سلام بنات
قولولي كيفاش ندير باه نتخلص من المرارة تاع الزيتون
انا نغليه 3 مرات ويبقى مر ومالح
عاونوني
سلام عليكم اختي انا نغليه مرة واحدة وندير مغرف صغيرة سكر بصح نغليه مدة شوي يغلي
السلام عليكم
اختي حطيه في الماء بلا ما تغليه وكرري العملية عدة مرات او بيتيه في الماء وعاوديلو الصباح كل مرة ارمي وعاودي ماء جديد وطبعا اشري نوعية جيدة ما يكونش مذبال ومعجوز هههههههه وانشاء الله يجيك لذيذ
أختي أنا ما نغليهش باش ما يفقدش فوائده , نحطو في ماء عادي و ندير الاناء في الثلاجة ليلة كاملة و الصباح نحيه من الثلاجة و نصفيه و نلقاه رووووعة
يا أختي أنا معنديش كامل مشكلة مرارة الزيتون. رايحة تعطيك طريقة جربيها ورجعيلي الخبر
رفدي الزيتون غسليه مليح بالماء البارد 2 أو 3 مرات. عاود ضعيه في قدر و زيدي فوقه الماء و خليه يغلي حوالي ربع ساعة. وعاود صفيه و غسليه بالماء البارد. عاود ضعي الماء البارد في القدر و حطي الزيتون وهدا المرة زيديلو شوية فرينة (2 أو 3معالق كبار) و شوية خل ( حوالي 1/2 فنجان) و خليه يغلي حوالي ريع ساعة أو 20د على نار هادئة حتى ما يفيضش. و عاود نحيه و صفيه و غسليه بالماء البارد. و كرري العملية للمرة التالتة. ووداعا للمرارة .جربيه و رجعيلي الخبر
السلام عليكم أنا أندر زيتون في كسرنا دريل الخال لم اطيب شليه ترهل لمررية
انا كي نعول نطيب الزيتون نبيتو ليلة كاملة في الماء وغدوة نصفيه ونغسلو نلقا المرارة كاااامل راحت ونطيبو على طول جربيها راهي مضمونة
شكرا ليكم البنات
ان شاء الله نرجب واش قلتولي وندعيلكم
اسهل طريقة غليه مليح مرة وحدة مع مغرف كبيرة نتاع سكر مجربة انا ديما نديرها ومبعد صفيه مليح وديره في مرق.
أما أنا فنغليه ثلاث مرات مرتين في ماء وحدو و كل مرة نصفي ونعاود والمرة الثالثة نحط مع الماء مغرف ماكلة سكر ومغرف خل يروح الملح والمرارة
وأمامك عدة طرق جربي كل مرة واحدة وشوفي
احسن طريقة هي ان تخلي الزيتون يبات في الماء ليلة كاملة و في الغد تلقايه جاهز للطبخ و بهذا لا يفقد فوائده احسن من ان يغلى
انا نبيتو فالماء ومغرف سكر والى كنت رايحة نديرو في نفس اليوم نغليه مرة الاولى نديرلو شوية خل والمرة التانية مغرف كبيرة سكر
السلام عليكم نصيحتي إليك أختي ما تغلي الزيتون ما والو اغسليه بالماء البارد ثم صفيه و عوادي دريلو الماء و قطعة خبز أكيد ديرها في قماش باش متتفتتش في الماء و خليه يبات ليلة كاملة
الجيجلية تقولك احنا في جيجل نبيتو في الما وصباح تلقاي تنحث المرورة وغليه غلية وحدة ومعلومة لما طيبيه وتقربي تطفئ زيديلو شوية موطارد هدي طريقة الزيتون الجيجلي في الاعراس
