التصنيف: مشكلتي

السلام عليكم ورحمة الله
مشكلتي يا اخوتي في القسم المكان انا هذا العام رابعة متوسط طحت في قسم مختلف تماما على العام ليفات نعرف فيه غير زوج بنات برك …المهم انا في بداية العام هدرت مع وحدة مانعرفهاش مليح قتلها اذا تجي تقعدي معايا قاتلي ايه وقعدنا ولكن مع الوقت جات صحبتها اللي تحبها بزااف قاتلها ارواحي تقعدي معايا نورمال راحت وخلاتني …مادرتش عليها وقعدت وحدي ….منبعد جات الشيخة المسؤولة وبدلتي البلاصة حطتني مع طفل في بلاصة كامل عيانة قدامي طفل قبلي دراري ومورايا دراري …جامي شفتها في حياتي ….انا تجينيت من هاذاك الطفل اللي قاعد قدامي وواحد مورايا يهدرو غير العيب ويسبو ..هدرت مع الاستاذة تاع الرياضيات مالقاتش كيفاه قعدتني البلاصة الاولى برك باش ما نكونش غير في وسط دراري وبدلتي البلاصة مع هاذا الطفل علاخاطر ما حملتوش …وزادت قعدتني مع واحداخر بصح عاقل عليه ….وباقي المواد راني نقعد مع الطفل الاول وهو دائما يتصرني ويقولي علاه ما تهدريش والله خطرا اداربت معاه وقالي عندك عقلية تاع دراري اهدري شوية وقصري لا حول ولا قوة الا بالله ….عندو ختو استاذة التربية التشكيلية تقرينا رحت احكيتلها قاتلي خويا عاقل برك يحب يقصر ودوك نزيد نحكمو …..ما فاتوش ليام مليح زدت خطرا تصرني اكثر يغني عليا ويقولي كلام عيان قتلو اعرف واش راك تقول قالي كي زعما محتجبة ما نهدروش معاك ولا كيفاه …انا هاذي تاثرت بيها والله حتى وليت نبكي
انا ما سكتش جبت بابا وحكيتلو كلش جا هدر مع السورفايونت والاستاذة المسؤولة قاتلي خلاص دوك نشوفلك حل
بصح قاتلي سيي حوسيلي شكون تبدل معاك بلاصة وانا ما ظنيتش يقبلو يروحو يقعدو مع هذاك الطفل كامل
ما فهمتنيش الشيخة قتلها كاينة وحدا راهي حابة تقعد معايا هي فهمتها راهي حابة تقعد معاه قاتلي خلاص دوك نشوفو ….دوك انا كيفاش نقنع الطفلة باش تقعد معاه علابالي ما تحبش علاخاطر قاتلي نورمال نقعد معاك انت

و الله ملقيت وش نقولك اسـفهـ

سمطيييييييييييييييه احسن حل للدكورا الي زيوووو

يعجز اللسان عن الكلام

قوليلهم يخلوك في الطابلة الاولى في الصف وحدك هك تقدري تبعي مليح وما يكونوش حذاك الذراري

اول مرة نسمع بلى فى المتوسطة هوما يعينولكم امكان الجلوس حاجة غريبة المهم انا راى اختى من راى الاخوة اجلسي وحدك فى الوراء وهاك تنحل المشكلة

ربي يعينك يختاه انتي درتي اهمية للموضوع كثر منو
روحي اقعدي في الطابلة لولة مام وحدك وكي يجي يقولك بلاصتي ديريلو حالة وقوليو واش بلاصتك هاذا مكتوبة باسمك

كي تصيبي ماديري جيبي طاولة من قسم اخر واقعدي في الاخير ربي يوفقك

شوف اخي نعطلك وحد البلاص هايلا
………….
او
جيب طابلا او ريح كيما صبور وحد ماقلقك

…………

السلام عليكم
انصحك بتفادي هؤلاء التافهين صح يحبو يحكيو و و و وبصح مكان من دعوتهم والو
شوفي بلاصة تقدري تشوفي منها الصبورة مليح وتسمعي وش يقول الاستاذ حتى لوكان الاخيرة وفكيك منهم ، متخزريش فيهم اصلا و مع الوقت يعرفو قيمتك يوليو يشوفوك يحشمو

ربي يوفقك ويثبتك على طاعتو ويحميك من كل هؤلاء

السلام عليكم

يا اختي راكي في وضع معقد شويــــــــــــة

تحياتي

ابلغي المراقب العام او الاستاذ الرئيسي للقسم

او احضري طاولة من القسم المجاور في وقت الساحة و خليهم يعوموا بحرهم او تحولي من هدا القسم

المشكلة تضحك وفكرتني في يامات الصغر كي كنا نتضاربو على البلايص ومازال يقعدوكم مع الدراري حنا كنا كي نقباحو يقعدونا مع الدراري

ياختي وش بيك لوكان جيت نخدم في المتوسطة ديالكم ولله غير إلى خرجتهم في الجريدة الخبر اليومي
أنا كنت نفضل نجمع مع الولد أكثر من البنات من أولى إبتدائي إلى المتوسطة لاخطرتش كنت كلمة زوج نععطيه صفقة لوجه
مع البنت تروخ تخبر باباها ولولد يحشم يخبر حد ……عليها كنت عايشة وكلمتي هي الولة يعني زوج ولاد قدامي يهدرو ولا ورايا
نتلفتلهم ونقلهم بحرف واحد بلعو علينا ولله وبربي غير يسكتو وإلى ما سكتش نقولو صح من بعد نتفاهمو هههههههههههههههه
ورئي معاك الحل الوحيد بدلي ثم بدلي ثم بدلي لكلاسا وربي معاك

انا على موعد من الزواج ولا اعرف اي شيء عن ليلة الاولى

المهم ذكر أو أنثى لا يهم …………….

