الوسم: الطحينة

السلام عليكم اخواتي
المرة اللي فاتت شفت فالسوبيرات علبة الطحينة
اناكنت ديما نشوفها في وصفات الاخوات المشرقيات مالا شريتها لقيت المذاق تاعها شبيه بزاف بحلوة الترك لكن موش حلو
حبيت نسقسي شكون مجربتها و لواش استعملتها
كنت حابة نحط صورة لها لكم عندي مشكل مع الصور
وشكرا مسبقا

لها نفس مداق حلوة الترك لانها عجينة السمسم ( الجلجلان )
إستعملته: صناع حمص ،بابا غنوج . في الهريسة بدل الثمن ، أو لوجهك ( منعمة ومبيض

ماعندناش حنا هنا في لدزاير وا نديرو بيها في طبخنا غير اذا حبيتي تطيبي كاش حاجة نتاع المشارقة خاطرش هما يطيبو بيها بزاف السلطات يخلطوها نورمال مع لافينيقرات وتتحط في سلطة الفول او الحمص
مثلا تطبخي الحمص مليح حتان يوالي طري وتديريلو الثوم وشوية بصل وترحيه في لروبو وتديريلو الطحينة والزيت والخل والملح وشوية كمون وفلفل احمر حار اذا تحبيه وقارص وتخلطيهم مليح مع بعض في الروبو بصح ماترحيهش بزاف رقيق شوية برك تلازم تقدري ترفديه بالخبز
من بعد تزينيه من الفوق بالمعدنوس وشوية كسبر تقطعيهم رقيق وفلفلة حمرة تقطعيها رقيق وتزيني بيها
ونفس الطريقة الفول الاخضر او اليابس
وانشالله يعجبوك

لبنات شكرا جزيلا
يعطيكم الصحة على الرد والمعلومات
بارك الله فيكم
وجاري التجريب

يا اختي تقدري تقوليلي وين لقيتيها ؟ أنا نضال نسقسي عليها بصح مالقيتهاش. كنت حابة نجربها في سلطة الحمص تجي روووووووووعة

الاخت باتيلا كاين في باتنة الطحينة

كيما قالت الاخت ام ياسين
انا شريتها ممن باتنة
سيبرات اسمها le prince
في بوعقال حلت جديدة

انا كنت نفهم بلي الطحينة هي حلوة الترك
دك مفهمتش وشنو هي

صح عندها نفس الذوق
مي ميش حلوة
وجاية جارية

استعمليها في الشاورما تجي روععععععععععععععععععععععععة

تستعمل الطحينة في المقبلات مثل وصفة البدنجال نشوي البدنجال في الفرن ثم يقشروننزع البذور من الدخل ثم في خلاط كهروبائ نضع البدنجال+عصيرالليمون+ملح حسب الذوق+سنات ثوم 3او4 ثم ملعقة زيت ويخلط جيدا يوضع في صحن يقدم كمقنلات ونضع زيت زيتون متفوق وشهية طيبة كذلك الحمص يغلي ويستعمل بنفس الطريقة أنا أستعمله دائما كمقبلات في مكان السلاطة……………..أتمني اكي التوفيق من أم صهيب

السلام عليكم حطتها مشاركة في المنتدى بصح مانيش عارفة شكون المهم طريقة صنعها راها غير هنا برك حوسي مليح تصيبيها

ana nderha fe ttbile djaje

المقادير :

•لحم مفروم حسب الرغبة
•3 حبة بصل متوسطة

•4 حبات بطاطس متوسطة

•1 حبة باذنجان كبيرة
•كوب و نصف طحينة
•نصف كوب عصير ليمون
•ملح
•2 ملعقة زيت
♨ طريقة التحضير والطهى :

1.قلبي البصل الشرائح مع قليل من الزيت والملح حتى يصبح لونه ذهبياً
2.حضري صينية فرن ملائمة و ادهنيها بالقليل من الزيت ثم انثري البصل بها
3.ثم ضعي اللحم المفروم النيء فوق البصل دون ترك أي فراغ
4.قطعي البطاطس إلى شرائح بحجم 1سم ، اسلقيها بماء مملح حتى تصل لمرحلة النصف نضوج
5.ارفعيها من ماء السلق و احتفظي به ثم وزعي البطاطس فوق اللحمة حاولي أن لا تتركي فراغات
6.قطعي الباذنجان إلى شرائح 1 سم و اقليه في الزيت حتى ينضج ضعيه على ورق ماص ثم وزعيه فوق البطاطس دون ترك فراغ
7.في وعاء جانبي امزجي الطحينة مع الليمون و مقدار 1 كوب من ماء سلق البطاطس وحركي لمدة خمس دقائق حتى يصبح

