السلام عليكم ورحمة الله وبركاته
مارايكم بالة غسيل الاواني هل هي عملية ام لا
لاني رايت الكثير بعد شرائها قاموا ببيعها مرة ثانية
قرات عنها في منتديات غير جزائرية وشكروا فيها بزاف خاصة في العرضات
نخاف نشريها ونندم ومنعودش نستعملها
وانتوما يال الفحلات قولولي تجاربكم او تجارب ناس تعرفوهم شراوها 
غير عملية لانك لازم تشلي الاواني بالماءقبل وضعها فيها
لماذا العناء نكمل نغسلهم و خلاص
walah ma3labali mais hia mliha li 3aychine f 3ila kbira w kol youm lema3an bzef 3andhom c pr ca t3awenhom mais li rir 3ila srira makan lah yedik wech rahom ydiro
اقتباس:
المشاركة الأصلية كتبت بواسطة مسلمة انا  السلام عليكم ورحمة الله وبركاته
مارايكم بالة غسيل الاواني هل هي عملية ام لا
لاني رايت الكثير بعد شرائها قاموا ببيعها مرة ثانية
قرات عنها في منتديات غير جزائرية وشكروا فيها بزاف خاصة في العرضات
نخاف نشريها ونندم ومنعودش نستعملها
وانتوما يال الفحلات قولولي تجاربكم او تجارب ناس تعرفوهم شراوها |
سلام اختي
الة غسيل الاواني جد عملية ممكن اللي قالولك بلي ماراهيش عملية ما عرفوش يستعملوها
انا كما تزوجت لقيتها في داري ما عرفتش قيمتها نخليها و نغسل لماعن بيدي كما والفت ونهار بديت نستعملها وعرفت كيفاش نخدم بيها صدقيني ما نقدرش نستغنا عليها درك ضرورية في حياتي
بالنسبة للاواني تاع تشليهم بالماء لازمة لاشتا تغسليهم بيدك مش رايحة تحطيهم ببقايا الطعام فالصابون تاعك هكا مع الالة نفس المبدا تشليهم خفافي ولا باسفنجة مبللة ليه ليه
المهم انا كيفاش ندير اي حاجة تكون موسخة نشللها و نحطها فالماشينة من لفطور و لغدا وزيد تاع لعشا هداك هوا تتعمر علا خاطر تهز بزاف ماعن وكي نكمل كلشي فالليل نشعلها و نروح نرقد وهي تخدم وحدها وكي تنوضي الصباح تلقاي لماعن تاعك يبرقو وزيد مايبانوش مخبيين ماشي كي تغسلي بيدك تستنايهم ينشفو ومن بعد تحطيهم في بلاستهم يشدولك البلاسة في المطبخ
و نصيحة كما القدرات و المقالي كي تكملي منها يعني تكون سحونة باسفنجة ليه ليه تنظفيها بالماء و تحظيها عادي انا نغسل كلسي فيها ما عندي والو تاع الومنيوم كلشي اينوكس ولا تيفال و ادا حبيتي كل اسبوع تفوتي بالاجاكس عل القدرات تاعك هكدا تضمني نظافتهم من برا خاصة
ملاحظة
الماشينة هده تستهلك شويا الما ء بالنسبة للصابون اقتصادية كي تعرفي تتصرفي يعني انا نغسل مرة في اليوم وادا كانو عندي لماعن بزاف مثلا طيبت بزاف ولا عندي عرضة نغسل مرتين ولا ثلاثة بصح في اليام العادية مرة في الليل تكفي ز
نتمنى نكون افدتك من خلال تجربتي
و تاني ننصحك تشري حاجة مليحة يعني ماركة باه ما تفسدلكش و هكا ما تخسريش دراهمك.
و بصحتك مسبقا.
أغسلي الأواني باليد أفضل فتلك الآلة ليست جيدة و تعلم التفنيين
اقتباس:
المشاركة الأصلية كتبت بواسطة سامي العالم أغسلي الأواني باليد أفضل فتلك الآلة ليست جيدة و تعلم التفنيين
|
[QUOTE=سامي العالم;11930994]السلام عليكم
هاته صور رائعة لأحدث الروبوتات أرجو أن أتنال إعجابكم
ثاني هادو الروبوتات يعلمو تفنيين 
نصحتك الاخت سارة وهي مجربة الالة. اما انا فاعندي جارتي تاركتها ديكور فقط تقولي فيها خدمة وتحتاج الما بزاف والله اعلم
انا كانت عندي وحدة ما استعملتهاش خلاص ربما تقلقني مع اني جني وجن الماعن
انا لكان نلقى نشري حتى الماشينة اللي طيب يااختي احنا عقلية تاع دمير وكرفي راهي مليحة اعرفي برك كيفاش تخدميها
عدنا وحدة هي تعاونك مرة لولا مكوناش نعرفوله البرنامج تاعها ودوركا رانا نستعملوها تغسل مليح كي يكون اومو تاعها مليح اشريها ومتندميش و اي استفسار راني هنا
السلام عليكم اختي الكريمة عندي سؤال علا الصابون الي تغسلو بيه تع الماشينة كم سعرو راني حاب نشري وحدى وقالولي صابونها غالي والله حرت وديرو مزية قلولي علا ماركا مليحة الله يحفطكم
لا تستهلك ماء كثير عملية وتعاونك بزاف انا عندى وحدة مساعدتني
السلام عليكم تعيشو قولولي شحال السوما تاعها
قولولي علا سعر الصابون واسمو ربي يحفضكم انتم الي عندكم ل مشين تعيشو هنوني راني كرهت حاجة اسمها الماعن
وجدو ان اغلب اليمنين لايزالون يستخدمون الاواني الفخارية وطرق التقلدية في الطهي ولذلك انصحكم بذلك فمعضمنا يستخدم الاواني الفخارية في التزين فقط ملاحظ اكل الاواني الفخارية اطيب بكثير من الاواني الاخيرى 