مثل هذه الأمور يسأل فيها أقرب المقربين ………..من الأصدقاء ……………

أوبصراحة الأنترنيت تحوي الكثير عن مثل هذه الأمور

ومنها حتى مواقع إسلامية …………..

أطلع فقط

هي غريزة مفطورون عليها

إذا كنتَ أو كنت ِ تبحثين على الخوض – في مكان عام – في الحديث عن أمور تخدش الحياء وتبث الفاحشة بين المسلمين، ولا يتسنى إلا لأولي العلم الحديث فيها بأسلوب القرآن الكريم الذي يصف ويستر، ويستحضر فيخفي، فإني أقول لك إن لم تخف من الله بعد فسيأتيك يوم تتعلم فيه الخوف والحسرة والندم كلها تتزاحم لتملأ قلبك الفارغ

اقتباس:

المشاركة الأصلية كتبت بواسطة مشكلتي انا على موعد من الزواج ولا اعرف اي شيء عن ليلة الاولى

ولا أحد سوف يجيبك لأن الغيب عند مولاه

جابلي ربي النت مليانة بكتب تساعدك
واسلامية
واقرب الاقربين يعرف ويوريلك نورمال
وهاذي مش بلاصة سؤالك
وانت ادرى بلي واحد لراح يجاويك

صلاة ركعتين
……….

ان كنت[ رجلا] اذهب لشيخ

فسؤالك ليس محله هنا الله يهدينا واياك

اخوتي لا حياء في الدين فالاخ يطرح مشكلة سيمر بها كل منا بارك الله في الاخ فارس الجزائري

اقتباس:

المشاركة الأصلية كتبت بواسطة فارس الجزائري السلام عليكم خيرا إن شاء الله لست أدري لماذا ذهب تفكير الأعضاء مباشرة إلى العملية الجنسية وكأن ليلة الزواج ليس فيها إلا ذاك صاحب المشكلة أكيد هو يعيش الآن في توتر نفسي وقلق من جراء ما يسمعه من الآخرين في الموضوع والذي غالبه يكون فيه تهويل وتضخيم للموضوع رغم بساطته لذلك نقول له أولا مبارك عليك وجمع الله بينكما في خير ورزقك الذرية الصالحة ثانيا نقول لا تقلق فهذه الليلة هي ليلة عادية رغم أنها ليلة العمر إلا أنها ليلة يفترض فيها أن تكون سعيدا مبتهجا لإتمام نصف دينك ولنيل رضى الله بذلك لذا تصرف فيها بكل هدوء وكن على طبيعتك والأكيد في هذه الليلة عندما تدخل على زوجتك وبعد أن تسلم عليها تأخذ بناصيتها وتقول: ( اللهم إني أسألك من خيرها ومن خير ما جبلتها عليه، وأعذو بك من شرها، ومن شر ما جلتها عليه)) والصلاة ركعتين مع بعض وعند الجماع تقول: ( بسم الله، اللهم جنبني الشيطان وجنب الشيطان ما رزقتنا) غير ذلك ففعل كل ما يجعل من هاته الليلة أكثر رومنسية مما يجعلها خالدة في ذاكرتك أما فيما يخص العلاقة الخاصة في هاته الليلة فننصحك أن لا تسمع لأي شخص ودع الأمور تأتي كيفما جاءت فلا تقلق وأعلم أن الزواج رباط مقدس فأعمل على أن تعطي حق قدسيته فعلا وليس قولا فقط وأن تجعل من العقبات التي تواجه حياتك الزوجية دافعا للمزيد من الترابط والاندماج والانصهار في الآخر مرة أخرى نقول: بارك الله لك، وبارك عليك، وجمع بينكما في الخير نرجوا من الأعضاء أن يقدموا النصيحة لأخيهم أو أختهم إنطلاقا من ذلك لا أكثر ولا أقل بالتوفيق إن شاء الله

والله عندك حق والله حرام تقراو فيه النقص واجباتكم تدل على انو تفكيركم نحدود الزواج ماشي جنس وفرات يا اخي و الا اختي والله ما عندي خبرة في هدا الموضوع والا كنت نقيدك بصر رحب ربي يسهالك و يهنيك

كتاب تحفة العروس رووووووووووووووووعة والله الموفق

لست أدري لماذا ذهب تفكير الأعضاء مباشرة إلى العملية الجنسية وكأن ليلة الزواج ليس فيها إلا ذاك
صاحب المشكلة أكيد هو يعيش الآن في توتر نفسي وقلق من جراء ما يسمعه من الآخرين في الموضوع والذي غالبه يكون فيه تهويل وتضخيم للموضوع رغم بساطته
بارك الله فيك اخي اتفق معك كلامك صواب للاسف هناك الكثير من المعقدين في المنتدى و اذايسمعون اي كلام عن الزواج و امور الليلة الاولى تاتي في اذهانهم الا العلاقة الجنسية و حتى اذا صحيح فان الجماع هي فطرة و من سنن الحياة فاجنس ليس حرام او عيب في العلاقة الشرعية اي الزواج و في غير ذلك فهذا زنا و هو حرام
واضيف شيء المنتدى عالم افتراضي من السهل على المشارك طرح اسئلة التي يريدها في اطار الاحترام و الاخلاق بدل طرح السؤال على الاقارب…كاين حشمة

الله يهديهم

روحي ارقي
واش هذا زعمة ماشكيتيش في روحك مسحورة ?

