طايبة نص طياب مع ثلاث حبات طماطم مكرفجة واضيف التوابل ملح وفلفل اسود واحمر وثلاث حبات كبابة او ديريش الماء نقصيلو وخليه يتلق العصارة تاعو ويطيب فيها ادا شفتيه بدا ينشف زيديلو بالفنجال باه ما يصماطش كى يولى قريب يطيب زيديلو طماطم مصبرة حليها فى شوية ما وخلى المرقة تجمر بالنسبة للروزاغسليه عدة مرات حتى يولى الما نتاعو شفاف وخليه فى ما سخون مدة نص ساعة اومبعد صفيه وديريه ف طنجرة مع بصلة مقطعة رقيقة وزيت وملح وثلاث حبات هيل (حطى الحبة تاع الهيل واضربى فوقها بكاش حاجة مثلا بالموس حطيه بالعرض فوقها واخبطى بيدك باه تبرز النكهة تاعو)وزوج حبات قرنفل قلى شوية وضفى الماء السخون حيث يغطى الروز ب زوج ولا ثلاثة سم كى يغلى نقصيلو وغطيه بالطرشونة وحطى فوقها الغطيوة وخليه حتى ينشف كى ينشفطفى عليه وفى فنجال ديرى شوية زعفران ماتكثريش الماء شوية برك قيس ما ينحل الزعفران حوالى زوج مغارف كبار ادا ما عندكش الزعفران تقدري ديري ملون اصفرفرغى فوق الروز وغطى ما ديريلو والو خليه حوالى دقيقتين اومبعد حلى عليه وديريلو سمن ولا زبدة وخلطى راح يجيك كيما تاع الخليج شوية اصفر وشوية ابيض المنظر تاعو جميل اوسقيه فى طبسي وحطى فوقو قطع الدجاج وقدامو لاصوص تقدرى تستعملى نفس الطريقة مع الجاج محمر الارز باللحم نفس طريقة الدجاج فقط اللحم طيبيه فى كوكوت باه ما ديريش الما بزاف وكى يطيب اللحم دخليه ياخد تحميرة فى الكوشة وحدو بلا لاصوص يعنى صفيه احتفظى بالمرقة سقى بيها الروز وحطيه فى طبسي وشبحىه من الفوق ب(اللوزوالصنوبر والجوز قليهم فى شوية زبدة حتى يتحمرو مليح) وحطى معاه اطراف اللحم انتظرونى فى وصفات الروز بالحوت بانواعه والسلطات و المحاشى بالروز
ربي يخليك ان شاء الله نجرب طريقتك و تصلحلي
مشكورة على الافادة
اقتباس:
|
المشاركة الأصلية كتبت بواسطة it’s me
 ربي يخليك ان شاء الله نجرب طريقتك و تصلحلي
مشكورة على الافادة |
بلا مزية بالتوفيق وبصحتكم
تسلمي اختي
زيدينا و افيدينا
بارك الله فيك
مشكورة على لوصفة حبيبتي
بارك الله فيك
مشكورة حبيبة…………… تعيشي………….. والله يا أختي عندي مشكل في طياب الروز………. دائما يخرج لي معجن ……. أريد الطريقة السليمة ……….. ربي يحفظكن……….. كاين الي قاتلي ديري كيلة روز مع 03 كيلات ماء ……… ما خرج ليش……… مانيش اذا نوعية الروز هي السبب………. تحياتي
