الوسم: الرخسيس

ana nhabeha bezzaf had el kesra
bisous

بارك الله فيك

بارك الله فيك

شكرا حنا نقولولها نص خميرة

شكرااااااااااااااا يعطيك الصحة

يعطيك الصحة يا اختي مدي الطريقة انا تاني الرخسيس تاعي مليحة لكن ساعات تبوط في الطاجين يعني فقاعات ساعات نقول من الدقيق وساعات نقول كنعجنها بزاف اللي عندها السر ترد عليا وشكرا

-يعطيك الصحة زيدي المطلوع

أمممممممممممممممم لذيذة

سلام حبيباتي اليمو درت محجوبة بالرخسيس وبلا منطول عليكم نخليكم مع الصور

الحشو=
بصل مقطع رقيق
و حبات طماطم مقطعة رقيق ونزعنا عنها الماء
وفلفل حار طبعا حسب الذوق
ملح .
.ثوم
1 ملعقة طماطم مصبرة
2الى3 ملاعق زيت الزيتون
لحم مرحي اختياري انا درت طرف
و لي تحب طيب جزر في الماء و بعد ترحيح تجي بنينة تهبل و فايدة للجسم

اما عن كسرة الرخسيس روحوا لموضوعي الخاص بيها

ممممممممم تشهي أمورة يعطيك الصحة

بصحتكم اختي و صحى غذاكم و و جمعة مباركة ان شاء الله

بارك الله فيك أختي ربي يحفضك روعة انا نموت علي محجوبة

يمممممم تشهي يعطيك الصحة

سخفتيني

جاتك هايلة يعطيك الصحة

اقتباس:

المشاركة الأصلية كتبت بواسطة nour inasse ممممممممم تشهي أمورة يعطيك الصحة

الله يسلمك يا لحبيبة

اقتباس:

المشاركة الأصلية كتبت بواسطة crystale49 بصحتكم اختي و صحى غذاكم و و جمعة مباركة ان شاء الله

يسلمك حنونتي ونتي زادت

اقتباس:

المشاركة الأصلية كتبت بواسطة الاميرة منيني اممممممممم روعة الله يبارك يعطيك الصحة

الله يسلمك ويحفظك حنونتي

اقتباس:

المشاركة الأصلية كتبت بواسطة أم هاجر البسامية بارك الله فيك أختي ربي يحفضك روعة انا نموت علي محجوبة

يا لحبيبة متغلاش عليك ارواحي وندير لختي تاكلي لين تشبعي

اقتباس:

المشاركة الأصلية كتبت بواسطة الأميرة الساندريلا يمممممم تشهي يعطيك الصحة

الله يسلمك حبوبتي

اقتباس:

المشاركة الأصلية كتبت بواسطة هند222 سخفتيني جاتك هايلة يعطيك الصحة

يا لحبيبة ارواحي وانا ندير هالك

جاتك هايلة يعطيك الصحة

حنا نسموها مخلعة

هذي تاعنا

امممممممممممممممممممممممممممم
مرســـــــــــــــــــــــــي

السلام عليكم يا شطرات
عجبني خبز الرخسيس كي رحت للشرق بنين بزاف يا ريت تعطوني وصفة ناجحة و نوعيه السميد المستعمل وادا نقدر نطيبو في طاجين الحديد و شكرا

حبيبتي شوفي كيلي الدقيق تاعك مثلا لقرصة رخساس ديري مغرف صغيرة سميد وشوية برك خميرة الكسرة وشوي سينوج ولا جلجلانية و2 فناجل زيت ولميها بالماء وأعجني حتان تولي طرية وماتكثريش الما باه ماتجيكش جارية المهم تجي طرية وسخني الطاجين تاعك مليح وحطيها تحمار من الجيهتين
والدقيق الممتاز حبيبتي كل منطقة واش الدقيق تاعها حنا هنا في باتنة كاين دقيق التل ولا تاع قسنطينة ولا بن عمر ولا تاع سطيف
نشالله نكون وفيت حنونتي نشالله هاذ اليومين نحطها موضوع وتستفادي انت والأخوات والأخت غزة في عيوني.