ربي معاك

عليك بالرقية الشرعية وبالتوفيق

لالالا يا اختي

أنت عندك فكرة لا شعورية في ذهنك على الزواج تكونت لديك وبقيت في اللأشعور

وهي تؤثر بما تؤثر عليك

المهم نصيحتي ديري رقية شرعية عند راقي يكون جيد ومقتدر وفي نفس الوقت صريح يعني إذا لم يكن بك شيء

يقول ليس بك شيء

وإذا كقال لك ليس بك شيء وذلك الراجح

روحي عند طبيبة نفسية وبجلسة نفسية أو إثنيتين تزيل عند هذا المشكل

لالالا يا اختي

أنت عندك فكرة لا شعورية في ذهنك على الزواج تكونت لديك وبقيت في اللأشعور

وهي تؤثر بما تؤثر عليك

المهم نصيحتي ديري رقية شرعية عند راقي يكون جيد ومقتدر وفي نفس الوقت صريح يعني إذا لم يكن بك شيء

يقول ليس بك شيء

وإذا كقال لك ليس بك شيء وذلك الراجح

روحي عند طبيبة نفسية وبجلسة نفسية أو إثنيتين تزيل عند هذا المشكل

عليك بالرقية الشرعية

لا أدري كيف عرفت أن هذا الشخص رائع ويقدرك ويعاملك كي السلطانة هاذي متزوجة عاشت عشر سنوات مع زوج رائع ما تقولهاش!!
أنت في علاقة محرمة يجب عليك التنبه لذلك أما تلك الأعراض التي ذكرتها فتحدث لكثير من الفتيات بل حتى الشباب
غالبية الأشخاص عندما يكون لديهم إقبال على أمر مهم كامتحان أو مقابلة او جلسة رؤية تحدث معهم تلك الأعراض لكن مشكلتك في استمرارها وربطك لعلاجها برفض الخاطب ماذا لو قبلت بأحد من خطابك السبعة هل كانت ستستمر أسابيع وأشهر؟! لا أظن
لذلك دعي عنك هاته المخاوف وتوبي إلى ربك وهذا الشاب الرائع والمبهر يتقدم لخطبتك رسميا وجربي هذا العلاج استخيري الله واقبلي ورديلنا لخبر ربي ييسر الأمور …

روحي ارقي ونحي الوساوس من راسك واعرضينا للعرس هههههههه

بالنسبة لموضوع الحالة النفسية اللى تصرالك عند كل خطبة هاذى راهي عادية تصرا للجميع لما يكون عند الانسان موعد مهم او حاجة مصيرية لكن ردود الفعل عندك زايدة شوية
انتي فقط حساسة بزاف فوق اللازم وعليها تجيك كامل هذيك الاعراض والحل انو متعطيش الموضوع اكبر من حجمه وتوكلي على الله والنتيجة كيما كانت تقبليها يعني تحتاجي دفعة ايجابية للامام
اما تبقي تحوسي على المبررات والحلول السهلة كقولك عين مثلا هو مجرد مبرر لعدم قدرتك على المواجهة العين حق لكن ماشي امام اول عقبة قدام الانسان نقولو عين
اما بخصوص ذلك الشخص يا اختى لا شئ مضمون في الحياة الضامن ربي رانا كامل عايشين بقدرته مالا ماكالاه تتخيلي هذا الشخص ملك من الملائكة مالا خليه يتقدم وتزوجي ممبعد اقعدي تمدحي في صفاته على راحتك مي في الوقت الحالي معاملته لكي كسلطانة على قولك ليس مقياس وكيما يحب يعاملك يبقى غريب عنك
موفقة

توكلي على ربي و أرقي الرقية الشرعية

احنا الجزائرين كلمة واثنين تقولك راني مسحورة

اختي نقولك روحي لطبيب نفساني واحكيلو احسن

والاولى والاخيرة احكمي في ربي سبحانه هو لي قادر يشفيك

عليك بالرقية الشرعية

عليك بالرقية الشرعية وبالتوفيق

انا اشوفه خوف لا اكثر ولا اقل

لكن خلي هالولد يتقدم لك احسن لمتى وانتي على علاقة غير شرعيه هذا شيء مايرضي رب العالمين

الله يصلحك ويكتب لمك الي فيه الخير

عليكيييي يا اختي بالرقية

لقد تشاجرت مع صدقتي منذ مدة مما ادى الى انفاصلنا
انا لست راضية عن الامر و قررت ان ابادر و اعتذر يوم العيد المبارك
المشكل لا اعرف ماذا اقول ؟؟؟فهذه المواقف جديدة عليا
ساعدوني يرحمكم الله

اديري عليا متخليش حتى للعيد الانسان مراهش عارف منا لساعة واش راح يصير خلاص روحي فاقرب فرصة وصدقيني اذا كانت قريبة منك راح تعانقك وتبكي ههه صراحتا صادف واني تخاصمت مع صحبتي وقتها هي غلطت معايا وانا زعفت وممبعد هي معرفتنيش منواش انا زعفانا ههه ولاني مش قوية كفاية كتبتلها في ورقة وفهمتها كلش من بعدها عيطتلي وعنقتني وقعدنا نبكو ههههههههه راح يبقاو ذكريات

