¤<> بسم االله الرحمن الرحيم <>¤
اهلا احبتي في الله
وصفتي اليوم راح تكون باذن الله الخبز التونسي سااااهل ماهل مايطلبش الوقت مع ذلك حطيت الخطوات المصورة فائدة للمبتدئات خاصةً ، ان شاء الله يعجبكم يحمر الوجه وخفيف والذوق صراحة هااااايل نخليكم مع التحضير
~~المقادير~~
— كيلي أو عبري بالمكيال لي تحبي أنا كيلت بلي بول نتاع لفلون
كيلة ونصف خبز الدار مرحي (( سواء تشريه أو تكوني درتيه في المنزل يكون مرحي ))
نصف كيلة سكر
كيلة لوز أو نواذ كوكو أو أي مكسرات تفضليها
كيلة بيض
كيلة مارغارين ذائبة
نصف كيلة حليب
ZESTE DE CITRON
خميرة حسب البيض واش جاك في الكيل (( في 3 بيضات ديري باكي خميرة ))
ملح حسب الحاجة
الطريقة جد جد سهلة تحتاجي FOUET
نحط الببض في وعاء وضربيهم مليح + المارغارين + السكر +وضربي
اضيفي الخبز + اللوز او واش تحبي + ZESTE DE CITRON + ملح + خميرة
زيدي ضربيهم وزيديلهم الحليب
ادهني المول بالزبدة وجطي الخليط فيه
الفرن يكون سخون بــ 15د بدرجة 180° وخليه يطيب خليه يحمر من تحت مليح وطفي وشعليلو من فوق يزيد يحمر وخرجيه
تكوني جهزتي الشاربات نتاعك
كيلة سكر + 2 كيلات ماء + قطرات من ماء زهر أو شريحة ليمون + مع اضافة كمية قليلة من العسل حوالي م ك
فور خروج الخبز التونسي من الفرن اسقيه بالشاربات تكون شوي باردة
وقطعيه أنا قطعتو مربعات تقدري ديريه شكل معين ورشقتلو شوي جوز والتزيين كيما تحبي
خليه يرتاح 4 سا أو 5 سا يتشرب وقدميه هاايل للضيوف وخفيف ممممممم
يعطيك الصحة يا الفحلة نحب كل وصفاتك و ربي يعطيك ما تتمناي ان شاء الله
السلام عليكم بارك الله فيك ليدى ماذاتعنى بخبز الدار لشبلور ؟؟
وصح فطورك
رووووووووووووووووووووووووووووعة
ششكرا لكن فرحتوني نورتوا
ام ريمة خبز الدار لالا ماشي شابلوغ كي ديري خبز الدار ويبقالك أو اشري قرصة من نتاع برا لي يتباع انا درت بيه
صح فطووووووركم
تبارك الله اختي احنا نقولو لها خبيزة تونس نديروها في رمضان مثل البسبوسه
هاااااااااااااااااااااااااااايل انا ندير بيمو في مكان شابلير يجي روووووووووووووووووعة
رائع حقا ، هدا حنا نقلولو خبز الباي التونسي، ماما ربي يحفظها شافتها بكري على السيدة رزقي وكانت ديرولنا عندي سمانة ملي درتو والمعلم عجبو بزاف وقالي عاودي ديريهولي بصح نسيتو فيها راني لاهية مع قاطو العيد دك، شكرا لايدي مبدعة دائما
ماشاء الله دايما تتحفينا بوصفاتك الرائعة جزاك الله كل خير
جزاكم الله كل خير ربي يحفظكم نورتوا الصفحة يعطيكم الصحة على الردود الطيبة شكرااااااااااا حبيباتي
بارك الله فيك اختي ليدي هذا نعرفو وانديروه ويجي بنييين صح ونسميوه خبيزة تونس ولا الهريسة ذرك نشوف في ارشيفي جابلي ربي درتو وصورتو …. شكرا حنونة وصح فطورك
4444444444444444444444444
مبدعة كالعادة واصلي نشاطك المعتاد
ابداع كالعادة ربي يحفظك غاليتي ويحقق امانيك
