الوسم: التلقيح

السلام عليكم ورحمة الله
اريد معلومات عن التلقيح الاصطناعي من قام به وجربه وهل نجح وكم السعر في كلينيك تيزيري وفي كلينيك الابيار وغيرها
او اي جديد يخص هذا النوع من العلاج …………

لا توجد عندي معلومات …..ربي يرزقنا الذرية الصالحة من بابه الواسع

السلام عليكن اخواتي
انا اول مرة نكون ام و بالتالي هناك تخوفات كثيرة على هذه الحياة الجديدة نتمنى من ذوي الخبرة في التربية ينوروني بنصايحهم خاصة فيما يخص حمى الاطفال و ايضا كيف ازيل قشرة الراس مع العلم ابنتي ربي يحفظهالي عندها ثلاثة اشهر و ربي يجازيكم

ربي يحفظلك بنتك وتتربى في عزك و عز باباها ربي يفرحك بيها حتى تشوفي ولادها
بالنسبة لقشرة الراس انا كنت نحط لولدي الفازلين فالمساء و فالليل نمشطلو بالمشط الرقيق خلاص بالصح غير مالفوق مانوقفش اسنان المشط باه مانجرحوش وفالصباح نغسله بالماء دافي والشومبوان حتان يتنحى التزيات تاع الفازلين و كي ننشفلو نزيد نمشطلو شوي هو يطول شوي بالصح يتنحى انا كنت نديرلو مرة فالاسبوع خاطر كان الشتاء وداري باردة
ونهار الفاكسان قبل مانديه نديرلو شميعة تاع السخانة وكيما نروح نحطلو قطن فيه الخل على بلاصة الابرة وعسيلها السخانة من الوقت للاخر وكون تطلعلها ديري بين الشمعة والشمعة 6 ساعات ديريلها الخل فالتقاشير ولبسيهملها وبربي تفوت سلامات ومايصرالها والو

مرحبا اختي
انا كدلك اول مره نكون ام ..نعطيك تجربتي مع ابني عنده 8 اشهر
شوفي اولا بالنسبة لقشرة الراس اشري فازلين من عند الفارماسي وامشطيلها بالمشطه ضيك الصغيره انتع الاسنان الصغيره ….وفي الصباح اغسيليلها بالشامبو عادي مره زوج راح تتنحلها القشره
اما بالنسبة للحمى انا ابني دائما دائما حاكماتو الحمى لازم اولا الترمومتر تشريه وتحطيه بجنب …وكتكون كاينه فاكسه ديريلها شميعه قبل لتديها …وكتجيبيها مباشره ادهنيلها بلاصه الابره بالعسل الحر ….هدا قاتهالي طبيبه …
وادا حكمتها الحمى ديريها تقاشر حشاك وعمريهم بالخل وحطيهملها في رجليها ….وديريها كمادات انتع ماء الزهر او لامناء البارد فوق جبينها ورجليها ويديها وتحشاي منطقه الصدر اختي..
هدا وش تفكرت كشما نزيد نتفكر نقلك اختي
موفقه

السلام عليكم اختي
انا تاني راني ام جديدة ربي يعينا
بخصوص حمى التلقح راهي عادية مي كي ديري لل بيبي الابرة تم تم ديري شميعات تاع دولبران الغوز
و كل ستة سوايع عاوديلو وحدة حتان تروح السخانة
و لازم دائما معاك ترمومتر
اما بخصوص قشرة الراس كنت ندهنلها راسها بزيت الزيتون و استعمل مشط تاع الاسنان و نمشطلها غير بالشوي حتان راحتلها كامل
دوكا رانا في الصيف بالاك على الكليماتيزور يضربو و في راسو من الزيت اغسليهلو
ربي يجيب الخير

أ

خوفتوني من الفاكسا انا راح ندير لبني الفاكسا تاع شهر والخلعة حاكمتني
من الحمة لا تطلعلوا واش اديرلوا قولولي
واشنهي الصوالح لي نديرهم باه متطلعلوش بزاف

السلام عليكم لبنات ,,,,,,,,,,,
المرة هذي درت تلقيح تاع خمس شهور بصح قالولي رجعيها على سمانة باش دير تلقيح تاع خمس شهور خاص بالبوصفاير
مفهمت والو
هل هذا فعل كاين منو انا نعرف تلقيح واحد برك حتى ل 9شهور ولا انا منعرفش
بليز ردو عليا على خاطر التلقيح غدوة ان شاء الله
جزاكم الله خير

