الوسم: الحريرة

السلام عليكم البنات
انا العرس تاعي مور رمضان وماما قاتلي هاد العام نتي ديرينا الحريرة
مادابيا كل وحدة تحطنا الطريقة تعها
باش ما نحشمش روحي
سلاااااام: mh31:

اضغطي على عنوان الوصفة …..

https://www.djelfa.info/vb/showthread.php?t=1401955

حتى انا حابة نتعلمها

مساء الخير حبيباتي و الله اني ستفدت منكم بزاف و اليوم جا الدورعليا
حنا في الغرب نحبو الحريرة بصح فيها الماعن بزاف و عندي حبيبتي ربي يحفظها وراتلي طريقة سهلة في الاعدادو تجي بنينة بزاف ابداء باسم الله
اولا ناخد كوكوت نحط فيا الخضر التالية
بصلة كبيرة او زوج بصلات متوسطين نقطعوهم قطع صغيرة
حبة طماطم نعملوها علا اربعة
حبة بطاطا متوسطة
و نعمل طرف لحم دجاج و نحط ملعقة صغيرة طماطم مصبرة و نحط ملح و فلفل و قرصة كمون و كروية
و من جهة اخرى نحط عروق القصبر و نحتفظ بالاوراق للاخير و ورقة رند و عود قرفةنحزم الكل مع بعض باش في الاخير ننزعهم بسهولة و نحطهم مع الخضر ة اللحم و ونسقي الكل ب5ملاعقزيت و الان ناخدهم فوق النالر و في نفس الوقت نسخن الماء نغطي الكوكوت ونترك على نار متوسطة 10دقائق بعدها نحرك و نترك تتقلى تم نمرق بالماء السخون و نغلق
نترك 30 دقيقة تم نفتح ننزع اللحم و الباقى اللي حطينا فيها القرفة و عروق القصبرو الرندو نرحو الخضر و المرق مع اضافة زوج فصوص توم و ملعقة صغيرة طماطم مركزة و الاوراق اللي حتافظنا بيهم تاع القصبر و نرحو الكل ب peid
تم نرجع للنار و و نترك يغلو و نضيف التشيشة او الشعير لما نقرب نطفي نزيدو شوية راس الحانوت كروية و نطفو و نرش عند التقديم شوية معدنوس مقطه نتمنى تجربوها راهي مافيهاش الماعن خلاص

مشكورة اختي ربي يجازيك

مشكورة على المرور الطيب

امممممممممممممممم راح نجربها ان شاء الله
شكرا

وانا نديرها بنفس الطريقة بصح نحط الحريرة مع الخضرة و نرحيها معاهم راهي تجي تغير لكن ما نديرش المعدنوس فيها نحط القصبر و النعناع الاخضر

سلام انا ما نستعملش الكمون والكروية في الشربة ندير البسبس حبة حلاوة القصبر طريقتك مليحة شكرا

الحريرة المغربية:

الكل يعلم أن شهر رمضان الكريم على الأبواب لدا ارتأيت
ان اقدم لكم الشربة المفضلة لدى المغاربة
و هي الحريرة المغربية

الطريقة
**نضع قدر كبير من حجم 8 لتر فوق النار. .
**نضع ربع كوب الزيت ثم نضيف اللحمة والبصل والمقدونس
والقزبرة والكرافس والفلفل الأسود والزنجبيل والقرفة والملح
مع التحريك طبعاً لمدة خمس دقائق لا أكثر. .
بعدها نضيف الطماطم التي سبق خلطها في الخلاط ونضيف إلى الكل الحمص والعدس والسمن ومركز الطماطم ثم نضع الماء – 4لترات من الماء- ونغلق طنجرة الضغط السريع لمده ساعة.
**بعدها نزيل الغطاء ونترك القدر فوق نار هادئة جداً.
**نضيف الشعرية والطحين الذي سبق خلطه في الخلاط ونحرك جيداً.
**نترك القدر فوق النار لمدة نصف ساعة أخرى فوق نار هادئة مع التحريك المستمر طبعاً.
**بعدها نزيله من على النار، تقدم ساخنة طبعاً. بالهناء والشفاء