الخليط لزجا
8.نوزع خليط الطحينة على الصينية و نحرص أن يغطي جميع الأجزاء
9.نضع الصينية في فرن بدرجة حرارة 150 (متوسطة) فقط من الجهة السفلى للفرن لمدة 15 دقيقة ومن ثم نجعل حرارة الفرن من الاعلى و الاسفل لمدة 25 دقيقة
10.اثناء الطهي تخرج كمية من الماء على وجه الصينية , لذا اعملي حفرة صغيرة بين المقادير لإخراج الماء منها بواسطة ملعقة عند اللزوم واتركيها إلى أن تنضج

المكونات
الكفتة:
• كجم من اللحم البقري، مفروم
• 1 حبة من البصل متوسط الحجم، مقشر ومقطع
• 1 ملعقة صغيرة من الملح
• ½ ملعقة صغيرة من القرفة الناعمة
• رشة من الفلفل الأسود½
صلصة الطحينة:
• ½ كوب من الطحينة
• عصير 1 حبة من الليمون
• عصير 1 حبة من البرتقال
• 1 كوب من الماء أو أكثر لتخفيف الخلطة
• ½ ملعقة صغيرة من الملح
طريقة التحضير
1. إعداد صلصة الطحينة:
2. تُخلط المكونات معًا في وعاء للحصول على صلصة سائلة خفيفة.
3. إعداد الكفتة:
4. يُفرم اللحم البقري والبصل والملح والفلفل والقرفة معًا في محضرة الطعام.
5. تُشكل الكفتة إلى كرات أو أصابع وتوضع في صينية زجاجية صالحة للفرن مدهونة بالزيت.
6. تُخبز كرات الكفتة في الفرن إلى أن تصبح شبه ناضجة.
7. تُرفع من الفرن ويُصب خليط الطحينة على الوجه.
8. تعاد إلى الفرن لمدة 15 دقيقة أو حتى تثخن الصلصة.
9. تُقدم ساخنة

مدة التحضير: 20 دقيقة
مدة الطهي: 30 دقيقة
الكمية تكفي: 3 أشخاص بالف صحة وعافية

يعطيك الصحـــــــــــــــــــــــــــــــــــة

سلام لحراير. اليوم جربت حلوة الترك خرجتلي روعة وشريت طحينة الجلجلان وجربتها بيها راني نحوس نخدمها وشكون لي عندهها وصفة مجربة تعطيهالي وشكراااا

السلام عليكم اخواتي العزيزات

تقبل الله منا ومنكم صالح الاعمال
لي طلب من الاخوات اللواتي يعرفن فيما تستعمل الطحينة
وهل لي بالتطفل اكثر وطلب بعض الوصفات او الحلويات التي تحضر بها
بارك الله فيكن جميعا وصح فطوركم

السلام عليكم أختي
الطحينة هي عبارة عن سمسم(جلجلان)مرحي تستعمل في المشرق من أجل تحضير نوع من أنمواع الصلصات التي ترافق الفلافل

هي تستعمل في اكلات الشرقية مش موجودة في كيفياتنا الجزائرية
ممكن احد الاعضاء العرب يفيدك بوصفات

السلام عليكم

مثل ما امبين في العنوان اماكن بيع الطحينة في الجزائر و جزاكم الله كل خير
طحنة السمسم اكيد .

مرحبا اختي
حوسي عليها في المحلات التجارية الكبرى ولا عند اللي يبيع التوابل بصح اللي عندهم تاني متاجر كبيرة للتوابل
………..انا شريتها من وهران وماعجبتنيش خلاص قعدت شهر في الفريجيدار ورميتها

شوفي عند محلات بيع التوابل عندنا نعملوا بيها البسيسة

ana chetha a3nde eli bi3 etawabil fi belara tkouli ma3djoune bied blan

السلام عليكم ورحمة الله وبركاته
أنا نخدمها في المنزل ولاأشتريها