اولا هاد الحريره درتها للاخت الي طلبتني ام ابراهيم واحده اخرى نسيت اسمها تعذرني
قررت نديرها موضوع
مقادير وطريقة التحضير
لحم الي عندك انا درت دجاج طرف -2جزر-2طماطم-2بطاطة صغيره-1لفت-كمشة حمص مشمخ مغسول
بصلة -ملعقة كبيرة طماطم علب – التوابل كاين راس الحانوت تاع الحريرة
والي ما عندهاش دير
قسبر مرحي -كمون -قرويه – فلفل اكحل- شوي قرفه – زعفران شوي زريعه البسباس مع حبة حلاوة ادا كاين
انا مرات نديرهم يعطو طعم -فلفل حار اخضر -قسبر اخضر -سنات ثوم -وحده جمبو دجاج
نقلي كل شيئ مع شوي زيت ومن بعد نسقي بالما حتى نعمر الكوكط
نخليها طيب تقريبا نصف ساعة حتى 45د
ونفتحها ونطحن الخضار ما عاد الحمص راه يثقلها
ونرجعها على النار ونضيف تشيشه تاع الشعير وادا مكانش ندير الفرينة
انا نفضل تشيشه
درت 3ملاعق كبار ونغسلها ونحطها فيها تغلي
ونوجد ثوم وقسبر دبشه وندقهم مع وحده شومبو تاع دجاج
وكي تغلي الحريرة نرميهم معاهم وحده فلفل حار اخضر
ونغليها طيب حتى تعقد ادا شفتيها ما عقدتش وتشيشه طابت زيدي شوي فرينه حليها في ماء
هنا كي طابت
هاهي تشيشه تاع الشعير 3معالق كبار ونغسلها
هنا راني دقيت الثوم وجومبو والقسبر
هاهي حريرتي واجده نتمنى تعجبكم وتجربوها
بارك الله فيك
بارك الله فيك.
انا متتبعة دائمة لوصفاتك يعطيك الصحة
امممممممممممم امنياتي باينة بنينة يعطيك الصحة حنا مانديرهاش نديرو غير شوبة الفريك ولا نتاع الفرميسيال
بارك الله فيك على المجهودات المبدولة دمت متالقة كالعادة
بارك الله فيك
بارك الله فيك الأمنيات حرير امممممممم ماشااء الله وشكرا على الوصفه
الله الله عليك ياامنيات فكرتيني في رمضان باينة حريرتك بنينة هنا تقريبا نخدموها هاك بارك الله فيك حبيبتي
يسلمووووووووووووووو حبيبتي يعطاك الصحة
ممكن اختي توضحيلي راس الحانوت كاين سيسيال للحريرة وكي نروح نشريه نقولوهكدا
بوركتي مرة اخرى غاليتي
يعطيك الصحة الامنيات دائما تتحفينا باطباقك
رائعععععععععععة وباينة بنينة تقتل يعطيك الصحة حبيبتي الامنيات قدرو نديرو الفريك في بلاصة المرمز والا لا
بارك الله فيكم وفي ردودكم المشجعه
ام يسرا ايه قولي لمول الحانوت اعطيني راس الحانوت تاع الحريره لخطرش كاين تاع البركوكس تاني
ام راضية تقدري ديري فريك بصح بالشعير تجي بنينه
امممممممممم تصدقي ريحتها وصلتني هنا تشهيييييييي الف الف شكر امنيات و بارك الله فيك على الطريقة و الشرح الوافي نجربها ان شاء الله و نذوقك
اممممممم تشهي