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولا رد

شوفي حبيبتي التلقيح تاع 5 شهور هو متعدد فيه ما هو خاص بالبوصفاير وأحيانا ما يكونش متوفر يقولولك رجعيها وما كان حتى مشكل أنا صرات لي مع ابني لان تلقيح 5 شهور فيه ماهو متعلق بالبوصفاير وفيه ماهو خاض بالسعال والانفلونزا ما تتقلقي ما والو حبيبتي

شكراا حبيبتي على الرد
يعني نديرهولها مفيش اشكال؟؟؟
وجزاكي الله خير

نعم حبيبتي ما كان حتى اشكال لأن نفس الحالة صرات مع ولدي عملته له بعد أسبوع

برك الله فيك و يعطيك متمنى

انا بنتي تقرا السنة الثانية ما خرجتلهاش bcg قاللها طبيب المدرسة عاوديها عاودتهالها عندي شهر بصح مازالت منتفخة و حمرا و توجعها و راهي تقيح حاشاكم قلقتني شوية اللي عندها معلومة تفيدني و لا تنصحوني نديها للطبيب
نتمنى تجاوبوني و بارك الله فيكم

عاد اختي هاد الفاكسان تعمل هاكدا حاولي تنظفيها مليح بمطهر وتقدري ديريلها ايوزين دواء احمر. تنشف انا ولدي قريب تلات اشهر وهي هكدا حتى درتلها دوا احمر

لازمها antibiotique اشريلها fucidine creme وحطيلها مرتين في اليوم ولا عندها السخانة لازم يشوفها الطبيب ويمدلك الدواء تشربو وربي يجيب الشفا

اقتباس:

المشاركة الأصلية كتبت بواسطة simassim عاد اختي هاد الفاكسان تعمل هاكدا حاولي تنظفيها مليح بمطهر وتقدري ديريلها ايوزين دواء احمر. تنشف انا ولدي قريب تلات اشهر وهي هكدا حتى درتلها دوا احمر

شكرا اختي ربي يجازيك كل خير

اقتباس:

المشاركة الأصلية كتبت بواسطة kikimnarim2 لازمها antibiotique اشريلها fucidine creme وحطيلها مرتين في اليوم ولا عندها السخانة لازم يشوفها الطبيب ويمدلك الدواء تشربو وربي يجيب الشفا

لا لا اختي ما عندهاش السخانة راهي عادي برك كي تقيسها بالحوايج توجعها
وربي يجازيك على الاهتمام

السلام عليكم
كما علمنا من مختلف مصادر الإعلام سيتم تلقيح أطفالنا في المدار ضد ما يسمى أنفلوانزا الخنازير (فيروس h1n1)
أستفسر إن كان هذا اللقاح سيعطى بإذن مسبق من ولي الأمر أو بدون ذلك؟
شكرا

حسب المعلومات المتوفرة ليس هناك خيار سوى التلقيح

سأرفض تلقيح أبنائي ممها كلفني ذلك نظرا لخطورة التلقيح

علمت ”النهار” من مصادر رسمية

من معهد باستور أن نتائج الفحوصات التي تمت على لقاحات أنفلونزا الخنازير”أش 1أن1” الإنجليزي الذي استوردته وزارة الصحة من كندا، تسبب في وفاة فئران التجارب التي أخضعت لها، أول أمس، حيث أثبتت النتائج التي رفعت إلى وزارة الصحة أن اللقاح تسبب في وفاة الفئران التي تم تجريبه عليها. وأوضحت المصادر التي أوردت الخبر لـ”النهار”، أن اللقاح يحتوي على مواد سامة من بينها مادة الرصاص، التي تتسبب في مضاعفات صحية خطيرة للفئران لمهاجمتها خلايا المناعة وإتلافها بشكل كامل.
كانت الصدمة كبيرة عندما تم العثور على الحيوانات التي أعطيت اللقاح في اليوم الموالي كلها ميتة، حيث بينت التحاليل التي أجريت على الفئران بعد الوفاة أن اللقاح يحتوي على مواد ملوثة. وفي سياق متصل، ذكر المصدر أن المعهد لم يوافق على البنود التي وضعت في إطار الإتفاق المبرم بين الوزارة والمخابر، باعتبارها لا تخضع للمقاييس الموضوعية الموجودة في دفتر الشروط، حيث استفاد المخبر الكندي من امتيازات غير عادية، إذ تم توقيع عقد مع مخبر ”GSK” لمدة 5 سنوات، في الوقت الذي تحدد فيه الاستفادة بمدة أقصاها سنتين، كما تم استبعاد مخبر ”نوفارتيس” الذي كان سيوفر هو الآخر اللقاحات لأسباب مجهولة، كما يؤكد البند رقم 15 أن أصابع الاتهام لا توجه للشركة المصنعة للقاح، بل يتحمّل معهد باستور المسؤولية الجنائية كاملة في حال وقوع وفيات أو مضاعفات ناجمة عنه، زِد على ذلك وجد المعهد نفسه مضطرا للقبول رغماً عنه بتلك الشروط، لا وبل فرض عليه تعويض المخبر وكل العاملين فيه بما في ذلك المسيرين، المساهمين، العمال والأعوان. وأوضح مصدرنا أن المخبر قام بإرسال اللقاحات بدون تحاليل، ما جعل الجزائر سوقا بكرا لتسويق منتوجاته، والجزائريين الذين سيلقحون به خنازير وفئران للتجارب سيتم القضاء عليهم بالتدريج.