مساء النور
انت تقصدي خبز الرخسيس هو الكسرة نتاع الرخسيس لي نديروها نحن في الشرق
نحن في سطيف نديروها كالتالي:
سميد ممتاز + ملح حسب عدد الكسرات + زيت + خميرة الخباز + الماء وتلم ماتكونش يابسة وماتكونش جارية حطيها في ساشي بلاستيك باه تجي ساهلة للعجين وتتركيها في مكان دافئ لمدة نصف ساعة او ساعة
حطي طاجين المطلوع يسخن ويكون من الطين احسن لانو هو بعد يزيد في بنتها
جيبي العجينة وقسميها على حسب عدد الكسرات لي درتي وحليها بالحلال كيما الكسرة العادية وحطيها تطيب من الجهتين وما تنسايش تثقبيها
انا نحب الرخسيس بزاف لانو صح بنين
ادا كان عندك اي سؤال راني هنا

عزيزتي الكسرة نتاع الرخساس كيما نقولولها حنا في بسكرة تكون كالآتي

بعلبة الطماطم نتاع كيلو الفارغة نقيسو الكمية
علبة و ربع تعملك 2 رخساس متوسطين +1 م ص سكر + 1 م ص خميرة الخبز الفورية + 2 م ص ملح + 2 كاس شاي زيت
أخلطي الكل بالماء حتى تحصلي على عجينة طرية أعجنيها شوية بدون ماء إلا إذا شفتيها قاسحة شوية زيديلها شوية ما تكون طرية ماشي كيما نتاع المطلوع المهم تدخل بعضاها مليح و ما تعملش شقوق
ثم قرصيها و أثقبيها بالشوكة و طيبيها كيما تحبي سواء في طاجين الحديد أو الطين المهم تسخنيهم من قبل

ما شاء الله … هذي كل ولاية عندها الرخسيس انتاعها سبيسيال هههههه ….

اقتباس:

المشاركة الأصلية كتبت بواسطة zahra30 ما شاء الله … هذي كل ولاية عندها الرخسيس انتاعها سبيسيال هههههه ….

علابالك يازهرة في كل ولاية كل عائلة عندها طريقتها الخاصة في الطبخ و في العائلة الواحدة كل يد عندها طريقتها في الطبخ كذلك ما تستغربيش

اقتباس:

المشاركة الأصلية كتبت بواسطة أم إياد أحمد أمين عزيزتي الكسرة نتاع الرخساس كيما نقولولها حنا في بسكرة تكون كالآتي بعلبة الطماطم نتاع كيلو الفارغة نقيسو الكمية علبة و ربع تعملك 2 رخساس متوسطين +1 م ص سكر + 1 م ص خميرة الخبز الفورية + 2 م ص ملح + 2 كاس شاي زيت أخلطي الكل بالماء حتى تحصلي على عجينة طرية أعجنيها شوية بدون ماء إلا إذا شفتيها قاسحة شوية زيديلها شوية ما تكون طرية ماشي كيما نتاع المطلوع المهم تدخل بعضاها مليح و ما تعملش شقوق ثم قرصيها و أثقبيها بالشوكة و طيبيها كيما تحبي سواء في طاجين الحديد أو الطين المهم تسخنيهم من قبل

نفس طريقتي
يعطيك الصحة ام اياد ونطيبها في طاجين الطين بعدما يسخن مليح يجي هايل وطري

اقتباس:

المشاركة الأصلية كتبت بواسطة عروبتي نفس طريقتي يعطيك الصحة ام اياد ونطيبها في طاجين الطين بعدما يسخن مليح يجي هايل وطري

الله يسلمك عزيزتي أكييييييييييد في طاجين الطين تجي أروووووووووووع

ماشاء الله يعطيك الصحة

شوفي اختي الفاضلة
السر في العجينة الطرية و الممتازة هو انك تتركيها تترتاح مدة معينة بعدها سوف تجدينها طرية قابلة للطهي