السلام الصح قاع كي تكون العزيمة والقلب صافي ربي يصبرك اختي المهم كوني واثقة من نفسك ولازم تتوقعي اي رد حتى لا تنهاري واظن ان الافضل هو ان تجعلي واسطة بينك وبين صديقتك حتى ترطب الجو توكلي على ربي وهو يوفقك

السلام عليكم
اختي الا صبتي اليوم تروحي ليها روحي ليها
عادي ايتها الاخت روحي ليها كي شغل ماكان والو
وقوليلها الله يهدينا خلينا شيطان يدخل بيناتنا واشرحي لها موقفك من مشكلة وواش كنتس تقصدي مشكلة وان كنت انت محطئة شئ عادي عليك بااعتذار والله انك سوف تكبرين في عينيها
السلام عليكم

روى مسلم في صحيحه عن أبي هريرة رضي الله عنه أن رسول الله صلى الله عليه وسلم قال: تفتح أبواب الجنة يوم الاثنين ويوم الخميس، فيغفر لكل عبدٍ لا يشرك بالله شيئًا إلا رجلاً كانت بينه وبين أخيه شحناء، فيقال: أنظروا هذين حتى يصطلحا، أنظروا هذين حتى يصطلحا، أنظروا هذين حتى يصطلحا.

حديث أبي أيوب الأنصاري -رضي الله عنه-: أن رسول الله صلى الله عليه وسلم قال: «لا يحل لرجل أن يهجر أخاه فوق ثلاث ليال، يلتقيان فيعرض هذا، ويعرض هذا، وخيرهما الذي يبدأ بالسلام»
يا أخت اتبعي قول الرسول وكوني أنت خير و كل شيء سيعود خيرا مما كان إن شاء الله و إن بقيت صديقتك على حالها و لم ترد عليك فتكونين قد برأت نفسك من الذنب

عادي جدا انا من قبل تعاركت مع صحبتي وهي الغالطة ودارتلي مشكل والله عجب تعادينا مدة طويلة كي جا رمضان بادرت انا بالصلح لقيتها حتى هي حابة تحكي معايا وحاشمة وضرك رانا عادي رجعنا كي الاول ربي يهدينا على المعاداة هادي

بادري بالصلح لان هدا شيء طبيعي فانا وصديقاتي نتحاشموا ونوليو نطلبو السماح وكي ماصرا والو

اقتباس:

المشاركة الأصلية كتبت بواسطة مشكلتي لقد تشاجرت مع صدقتي منذ مدة مما ادى الى انفاصلنا انا لست راضية عن الامر و قررت ان ابادر و اعتذر يوم العيد المبارك المشكل لا اعرف ماذا اقول ؟؟؟فهذه المواقف جديدة عليا ساعدوني يرحمكم الله

هههههههه ساهلة ديري النية في الهبال ………..ماتجبديلها على المشكل نهائيا و كأنه لم يكن …………….استغلي عيد الاضحى ابعثي لها رسالة بهذه المناسبة

أعاني كثيرا من مشكلة التسويف أثرت علي و لم أستطع تحقيق ابسط النجاحات في الحياة و المشكلة الأخرى نقص خبرتي في الحياة بعض المواقف في الحياة مرت علي في حياتي لم أتصرف فيها كما ينبغي أشيروا عني شكرا لكم

أوصيك يهذه:
-"لا تأجل عمل اليوم الى الغد…بل عمل هذه الدقيقة الى الدقيقة الاتية"…وهذه ثمرة من ثمرات صلاة الجماعة في المسجد..
-صلاة الاستخارة في كل امور دنياك…
-حدد اهدافك في هذه الحياة الدنيا…ماذا تريد ولماذا انت موجود…
-إليك هذه الادلة الرائعة من القران والسنة…تمعن فيها جيدا فهي تزيد في قوة الايمان لديك…وتذكر ان الدنيا مهما نجحت فيها…فان النجاح نجاح الاخرة…
{وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا}
عَنْ أَنَسِ بْنِ مَالِكٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
"مَنْ كَانَتْ الْآخِرَةُ هَمَّهُ جَعَلَ اللَّهُ غِنَاهُ فِي قَلْبِهِ وَجَمَعَ لَهُ شَمْلَهُ وَأَتَتْهُ الدُّنْيَا وَهِيَ رَاغِمَةٌ وَمَنْ كَانَتْ الدُّنْيَا هَمَّهُ جَعَلَ اللَّهُ فَقْرَهُ بَيْنَ عَيْنَيْهِ وَفَرَّقَ عَلَيْهِ شَمْلَهُ وَلَمْ يَأْتِهِ مِنْ الدُّنْيَا إِلَّا مَا قُدِّرَ لَهُ"

السلام عليكم يا أخي ربي يكون معاك والقرآن خير دواء اليوم تغلط وما تعرفش تتصرف معليش مرة أخرى راح تتصرف مليح نتعلموا من أخطائنا وين المشكل وشكون اللي يعرف يتصرف إحنا بشر والكمال لله ربي يوفقك ويكون معاك.

أعاني كثيرا من مشكلة التسويف

بالتوفيق

التسويف من الشيطان فاستعذ به و لا تركن إليه . أما نقص الخبرة فلا تهول الأمر على نفسك هذا طبيعي جدا .الخبرة لم تلد مع أحد ’المهم في الأمر أن يتعلم الإنسان من أخطائه و المؤمن لا يلدغ من الجحر مرتين.

