السلام عليكم ، شوف خويا في cnepd كاين وحد لعفسة تاع الرخصة الدولية لقيادة الحاسوب تقرها أونلاين يعطولي شهادة دولية .
زعما مليحة ؟ أو واش من فرق بينها وبين تخصصات الاعلام الالي الحضورية ؟ وشكرا لك
شهادة icdl ليست شهادة مخصصة من معتمدة من طرف وزارة التكوين المهني بل هي شهادة عالمية تبين أن حاملها مستخدم حاسوب بشكل إحترافي خصوصا في المكتبية وهي تعتمد على برمجيات الوورد والاكسال
و الشهادات العالمية توجد كثيرة جدا ولها شركاتها المتخصصة ، كما أن المقبل عليها يجب أن يكون يمتلك خيرة في المجال
التخصصات الحضورية تابعة لوزارة التكوين الجزائرية
سيكون شرح لهذه الشهادات في في القريب
شكرا لك الاخ الكريم ،، لكن هل معنى في cv يعني هل تبين ان لدي مستوى ؟ في الوظيف العمومي او الخاص؟
أكيد أخي الكريم لكن أريد أن أنبهك أنها ليست هينة يعني في إمتحانها
الشهادات الدولية هاته في الاغلب تسلم من شركات أمريكية يعنى أن الأمتحان تجريه عبر الأنترنت وتحسب حسب النمط الامريكي يعني عدد الاسئلة بعدد الاجوبة واذا خسرت تخلص وتعاود الامتحان
اوك يعطيك الصحة يتسمى نتكل على ربي ونديرها .. في رأيك ؟
ممكن تعطينى ما لديك من شهادات حتى أعرف أوجهك أو ما درست
أوك ، هاد العام تخرجت من الجامعة عندي ليسانس في العلوم القانونية والادارية …. عندي باكالوريا علمي .
حد الساعة هذا واش عندي .
نصيحة أخ لأخيه سجل تخصص تقني سامي توثيق وأرشيف والله التوظيف فيها بالهبل وأظن أنك رأيت كم يبحثون عن هذا التخصص في موقع الوظيف العمومي سجله بالتمهين أو إن كان إمكانية الاقامي حسب مكان اقامتك يا خويا ليسانس ما كانش خدمة و هادو نتاع lmd ما يعرفو والو التكوين المهني راه يخرج اليد العاملة نتاع الصح
تقني سامي توثيق ؟ أنا نسكن في عين النعجة خويا ؟ وين نديرها ؟
انا مدابيا عن بعد ولا كاينة ؟
هههههههههه وأنا نسكن في باش جراح هههههههههههههههههههه
دروس مسائية ربما كاينة عن بعد الله أعلم ماكاش
شوف المعهد نتاع الصنوبر البحري
انا عندي ليسانس كلاسيك ، بصح ماعندب ماندر بيها .. مكاين خدمة ماوالو … كل عام الجامعة راهي تخرج ليسونسي بالبزاف .. تي ماجيني حنا في الدفعة تعنا برك هادي بلا ال م دي رانا 600 واحد … كيفاه نخدمو ؟ التكوين خير شوية برك ألي يقروا يعني تصحلك تصحلك بلاصا تاع خدمة
اوك يعطيك الصحة خو ،، الله يوفقك ان شاء الله .
بلا مزية خو