حنا في عين فكرون ولاية أم البواقي نديروها كالتالي
دقيق مليح المهم ماش خشين +تبسيها بالزيت +ملح+سينوج أو جنجلان أو الإثنين معا +الخميرة تاع الكسرة+شوية سكر باش تطلع الخميرة والكسرة تجي حمراء
تبليها بالماء دافيء أو سخون شوية وتعجني مليح وما تجريهاش كي المطلوع مايابسة ما جارية تغطيها بالكيس تاع البلاستيك حوالي ساعة
تنحيها من الكيس وتديري قرصات ملاح وتحلي بالحلال أو الرولو وتخليها تزيد ترتاح فوق الطرشونة النظيفة في هذه الأثناء تكوني تسخني في الطاجين إذا كان ما عندكش تاع الطين ديري تاع الحديد أنا كي تتحتم عليا الظروف نديرو حتى في مقلة تيفال ثقيلة وأتمنى أني ساعدتك وشهية طيبة

حنونة راهم حطولك البنات الطريقة لخبز الكسرة تاع الرخساس رانى الكل نعملوها في الشرق هكا تجيك قاطو ومتنسيش السميد لازم تختاري سميد مليح مثل سميد بن عمر راهم احسن نوعية

شكرا جزيلا للنساء الشرق الفحلات يعطيكم الصحة جميعا عاونتوني اكتر من اللازم ربي يحفضكم

ختي هدا موضوعي نتمنى يفيدك بالخطوات المصورة

https://www.djelfa.info/vb/showthread.php?t=1237380

اقتباس:

المشاركة الأصلية كتبت بواسطة أنآحلُم ختي هدا موضوعي نتمنى يفيدك بالخطوات المصورة https://www.djelfa.info/vb/showthread.php?t=1237380

شكرا اختي ربي يحفضك

mmmmmm ya3tik assaha

يعطيك الصحة ما شاء الله

يسلموووووووووووووووووووووووووو

يعطيك الصحة حنا نسموها الفطير بصح منزدولهاش البيكاربونات

نحبها بزاااف خاصة تع باتنة

بارك الله فيك
ألا تستعملين الخميرة

يعطيك الصحة انا المطلوع هبلني لبارح زدت جربتوا و منجحتش فيه حتى كرهتوا

ما هي مقادير و طريقوة الرخسيس

يعطيك الصحة انا تاني نحب اللبن في الشتاء

روعة روعة بارك الله فيك هاذو اول حاجة تتعلمهم الطفلة عندنا

هههههههههه

فول بلا زريعة

مادامك حطيتي الصور

زيدي تكرمي علينا وعطينا المفادير وطريقة التحضير

يا سعد افراد اسرتك بك
ويا فرحة ضيوفكم بك كرمكم وطعامكم
كثر الله من امثالك
شكرا

بارك الله فيك باينين يشهو بصح اعطينا طريقة المطلوع

مشاء الله اعطينا المقادير من فضلك بالتفصيل المم ل و كذلك مقادير الماء و الخميرة و كل شئ و كم تتركيه يرتاح بالضبط جزاكى الله كل خير و لو تكرمتى اعطينا السر اللى يخلى مطلوعك ناجح و ربي يديرهالك في ميزان حسناتك و يعطيك و يرزقك

ما شاء الله حرة وبنت حرة كسسسرة ولا أوع سلمت اناملك وحفظك الله ورعاكـــــ،،،

نحن بالإنتــــــــظار~ْ

فعلا تبان روعة تاكلوها بالصحة والعافية
لكن الطريقة ما تنسايناش بيها

الله يباارك ماشاء الله
رووووعة خصوصا مع اللبن

ماشاء الله تبارك الرحمن عندي مدة طويلة ماكلتهاش بالصح قوليلي انت كاتبة انك في فرنسا كيفاه تطيبيها من غير طاجين خاصة الرخسيس واذا طريقة اخرى قوليلي عليها لاني حابة نعملها بالصح الطاجين الله غالب مكانش قوليلي الطريقة تعيشي وبالصحة والهناء ليكم خاصة الكسرى مع اللبن تشهييييييييييييييييييييييييييييييييييييييييي

الله يبارك كسرة تاع لحراير أختي 10/10
الله يعطيك الصحة وتسلم الأيادي
على فكرة كسرة الرخسيس فوطو كوبي على كسرتنا سواء في اللون ولا في السمك
كن تاع الخميرة ولا المطلوع كيما سميتيها تاعك غلييييييييييييظة بزاف صح اسفنجية
ربي يحفظك أختي.