شكرا لكي اختي بصح انا مداري نديرها بطريقة اخلرى و بدون لحمة هههههههههههههه

شكرااااااااااااااااااااااااااااااااااااااااااااااا اا

شكرا على الوصفة الرائعة
احنا في الغرب نديروها بطريقة اخرى وتجي مليحة
شكرااا

من احب الشوربات الى قلبي هي الحريرة تهبل ونعتمدها بزاف في رمضان وبنفس الطريقة
شكرا لكي اختي

تسلم يديك…

تسلم ايدك

شكرا لكي اختي

السلام عليكم
حبيت اليوم نشاركم بتوابل لحريرة نتاعنا في الدار الحقيقة حنا دائما نحضروهم في الدار و هي سبب لي تخلي الحريرة نتاعنا تجي متميزة على غيرها
بسم الله:
المقادير
ملعقة كبيرة كروية+ملعقة كبيرة كمون+ملعقة كبيرة قصبر+ملعقة كبيركركم +ملعقة صغيرة حبة حلاوة+1/2ملعقة صغيرة جوزة طيب+1/2ملعقة صغيرة نجمة لارض+ملعقة كبيرة قرطوفة (الوزوازة)+ملعقة صغيرة زعتر+1/2ملعقة صغير بسباس +ملعقة سكيجبير (يابس) +1/2ملعقة كبابة و لي يحب حلبة يزيد ها1/2
الكل نجيبوهم من عند العطار نقوهم نغسلوهم نشفوهم و من بعد نطحنوهم و ناخدوهم بالكميات لي قلت عليها نخلطوهم مليح مع بعض و نحطوهم في بنارة زجاجية ونغلقو عليه مليح و نستعملوهم وقت ما نضيفو عقدة لحريرة

الله يعطيك ما تتمناي نموت على الحريرة ما تخطينيش قاع في رمضان و ان شاء الله هاذ العام بالتوابل اللي عطيتيلنا بارك الله فيك
عندي برك سؤال هاذ التوابل نشريها حب ثم نرحيها ؟شكرا

واه انا نشريهم حب و نرحيهم

يعطيك الصحة اختي حنا تاني نديرو الحريرة كل يوم في رمضان
ونحضرو راس الحانوت كمية كبيرة
بالصح القرطوفة مانديروهاش معاه نديروها في اخر لحظة يعني كي نبغي نطفي النار

اختي في البيت تاعي نحضر لحريرية بطريقة يعني شوي مختلفة ان شاء الله نحط ليكم المهم كي نحب ندير قصبر و الثوم نزيد التوابل معاهم و من بعد نحطهم في الحريرة و نغلق عليها و نطفي النار هكذا الثوم و القصبر يطيبو بالسخانة نتاعها و التوابل تشد بنتها و متملرارش

شكرا ليك لمشاركتك لنا أحد أسرار مطبخك

اقتباس:

المشاركة الأصلية كتبت بواسطة رجائي فيك واه انا نشريهم حب و نرحيهم

شكرا بارك الله فيك

ترحيهم باليد أختي ؟

ممكن من فضلكم تصورولي القرطوفة لاني منعرفهاش او ربما نعرفها بي اسم اخر

اقتباس:

المشاركة الأصلية كتبت بواسطة imanaz ترحيهم باليد أختي ؟

لالا نستعمل رحى القهوة يتعبو لو كان ترحيهم بالايد

اقتباس:

المشاركة الأصلية كتبت بواسطة ام سوهيل ممكن من فضلكم تصورولي القرطوفة لاني منعرفهاش او ربما نعرفها بي اسم اخر

القرطوفة في بعض المناطق تسمى الوزوازة…وهي من الأعشاب الموسمية الصحراوية….رائحتها زكية طعمها لديد لكنه لادع ،تستعمل كبهارات أو توابل خاصة في الحساء
إسمها العلمي cotula Anthemoides
وهي موجودة في المغرب الشقيق و تباع عند العطارين

يعطيك الصحة اختي

بارك الله فيك أختي

merciiiiiii rabi ya7afdek

شكرررررررررررا حبيبتي على هذي الوصفة بوركتي حبيبتي زيدي حددي الزنجبيل والكبابة والحلبة مغرف كبيرة او صغيرة
وهذو تاع حريرة وهران او تيارت اووووووووووووو لانه تختلف كل حريرة والمرة القادمة اكتبينا طريقتك في كيفية الحريرة اذا امكن ممكن كتابة فقط ربي يعطيك الصحة شكررررررررررررررا مسبقا

