السلام عليكم اخواتي
حلوى لي كورني بالشكولة حلوى ساهلة سبق وعملتها في عيد الفطر
وكنت وعدت الاخوات اني نحط الوصفة وفي هذا الحلوى راح نستعمل العجينة السحرية لي سبق وحطيتها موضوع.
اذن لتحضير العجينةالسحرية نحتاج الى:
كيلة سمن ذايب وبارد
كيلة زيت
كيلة حليب فايض وبارد
فرينة
شوية فاني
الحشو:
كاوكاو محمص ومرحي خشين
نسلي طايب
شكولة
للتزيين:
بيستاش
كمية من الشكولة البيضاء
الطريقة:
اولا نحضر العجينة
نخلط السمن والزيت والحليب ونضيف الفرينة والفاني حتى نتحصل على عجينة متماسكة مالازمش تكون طرية لازم حاكمة روحها لانها مبسسة مليح
نغطيها ونخليها ترتاح حتى يسهل بسطها
من بعد نبسطها بالحلال بسمك متوسط نقطع دوائر حوالي 8 او 9 سم
ناخذ لي مول نتاع الكورني ونلف حولها دوائر العجينة ونلم العجينة المتبقية بدون عجنها ونكمل بنفس الطريقة.
نضغط عليها بواسطة الاصابع باه نغلقها ونحط الحلوى في صينية الفرن على الجهة لي غلقناه عليها حتى ما تتفتح اثناء الطهي
ندخلها للفرن على180درجة كي تطيب نخليها تبرد تما بعدها ننزعها من لي مول
نحضر الحشو
انا استعملت كاوكاو محمص ومرحي وضفتلو كمية من نيسلي كرامليزي وحشيت لي كورني
نذوب الشكولة فوق حمام مائي ونضيفلها شوية فقط من الحليب
نغطس لي كورني من فوق في الشكولة ونزين الجزء العلوي بالبيستاش
نحطها فوق مشبك تقطر ونزينها بخطوط من الشكولة البيضاء
من بعد ما تشيح نحطها في ليكيسات ونقدمها
عن قرب
في امان الله
</B></I>
مممممممممممم روعة كيما عادتك يعطيك الصحة
أممممممممممم روعة و كي عادت بالعجينة السحرية أكيد تذوب فالفم
الله يبارك فيك و في هدوك اليدين
تحياتي الحارة و صح عيدك و كل رواد المنتدى
وااااااااو تهبل يعطيك الصحة ام اماني دائما مبدعة بارك الله فيك
صح عيدك كل عام وانت بخير
بارك الله فيك أختي أم أماني ربي يجازيك خير الجزاء حلوياتك كلها ماشاء الله ربي يحفظك
بارك الله فيك ام أماني دائماً مبدعة ومتجدد في الحلويات ربي يعطيك الصحه شكرًا جزيلا
ام امانى مبدعة كى العادة بارك الله فيك
الله يعطيك الصحه
شكرا ام اماني على كل ماتقدمينه روعة
شكراااااااااااااا ام اماني والله هذا وين كنت نكتبلك رسالة باه نقولك على الوصفة والمنتدى تحت الصيانة هبلني
44444444444444444444444444444444444444444444
44444444444444444444444444
روووووووووووووووووووووعة عن جد يسلمو حبيبتي ام اماني