السلام عليكم اخيلا تقلق ولا تحزن وحاول ان تجتهد في دينك وصلواتك في وقتها وكلنا في نفس المشكلة طبيعي يعني ينقصك الطموح فبطموح يا اخي تنجز امور لم تكن تفكر فيها وحط يا اخي اهدافك ولا تياس وانا متلك تماما ههههههههههههه فهاد الضعفياتي من الشيطان والله اعلم والسلام عليكم

السلام عليكم
انا شابة عمري 26 سنة… منذ 4 سنوات تعرفت على شاب خلوق و محترم درس معي و أحببنا بعضنا البعض كثيرا و بصدق… و كون الظروف المادية لم تسمح له بخطبتي ذلك الوقت انتظرته… و قد اتفقنا الان على ان يتقدم لخطبتي ان شاء الله بعد 4 او 5 اشهر على اقصى تقدير لاسباب مهنية. … احبه حتى النخاع و لا اتصور نفسي مع غيره و هو كذلك…. وقف معي و ساعدني كثيرا… رسمنا حياتنا مع بعض…. اتفقنا ان نبدأ مع بعض على حسب امكانياتنا ككل الشباب… لان ظرروفه المالية بدأت تتحسن تدريجيا فكما تعلمون الحصول على منصب عمل ليس سهلا….و كذلك السكن المستقل.
لكن الان ظهر شاب يعمل معي يريد التقدم لخطبتي هو ايضا محترم و ميسور ماديا لديه سكن خاص و كما يقال موجد روحو…لم يطلب حتى رقم هاتفي فقط يريد موعد للتقدم رسميا… ارسل لي صديقتي و من بعد تكلم معي …قال لي انه منذ التحاقي بالعمل و هو يحبني …. كما يقول انه مستعد لأي شئ اطلبه منه….. و أنه ينتظر فقط اشارة مني .
رجااااءا ما العمل؟؟؟ هل انتظر من أحب رغم ظروفه… أم أتخلى عنه؟؟؟
لا استطيع التخلي عنه…لا أتصور ذلك ….هل أنا مخطئة

السلام عليكم ورحمة الله وبركاته
والله اختي هذا اكبر سبب يخلي انا شخصيا اقف ضد هذه العلاقات مهمى كانت عفيفة وسامية
لانها يكمن انها ما تمش لسبب او لاخر………
اما عن مشكلتكي فانا شخصيا لا ارها مشكلة فما دمت تقو لين انك تحبينه وان اموره بدت تتحس
خصوصا اذا كنت متاكدة انوا يبادلك نفس الشعور فلا تضيعيه من يدك.والله لان المال لا يولد السعادة مع انه الوسلة الوحيدة للوصل الى السعادة
وزيدي صلي صلاه الاستخارة مرة ومرتين واكثر شوفي انت لمن مرتاحة
اانا شخصيا ننصحك بالاول خصوصا انك تحبيه حتى النخاع ههههههه ونتمنى انو يكون يبادلك نفس الشعور
وانت خدامة وهو كذلك وايدك على ايدوا تعاونو بعضاكم وتعيشوا متهنيين
المهم برك ما قادر يعيشك مشي راح يقتلك بالجوع هههههههههههههههههههه هههههههههههههههه
حبيت نتمسخر عليك
ربي يوفق للي فيه الخير والصلاح ويكملك على خير ان شاء الله

لو كنتي تحيبينه حتى النخاع لما قمتي بطرح مثل هذه المواضيع

انا بصفتي رجل اقول لكي شوفي مخروجك الدنيا واعرة ثم استشيري الوالدة وصلي صلاة الاستخارة

استخيري الله …….أولا و برأيي ادا كام الشاب التاني على خلق و دين فلا ترفضيه…فعلاقتك في الاول من داك الشاب الأول باطل و ما بني على باطل فهو باطل…….كما من دا الدي يضمن لك بانه سيخطبك لا تضيعي ما بين يديك و توبي لله توبة نصوحة…….

أظن أن الأخت تريد أن تقول أنها رافضة للشاب الثاني الميسور ماديا بسبب حبها للشاب الاول البسيط ماديا و تريد رأينا بخصوص موقفها.
من رأيي أنكي انتظرتي 4 سنوات و بقي كما تقولين 4 او 5 اشهر بإذن الله فقط و تعطيان علاقتكما الصيغة الرسمية…. لا تضيعي الشاب الذي تحبينه و يحبك من يدكي فالمال ليس كل شئ

مادام تحبيه حتى النخاع فما الفائدة من سؤلنا الا ادا كنت مادية

بصح ننصحك نصيحة راكي رايحة تندمي عليه ادا خليتيه

ما تقوليش ما نندمش سمعت بزاف القصص كيما هكدا و اللي تتخلى عن الاول وتبيعو تندم ما دام متفاهمين يجي يخطبك

اهدري معاه وفهميه الموضوع باه يسرع في الخطبة ان شاء الله يجيب اللي فيه الخير

هذي هي ضريبة العُشقْ !!!