السلام عليكم
لأاهمية و فائدة التلقيح ضد داء أنفلونزا أ أتش1 أن1 يسعدني أن أقدم لكم هذه المادة و الخاصة بتعريف هذا الداء من طرف أخصائي في علم الاوبئة و الصحة و التي من خلالها يمكنكم التعرف أكثر و أقرب من وسائل الوقاية و خاصة التلقيح

السلام عليكم ورحمة الله
اريد معلومات عن التلقيح الاصطناعي من قام به وجربه وهل نجح وكم السعر في كلينيك تيزيري وفي كلينيك الابيار وغيرها
او اي جديد يخص هذا النوع من العلاج …………

لا توجد عندي معلومات …..ربي يرزقنا الذرية الصالحة من بابه الواسع

انا درة التلقيح لعام ليفات والحمد لله ضربة ضربة و بربي بدير لعام ادا اوسي

سؤلي ربما تافه
، لكن حبيت نعرف هل تلقيح الشهر الرابع يدير الحمى اولا

السلام عليكم
انا ابنتي نديرلها سيبو قبل ما نديرلها الفاكسان بنصف ساعة و متسخنش بزاف اي لا تفوت الحرارة 38 درجة .و لكن رجلها تؤلمها شوية و في يومين تتنحا الالم
نصيحتي راقبيها 24 ساعة بالترمو متر و شوفي معاها لانه كل بيبي كيفاه كاين لي يسخن بالفاكسان تاع 4 و كاين الي ميسخنش و سلااااااااااااااااااام

التلقيح تاع الشهر الثالث هو نفسه اللي يتعاود في الرابع ما تخافيش منو بصح كما قالت الاخت ديري suppo قبل ما تدي طفلك ل التلقيح ومن بعد كمدي المكان بالماء والملح دافي وكملي بالles suppo تاع السخانة كل ست سوايع وربي يجيب اللي فيه الخير

شكرا لكن ، اليوم الموعد تاعها بصح ماكتبش ربي القينا الطريق مقفولة ،وانا كنت خايفة خطراكش راني مريضة بالزكام ، وخفت تكون تعدات ومازالو ما بانوش الأعراض ولا تدير التلقيح وتتعدى وتتهلك

يالحبيبة ماهو لا سؤال تافه ولاهم يحزنون هاذي هي الام تخمم على وليدها في كل شي ء واي شيء نصيحتي ليك انا ندير لولادي في كل تلقيح مشي غير الرابع سيبو ب ساعتين قبل الموعد وساعتين بعد لي دار التلقيح بلا مانشوف الحمى طلعت ولا لا مع كتالجين في شوية ماء هاكا تقعدي هانيا غير الا سخن في الحشية زيديله سيبوا ومنبعد والله ماتخافي عليه ومين تديريله التلقيح مين ترجعي لدار ديريله تمتم الزيت الزيتون في مكان الابرة هكا مايكون غير الخير وبحتها مسبقا ويفرحك فيها ان شاء الله وكي اليوم تشوفيها عروسة وربت منزل

اختي كل طفل وكيفاش ، ومن الخطأ انك تعملي خافض الحرارة قبل التلقيح اصلا حتى في حالات الحمى المرضية خافض الحرارة لا يُستعمل الا اذا لم تنجح الطرق الطبيعية في خفض الحمى

وعن التلقيح كيما قتلك كل طفل وكيفاش، بنتي مثلا التلقيح الوحيد اللي رفعلها حرارتها هو تاع 5 اشهر ولم تتجاوز 38°

اختي التلقيحات كامل دير الحمى ما عدى تاع 18 شهر ماديرش اما الباقي كامل يديرو وليدك قبل ما تديه ديريلو شمعة تاع السخانة وعسيه 24ساعة فقط واستعمليلو الكمادات