السلام عليكم
هادي وصفة لمعجون الفراولة لكن مقاديرها تختلف على المعجون العادي ….انا نبغي بزاف نحطو في حلوة السابلي و حتى في وسط لي جينواز ولي بينيي ….الخ … و نحضر كميات كبيرة منو في وقتو و نخبيها في المجمد
( الله يرحم لي ختارعو )
ومادامت الحلوى او الحلويات باشكالها وانواعها تحتوي على كميات من السكر …. بانتلي بلي ندير في 1 كلغ فراولة 500 غ سكر فقط + 1 م ك عصير الليمون .
اول حاجة تبداي بيها تغسلي الفرولة على الاقل 3 مرات وتنحيلها الشابو نتاعها
و تقطعيها في الروبو كيما تقطعي الفلفل نتاع الحميس اي بحجم حبة التريدة exactement .
و ديريها في حاجة تقيلة كيما لا كوكوت و تضيفيلها السكر و الليمون على حساب المقدار نتاع الفرولة لعندك
انا هنا حطيت 3 كلغ و 500غ فراولة + 1 كلغ سكر و750غ و عصير 2 حبات ليمون ….
وخليتهم يطيبو يطيبو يطيبو يطيبو حوالي 2 سا على نار هادية جدا جدا ….و مرة على مرة نحي هاديك الرغاوي لي من فوق …..المهم جاب بيا 1 نتاع الصباح …..اغتنمت الفرصة وبوستيت وصفة الازانيا….
المهم قبل كامل ما تحطي المعجون يطيب ….ديري في المجمد صحن نتاع زجاج و خليه … هادا باش تعرفي الوقت لي تبغي طفي على معجونك لاكان طاب او مازال ….
ادا كان وجد رايحا تفرغي 1/2 م ص من حاشية الصحن وتميليه بشكل عمودي … ادا شفتي الكمية راحت تهرول … راهو المعجون نتاعك مازال
وادا شفتيه يمشي بالريبيتيسيو … هنا طفي عليه راهو ثقيل ووجد….
خليه يبرد هاديك اليلة كاملة و بلا ما تغطيه …. حتى طيابو ماتغطيهش نسيت باش نقوللكم في اول الوصفة
الغد من داك عمريه بواسطة محقن في قارورات صغار نتاع ماء معدني لي تكوني نشفتيهم من قبل و اغلقي و حطي في المجمد …
كل مرة رايحة تسحقي هاد المعجون هبطي قارورة واحدة فقط وما ترجعيهاش الفوق …. ابدا ابدا ….ريحا تستهلكيها
و هي في الثلاجة و ماتخافيش ماراح يصرالها والو ….
هادي طريقتي في حفظ المعجون …. مجربة واكيدة …..
انشاء الله تستفادو من الوصفة …. خاصة في حلوياتكم
سلامي الحار …..
يعطيك الصحة حنونة
[QUOTE=Maria dadi;1056709018]يعطيك الصحة حنونة[/QU
شكرا حبيبتي
ورمضان كريم
يعطيك الصحة على الفكرة نتاع التجميد أنا نخدم معجون نتاع الفرولة بصح ماعلابليش بلي نقدرو نجمدوه شكرا شكرا حبيبتي فاطمة الزهراء
يعطيك الصحة على الفكرة نتاع التجميد أنا نخدم معجون نتاع الفرولة بصح ماعلابليش بلي نقدرو نجمدوه شكرا شكرا حبيبتي فاطمة الزهراء
|
الحمد لله لي فدت في الوصفة بحاجة au moins
كونجلي و ما تخافيش على ضمانتي
راني نخدم بيه عام كامل
راكي شفتي العولة لي درتها
سلام ورمضان كريم انشاء الله
كتر خير ربي
انا راني نحط كامل واش عندي من وصفات ناجحة وخاصة مجربة
الله يحفظك ويخليك
رمضان كريم
يعطيك الصحة
نفس طريقتي ومربى الفراز عندي على العام بصح نصفيه باه مايبقاوش الحبيبات.
بااااااارك الله فيك
الله يبارك يهبل
نفس طريقتي ومربى الفراز عندي على العام بصح نصفيه باه مايبقاوش الحبيبات.
بااااااارك الله فيك |
علاه تصفيه
هاوك الحبيبات هوما شباهو …. كي يتغزغزو في الفم …. مانحكيلكش ….. :d:d:d:d
علاه تصفيه
هاوك الحبيبات هوما شباهو …. كي يتغزغزو في الفم …. مانحكيلكش ….. :d:d:d:d |
اولادي ما يحبوش الحبيبات يحبوه صافي .