ضعي الشاب الأول أمام الأمر الواقع ويجي يخطبك الآن وفورا
والخطبة لا تكلف شيء خاتم والسلام
إن رفض فأنت أدرى وأنت تتحملين عواقب اختيارك
وفقك الله لكل خير

كما يقال الثقة في الوثيقة.لا يوجد شئ يثبت لكى ان داك الشاب الاول سيطرق بابك بعد 4 او 5 اشهر و بدلك قد تفقدين الاثنين و من دالك فانا اقول لك ما دام الشاب التاني على خلق و دين فالتتزوجو على بركة الله و لا تعتمدي على الحب الدي تتكلمين عنه لان الحب الحقيقي ياتى بعد الزواج.بالتوفيق ان شاء الله

السلام عليكم ورحمة الله وبركاته
انا لم افهم لماذا الفتاة تقبل على نفسها ان تحدث شخصا اجنبي عنها وربما تخرج معه ويتحدثون عن امور الواحدة تخجل ان تتحدث مع صديقتها انت قلتي انكما معا منذ 4 سنوات هذا كثير اختي ربما ماحصل معكي هو تنبيه من الله ان ماتفعلينه لا يرضيه ولهذا يجب ان تصلحي ما بينك وبين الله وان تتوبي اخبري الاول اما ان تتقدم لي او ننهي العلاقة ثم استخيري الله فان الخير هو مااختره الله

اقتباس:

المشاركة الأصلية كتبت بواسطة nanou12 أظن أن الأخت تريد أن تقول أنها رافضة للشاب الثاني الميسور ماديا بسبب حبها للشاب الاول البسيط ماديا و تريد رأينا بخصوص موقفها. من رأيي أنكي انتظرتي 4 سنوات و بقي كما تقولين 4 او 5 اشهر بإذن الله فقط و تعطيان علاقتكما الصيغة الرسمية…. لا تضيعي الشاب الذي تحبينه و يحبك من يدكي فالمال ليس كل شئ

لكن اختي لا يوجد ما يثبت ان هذا الشاب سيتقدم لها بعد 4 الى 5 اشهر وكما قال الاخ الثقة في الوثيقة فيجب عليه ان يتقدم الان ليتكلم عنها يكفي فقط خاتم و بعض الحلويات تحملها امه وتذهب وبعد 4 اشهر تكون الخطبة الرسمية هكذا حتى لا تندم بعد 4 اشهر في حالة ما اذا رفض التقدم لها وامكانية حدوث هذا كبيرة جدا
وقد اجمع اغلب الاعضاء على هذا الكلام يجب ان يتقدم الان واذا رفض اقبلي الاخر والله ولي التوفيق

لو كنتي تحيبينه حتى النخاع لما قمتي بطرح مثل هذه المواضيع?????????????????????????????????

يا اختي تبعي عقلك لان المشاعر تتبدل مع الظروف و المشاكل

ساقص لك قصة ….. هناك فتاة اعجبت بشاب فمشت وراءه و طلبت منه الزواج فقال لها صديقي الدي وراءك افضل مني مالا و جمالا و اخلاقا فالتفتت الى الوراء لتراه و هي تساله اين هو… فأجابها لو كنت فعلا محبة لي و معجبة بي لما التفت الى الوراء اطلاقا…. و تركها و دهب

نفس الشيء بالنسبة لمشكلتك

اللهم اني اعوذ بك من الفقر والمرض والجهل والخوف

السلام عليكم كثيرا ماتحدث معي هذي الحادثة
نكون في مكان عمومي يشوفني واحد يعجب بيا يبقى يلاحق فيا وين نروح بالنظرات لا بالكلام
ومنبعد يروح او حتى في العمل يلاحقوني يتبعو اخباري يشوفو ليا مي واحد مايتجرأ يطلب يدي
كيفاش تخمو نتوما لولاد علاش حتى يبداو يلاحقو وفجأة يبدلو رايهم نولي مانعجبهمش ولا كيفاه ؟
وشكرا

الناس اللي فاضيين يديرو هاد التصرفات
ماتعمريش راسك بهاد الأفكار
قولي ربي يرزقني الزوج الصالح و يسترني و يبعد عليا ولاد الحرام و توكلي على ربي

واحدة مزوج
اما انت شابة بزاف او يخافو يدناو يقولو هادي ما تقبلش بينا
اما انت ما تبانيش تاع زواج مي تاع حاجا اخرى
غير انت لي علابالك

هو ليس أهلا للزواج وربما أنه لا يحب الحلال ويريد الحرام لأنه طبع على قلبه
ادعيلهم بالهداية أختي وانت التزمي بحجابك ودينك وسيأتيك الخير يدق بابك
وفقك الله لكل خير ورزقك الزوج الصالح

الرجل الحقيقي الذي يستحق لقب الرجل … لا يتبع النساء . يوم يحين وقت الزواج يكلف عائلته او يتصرف بدون مشاكل وبكل شفافية .

هههههههههههههه نصارحك بحاجة هذي القطة كيما نقواو عندنا في عنابة "تقلها تخفاف" يعني نبينلك بلي عجبتيني بصح مبعد نجبد يولي يدخلك الشك واش صرا و مبعد نجي نهدر معاك و تقبلي بالعلاقة. هاذي على حساب وش نعرف.

معنتها فارغين شغل هادا ماكان

اختي ننصحك ماتعمريش راسك بهاد الشكيل و ادعي ربي يبعد عليك ولاد الحرام

تعرفي مرّة قعدت نمشي وراء زميلتي في العمل طريق كل لا تدور لا منة لا منة كي وصلتلها قتلها فهميني وش معناها

نقولك حاجة طنش تعش و المكتوب يجيك مش انت تروحيلو

ربما اعجاب او طبيعة في هذا الشخص يعني لتجي يحب يشوفها ويراقبها ….ولكن ماهي الفائدة اذا لم يكن هناك تواصل ثم خطوبة

كل شىء وارد اختي لا تهتمي.