بارك الله فيك

الي تعرف الرخسيس بارك اله فيها تصف لي كيف يحظر كليته عند اصحابي من خنشلة عجبني قولولي برك نقول عليه للوالدة تطيبهولي هممممممم هممممم

الرخسيس ساهل

والله صح بنين

لازملك الدقيق (السميد) و الخميرة تاع الكسرة و الملح والماء و الزيت

تحط الدقيق في القصعة و هي تعرف قداه لازم الملح لكل كسرة و الزيت تبسسها

الرخسيس تحتاج الى الزيت اكثر من المطلوع والكسرة اليابسة

و من قبل تجيب ماء دافئ و تزيدلو شوية سكر و الخميرة

تخلي الخميرة حتى تطلع وتزيدها للدقيق و الملح والزيت و تزيد الماء حتى تتلملها

فيها وعليها كاين اللي يعجنوها واخرين لالا

تخليها15د في مكان دافيء تطلع وترتاح

من بعد تقرص و تطيب

تطيبها في طاجين المطلوع او الحبة كيما يقولوا

بالصحة والهنا

الى ما فهمتش كاش حاجة راني هنا

سلااااااااااااااااااااااااااام

الرخسيس عندنا في باتنة يحضروه بالطريقة هاذي:
تجيب كيلة الدقيق تحطو في قصعة + شوية ملح + شوية سكر + تبسيه بالزيت تخلطهم كامل بالماء وتكون عجينة تكورها ومبعد تشكل قرص وتحطو فوق الطاجين يطيب
شهية طيبة

اقتباس:

المشاركة الأصلية كتبت بواسطة rokia24 الرخسيس ساهل والله صح بنين لازملك الدقيق (السميد) و الخميرة تاع الكسرة و الملح والماء و الزيت تحط الدقيق في القصعة و هي تعرف قداه لازم الملح لكل كسرة و الزيت تبسسها الرخسيس تحتاج الى الزيت اكثر من المطلوع والكسرة اليابسة و من قبل تجيب ماء دافئ و تزيدلو شوية سكر و الخميرة تخلي الخميرة حتى تطلع وتزيدها للدقيق و الملح والزيت و تزيد الماء حتى تتلملها فيها وعليها كاين اللي يعجنوها واخرين لالا تخليها15د في مكان دافيء تطلع وترتاح من بعد تقرص و تطيب تطيبها في طاجين المطلوع او الحبة كيما يقولوا بالصحة والهنا الى ما فهمتش كاش حاجة راني هنا سلااااااااااااااااااااااااااام

هذا ماشي رخسيس هذا مطلوع
الرخسيس مانديروش فيه الخميرة

شكرا لكم والله سفهتوني ريقي بدا يصب

السلام عليكم
الرخساس يابنات كل منطقة مختلفة على الاخرى فيه احنا فى بسكرة كاين لى يديرلو الخميرة وكاين لا بالنسبة لى المقادير كاآتى .
المقادير:
دقيق ما يكونش احرش بزاف
ملح حسب الذوق
خميرة فورية حوالى ربع ملعقة صغيرة لكل قرصة
زيت
ماء دافى للعجن.
فى قصعة نحطو الدقيق + الملح +الزيت +الخميرة +الماء نبداو نلمو العجينة ومنكثروش الماء بزاف باش يجى مليح ونعجنو مليح بدون إضافة الماء لان الماء نسكبو الكمية الازمة فى المرة الاولى فقط كيما قلت ندلكو مليح حتان ترطاب العجينة ومبعد نقرصوه بدون أن يخمر لان الخميرة هنا باش تهشو برك ويكون الطجين سخون من قبل ونطيبوه ويقدم من الافضل ساخن واليك الصورة أخى وبصحتك .


