مساء الورد والفل والياسمين للغوالي
حبيت نقدملكم طبق ساهل وبنين بزاف بزاف وعلابالي راح يعجبكم ويعجب اولادكم حتى اللي مايحبوش الارز راح يعجبهم بهاد الطريقة نخليكم مع المقادير
حضري صوص بيضاء عادي بالدجاج ولا باللحم حسب الموجود وهدا الرابط فيه طريقة تحضيري
لحم مفروم حسب الرغبة انا استعملت 250 غ
كمية من الارز حسب افراد اسرتك اللي تكوني طيبتيه في ماء وملح وقطرة زيت حتى يطيب تماما قطريه وخليه يبرد مليح
زوج سنات ثوم مبروشة
ملح وفلفل اسود
كمية من الحشيشة او الدبشة ومعاها معدنوس قطعيهم مليح بالسكين تقريبا زوج ملاعق كبار
جبن طري حباة ولا نتاع الميزان
كمية من الزيتون اللي تنحيلو الملح
فرينة-خبز مرحي-بيضة-زيت للقلي
حطي اللحم المفروم النيء مع الثوم والملح والفلفل اسود والثوم والمعدنوس والدبشة وابداي زيدي الروز بالتدريج مع العجن حتى تولي كتلة متماسكة انا عيني هي ميزاني ومالازمش تزيدو الروز بكمية كبيرة لا مايتلمش
شكلي كويرات واحشيها بالتناوب مرة جبن طري ومرة حبة زيتون وعاودي كوريهم
رمدي الكويرات في الفرينة ثم في بيضة مخفوقة ثم في الخبز المرحي
اقليهم في زيت غزير على نار متوسطة حتى يخدو اللون الدهبي
قدميهم مع الصوص بلونش ومعدنوس مقطع وشرائح ليمون
نتمنى ينال اعجابكم وراني متاكدة رح يعجبكم دوقهم بزاف بزاف
راني نستنى رايكم وتقييماتكم وتطبيقاتكم كي العادة
في أمان الله
</B></I>
waaaaaaaaaaaaaaaaaaaaaaaaaaaaw
ممممممممم تشهي
merci rahi tban haylaaaaaaaaaaaaaaa
باهيين يسخفوا موالفة نديرهم يجيو بنااااااان
يعطيك الف صحة
ماشاء الله رووووعه وصفه راءع شكر جزيلا
الله يــــبارك مــــاشــــاء الله
يــعــطيـــك الصـحــة حـــــــبيـبة
مممممم هايل بارك الله فيك
سبحان الله والله غير اليوم كنت نحكى انا واختى على هدا الطبق نفس طريقتى اممم اهبل درتو فى رمضان وعجبنى
انا ندير الروز مع الجبن ونحشيهم باللحم المفروم بعد منتبلو ونقليه كما البوراك والباقى المراحل كيفك
chokrannnnnnnnnnnn
يعطيك الصحة اختي علي الفكرة وربي ينولك الي في بالك ان شاء الله انا رديت عليك علي خاطر حسيت بلي تحبي تعاوني وتقدمي الجديد تاعك من قلبك وما تبخليش باطباقك شكرا مرة اخري
mmmmm chahitini w ana sayma rabi yejzik alawach raki tekademi