ههههههه والله يا اختي راح يجيك مكتوبك في يوم ما وياتيك منزلك لا يلاحقك بنظراته اصبري وادعي الله سبحانه وتعالى

بارك الله فيكم يا إخوتي
لكن أود أن أطرا على الموضوع و ألوم بعضكم لرؤيتهم السلبية (معذرة منكم)
ربما هذا الشاب الذي إسترق النظر ، هو فعلا أعجب بجمالك أو سمع عن حسن أخلاقك
لكنه و للأسف مستواه المادي لا يسمح له بالتقرب منك و طلب يدك للزواج ، لأنه يخاف من الله عز و جل أن لا يستطيع أن يوفر لك العيش الهنيء الذي تتمناه كل فتاة .
و مع كل إحتراماتي للفتاة الجزائرية التي أصبح مهرها لا يطاق و كأن الشباب يتحصل على أجرة من ذهب.
أنا أفول لك يا أختاه ، لا تتعحلي أمرك لأن الله عز وجل إذا أراد شيئا فيقول له كن فيكون.

السلام عليكم ورحمة الله وبركاته
اخوتي ارتاح حين اضع موضوع لكي اشارككم اموري الشخصية

انا بصصد الذهاب مع الولدة ان شاء الله لكي تشوف شريكة حياتي المستقبلية
اريد مشورتكم كيف تتم الخطبة وماهي مدتها لكي لا تسماط فانا بلقليلة ندير عام خطبة منيش واجد
في فترة الخطوبة ماهي ضوابط التكلم الى الخطيبة
شكرا وبارك الله فيكم
اكثرو بالدعاء لي ولاخواني واخواتي

ربي يفرج على كل مومن

ربي يسهلك امورك اهم نصيحة حاول على قدر الامكان ما تطولش في الخطبة اذا قدرت اقل من عام راهي مليحة ليكم الاثنين
ربي يوفقك ويرزفك الزوجة الصالحة

وعليكم السلام ورحمة الله وبركاته
ربي يسهلك خويا مي مطولش ممكن يصراو مشاكل

وربي معاك

ربي يوفقك اخي

ربي يوفقك وادهنا معاك حتى انت

وعليكم السلام ورحمة الله وبركاته
ربي يسهلك خويا مي مطولش ممكن يصراو مشاكل

وربي معاك

ربي يرزقك الزوجة الصالحة اخي

اسأل عنها وعن اهلها قبل كل شيء حتى لاتندم على اي شيء وتجرحها ايضا ولا تنسى الاستخارة

ماعندي حتى فكرة اللي نقولو ربي يوفقك وسلام

الله يوفقك …. المهم انه تكون بنت اصل ماشي كيما رانا نشوفو في الشوارع ….. واذا حبيت تعرف الطفلة سقسي على امها لانه الطفلة دائما تدي الشبه لامها

لام عليكم اخي الكريم ربي يوفقك في الاختيار ويسهلك ان شاء الله بعد الاستخارة والاستشارة المهم الخطبة حسب ظروفك لكن حسب رايي الشخصي متتحدثش معها الا بعد العقد باش تبداها حلال وربي يباركلم وتنقص المشاكل وربي يسهلك

الله يجيب الخير بالتوفيق

Rabi ywafkek w ysahelek nchallah

كل شئ مبروك ويا ربي يكمل ليك بالخير نصحك تقلل من لكلام في تليفون

ربي معااااااك خو

ربي يسجيلك ويبارك

ويفرج عليكم وعليناااوعلى كل مسلم (ة)

السلام عليكم ورحمة الله
ليست مشكلة ولكن أمر في شخصيتي فأحببت أن تصوبوني إن كنت أخطأت
مشكلتي أو بالأحرى شخصيتي إذا حدث سوء فهم بيني وبين أخت فلا أستطيع المواجهة ومصارحتها بما أزعجني فيها إلا في حالات، بل أنظر في الأمر فإذا كانت ممن أحب كثيرا ولنا نفس العقلية وتفاهم في الآراء وأيضا أحس وكأنها توأمي أصارحها بذلك ونتناقش بشكل عادي ، ولكن إن كنت أرى غير ذلك فلا ، لا أكنّ لها حقدا أو غير ذلك بل هي أخت في الإسلام وعلي واجبات هذه الأخوة من نصرة وذب وغيره
ولكن :لا أستطيع أن أحكي لها عن نفسي وأحس أ الأمر لم يعد كالأول
المهم إحدى أخواتي اللآتي أحبهن كثيرا قالت لي أنّ هذا نوع من عزّة النفس ، وأنا أكررررررررررررررررررررررررره هذا المصطلح كثيرا لأني أحسه : تغنانت وتخشان راس ولا أحبذ دلك
ولكن نظرتي للأمر ليس معني أنكِ أختي في الله فيلزمني أن أحكي لك كل شيء عني … فهذا مردّه للراحة النفسية مع الشخص الآخر ومدى حبك له
المهم : ما رأيكم في الأمر ؟
وهل أنا أعطيه أكبر من حجمه لأنه مرات أحس ربما أني أظلم إحداهن بهذا ؟؟؟؟؟

بارك الله فيكم

ربي يسهلك اموورك اختي

آسفة .. لكني لم أفهم!

