السلام عليكم اخواتي الكريمات
انا عندي مشكلة مع البلاط او الكارلاج في بيتي من النوع القديم لونه رمادي يعني مش ضاوي وعجزت معاه ……
اتمنى لعندها افكار لتنظيف البلاط وجعله يبرق تفيدنا
شكرا
استعملي المنظفات اللي في السوق مثل سيف والعملاق ممكن يفيدوك اما عن المازوت ماعنديش فكرة اختي ربي يعينك
اقتباس:
المشاركة الأصلية كتبت بواسطة ام ايمان1
استعملي المنظفات اللي في السوق مثل سيف والعملاق ممكن يفيدوك اما عن المازوت ماعنديش فكرة اختي ربي يعينك
|
شكرا اختي الكريمة عملاق جربته ..ولكن سيف ممكن صورته ؟
الاكان هدا هو الون تاعو الاصلي ميفيد فيه والو يبقى هكا
السلام عليك
إذا كان بلاط البيت قديم بزاف فلا أعتقد أن الحلول ستنجح معاه لأن الطبقة الفوقية تآكلت مع الزمن أما إن كان مش قديم بزاف .يعني عندوا عشر سنين أو أقل.
فأنا عادة أنظف بالطريقة التالية مسحوق غسيل الأواني مع جافيل براف و في الماء و نرميه على الأرضية و نخليه مدة معينة و من بعد نظف عادي ثم نشطف بالماء صافي يرجع يبرق و كأنه جديد
اقتباس:
المشاركة الأصلية كتبت بواسطة بنت لبحر
الاكان هدا هو الون تاعو الاصلي ميفيد فيه والو يبقى هكا
|
نعم اختي لونه الاصلي رمادي ومنقط .. اتنمى اني نلقى الحل .
اقتباس:
المشاركة الأصلية كتبت بواسطة إكليل
السلام عليك
إذا كان بلاط البيت قديم بزاف فلا أعتقد أن الحلول ستنجح معاه لأن الطبقة الفوقية تآكلت مع الزمن أما إن كان مش قديم بزاف .يعني عندوا عشر سنين أو أقل.
فأنا عادة أنظف بالطريقة التالية مسحوق غسيل الأواني مع جافيل براف و في الماء و نرميه على الأرضية و نخليه مدة معينة و من بعد نظف عادي ثم نشطف بالماء صافي يرجع يبرق و كأنه جديد
|
شكرا لك اختي وانا كذلك نستعمل في هذي الطريقة لكن دون فائدة
ربي يسهل و إن شاء الله تلقي حل
جربي جافيل سيدهم النتيجة تاعه رائعة
اقتباس:
المشاركة الأصلية كتبت بواسطة ايمان2017
جربي جافيل سيدهم النتيجة تاعه رائعة
|
ان شاءالله نجربه .. شكرا اختي الكريمة على النصيحة .. وجراكي الله كل خير
جل العملااااااق روووووووعة وسحري
قولي للزوج ديالك يكري الة مسح البلاط رها ترجعوا روعة وليس ويبرق يكروها من عند الي يخدموا الفايونس
5ti jarbi la levure chimique avec l’eau et javel sobihem w 5alihom qlq minute w hoki bien nchalah tjib natija