السلام عليكم ورحمة الله وبركاته
المقادير
1كغ فرينة
320غ الى 330غ ماء حساب الفرينة ادا تشرب ولا لالا
400غ عجينة تخمير
30غ بودرة الحليب
20غ ملح
30غ خميرة الخبز
200غ سكر عادي
2حبات بيض
300غ زبدة
5غ محسن
3مغارف قهوة زاست القارص
2مغارف قهوة زاست البرتقال
2مغارف قهوة فانيليا
نخلط جميع المكونات في البيترا ما عدا الزبدة عند الاختلاط نديرو الزبدة مقطعة شوية شوية ثم نعجنها جيدا فيتاس ماكسيموم لغاية انفصال العجينة عن جدران البيترا وتكون ملساء
نخلوها تخمر من 20 الى 30دقيقة
نشكل كرات تع 120غ و نحطهم في الثلاجة مدة 15 دقيقة
يمكن ان نقوم بعدة اشكال منبعد نديرو لادورور بيضة + قرصة ملح متلا كما هدا
ولا هكدا
ولا نتبع هاد الخطوات نديرو هكا
منبعد نقلبو هكا
وندخلو في هادوك التقابي الاطراف ونتحصلو على هدا الشكل
ولا نديرو هدا الشكل مثلا
بالنسبة للطفيرة ندو كرات تع 100غ
ونقدرو نديرو طفيرة تع 4 هكا
وهايليك كي نكملوها الاطراف نديروهم من تحت
الطفيرة نقدر نطيبها في السنيوة ولا المول ونزينها بالسكر كما في الصورة
ونقدرو نديروهم صغاركرات تع 60غ في مول ونديرو شكولا فيهم ناخدو العجينة نحو منها شوية ونديرو ثقب في الوسط
نديرو شوية شكولا
منبعد نديرو كرة صغيرة بالعجينة لي نحيناها ونغطيو بيها الشكولا
ونقدرو نديرو هدا الشكل متلا
وكاين بزافاشكال وهدا يرجع للخيال ديالنا المهم كي نكملو نخلوهم يخمرو ساعة هكاك منبعد نطيبوهم في فرن ساخن 220 درجة كي يطيبو نديرو من فوق لاجولي ونزينو باللوز ايفيلي وسكر قلاص والديكور تاني كل واحد الدوق نتاعو
وهاهم كي يطيبو لاجولي ندفوها شوية راهي تبان في الكسرونة هههه
نقدرو نديرو شوية شكولا من فوق
ولا لوز وشكولا حساب كل واحد واش عندو في الدار
وهدا لي درناه في المول
وفي الاخير نرشوهم بسكرقلاص
هادوك لي درناهم في مول صغير نقدر ندير نصف حبة كرز مصبر من فوق
ديزولي علابالي كترت تصاور وشهية طيبة
الله يعطيك الف عافيك
يبان يشهي
والله غير يشهيو مع نوتيلا و لا كونفتير
بارك الله فيك
الله يعطيك الصحة يبان هاااااااااااايل
ما شاء الله
مشاء الله شحال يعجبوني مواضعك
ابدعتي
الله يعطيك الصحة
hayal ya3tik asaha 
هايل يعطيك الصحة..
عندي سؤال..ماهي عجينة التخمير؟
bla mziya khiyati
okht wissem173 kount hdert deja 3la 3jina te3 tekhmiiir tel9ayha hna
اممممممممممممممممممممممممممممممممممم
رووووووووووووووووووووعة
