الوسم: essence
ما رأيكم في سيارة chevtolet optra LS essence 2024.
أخوتي الكرام أريد شراء سيار 1.6 Chevrolet optra LS essence
ما يجذبني لشرائها هو المدة التي ستسلمها لي الوكالة ؟ 45 يوم على اقصى تقدير
محركها قوي 1.6 essence
القوة 108 حصان
واسعة و مريحة
فما رايكم فيها ؟؟؟؟؟؟؟ ما هي عيوبها ؟؟؟؟
قال لي البعض ما هيش ساوية فالسوق ؟؟ هل هذا صحيح و ما هي الأسباب ؟؟؟؟؟؟
و لكم جزيل الشكر
يبدو أنك معوّل عليها من كلامك يبدو ذلك
اللهم وفقه لحسن خيار
يا اخي نوصيك عن تجربة فقد امتلكت واحدة مدة اربع سنوات و قطعت بها 97000 كم ولم اجد منها الا كل خير
المهم اوصيك بالالف او الالفين كم الاولى اياك و ان تفورسي فيها المتور اصبر صبرا جميلا في هخذه المدة لان كفاءة المحرك تعتمد على هذه المرحلة كما انصحك بالسيرغاز لانها تستهلك البنزين لكنها سيارة روعة في الطريق
اخي سيارة روعة انا املك واحدة لكن ديزيل عيب essance الوحيد هو استهلاك البنزين اكثر من قريناتها لان المحرك 16v
اما عن سعرها في السوق راهي حاكمة روحا والحاجة النضيفة ما تباتش
اخي سيارة روعة
سيارة لاباس بها وشكراااااا
مشكل ف يسيارة من نوع scenic essence 2024.
عندي سيارة رونو سينيك اسونس 2024 عودتلها لاشان ومن هاداك نهار ماتنوضش وكي تنوض وتمشي فطريق ماعندهاش لاروبريز …ماكانش حاجة ماعاودناهاش ومكان والو حتي سكانير مالقاش واش هو المشكل …لي يعرف يعونني
صرالي نفس الشيئ لكن السبب بعد طول بحث لقيت المشكل في مضخة البنزين مع العلم عندي مقان اسونس
السيارة عندك راهي مديكالي في لشلن فقط عاودلها الكالاج 100 ب 100
المشكل ظهر بعد تغيير لشان ؟
ام قبلها
نظن عندك مشكل ف لابومب دي صونص
سلسلة التوزيع في المحرك المسماة لاشان لم يتم تركيبها بطريقة متناسقة مع قطع المحرك لذلك عليك أخذ السيارة لميكانيكي محترف ومعالجة المشكلة عندك لاشان مديكلية
لاشان راهي مديقاليا باش تنوض تطول شوي و كي تنوض المحرك تلقاه يفيبري
عود كاليها و توليلك عادي جدا
نفس المشكل صرالي في السنيك تاعي
بالتوفيق ………………
salam 3alikem ma3akem jamale T.S fi ELECTRONIQE AUTO ay ****khassis fi kahrabaa ta3 tenibilat nuveu w scanir ma3a khibra latatazawaj 2ans
اقتباس:
|
المشاركة الأصلية كتبت بواسطة habib milani
 عندي سيارة رونو سينيك اسونس 2024 عودتلها لاشان ومن هاداك نهار ماتنوضش وكي تنوض وتمشي فطريق ماعندهاش لاروبريز …ماكانش حاجة ماعاودناهاش ومكان والو حتي سكانير مالقاش واش هو المشكل …لي يعرف يعونني
|
akhi alkarim normalmo scanir ya3raf bili lachan imdikalya wala lala raho inidrelu isskanir hadi lawla w zid lazim itgeli itenibil wach min moter fiha wa7ssab mafhamit min haderetik 3indek mochkil fi capteur vilbrekean wala capteur volen moteur
wabitawfik in chaa alaah way isstefssar ana 7adir
صرالي نفس المشكل في سيارة 206 بنزين حيث بعد تغيير لاشان أصبحت ميتة في الروبريز و السبب يعود إلى لاشان راهي مديكاليا أعد تركيب لاشان من جديد أما المنوض فلا علاقة له بلاشان يعود السبب الأول إلى الباتري أما السبب الثاني فيعود إلى لابومب نتاع ليسانس
بيجو 305 essence 2024.
السلام عليكم ورحمة الله تعالى وبركاته.لدي مشكل في سيارة بيجو305 1986 essence عندي السارسو تاع الفولون موتور انتكل شوية بسبب الديمارور يعني الديمارور كي يدور الفولون موتور وكي يوصل للبلاصة الي انتكلت يحبس والطنوبيل ماتنوضش.حبيت نشري سارسو جديد ولا لاكاس ولا فولون موتور واحد اخر .بصح ماعرفتش منين نشري.انا من الجزائر العاصمة الا كاش ماتعرفو بلاصة يبيعو فيها لابياس تاع القديم قولولنا.انا رحت التيجلابين ومالقيتش.ربي يجازيكم
شوف أخي الجزار – بريكة ولاية باتنة
أو شوف عين الحجل و سيدي عيسى هناك لاكاس
في العاصمة روح للسمار موش واد السمار قصدي على السمار
تلقا فيه كاس كبيرة
كاين تاني درع بن خدة في تيزي وزو هادوا لقراب ليك
كاين تاني الجزار بباتنة و عين مليلة بام البواقي
بالتوفيق
انصحك بعين مليلة ولا باتنة كما تفضل الاخ سابقا
شكرا على لكم على الردود. غدوا ان شاء الله نروح للسمار.البارح دخلوني الدارهم الشهرية لحقت.بارك الله فيكم
