السلام عليكن اخواتي حبيت نقدملكم دجاج بطريقة سهلة ويجي لذيذ ومقرمش راح تحبوه خاصة الاولاد بالتتبيلة السحرية والغلاف اللي يخليه مقرمش ولذيذ
دجاج حسب الحاجة مغسول تزيدلو التتبيلة اللي عودتكم عليها واللي هي
في ميكسور حطي حبة متوسطة بصلة مقطعة+4سنات ثوم+ملعقة كبيرة هريسة+ملح +ملعقة صغيرة فلفل اسود+ملعقة صغيرة كمون+2ملاعق خل+شوية بابريكا وشوية كسبر مرحي+ 2ملاعق كبار زيت خلطي الكل شوية فقط
في صحن حطي قطع الدجاج ومعاها التتبيلة وزيدي الملح حسب الحاجة خلطي الكل بيدك حتى يتغلف الدجاج مليح بالتتبيلة وخلي الكل يرتاح في الثلاجة من الاحسن ليلة كاملة او اقل شيء ساعتين ثم حطيه في مول حطيه في مول
![الجيريا](https://sphotos-c.ak.fbcdn.net/hphotos-ak-ash4/482324_438937992847158_1768940968_n.jpg)
ودخليه للفرن على 200درجة حتى يطيب الدجاج ماشي شرط يتحمر
![الجيريا](https://sphotos-c.ak.fbcdn.net/hphotos-ak-ash3/66844_438937269513897_584666056_n.jpg)
نحيه من الصوص وخليه يقطر
![الجيريا](https://sphotos-e.ak.fbcdn.net/hphotos-ak-ash4/482765_438937332847224_1050078791_n.jpg)
من بعد اغطسيه في حبة بيض مضربة مع شوية ملح
ومباشرة مرغديه في خبز مرحي او شابلير مرحي شوية خشين
![الجيريا](https://sphotos-d.ak.fbcdn.net/hphotos-ak-prn1/164964_438937442847213_161534007_n.jpg)
وحطيهم في بلاطو نتاع الفرن من غير ماتدهنيه ودخليهم فرن ساخن حتى يتحمرو من فوق وتحت راح ياخدو تقريبا 5 د لان الدجاج طايب
![الجيريا](https://sphotos-g.ak.fbcdn.net/hphotos-ak-prn1/65744_438937509513873_1522517556_n.jpg)
والصوص اللي بقاتلك زيديلها مغرف صغيرة فرينة محلولة في زوج ملاعق ماء ورديها للفرن حتى تاخذ الغلوة فقط وتخثار
![الجيريا](https://sphotos-a.ak.fbcdn.net/hphotos-ak-ash3/563749_438937496180541_1158340442_n.jpg)
قدميهم مع سلاطو وفريت ولا كيما انا قدمتهم مع بطاطا مرحية
![الجيريا](https://sphotos-e.ak.fbcdn.net/hphotos-ak-prn1/544409_438937542847203_1365209686_n.jpg)
![الجيريا](https://sphotos-d.ak.fbcdn.net/hphotos-ak-ash3/521628_438937862847171_469084370_n.jpg)
![الجيريا](https://sphotos-f.ak.fbcdn.net/hphotos-ak-prn1/150742_438937776180513_2046256222_n.jpg)
![الجيريا](https://sphotos-b.ak.fbcdn.net/hphotos-ak-prn1/543131_438938129513811_1460354722_n.jpg)
وهاذي صورة جماعية لصحون اولاد اخواتي
![الجيريا](https://sphotos-e.ak.fbcdn.net/hphotos-ak-prn1/536693_438938106180480_722348835_n.jpg)
نتمنى ينال اعجابكم
مممممممممممم تسلم الايادي عزيزتي روعة ما شاء الله ربي ما يحرمناش من طلتك البهية
اقتباس:
المشاركة الأصلية كتبت بواسطة faizarbh
مممممممممممم تسلم الايادي عزيزتي روعة ما شاء الله ربي ما يحرمناش من طلتك البهية
|
الله يسلمك حبيبتي انا راني نبذل كل مجهودي في اني نبقى معاكم لكن الله غالب العمل خدالي كل وقتي
اقتباس:
المشاركة الأصلية كتبت بواسطة ninafret
الله يسلمك حبيبتي انا راني نبذل كل مجهودي في اني نبقى معاكم لكن الله غالب العمل خدالي كل وقتي
|
ما عليش عزيزتي المهم ما تغيبيش علينا و تخلينا نتوحشو وصفاتك والله تعلمت منك حقيقة
اممممم يشهي بارك الله فيك في انتظار جديدك موفقة
ممممممممممممممممم حنونتي جاك تحفة اكيد لحبيبة نجربوا باين بنين شكرا حنونتي على الموضوع الرائع
اقتباس:
المشاركة الأصلية كتبت بواسطة faizarbh
ما عليش عزيزتي المهم ما تغيبيش علينا و تخلينا نتوحشو وصفاتك والله تعلمت منك حقيقة
|
بلا مزية حبيبتي رانا اخوات واي وصفة عجباتك راني في الخدمة
يعطيك الصحة طريقة رائعة عجبتني بزاف سيغتو ما فيهاش زيت بزاف لكن عندي سؤال حاج ما فهمتهاش هي شوية بابريكا ماهي
اقتباس:
المشاركة الأصلية كتبت بواسطة hanane220
يعطيك الصحة طريقة رائعة عجبتني بزاف سيغتو ما فيهاش زيت بزاف لكن عندي سؤال حاج ما فهمتهاش هي شوية بابريكا ماهي
|
العفو حبيبتي والبابريكا هي الفلفل المرحي الحلو هو تابل كيما الكسبر والكروية والفلفل لكحل
تسلـــــــــــــــــــم الإيدين
اقتباس:
المشاركة الأصلية كتبت بواسطة ninafret
العفو حبيبتي والبابريكا هي الفلفل المرحي الحلو هو تابل كيما الكسبر والكروية والفلفل لكحل
|
ااااه شكرا عرفته شكرااااااااااااااااااااااااااااااااا حبيبة و الله يبارك على الوصفة
شكرا لكن حبيباتي على المرور وعلى الردود
اختي حنان الحمد لله انك عرفتيه تقبلي تحياتي
شكرا باين عليه يشهي و وصفاتك كامل يشهو و بنان راني مجربتهم و هاذي غدا بحول الله نجربها لأنها فعلا رائعة
عودة ميمونة أختي نينا رانا توحشناك بزاف بزاف ربي يحفظك لينا ,راني درت خبز الدار والبيتزا الايطالية وجاو روعة بكري كانت عندي عقدة العجن ومعاك انتي راحت هههههه ,عمبالك راكي تجي في بالي دايما بصح أكثر شيء نهار الجمعة وراني ندعيلك من كل قلبي باين عليك قلبك كبير وابيض وتمدي من قلبك .ربي يحفظك من كل شر ويعطيك ماتتمناي.