جلست لأتناول الغداء مع مجموعة من زملائي وهم من مختلف أنحاء الوطن
وبينما نحن نأكل قال لي أحدهم (وهو من الشرق) من فضلك ناولني "عضمة"
فأستغربت من طلبه وقلت له …أنا لم أنتهي بعد من أكل نصيبي من اللحم !!
فقال لي لااااااااا اريد عضمة عضمة وأشار الى البيض
فأدركت منذ ذلك اليوم أنهم يقولون للبيض عضام
كل واحد ولهجتو حنا نقولو البيض
كيما قاتلك الاخت راهي تختلف اللهجات و نا من الشرق من ضغري و نسمع كلة عضام او عضمة والفناها و لوكان نقولو بيض تجيلنا غريبة
يمكن نحن اي منطقتنا قريبة جدا من الشقيقة تونس و نستعمل اغلب الفاظها كيما عضم مثلا
اول مرة نسمع انو البيضة هي عضمة !!!
عجيب جدا ونا تاني اول مرا نسمع بيها
ايه نقولو عضمة و ان ثاني تساءلت علاه و يبقى السؤال مطروح
لأنو جاتنا غريبا نورمالو لفضها بيضة وكل واحد ولهجتو خاصة
7na fé Jijeeeel kénkoulou aussi 3adma ^__________^
انا مرة عمي من عنابة وحدد النهار قالتلي روحي اشريلي عضمة انا استغربت و رحت سقسيت ماما واش هي العضمة هههههههههههه ضحكت عليا و قالتلي البيضة من هداك النهار رجعت نعرف انو يقولولها عضمة…
شكرا على الموضوع
انا ما تبانليش غريبة على خاطر حنا تاني نقولوها
صح تقولولها عضمة
نقولو عضمة في جيجل وحد المرة فالجامعة سقسات طفلة من ولاية اخرى وحدة جيجلية قالتلها واش عطاوكم فالريستو قالتلها عضام قالتلها ملا مانيش داخلا هدو يحسبو فينا كلاب ولا مهابل هههه وشوية شوية لخرى فهمت وفهمتها يعني كل منطقة بلهجتها
ايا نعطيكم كلمات اخرين ونشوفوا شكون يفهمهم " الجواجلة ما يعيدوش "
* الطو
*واللي يفهم هادي نستعرف بيه : البري برات والبطي بطات
*مريط
شكون يجيبهم نزيدلو نقطة فالتقويم ههههههههه
c’est vrai !!!!!!!!! kal wa7ad w lahja ta3o .
ههههه فعلا ناس الشرق يقولو عظمة مي مافهمتش حبة بيض كيفاه تقولوها حبة عضم ولا عظمة ولا نحير فتعدد اللهجات وعلاه فرايكم سبب الاختلاف لعى العلموم حنا نولو بيض فشلف
نقولو عضمة احنا في الشرق وممكن لأنها تشبه للعضم من الخارج
