السلام عليكم أحبتي في الله
نبدأ باسم الله بتارت الفرولة بما أنو موسمها
عجينة السابلي
250 غ فرينة معاها 100 غ سكر أرطب و فاني تاع الميزان دائما و نص كيس خميرة كيميائية و 100 غ زبدة ذايبة و باردة و مبشور حبة ليمون "يمكن الاستغناء عنها" و نلمو ببيضة كاملة
نتحصل على عجينة السابلي نضعها في كيس بلاستيكي و نتركها في الثلاجة ترتاح "انا نخلاها ليلة كاملة"
كي ترتاح نخرجها ما الثلاجة قبل بوقت باه تروحلها شوية البرودة و نقدرو نتعاملو معاها بسهولة ثم نحلوها بالقراص
و نضعها في صينية الفرن مدهونة بالزبدة و مرشوشة بالفرينة و نثقب العجينة مليييييييييح و من كل الاتجاهات بالفرشيطة باه ما تطلعش
"كاين لي يحطو حبوب "حمص او لوبيا" عن نفسي الفرشيطة تكفيني
ندخلها فرن مسبق التسخين على نار هادية تطهى من الاسفل و نزيدو نطيبوها شوية من الفوق كي تكون هي في الفرن نخدمو الكريمة " للامانة الكريمة هادي تعلمتها من عند الاخت ام خديجة بارك الله فيها مع شوية اضافات"
الكريمة
نص لتر حليب نصو نحطو فيه 6 ملاعق كبارسكر عادي و 4 ملاعق كبارنشاء و2 بيضات كاملين و انا اضفت تقريبا موزة "بانان" كاملة محيتها مليح بالفرشيطة باه تمد ذوق مليح للكريمة و نخلطو الخليط مليييييييح حتى تروح كل التكتلات و نص لتر الحليب الاخر يكون فوق النار يسخن شوية ثم يتخلطو مع بعض مليح فوق النار حتى تبدا تعقد شوية نزيدولها ملعقة اكل زبدة و نخلطو ثم نصبوها فوق عجينة السابلي لي طابت و تدخل الفرن تحكم روحا شوية
و كي تخرج نزينوها بشرائح الفراز "كل حبة نقسموها على 2 أو 3 و نحطوهم في صحن و نصبو فوقهم سكر عادي مدة عشر دقائق تقريبا حتى يولي فاها عصير وردي اللون" مثل ماهو موضح في الصورة و نصبو هاداك العصير لي تكون من جراء امتزاج الفرولة بالسكر انا زينتها بشوية رقائق اللوز "لوز ايفيلي" و دخلتها الثلاجة ترتاح حتى تجمد الكريمة و تحكم روها باش يسهل تقطيعها
و طعمها رااااااااااااااااائع نتمنى تجربوها
سلاااااااااااااام أحبكن في الله
اقتباس:
المشاركة الأصلية كتبت بواسطة rokia86
روعة كيما انت
|
الله يخليييييييييييك أختي الغالية بارك الله فيك أسعدني ردك
يعطيك الصحة تبان تشهي وزيد بالفريز يا سلالالالالالالالالالالالالالالالالالالالالالام نموت عليه
ممممممممممممممممممممم بنينة تشهي
اقتباس:
المشاركة الأصلية كتبت بواسطة nour inasse
يعطيك الصحة تبان تشهي وزيد بالفريز يا سلالالالالالالالالالالالالالالالالالالالالالام نموت عليه
|
الله يسلمك أختي شكرا لك
اقتباس:
المشاركة الأصلية كتبت بواسطة نصيرة أمي الحبيبة
ممممممممممممممممممممم بنينة تشهي
|
أسعدني مرورك أختي الغالية
انا من عشاق الفرولة تسلم ايديك حبيبتي
اقتباس:
المشاركة الأصلية كتبت بواسطة انا حبة سكر
انا من عشاق الفرولة تسلم ايديك حبيبتي
|
الله يسلمك أختي منورة الموضوع
ممممم تبان تشهي اعطيني طرف ندوقو خاصة بالفراز
بارك الله فيك أختي لكن اسالك سؤال هل وضعت في الكريمة نصف لتر حليب أو لتر
اقتباس:
المشاركة الأصلية كتبت بواسطة لينا11
ممممم تبان تشهي اعطيني طرف ندوقو خاصة بالفراز
|
أهلا بالأخت الغالية كاملة ليك مش طرف واحد "بصحتك"
اقتباس:
المشاركة الأصلية كتبت بواسطة أم كوثر1
بارك الله فيك أختي لكن اسالك سؤال هل وضعت في الكريمة نصف لتر حليب أو لتر
|
و فيك بارك الله اختي حطيت نصف لتر و هاداك النصف قسمتو على 2 نص خلطت فيه السكر و النشاء و البيض "يعني ربع لتر"
و النص الاخر "اي ربع لتر" سخنتو على النار ثم مزجتهم مع بعض
نتمنى نكون وصلت الفكرة و اي سؤال اخر انا في الخدمة
يعطيك الصحة وصفاتك رائعة دائما وكل مرة تتحفينا بجديد مميز ورائع
اقتباس:
المشاركة الأصلية كتبت بواسطة راجية عفو الله
يعطيك الصحة وصفاتك رائعة دائما وكل مرة تتحفينا بجديد مميز ورائع
|
بارك الله فيك أختي الغالية أسعدني جدا ردك فشكرا لك ألف شكر