السلام عليكم
كيف حالكم عضوات المنتدى الطيبات
هدا المعجون حطيتوا في موضوع حلويات العيد و كثير من الاخوات طلبوا الوصفة و اليوم كتب ربي باش نحطوا
معجون المكسرات
المقادير
علبة اناناس شرائح مقدار علبة الاناناس فارغة سكر حرش 100 غ من انواع مختلفة من المكسرات جوز لوز كاجوا بيستاش و غيرو انت و واش يتوفر عندك 50 غ زبيب او عنب مجفف و 200 غ مشمش مجفف او ما يسمى المشيمشة مقطعة بشكل طولي
طريقة التحضير
انزعي شرائح الاناناس من الماء المعلب فيه و قصيها بسكين مستطيلات صغيرة الشريحة على ستة و حطيها على جنب في كاسرونة ضعي الماء الدي تبقى في علبة الاناناس مضافا اليه ماء عادي حتى تمتلا العلبة و اضيفي له مقدار علبة الاناناس ايضا سكر و حركيه مليح و حطيه على نار هادئة حتى الغليان مدة 10 دقائق تقريبا ثم اضيفي له الزبيب ثم ارمي فيه قطع الاناناس تغلي لمدة 10الى 15 دقيقة حتى تشوفيها بدات تتكمش اضيفي له قطع المشيمشة تغلي ايضا لمدة 7الى 10 دقائق و ماتخليهاش تطيب بزاف لانها تدوب بسرعة و اخير اضيفي المكسرات تقريبا حفنة من كل نوع و خليها غير قدار ما تهز الغلية و طفي عليها
هدا المعجون السيرو نتاعوا مايكونش ثقيل لازم يجي خفيف شوية يعني حبات المكسرات تعوم فيه 
هدا المقادير تعملك ثلاثة سكريات معجون
طعموا رائع و شكلوا ايضا جربوه و ردولي خبر و ماتنساونيش من دعوة خير
انا نتاعي عملتوا جوز و لوز و بيستاش واش تبقالي من حلويات العيد و على قدر ما تكثري انواع المكسرات يجي مليح
سلام و اللي عندها اي استفسار راني هنا
يعطيك الصحة اختي على الوصفة
كيليتو في حفلة نجاح و صح ماشي حلو بزاف بصح بنييييييييييييين
بارك الله فيك
يعطيك الصحة حنونة على الوصفة
على سلامتك واش راكي حنونة هذي غيبة
يعطيك الصحة هايل
يعطيك الصحة مشكوررررررررررررررة
بححن هعهنوةم تهمز تنةنتى ىنن ىتنمنة ةتهع غفلا ففقفعللا عافبقثيففغ هعتعتعتللا بللاةو2نتاىا عتاتااتات اتعتهخههتتت ااالالا ةىات ى تعتة تىتالاى لت
ام مومن هذا تخربيش تاع وليدي يس عجباتو الوصفة وقالي نكتبلها
شكرا على الوصفة لكن مع واش يصلح يتحط
اقتباس:
المشاركة الأصلية كتبت بواسطة kakinova  يعطيك الصحة اختي على الوصفة
كيليتو في حفلة نجاح و صح ماشي حلو بزاف بصح بنييييييييييييين
بارك الله فيك |
الله يسلمك حنونة الطعم نتاعو هايل و انا مانستغناش عليه في كل مناسباتي
نورتي موضوعي بطلتك الباهية
اقتباس:
المشاركة الأصلية كتبت بواسطة nour inasse يعطيك الصحة حنونة على الوصفة
|
الله يسلمك شكرا جزيلا لك
اقتباس:
المشاركة الأصلية كتبت بواسطة أم ياسين الزهراء على سلامتك واش راكي حنونة هذي غيبة
يعطيك الصحة هايل |
الله يسلمك يا عزيزتي و الله ظروف ربي يفرجها عليا و على المومنين
سرني ان الوصفة راقت لكي نتمنى تجربيه
دايما منورتني بتواجدك في مواضيعي الله يحفظك من كل سوء
اقتباس:
المشاركة الأصلية كتبت بواسطة nour ali يعطيك الصحة مشكوررررررررررررررة
|
الله يسلمك الشكر موصول ليك اكيد
اقتباس:
المشاركة الأصلية كتبت بواسطة الأمنيات |
شكرا جزيلا غاليتي
اقتباس:
المشاركة الأصلية كتبت بواسطة أم ياسين الزهراء بححن هعهنوةم تهمز تنةنتى ىنن ىتنمنة ةتهع غفلا ففقفعللا عافبقثيففغ هعتعتعتللا بللاةو2نتاىا عتاتااتات اتعتهخههتتت ااالالا ةىات ى تعتة تىتالاى لت
ام مومن هذا تخربيش تاع وليدي يس عجباتو الوصفة وقالي نكتبلها |
هههههههه راني استعنت بمترجم و مافهمت فيها والوا هههههه ربي يحفظهولك و كامل وليداتك ربي يفرحك بيهم
ماشاء الله عليه يطلع يتقن اللغ نتاع كردستان 