الصور منقولة للافادة

اخي انا منعرفش الرخسيس لكن عندنا اكلة اسمها الرفيس اذا كانت هي نعطيك الوصفة ولو كنت معاك في نفس الولاية معاك نخدمها ونجيبهالك يمكن اذا جينا واد سوف في الصيف نجيبك منها اخي

لا لا الرخسيس بالخميرة

اللي بلا خميرة الكسرة اليابسة

سلاااااااااااااااااااااااااااام

السلام عليكم و رحمة الله تعالى و بركاته

اخي الكريم انا من ولاية خنشلة و هذه طريقة صنع الرخسيس

دقيق على حسب الحاجة+ملح و تبسسو مليح بالزيت اكتر من المطلوع بمرتين او ثلاث و الماء حنا ما نديروش فيه الخميرة خلاص و من بعدج تعجنو مليح مليح و تخبزو رقيق و تطيبو هذا ماكان. اسفة على سوء تعبيري

بالصحة و الهناء

شكرا لكن

الرخسيس بنين بزاف

سفهتيني يا بسمة الرحمان وعلاه ادريلي هكا

بصحتك أخى الكريم وربى يحفضلك الوالدة

شكرا لك اختي الكريمة بارك الله فيك

الرخسيس مع التمر بنة وحدها

امممم يعطيك الصحة حنونة

يعطيك الصحة

ما شاء الله حوايجك كامل يهبلوا وعلاش ما تلتحقيش بينا في واش طيبتي اليوم رايحة تفيدينا كثيرا

ماشاء الله يعطيك الصحه

بارك الله فيك

يعطيك الصحة

يعطيك الصحة
وبارك الله فيك رخسيس وعليه لكلام

امممممممممممممم يعطيك الصحة
يسلمووووووووووووو

بارك الله فيك

ما شاء الله فختي ام اسحاق رخسيس تشهي بارك الله فيك

merciiiiiii khtii

السلام عليكم انا نحب نطيب الكسرة بزاف ودايما نطيبها لولادي لكن انا نحبها مبسا كي القوفريط نبل الدقيق اللي فيه الزيت والملح ثم الخميرة ثم نخليها تركح ومبعدنعجنها ثم نطيبها ساعات تجي مليحة كمانحب وساعات تبوط في الطاجين هل من العجن بزاف او من الدقيق

اختي اسبب يعود في غالب الاحيان الى كمية الخميرة من جهة مالزمش تكون بزاف ومن جهة اخرى العجين كي كون مبلول معناها طري يتبوط على هذا حولى يجيك لعجين شويه يابس

اذاحبيت رخساس مبسة بزاف ماديريش الخميرة وماتبليهاش بزاف وكل ماطيب وحدة اعجني لخرى اي ماتعجنيش العجين انتاعك

ماتكثريش الخميرة و ماتلبيش العجين تاعك بزاف

شكرا لكم و لكن كي نبلها و نخليها ترتاح و لما نجي نعجنها نلقاها نشفت هل كي نزيدلها الماء راح تبوط

[QUOTE=" أمة الرحمن ";10140286]