ارجومنكن سيداتي ان تعطونني الوصفة الكاملة للحريرة و شكرا جزيرا صح فطوووركم

ادخلي لموضوعي اسمه وصفات رمضان في قسم الاطباق الرئيسية ابحثي في الصفحات تجدينها ان شاء الله

انها تعد اول طبق في رمضان وهي مجربة ولذيذة جدا وصفة الحريرة وهي بالنسبة ليا انا طريقتي في الحريرة هي كاالاتي 1-المقادير قطعة صغيرة لحم خروف يكون فيها عظم باش يبنن *-2حبات بصل كبار+حبة كبيرة طماطم تكون طايبة +حبة زرودية+حبة صغيرةجدا بطاطا+حبة قرعة+حبةلفت صغيرة+حفنة حمص منقوعة في الماء ليلة قبل+ربطة كاملة قصبر+وريقة رند +ملح +حرور(انا نستعمل حرور ابيض باش ماتجيش الحريرة غامقة)+راس الحانوت+زعفران+زنجبيل طري +ثوم+كمون+كروية+حشايش لحريرة+جمبو دجاج+ 4مغارف صوص تومات جمبو+غرفية متوسطة تشيشة رقيقة اما بالنسبة للتحضير هي **في قدر (انا نستعمل قدر تا ع طين واتبع طريقة نرمي بكري ونطيب على نار هافتة) سخني شوية زيت ومغرف كبيرة سمن (انا نستعمل سمن فاما في جميع اطباقي)ونرحي البصل بالطريقة التقلدية ثم نعاودله بالمكسور حتى يرجع سائل ونقلي اللحم مليح مع الملح ما تكتريش على خاطر با تزيدي جومبو ثم نظيف البصل عليه و الحمص ونقلب بملعقة خشب ثم نضع الطماطم في ماء مغلي وننزع عنها القشرة ثم نرحيها بالمكسور مع الثوم وشوية قصبر ونضيفها للقدر ثم نضيف الخضر كاملة بدون تقطيع وربطة القصبر كاملة نظفيها واحزميها بخيط غذائي وظيفيها وبالنسبة للتوابل ظفي الحرور والزعفران وشوية تاع راس الحانوت وشوية قرفة وورقة الرند ورحي فوقها شوية زنجبيل ومرقي بماء ساخن وكي يغلي القدر الغلية الاولى نقصي النار وغلقي وخليها تطيب مدة ساعة ونصف على نار هادية ثم بعدها نفتح وننزع القصبر والخضر واللحم والحمص نصفيه ونخليه على جنب و ورقة الرند ونضيف التشيشة مدة نصف ساعة كي تطيب ناخذ من الحريرة كسرونة على جنب ونظيفلها شوية راس حانوت شوية كمون حبة جومبو دجاج+صوص تومات+كروية+فص ثوم+شوية قرفة ومبشور زنجبيل طري ونرحي كلشي بالمكسور ونظيفو للقدر ونعاود نرحي كامل ما في القدر ونرجع الحمص ونفتت اللحم ونرده ونحك شوية قصبر بين يدينا ونخلوها تغلي غليتين ونطفي عليهاونظيفوها اخيرا ملعقة صغيرة حشايش وادا ما تحبوهمش ممكن ماتديروهمش في القدر وحطوهم في زرف وتقدم مع الحريرة والي يحب يظيفهم في طبقه وتقدم مع الفلفل المرقد تجي بنينة وبصحتكم ملاحظة الي ماتحبش ترحي التشيشة كي تطيب كيما تحب تظيف محتوى الكسرونة دون اعادة رحي محتوى القدر وعلى فكرة الطهو عندنا في رمضان في اواني من الطين ما كالتو بنينة بزاف خاصة كي تعتمدو طريقة الطهو البطيئ

يعطييك الصحة و العافية

hggi dfhvm ;hap, ^d$h hgùvdr,

بسم الله الرحمان الرحيم
السلام عليكم
ساقدم لكم من خبايا البيت العربي والمتوسطي. الحساء اللديد والغني بمكوناته الرائعة والمتنوعة الحريرة المغربية ويقدم في كل بيت مغربي وخاصة في مائدة الافطار الرمضانية لغناه بمواد مكملة غدائية ستعجبكم كثيرا وستزخر به موائدكم، لن اطيل عليكم وامر الى اعطائكم المقادير وطريقة الاعداد
مقاديرحساءالحريرة:

الحريرة المغربية الشف نادية

50غ عدس
100غ حمص (ننقعه في الماء لمدة 8 ساعات ليصبح رطبا تم نقشره او نستعمل المعلب)
50غ فداوش صغيرة(الشعرية)
250غ لحم مقطع قطع صغيرة
2 بصل مفروم
2 طماطم مفرومة
50غ من الكرافس
50غ بقدونس وقزبر مفرومة
ملعقة صغيرة زنجبيل
ملعقة صغيرة فلفل احمر
ملعقة صغيرة من السمن
فلفل اسود وملح حسب الرغبة
لتر من الماء
250غ دقيق
طريقة تحضيرحساءالحريرة:

–>
في الاناء نضع اللحم المقطع والعدس والحمص، البصل، الطماطم، القزبروالبقدونس، الكرافس، الزنجبيل، فلفل الاحمر والاسود ، الملح والسمن وفي الاخير نضع الماء ونضع الاناء فوق النار لمدة نصف ساعة.
في حين نحضر خليط الدقيق مع الماء ونطربه جيدا حتى يصبح متجانسا وخاليا من كوريات الدقيق.
بعد ان تنضج العناصر المعدة سابقا نضيف خليط الدقيق ومركز الطماطم ونحرك الحساء وهو فوق نار هادئة حتى يتجانس الكل ثم نضيف الفداوش مع التحريك ايضا، نتركه فوق النار 10 دقائق.
يقدم ساخنا مرفقا بالثمر بالصحة والراحة.
لاي ستفسار او اقتراح المرجو ترك تعليقك وشكرا
الموضوع الاصلي من: خبايا البيت العربي والمتوسطي

المشرف شيف نادية

بارك الله فيك

السلام عليكم

شكرا

الحريرة المغربية

يمكنكم زيارة خبايا البيت العربي والمتوسطي
شكرا لكم جميعا

شكرا حبيبتي على الوصفة .وبالفعل طعمها رائع .كليتها من قبل .تسلمي

انا نقلك ضحي نتي وجربيها وقولينا نتي درت الخير كمليه ههههههههههههههههههههههههههه

بصراحة الحريرة نتاعنا أحسن ، شكرا أختي

بارك الله فيك

بارك الله فيك.
انا متتبعة دائمة لوصفاتك يعطيك الصحة

امممممممممممم امنياتي باينة بنينة يعطيك الصحة حنا مانديرهاش نديرو غير شوبة الفريك ولا نتاع الفرميسيال

بارك الله فيك على المجهودات المبدولة دمت متالقة كالعادة

بارك الله فيك

بارك الله فيك الأمنيات حرير امممممممم ماشااء الله وشكرا على الوصفه

الله الله عليك ياامنيات فكرتيني في رمضان باينة حريرتك بنينة هنا تقريبا نخدموها هاك بارك الله فيك حبيبتي

يسلمووووووووووووووو حبيبتي يعطاك الصحة
ممكن اختي توضحيلي راس الحانوت كاين سيسيال للحريرة وكي نروح نشريه نقولوهكدا
بوركتي مرة اخرى غاليتي

يعطيك الصحة الامنيات دائما تتحفينا باطباقك

رائعععععععععععة وباينة بنينة تقتل يعطيك الصحة حبيبتي الامنيات قدرو نديرو الفريك في بلاصة المرمز والا لا

بارك الله فيكم وفي ردودكم المشجعه
ام يسرا ايه قولي لمول الحانوت اعطيني راس الحانوت تاع الحريره لخطرش كاين تاع البركوكس تاني
ام راضية تقدري ديري فريك بصح بالشعير تجي بنينه

امممممممممم تصدقي ريحتها وصلتني هنا تشهيييييييي الف الف شكر امنيات و بارك الله فيك على الطريقة و الشرح الوافي نجربها ان شاء الله و نذوقك

