السلام عليكم طباخي وطباخات المنتدى
اليوم جبتلكم وصفة فرنسية رائعة ولديدة جربتها اليوم وصورتهالكم المهم
نأخد عدد من حبات البطاطا حسب عدد الأشخاص نحطهم يغليو لمدة 15 دقيقة بقشرتهم يعني مانقشرهمش ما يطيبوش كليا لكن ما يهمش من بعد نخرجهم لما يبردو نقسمهم على زوج بالطول ونبدا نسحب فالبطاطا الي لداخل بواسطة شوكة -فرشيطة- ونخلي شويا على الأطراف باش تبقى القشرة متماسكة نحط البطاطا في صحن كبير نزيدلها ملح فلفل أسود معدنوس مقطع رقيق و جبنة البقرة الضاحكة حسب الرغبة و نزيد كدلك تونة – نعاود نعمر هاد الخليط في القشرة اللي نحيت منها البطاطا ونحط عليها جبن شيدار مبشور ونحطها في الفرن نشعل الفرن من الأسفل فقط لمدة 10 دقائق تم نشعل عليها الفرن من الأعلى ونطفيه من الأسفل باش يتحمر الجبن المبشور ونقدمها دافئة وشهية طيبة نتمنى تسيوها وتعجبكم وهادي الصورة اللي درتهم أنا اليوم وزينتها بشوية فلفل عكري للزينة فقط
شكرا حبيببتي رائعة
خرجت مليحة,نشتي البطاطا
يعطيك الصحة
امممممممم يعطيك الصحة
تسلمي عزيزتي رأيت هذه الوصفة في قناة فتافيت.
بارك الله فيك نجربوها ان شاء الله
شكرا على المرور العطر والتعليقات المشجعة للجميع شكرا
يعطيك الصحة
تبدو لديدة ساجربها شكرا اختى
يعطيك الصحة مشكورة على المجهود اختي العزيزة التنويع في الأكل امر لازم سلامي