غير بالعقل المهم ما تظلم حتى واحد

اختي كان الله في عونككل واحد وعقليتوو لازم نتقبلو لنحبوهم بطبيعتهم وربي معاك

ما فهمت والو

2016-09-12, 23:57
مشكل قديم،،

انتم تخلطون الامور
الاخوة ان تكونا صادقتين مع بعضكما لا كذب لا نفاق لا تامر لا خداع لا مجاملة في الباطل النصيحة الصدقة من القلب
اما الامور الشخصية لكما الحق في البوح بها او كتمانها و ا من حق كل شخص ان يكون له سر بينه و بين الله

للاسف موضوع غير مفهوم

موضوووووع قديم

بالتوفيق للجميع

ربي يسهلك اموورك اختي

و الله لم افهم اين المشكل

السلام عليكم ورحمة الله وبركاته
انا اليوم اددت ان اعرض عليكم مشكلتي وهي اني اعمل بعقد ما قبل التشغيل في مؤسسة عمومية ولقد كان الفضل في توظيفي الى عمي الدي كان يعمل هناك ولكن بعد فترة وصل عمي سن التقاعد فخرج وقبل دلك دار شجار بينه وبين الرئيس على شيء لم يكن لديه الحق في دلك وانا كما تتصورون بقيت هناك اكملت عملي كالعادة رغم تغير نظرتهم تجاهي ورغم عدم تحمل الرئيس رؤيتي هناك والان اكملت عامين من العمل ويبدو انني ساستفيد من سنتين تجديدا للعقد علما ان رئيسي قد وظف قريبته وقال لها عندما تخرج هي يعني انا في سبتمبر ستاخدين مكانها ولقد تعجب كثيرا لما علم انني لن اخرج والكارثة هي انه مؤخرا حدث خلل في العمل وعمي يرفض الرجوع ليريهم كيف لانه هو من يعرف العمل جيدا وهدا ما زاد الطين بلة انا اشعر بالاختناق هناك لقد مررت امام الرئيش قلت له صباح الخير و لم يرد علي وكانوا هناك وشاهدوا انا حقا في حيرة

نورمال كملي خدمتك عادي

مشكلتنا نحن الجزائريين ان كل شيء في بلدنا بالمعريفة والمحسوبية هذه من جهة .

اما فيما يخص مشكلتك فأكملي عملك عادي وماتقيميش هذا الرئيس لاصباح اللليل لاصباح الخير وريلو العين الحمرة .

بأذن الله راح يعاود حساباته .

عادي واش راهو يصرالك انتي دخلتي معريفة بدون نزاهة و ديتي حق واحد الله اعلم و الان جات واحدة تديلك بلاصتك ليك نتيا كما تدين تدان هذي هي اسمحيلي ولا جرحتك بصح انا هكذا نشوف الامور نكره المعريفة و الناس لي يستغلوها للحصول على تسهيلات في الحياة في حين انو كاين ناس يعانون سنين و سنين و لا يحصلون على شيء لانهم ما عندهمش لكتاف بصح الحمد لله لان الله مع الصابرين

المحسوبية و المعريفة
و اسفاه الناس راهي عادتها حاجة ساهلةى راهي افة اجتماعية ان لم اقل انها حق الناس

اجابة الشيخ في موقع اسلام ويب على حكم المحسوبية

الإجابــة

رابط الفتوى
https://fatwa.islamweb.net/fatwa/inde…twaId&Id=97073

الرزق من عند ربي لا من عند عمه او رئيسك ………….. والله المستعان

قومي بعملك على اكمل وجه و اترك الامر على الله فهو مسير الامور

اقتباس:

المشاركة الأصلية كتبت بواسطة lilaloulou عادي واش راهو يصرالك انتي دخلتي معريفة بدون نزاهة و ديتي حق واحد الله اعلم و الان جات واحدة تديلك بلاصتك ليك نتيا كما تدين تدان هذي هي اسمحيلي ولا جرحتك بصح انا هكذا نشوف الامور نكره المعريفة و الناس لي يستغلوها للحصول على تسهيلات في الحياة في حين انو كاين ناس يعانون سنين و سنين و لا يحصلون على شيء لانهم ما عندهمش لكتاف بصح الحمد لله لان الله مع الصابرين

كلي انتي جامي ديتي ولا درتي حاجة بالمعريفة هههههه
قولي الصح كون جيتي في بلاصتها بلاخدمة و قالك عمك ندخلك رايحة تقوليلو لا لا انا ماندخلش بالمعريفة هههههههه
اذا ماتخلتش هي رايح يدخل واحد خلاف بالمعريفة . بلادنا كيما هك
بص لازم نوكنو في المستوى
حتى عند القور عندهم المعريفة بصح لازم يكونو في المستوى مش كيما هنا

ا

ماتحطي والو في راسك وكملي خدمتك نورمال

قومي بعملك و اترك الامر للله فهو مسير الامور

اقتباس:

المشاركة الأصلية كتبت بواسطة some1 كلي انتي جامي ديتي ولا درتي حاجة بالمعريفة هههههه قولي الصح كون جيتي في بلاصتها بلاخدمة و قالك عمك ندخلك رايحة تقوليلو لا لا انا ماندخلش بالمعريفة هههههههه اذا ماتخلتش هي رايح يدخل واحد خلاف بالمعريفة . بلادنا كيما هك بص لازم نوكنو في المستوى حتى عند القور عندهم المعريفة بصح لازم يكونو في المستوى مش كيما هنا

ايه جامي درتها و مانديرهاش و الحمد لله كل مرا نلقى بعرق جبيني وما ديت بلاصت حتى واحد حوست و صبت وا هكذا ما نسنى افضال أي واحد شوف اخي الا انت تقبل تديرها و تدي منصب ماشي من حقك ربما كان شخص اخر احوج اليه منك هذاك الشيء شغلك لكن هذا ما يعنيش قاع ناس كيما انت ياك نتوما تحبو تشجعوا لعوج علابيها لبلاد راحت فيها على جال امثالك

متعمريش راسك اخدمي خدمتك وخليك منو متخليهش يرخسك او يهبط من قيمتك