اممممممم تشهي

الحريرة المغربية

ربع كيلو لحمة غنم أو عجل على حسب الذوق مقطعة مكعبات صغيرة
125 غرام عدس
125 غرام حمص يابس نبلله في الماء لمدة 12 ساعة ثم نزيل عنه القشرة
نصف كوب كرافس مفروم
نصف كوب مقدونس أخضر مفروم
نصف كوب قزبر أخضر (كزبرة) مفروم
بصلتان متوسطتا الحجم مفرومتان جيداً
نصف كيلو طماطم مفرومة في الخلاط الكهربائي
125 غرام من الشعرية الرفيعة جداً
125 غرام من الطحين-الفورص- الدقيق الأبيض يتم خلطه في الخلاط الكهربائي مع كوب ماء
ربع كوب من زيت المائدة
ملعقة صغيرة من السمن
ملعقة صغيرة ابزار-فلفل اسود-.
ملعقة صغيرة زنجبيل
نصف ملعقة صغيرة قرفة
4 ملاعق كبيرة من مركز الطماطم-الطماطم المعلبة-
ملعقة ونصف كبيرة من الملح وطبعا الملح على حسب الذوق
4 لترات من الماء

الطريقة
نضع قدر كبير من حجم 8 لتر فوق النار.
نضع ربع كوب الزيت ثم نضيف اللحمة والبصل والمقدونس والقزبرة والكرافس والفلفل الأسود والزنجبيل والقرفة والملح مع التحريك طبعاً لمدة خمس دقائق لا أكثر.
بعدها نضيف الطماطم التي سبق خلطها في الخلاط ونضيف إلى الكل الحمص والعدس والسمن ومركز الطماطم ثم نضع الماء – 4لترات من الماء- ونغلق طنجرة الضغط السريع لمده ساعة.
بعدها نزيل الغطاء ونترك القدر فوق نار هادئة جداً.
نضيف الشعرية والطحين الذي سبق خلطه في الخلاط ونحرك جيداً.
نترك القدر فوق النار لمدة نصف ساعة أخرى فوق نار هادئة مع التحريك المستمر طبعاً.
بعدها نزيله من على النار، تقدم ساخنة طبعاً.

منقوووووووووول

في أمان الله

شكرا على الوصف

امممممممممممممممممممم شحال نبغي الحريرة

تسلم الايادي مي مغربية و كتحب الحريرة مزيان مزيان وكتديرها وخاصة في شهر رمضان مممممممممممممممممممممممممم تجي بنينة مزيان تحيا المغرب وتسلم

اياديك حنونة

شوفي عندي صورة للحريرة

لاكن نصف كيلو لحم مقطوعة وليس ربع

شكرا جزيلا

مشكــــــــورة علــــــــي الوصفـــــــــة

ممممممممممممممممممم بارك الله فيك

يعطيك الصحة

هايلة يعطيك الصحة

ليس بقسمه+ مخالف به رابط موقع اخر

شكرااااااااا

i ♥ لحريرة

السلام وعليكم ورحمة الله وبركاته جاتني فكرة الموضوع هو انو كل ولاية وشربتها الي طيبها وانا اعتمدت هاد الموضوع باش نعرف تحبو الحريرة اكثر ولا شربة فريك

ايا نبدوا نصوتو
1-
الشربة فريييييييييييك

ولا ثانيا الحريرة

اتمنى منكم ان تختاااااااااااااااااااااروا وصح فطووووووووركم كااااااااااااااامل

انا نحب
شربة الفريك
صح فطوركم جميعا

شكراااااااااااااا على المرور اختي ولكن صوتي الفوق
صح فطورك

وييييييييييييييييييييييييييييييييينكم ولا ما تحبوهمش للاثنين

شربة فريك ………

أنا نمووووووووووووووووووووووووووووووت على شربة الفريك

الشربة فريييييييييييك

دائما الشربة الفريم متفوقة
تحيا الشربة فريك ههههههههههههههه

ما نقدرش نصوت على خاطر مازال ما ذقتش الحريرة

جاري فريك طبعا

فريك وصح فطوركم

فريييييييييييييييييييييييييك

صح فطوركم يا ختي انا نموت على الشربة فريك خصوصا اللي طيبها ماما نمووووووووووووووووت عليها

انا نحب الحريرة

و أنا نبغي الحريرة
و صح فطوركم
و تقبل الله منا و منكم صيام هذا الشهر الكريم
ووفقنا فيه لقيام الليل و ختم القرأن الكريم
آآآآآآآآآآآمـــــــــــــــــــــين يا رب العالمين