السلام عليكم حبيباتي كيف احوالكم اتمني اتكونو بخير
هذه صورة للموقد الكهربائي اللي تقدري اتطيبي عليه اذا موجود عندك
هذا الموضوع صورتو منذ ايام واحترت في اي قسم انحطو واليوم شفت موضوع الاخت مونية في هذا القسم وشجعتني باش انحطو ورايح اانوريلكم طريقتي في طياب لتاي انشاء الله تعجبكم وقبل ما نبداو رايح انقولكم بلي اكبر سر في نجاحك هو اختيار النوع وهذي اجود الانواع الموجودة فيداري حاليا
تقريبا هذي هي الانواع الموجودة عندي وهي ذات جودة عالية ونلقاو التاي منداخل في صاشي هكذا
ذرك نبداو في طريقة التحضير اتعلمتها علي اهل الصحراوهي طريقة رايعة
اولا وقبل كل شيء انغليو الماء مليييييييييييييييح ونحطو حوالي 2مك من اوراق التاي في ابريق ونفرغو عليهم الماء الساخن انحركو مليح كيشغل انخلوضوه من بعد نتخلصو من الماء اللي كلو شوائب كيما في الصورة
هذي اهم خطوات نجاحك في اعداد الشاي
منبعد زيدي عليه الماء الساخن وحطيه فوق نار ضعييييييييييفة وهذا سر واحد اخرلخاطراش اهل الصحرا ايطيبوه علي الجمر اما انا انطيبو علي الريشو انتاع التريسيتي اذا عندك راهو هو خير للتاي ديريه في رقم 3
كيما هذا خليه حوالي 40د
lمن بعد نحيه وفرغيه في اب ريق وديري في ابريق واحد اخر السكر وبداي طلعي يدك وفرغي فوق السكر ومن ابريق الي ابريق حتي يتحول نصف التاي الي رغاوي كيف الصابون اهنا راكي وجدتييييييييييييه اووووووووووووووووووووووووووووووه
شوقي التصاور باش تفهمي ملييح
نتمني اني افدت كل وحدة تبحث عن طريقة طهو التاي
انحب انقدم نصيحة بالنسبة للتاي اذا حبيتي اتوجديه متلا الصباح وعندك الضياف لعشية طيبيه وماتسكريهش لخاطراش اذا سخنتيه بالسكر تروح النكهة انتاعو قبل الضياف ت10دقايق سخنيه وتبعي نفس الطريقة
اذا حبيتي ايجيك بنكهة النعناع حطي شوي اوراق مع التاي في المرحلة الاولي
ايضا اذا جاك ثقيل وانت ماتحبيهش اثقيل كيطيبي المرة الاولي وتنحي التاي ماترميش الاوراق +ماء سخون ورجعيهم للنار حوالي ربع ساعة وخلطي مع الاول ومنبعد سخنيهم شوي لاخاطر الاول ايكون برد ومايذوبلكش السكر
كيسخن ديري السكر كيما قلتلك في ابريق واحد وابداي
وهذا مكان علابالي طولت عليكم وكثرت التصاور اسمحولي حبيت برك انوصلكم الفكرة ملييح نتمنت اتجربوه وتردولي الخبر بالتوفيق حبيباتي
وهذا الكاس لكل وحدة تعطي رايها في المو ضوع
خسارة مابانوش التصاور نتاع تحضيرك للشاي
مي يعطيك الصحة
عاودي طلعيهم
راني عاودتهم حبيبتي قوليلي اذا خرجولك والل لالا
شكرا اختي واخيرا جا ء من رد على تساؤلي واي رد شافي ووافي شكرا اختي وربي يجعل اياماتك كلها افراح بتاي والكاوكاو
يعطيك الصحة اختي وكاين عفسى اخرى هي ماء الصحراء مالح عليها تاي انتاعهم يجي مليح هكى قالولي ناس الصحراء وقالولي كينطيب التاي ندير فتيتة ملح
ايييييييه الشاي انتاع اصح هذا شاي ولا خلي يعطيك الصحة اختي
لاتاي يحبو راجلي ومنعرفش نديرو نجرب طريقتك تبان مليحة وجاي مكشكش روعة بارك الله فيك اختي
مشكورة والله كنت نحوس على هذ الطريقة زوجي يحبها مممم انا نطيبه عادي
بارك الله فيك أنا نممممممممممممممممممممممممموت عليه ونشرب بزززاف منه يوميا وأنا راني نقرا في الموضوع نتاعك ونشرب في التاي لكنه صامط -تاع الكافتيريا تع الخدمة- وشهاني بزاف التاي التاعك وفي الحقيقة حتى أنا ما يخرجليش شباب رايحة نجرب طريقتك وان شاء الله ندعيلك
choukrane lakiiiiiiiiiiiiiii mmmmmmmmmmmm
شكرا اختي واخيرا جا ء من رد على تساؤلي واي رد شافي ووافي شكرا اختي وربي يجعل اياماتك كلها افراح بتاي والكاوكاو
|
العفو حبيبتي وايامك ايضا وانشاء الله جربيه وقتليلي راني نستني
يعطيك الصحة اختي وكاين عفسى اخرى هي ماء الصحراء مالح عليها تاي انتاعهم يجي مليح هكى قالولي ناس الصحراء وقالولي كينطيب التاي ندير فتيتة ملح
|
الله ايسلمك مشكووووووووووووووووورة عالمعلومة انا مانعرفهاش مي الماء تاع منطقتنا بطبيعتو مالح
ايييييييه الشاي انتاع اصح هذا شاي ولا خلي يعطيك الصحة اختي
|
الله ايسلمك مشكوووووووووووووووورة
لاتاي يحبو راجلي ومنعرفش نديرو نجرب طريقتك تبان مليحة وجاي مكشكش روعة بارك الله فيك اختي
|
جربيها اختي وتشوفي راي زوجك انا اتعلمتها علي جال زوجي وذرك وليت انطيبلو هو وصحابو يعجبهم بزاف