[/QUO

الطريق صحيحة و مجربة والنتيجة مضمونة مءة بالمءة انا ماما هكدا دير كسرة لخسيس…..ولكن حبيت نسال صاحبة الموضوع فيما يخص الخميرة مافهمتش كيفاه ديريلها ….تخليها تطلع و مبعد تضيفيها للدقيق و الخليط تاعك ولا كيفاه…..هاد الطريقة تاع الخميرة اللي نخليوها تطلع نديروها في كسرة الخميرة ماشي لخسيس في كسرة لخسيس نحطو الدقيق ونديرو فيه حفرة نحطوا في وسطها الزيت وفي الجنب نحطوا الخميرة و فوقها شوي سكر و الملح نحطوه يكون بعيد على الخميرة ونبلو بالماء الدافي وكي تتلم معانا العجينة ماتكون لا يابسة حجرة لا جارية عادي وزيد انت و الدقيق تاعك خليها ترتاح اقصى مدة 5 اى 10 دقائق هاداك هو تحطي الطاجين تاعك يسخن اعجنيها مي ماشي حتى تولي تطرشق اعجنيها غير شوي باه كي تجي تلميها و تكوريها مايجيوكش فيها تشققات ………..ان شاء الله نكون افدتك ..شهية طيبة

https://www.djelfa.info/vb/showthread.php?t=958655
https://www.djelfa.info/vb/showthread.php?t=960967
اختي اليك هاد الروابط ممكن تساعدك

يعطيك الصحة يا امة الرحمان و ام دوده و ام ياسمين الزهراء و neri nouna و جزاكم الله خيرا لان عجوزتي تقولي ديما خلي الكسرة تتبل مليح
او من بعد اعجنيها مليح ولا عادت يابسة زيدي اسقيها كسرتها تجي مليحه و شكرا لكم على الافادة مرة تانيه

حتي ما تبوطلكش الكسرة اثقبيها بالشوكة من الجهتين .

ديري في بالك بلي السميد يلعب دور كبير في الكسرة انا ساعات كي يجيني سميد ماهوش مليح نكره حاياتي حتى نكملو

شكرااااااااااااا على الردود

كسرة الرخساس لا تحتاج ان ترتاح اكثر من دقيقتين و نصع الخميرة ليس للتخمير و انما لاعطائها الون فقط

https://www.djelfa.info/vb/showthread.php?t=1311305
هاذا رابط لكسرة رخسيس من عندي انشاء الله تفيدك

السلام عليكم ورحمة الله وبركاته

ا

المقادير

1كغ سميد متوسط خاص بالعجين كما مولا ولا سيم
20غ ملح
20غ سكر
20غ خميرة الخبز
150غ زيت
30غ بودرة الحليب
حوالي 400غ ماء
شوية جلجلان+سانوج

نخلط السميد+الملح +بودرة الحليب+الزيت+السانوج والجلجلان ثم نضيف الخميرة والسكر+الماء باش ما تتلاقاش الخميرة مباشرة مع الملح والمادة الدسمة لانو هاد الزوج يخربوها نعجنوها مليح بالبيترا او اليد مبعد نشكلو كرات حوالي 400غ للواحدة ونخلوهم يرتاحو

ثم نحل بالحلال او اليد الكرات الى دائرة بسمك 7 مم وننغطوهم وخلوهم يخمرو كما المطلوع

كي يطلعو سخنو الطاجين على نار قاوية منبعد نداو نطيبو لما نحط واحدة تطيب غير تدير نبولات نقلبها منبعد ناخدو علبة كبريت ونجوزها على كامل المساحة بلا ما نضغطو باش تاخد لون واحد تع الطياب في كل الدائرة ومالازمش نحركو الرخسيس ولا نبقاو ىنمسو فيه باش ما تطيبش القشرة تاعها يابسة

شهية طيبة دعواتكم لي في الدراسة

يعطيك الصحة نفس طريقتي فقط انا انديرو رقييييييييييييق

بارك الله فيك

نموت على كسرة الرخسيس هايلة

جامي كليتها غير سمعت بيها في المنتدى
مشكورة اختي

جاتك تهبل. هكدا نديرها انا يعطيك الصحة اختي

fort ya3tik saha

chokran li mororikom
baraka ellah fikom

ربي ينجحك في قرايتك ان شاء الله

ماشاء الله ربي ينجحك في الدراسة اختي

يعطيك الصحة نجربها ونقولك

يعطيك الصحة

ماشاء الله يهبل
راح نجربو ان شاء الله

يعطيك الصحة اختي انا تاني نديرو كيفك وربي يوفقك وينجحك ان شاء الله