الوسم: المختمرة

بسم الله الرحمن الرحيم
نظرا لطلب بعض الاخوات وخاصة حبيباتي في غرفة الدردشة حبيت ندير هاذ الموضوع
حتى وكين بالزاف اخوات دارو مواضيع مشابهة بالصح قلت ماعليش حتى انا نحط تجربتي مع الاخطاء لي كنت نوقع فيها والحمد لله عرفتها وتفاديتها
مقادير العجينة
رطل فرينة
4مغارف سكر
مغرف صغيرة فاني
مغرف صغيرة ملح
2مغارف حليب غبرة
1مغرف كبيرة خميرة نذوبها مع شوية سكر وما دافئ
مغرف صغيرة خميرة كيميائية
2 مغارف زيت
حبة بيض
ماء دافئ
وزبدة التوريق 220 غ

نخلط كل المقادير ماعدا الزبدة حتى نتحصلو على عجينة طرية بالصح ماتتلصقش باليد يعني متكونش مرخوفة وهذا من اسرار النجاح على خاطر كي نزيدو الزبدة رايحة تزيد تطريها اكثر و كي تخمر رايحة تفقد شكلها
ندلكو العجينة شوية ونغطوها و نخلوها ترتاح 15 دقيقة

وبهاذ الطريقة نكونو درنا
un toure double
الان نخلو العجينة تاعنا ترتاح لمدة 15 دقيقة
ومن بعد نعاودو نحلوها مستطيل طويل و هاذ المرة الطي يكون على 3 برك يعني كيما البارمي كيما تقول فلة

هنا كملنا التوريق
ودرك لازم لازم لازم العجينة ترتاح ليلة كاملة في الثلاجة يعني لازم تخمر في غرضها
ومانديروهاش في مكان دافئ
انا الصباح جبدتها وقسمتها على روج و حليت كل قسم منها الى مستطيل طويل و نقطع مثلثات تكون القاعدة تاعهم صغيرة
يعني الطول تاع المثلث يكون 3اضعاف القاعدة على الاقل
بهاذ الشكل يعني

ودخلوهم للفرن على درجة حرارة متوسطة
وعسوهم راهم بالخف يطيبو

وها هم طابو ودهنتهم بلا جولي
وخرجو اممممممممممممممممممممممممممممممممممممممممممممم
والله ماراني نبالغ
جربوهم ورايحين تعرفو


الحمد لله تم بعونه
لا تنسوني من صالح دعائكم

يعطيك الصحه يشهي

مشاء الله جاك هايل وربي يحفظك نجربو نتمنى يصلحلي كيما هاك

امممممممم يعطيك الصحة

مشكوره يعطيك الصحه

هاااايل يعطيك الصحة اختي خرجو روووعة شهيتيني

يااااااااااااي روووووووووعة الله يعطيك الصحة

يعطيك الصحة خرجلك هايل

رووووووووعة ام رجا يشهي تسلم ايدك

راهي نفس طريقتك الاختلاف غير مكونات العجينة

يعطيكم الصحة على الردود
نورتو موضوعي

يعطيك الصحة بالنسبة ليا رايحة نجربو بطريقتك هاذي لاني جربتو من قبل وجاتني فيه
بنة الزبدة زايدة ومحبيتش هذاك الطعم نتاعها شكرا اختي جاري التجريب ان شاء الله

ممممم رووووعة رووووووووعة كرواصون ولا في الأحلام يبانو خفااااف و فارغين يعطيييك الصحة حبيبتي ام رجا تسلم الأيادي ،، بإذن الله نجربهم بطريقتك

يعطيك الصحة متمنية نجربهم واقيلا درتيلي القلب
ليزا واقيلا قصدها 15دقيقة
يعطيك الف صحة وعافية على الصفة

امممممممممممممممممممممممم روووووووعة يعطيك الصحة

ياسلام رووووووووعة راني ديت حبة نشرب بيها لحليب