السلام عليكم ورحمة الله وبركااااااته
اهلًا بكم صديقاتي
تحليتي المفضلة والحاضرة دوما في عرضاتي هي حلا المرايا ، خفيفة وبنيييينة واهم شي تخي بخيزونتابل 
الطبقة الاولى ، طبقة الكايك
بيضتان
8 ملاعق ك حليب
8ملاعق ك سكر
8 ملاعق ك زيت
8ملاعق ك فرينة
م ك كاكاو داكن
قشور ليمونة فان لم يكن قشور برتقالة
ساشي خميرة كيميائية
ذرة ملح
اخلطي جميع المقادير وكبيها في مول من النوع لي يتفتح مدهون بالزيت مرشوش بالفرينة ، طيبيها في فرن مسخن مسبقا ، حوالي عشرين دقيقة او اكثر بقليل على درجة 180*م ، خرجيها تبرد وقومي بصنع
الطبقة الثانية طبقة الكريمة
في إناء اخلطي كاس كبير مملوء حليب غبرة
اربع ياوورت دانون طبيعي وتقدري تستعملي الأذواق الي تحبي
ملعقتين سكر عادي وممكن اكثر ذوقي وشوفي الحلاوة لي تحبي
م ص فانيلا تاع الميزان
اخلطي الكل جيدا حتى يذوب السكر وفرغيه فوق طبقة الكايك وسوي السطح جيدا و بعناية مع الإيصال الى الحواف جيدا
وارجعي المول الى الفرن شاعل من فوق فقط 10د لتجمد طبقة الكريمة دون ان تحمر ثم اخرجيه
الطبقة الثالثة طبقة المرآة
في طاوة (كسرونة صغيرة) ضعي
ريع لتر ماء
ساشي فلان نوارة شوكو
ملعقة صغيرة و نصف نسكافي
ثلاث م ك سكر عادي
وابقاي تحركي حتى يهز الما الغلية طفي و إستناي دقيقتين او ثلاث فقط باش يخرجو لوفار وصبيه فالمول بحذر او استعملي الملعقة باش ما يفسدلكش طبقة الكريمة ، غلفي بالفيلم الغذائي وضعيه في الثلاجة ست الى ثمن ساعات ولو يبات يجي ألذ و أحسن
نخليكم مع الصور
دعواتكم للجين بالشفاء حبيباتي
تم بعون الله
يعطيك الصحة
الله يسلمك مليسا حبيبة
رووووووووووووووووعة
يحمر الوجه
روووووووعــــــــــــة
تاع الصح يحمر الوجه
شكرًا جزائرية اختي
|
المشاركة الأصلية كتبت بواسطة الجزائرية المحبوبة
 رووووووووووووووووعة
يحمر الوجه |
والله أنتن الي ماشاء الله عليكم اختي تونغ
منكم رانا نتعلمو يا موسوعات الطبخ
|
المشاركة الأصلية كتبت بواسطة tong2
ماشاء الله عليك
روووووووعــــــــــــة |
مشاء الله روعة
يعطيك الصحة … نموت على الوصفات لي فيهم المقادير بالملعقة او الكاس مش بالغرام ة السل
قوليلي برك المغارف معمرين بزاف ولا نورمال برك
شكرااااا اختي ام نوارة
|
المشاركة الأصلية كتبت بواسطة ام نوارة
مشاء الله روعة
|
انتي كيفي أمال
بيناتنا ؟ والله ما نعمر مليح مغارف السكر ومغارف الفرينة
:d
|
المشاركة الأصلية كتبت بواسطة amel…
يعطيك الصحة … نموت على الوصفات لي فيهم المقادير بالملعقة او الكاس مش بالغرام ة السل
قوليلي برك المغارف معمرين بزاف ولا نورمال برك |
|
المشاركة الأصلية كتبت بواسطة om assem et loudjain
انتي كيفي أمال
بيناتنا ؟ والله ما نعمر مليح مغارف السكر ومغارف الفرينة :d |
شكرا ليك … الله يناولك لي في بالي
راني سجلت المقادير و كي يكتب ربي نجربها و تلحقك مني دعوة خير
الله يعاونك اختي
وَبَارِكْ الله فيك ،، اجمل دعوة انتظرها هي دعوة لبنتي لجين بالشفاء
مممممممممممممممممممممممممممممممممممممم هااااااااااااااااااااايل يعطيك الصحة وربي يشفيلك لجين انشاء الله
تبارك الله عليك ربي يحفظك و يشفي البنوتة طهورا ان شاء الله
